- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA. რეგულარული ჩემპიონატი: "ოკლაჰომა" "მგლებმა" გააჩერეს
<p>ფლორიდაში ორი დამარცხების შემდეგ, "მინესოტა" შინ დაბრუნდა და შეწყვიტა "ოკლაჰომას" 12-მატჩიანი მოგებათა სერია <br> ფლორიდაში ორი დამარცხების შემდეგ, "მინესოტა" შინ დაბრუნდა და შეწყვიტა "ოკლაჰომას" 12-მატჩიანი მოგებათა სერია.</p><p>"მგლებმა" პირველივე წუთებიდან გამოამჟღავნეს სერიოზული განწყობა. რამდენიც არ ეცადა უესტბრუკი და კომპანია მისთვის სასურველ ტემპში წაეყვანა შეხვედრა, არაფერი გამოუვიდა.</p><p>რიკ ადელმანის გუნდმა ძალიან სტაბილურად ჩაატარა მთელი შეხვედრა და მხოლოდ ცალკეულ მომენტებში უტოვებდა მეტოქეს მოგებათა სერიის გაგრძელების იმედს.</p><p>თუმცა იყო მატჩში მომენტი, როცა "თანდერმა" მართლაც მიიღო მოგების შანსი. შარშანდელი ფინალისტი მეოთხე მეოთხედში სამი ქულით მიუახლოვდა მეტოქეს, მაგრამ სწორედ აქ გამოჩნდა მატჩის ნამდვილი გმირი.</p><p>რომ არა ხუან ხოსე ბარეა, სტუმრები შეძლებდნენ საბოლოოდ თამაშში გარდატეხის შეტანას. ბარეამ მარტომ შეძლო 8:0 გაქცევის ორგანიზება, შემდეგ კი საფინალო სირენამდე ხუთი წუთით ადრე სამქულიანიც ჩააგდო და 11-ქულიანი უპირატესობა დააფიქსირა.</p><p>პუერტორიკოელმა ბოლო 12-წუთეულში 12 ქულა მიითვალა.</p><p>გარდა ამისა, 21 დეკემბერს, როგორც იქნა, წაუვიდა თამაში ლავს, ისევ გააკეთა სეზონის ხუთ საუკეთესო ახალბედას შორის მოხვედრის განაცხადი შვედმა, რომელმაც 12 შედეგიანი პასი მიითვალა. თუმცა ჯერჯერობით არ არის ფორმაში რიკი რუბიო, რომელმაც ზედიზედ მეორე მატჩი ჩააგდო, თუმცა ამას საბოლოო შედეგზე არ უმოქმედია.</p><p><span style="color: #ff0000;"><strong>* * *</strong></span></p><p>დღის ცენტრალური მატჩი იყო 2010-11 წლების სეზონის ფინალის გამეორება, მაგრამ შეხვედრამ ბრძოლის გარეშე ჩაიარა, რადგან "მაიამის" აბსოლუტური უპირატესობა ჰქონდა.</p><p>"დალასს" პირველივე მეოთხედიდან გაუჭირდა მეტოქის დაბალანსებული თამაშის წინააღმდეგ - "ჰიტი" კარგი იყო როგორც დაცვაში, ასევე შეტევაში. მით უმეტეს, რომ დირკ ნოვიცკის არყოფნაში ""დალასის" დროებითმა ლიდერმა ო ჯეი მაიომ სეზონში ერთ-ერთი უარესი შეხვედრა ჩაატარა.</p><p>"მაიამიმ" მატჩში 18 შეცდომა დაუშვა, მისმა მეტოქემ მხოლოდ 9, მაგრამ ამან ვერაფრით უშველა კარლაილის გუნდს, რომელმაც თამაშიდან ტყორცნების მხოლოდ 33 პროცენტი გამოიყენა.</p><p>"ჰიტი" უკვე მეორე მატჩია შესანიშნავად თამაშობს პერიმეტრზე დაცვაში და თან ფარქვეშ ბრძოლაში აჯობა ტექსასელებს.</p><p>როცა მესამე მეოთხედში სტუმრების უპირატესობა 30 ქულამდე ავიდა, მატჩში უკვე ყველაფერი გარკვეული იყო, მით უმეტეს, რომ "დალასის" შემადგენობაში ჯერ არ ჩანს ისეთი კალათბურთელი, რომელიც მარტო შეძლებს ამხელა ჩამორჩენის გაბათილებას.</p><p>"მავერიქსში" მოუთმენლად ელიან ნოვიცკის დაბრუნებას, რომელმაც "კოვბოების" რიგები დეკემბრის ბოლოს უნდა შეავსოს, "მაიამიმ" კი, როგორც ჩანს, სერიოზული ყურადღება მიაქცია დაცვას.</p><p>უკვე ზედიზედ მეექვსე შეხვედრაა, ფლორიდელები არ უშვებენ 100 ქულაზე მეტს.</p><p><span style="color: #ff0000;"><strong>* * *</strong></span></p><p>"პორტლენდმა" ყველაფერი გააკეთა იმისთვის, რომ კალათბურთის მოყვარულებს მალე დაევიწყებინათ მისი ანტირეკორდი. ერთი კვირის წინ, "ბლეიზერსმა" 20 სამქულიანი ააცილა, ამჯერად კი "დენვერმა" განსაკუთრებით "მოინდომა" და 22 შორეული ტყორცნა გააფუჭა.</p><p>თანაც ვერ ვიტყვით, რომ პორტლენდელები რაიმე განსაკუთრებულ დაცვას თამაშობდნენ, უბრალოდ, მეტოქეს არ მისდიოდა ტყორცნა (ამის დამამტკიცებელია ანდრე მილერის გასროლა, რომლისთვისაც ერთი წამი დრო ჰქონდა მოსამზადებლად და ყოველგვარი წინააღმდეგობის გარეშე ისროლა, მაგრამ არაზუსტად).</p><p>სამაგიეროდ, "დენვერს" ყველაფერი წესრიგში ჰქონდა სამწამიანში - ჯამური 93 ქულიდან 74 სწორედ ამ ზონიდან დააგროვა და ამით გაქცევის საშუალება არ მისცა მეტოქეს. მაგრამ მხოლოდ ფარქვეშ კარგი თამაშით რთულია ებრძოლო მეტოქეს, რომელსაც კარგად ჰქონდა დაყენებული შორეული ტყორცნა. "პორტლენდმა" 14 სამქულიანი ჩააგდო, აქედან ხუთი ბოლო მეოთხედში.</p><p>სწორედ დასკვნით 12-წუთეულში ბატუმმა და კომპანიამ შეძლეს თამაშში გარდატეხის შეტანა. ორივე გუნდმა თამაშიდან 39-ზე ნაკლები პროცენტით ისროლეს.</p><p>"პორტლენდმა" მოიგო ზედიზედ მეოთხე მატჩი და ეს ლამარკუს ოლდრიჯის ტრავმისა და დამიენ ლილარდის ცუდი თამაშის მიუხედავად.</p><p>ცალკე უნდა აღვნიშნოთ ჯეი ჯეი ჰიქსონის გამოსვლა, რომელიც ბოლო მატჩებში ძალიან კარგად გამოიყურება ფარქვეშ ბრძოლაში. მან თავის ანგარიშზე ზედიზედ მეექვსე ორმაგი დუბლი ჩაიწერა.</p><p><span style="color: #ff0000;"><strong>NBA. რეგულარული ჩემპიონატი</strong></span></p><p><strong><em>მინესოტა-ოკლაჰომა 99:93</em></p><p></strong>30:18, 23:26, 23:25, 23:24</p><p>მ: ლავი (28+11 მოხსნა+7 პასი), პეკოვიჩი (24+10 მოხსნა), ბარეა (18), შვედი (12+7 მოხსნა+12 პასი).</p><p>ო: დურანტი (33+7 მოხსნა+6 პასი+3 ჩაჭრა), უესტბრუკი (30+11 მოხსნა+9 პასი+3 ჩაჭრა), იბაკა (14+9 მოხსნა+5 დაფარება).</p><p><strong><em>დალასი-მაიამი 95:110</em></p><p></strong>20:31, 22:27, 19:33, 34:19</p><p>დ: კრაუდერი (15), ჯეიმსი (12+9 მოხსნა), ჯონსი (12), კოლისონი (11+5 პასი), მერიონი (10+9 მოხსნა), კარტერი (10).</p><p>მ: ჯეიმსი (24+9 მოხსნა+5 პასი), უეიდი (19+5 მოხსნა+6 პასი), ბოში (17+7 მოხსნა+3 ჩაჭრა), ბატიე (13).</p><p><strong><em>პორტლენდი-დენვერი 101:93</em></p><p></strong>25:14, 25:26, 19:21, 32:32</p><p>პ: ბატუმი (22+6 მოხსნა), მეტიუზი (20), ჰიქსონი (18+18 მოხსნა+3 დაფარება), ბებიტი (14+8 მოხსნა), ლილარდი (12+10 პასი).</p><p>დ: ბრიუერი (13+9 მოხსნა), ლოუსონი (13+8 პასი), იგუოდალა (13+5 მოხსნა), მილერი (12+9 მოხსნა+7 პასი).</p><p><strong>ყოველდღიური სპორტული გაზეთი "ლელო"</strong></p>
"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის