<p>შობის დღესასწაულის შემდეგ გამართულ მატჩებში მსაჯობით ყველა უკმაყოფილოა</p><p><br> <strong><span style="color: #ff0000;">სიმამაცე ბრძოლაში</span></p><p></strong>"მანჩესტერ იუნაიტედის" განუმეორებელ ხასიათზე წერა ხშირად გვიწევს, მაგრამ ფაქტი ფაქტად რჩება - გამარჯვებისკენ სწრაფვა "წითელ ეშმაკებს" სხვებზე აღმატებულად აქვთ სისხლში.</p><p>ამას წლევანდელი სტატისტიკაც მოწმობს. პრემიერლიგის 19 ტურში "იუნაიტედი" 14-ჯერ აგებდა მატჩს. აქედან 9 მოიგო, 2-ჯერ კი ფრედ დაასრულა.</p><p>სულაც არ გვიკვირს, რომ <strong>ალექს ფერგიუსონის</strong> გუნდს ჩემპიონატში საუკეთესო თავდასხმა ჰყავს. <strong>რობინ ვან პერსისა</strong> და კომპანიის საშუალო შედეგიანობა 2.5-ს აღემატება.</p><p><p><div id="1780" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2012/12-27/manchester-united-4-3-newcastle-utdqtp.jpg" border="0" alt="Sportall.Ge" title="ინგლისი. პრემიერლიგა. XIX ტურის შეჯამება და სიმბოლური ნაკრები" /></p><p><span style="padding: 2px; display: block;">მანჩესტერ იუნაიტედი - ნიუკასლი 4:3</span></div></p></p><p>"ნიუკასლთან" შეხვედრის დასრულების შემდეგ დიადმა შოტლანდიელმა თავისი გუნდის გამოსვლა შეაჯამა:</p><p><em>"დღეს კიდევ ერთხელ ვნახეთ, რამდენად გამბედავია ჩემი გუნდი. ეს ფანტასტიკურია. ფეხბურთელებს, უბრალოდ, არ უნდოდათ დანებება.</p><p>პირველი ტაიმის წაგების შემდეგ თამაში მთლიანად შემოვატრიალეთ.</p><p>"ნიუკასლის" მეორე გოლი მსაჯმა იმიტომ ჩათვალა, რომ ავტოგოლი იყო, მაგრამ პაპის სისე ამ მომენტში მაინც იყო თამაშში ჩართული. რამდენიმე წამით ადრე მან ჯონი ევანსს ხელზე დაქაჩა. ასე რომ, მასზე პასიური თამაშგარე არ უნდა დაფიქსირებულიყო.</p><p>მთავარმა</em><em> არბიტრმა თუ ვერ დაინახა, ლაინსმენს უნდა მიექცია ყურადღება. ვფიქრობ, მაიკ დინის მიერ მომენტის ერთპიროვნულად განსჯა ცუდი გადაწყვეტილება იყო".</em></p><p><strong><span style="color: #ff0000;">იტალიელი დამნაშავეს ეძებს</span></p><p>რობერტო მანჩინისა</strong> და "სიტის" ბოსებს შორის ურთიერთობათა გაუარესებაზე ჭორები არაერთხელ გვსმენია. განსაკუთრებით გააქტიურდა ეს ხმები მას მერე, რაც იტალიელმა ზედიზედ მეორედ ვერ მოახერხა უმაღლესი კლასის ფეხბურთელებით დაკომპლექტებული გუნდის ჩემპიონთა ლიგის პლეი ოფში გაყვანა.</p><p>შარშან "ქალაქელები" ევროპის ლიგაზე მაინც გადაერთვნენ, წელს კი ბოლო ადგილზე გავიდნენ, თანაც ისე, რომ 6-დან ვერც ერთი შეხვედრა ვერ მოიგეს.</p><p>რამდენად იმოქმედებს ევროპული წარუმატებლობები <strong>მანჩინის</strong> მანჩესტერულ მომავალზე, ამას მომავალი გვიჩვენებს.</p><p>ყველაზე დამთრგუნველი, რაც სანდერლენდის "სტედიუმ ოფ ლაითსზე" მოხდა, იყო ის, რომ "სიტის" მისმა ყოფილმა ფეხბურთელმა <strong>ადამ ჯონსონმა</strong> გაუტანა. ინგლისის ნაკრების წევრი კი "ეტიჰადზე" <strong>მანჩინის</strong> წყალობით ღრმა რეზერვისტად იყო ქცეული.</p><p><p><div id="1782" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2012/12-27/sanderlendi-siti-1-0qtp.jpg" border="0" alt="Sportall.Ge" title="ინგლისი. პრემიერლიგა. XIX ტურის შეჯამება და სიმბოლური ნაკრები" /></p><p><span style="padding: 2px; display: block;">სანდერლენდი - მანჩესტერ სიტი 1:0</span></div></p></p><p>მატჩის დასრულების შემდეგ "ქალაქელთა" მთავარი მწვრთნელი წაგებაში დამნაშავეს, ტრადიციულად, სხვაში ეძებდა. მაგალითად, რითია ცუდი, თუკი ყველაფერი არბიტრ <strong>კევინ ფრენდს</strong> დაბრალდება?</p><p><em>"ჰკითხეთ მთავარ მსაჯს, იქნება პედრო საბალეტასთვის წითელი ბარათი უნდა ეჩვენებინა და დაავიწყდა?! ჰკითხეთ, რატომ ვერ დაინახა მან წესის დარღვევა იქამდე, ვიდრე ადამ ჯონსონი ბურთს მიიღებდა და გაგვიტანდა?!</p><p>უცნაურია, რომ მსაჯებმა ეს ეპიზოდი უყურადღებოდ დატოვეს. ვფიქრობ, რომ შობის დღესასწაულის შემდეგ ისინი ჯერაც ვერ მოსულან გონებაზე.</p><p>არ ვიცი, ვერ წარმომიდგენია, როგორ უნდა წააგო ასეთი თამაში. თავიდან კარგად გამოვიყურებოდით, მერე გავუშვით და გათანაბრება ვეღარ მოვახერხეთ.</p><p>ჩემს თავდამსხმელებს ბევრი შრომა მოუწევთ, რათა ფორმაში ჩადგნენ.</p><p>ამ ეტაპზე ჯერ კიდევ არ აქვს მნიშვნელობა, რამდენი ქულაა განსხვავება ჩვენსა და "იუნაიტედს" შორის, ხუთი, ექვსი თუ შვიდი. მეტოქე ბევრს გოლს უშვებს, სეზონი კი გრძელია და სხვაობის გაბათილება შეგვიძლია",</em> - განაცხადა მანჩინიმ.</p><p><strong><span style="color: #ff0000;">ტურის მწვრთნელი</span></p><p></strong>"სტოკ სიტის" თავკაცი <strong>ტონი პულისი</strong> მატჩის შემდეგ გახარებული იყო. უელსელი ყველაზე მეტად იმით ამაყობდა, რომ მისმა გუნდმა ყველა დავალება პირნათლად შეასრულა.</p><p>აქამდე "მეთიხეებს" შეკრულ, უხეშობამდე მისულ ხისტ გუნდად იცნობდნენ. "ლივერპულთან" ისინი მოედანზე თითქოს ნიღაბჩამოხსნილები გამოვიდნენ.</p><p>ჩვენ სულ სხვა "სტოკი" ვიხილეთ. მას შემდეგ, რაც "წითლებს" თამაში არ წაუვიდათ, მეტოქეების პროვოკაციაზე წამოკიდებაც სცადეს. მაგალითად, <strong>ჯონჯო შელვი</strong> <strong>რობერტ ჰუთს</strong> "გაეჭიმა", მაგრამ მასპინძლებმა ეს გამოცდაც ჩააბარეს და ალალად დაიმსახურეს კარგი ბიჭების სახელი.</p><p><em>"სეზონის განმავლობაში არაერთი მატჩი იყო, რომელშიც უფრო მეტი მომენტი შევქმენით, მაგრამ მაინც 0:0 დავასრულეთ. "ლივერპულს" დიდ პატივს ვცემთ და მასზე გამარჯვება კიდევ უფრო მეტ ღირსებას გვმატებს",</em> - განაცხადა <strong>ტონი პულისმა</strong>.</p><p><strong><span style="color: #ff0000;">ტურის გმირი</span></p><p></strong>ცხადია, როცა ფეხბურთელს ერთ შეხვედრაში სამი გოლი გააქვს და მისი გუნდიც დამაჯერებლად იგებს ამ მატჩს, ჰეთ თრიკის ავტორი უფლებას აღარ გიტოვებს, რომ ტურის საუკეთესო მოთამაშეზე დიდხანს იფიქრო.</p><p>შეიძლება ვინმემ თქვას, რომ მორალურად განადგურებულ "ასტონ ვილასთან" მოგება არ არის ყველაზე რთული საქმე, მაგრამ... 23 წლის უელსელი ნახევარმცველის, <strong>გარეთ ბეილის</strong> ღვაწლს ნამდვილად სჭირდება დაფასება.</p><p><img src="/media/images/new_photo/UCXOURI/2012/SOCCER/DEC17-31/MMM/0000 19 symbol england.jpg" border="0" alt="Sportall.Ge" title="ინგლისი. პრემიერლიგა. XIX ტურის შეჯამება და სიმბოლური ნაკრები" width="570" /></p><p><span style="color: #ff0000;"><strong>სატურნირო ცხრილი</strong></span></p><p><img src="/media/images/new_photo/UCXOURI/2012/SOCCER/DEC17-31/inglisis-cxrili-346373734.jpg" border="0" alt="Sportall.Ge" title="ინგლისი. პრემიერლიგა. XIX ტურის შეჯამება და სიმბოლური ნაკრები" width="380" /></p><p><strong><span style="color: #ff0000;">ბომბარდირები</span></p><p></strong>13 - მიგელ მიჩუ (სუონსი), რობინ ვან პერსი (მანჩესტერ იუნაიტედი)</p><p>11 - დემბა ბა (ნიუკასლი), ლუის სუარესი (ლივერპული)</p><p>10 - ჯერმეინ დეფო (ტოტენჰემი)</p><p>9 - გარეთ ბეილი (ტოტენჰემი)</p><p>8 - მარუან ფელაინი (ევერტონი), სტივენ ფლეტჩერი (სანდერლენდი)</p><p>7 - კარლოს ტევესი (მანჩესტერ სიტი), სანტი კასორლა (არსენალი), ფერნანდო ტორესი (ჩელსი) უეინ რუნი (მანჩესტერ იუნაიტედი), ხუან მატა (ჩელსი), რიკი ლამბერტი (საუთჰემპტონი)</p><p><strong><span style="color: #ff0000;">ასისტენტები</span></p><p></strong>7- უეინ რუნი (მანჩესტერ იუნაიტედი), ხუან მატა (ჩელსი)</p><p>6 - ედენ აზარი (ჩელსი), რობინ ვან პერსი (მანჩესტერ იუნაიტედი)</p><p>5 - ბრაიან რუისი (ფულჰემი), ადამ ლალანა (საუთჰემპტონი), დემიენ დაფი (ფულჰემი), კარლოს ტევესი (მანჩესტერ სიტი), ლუკას პოდოლსკი (არსენალი), სტივენ ჯერარდი (ლივერპული)</p><p><strong><span style="color: #ff0000;">გოლი+პასი</span></p><p></strong>19 - რობინ ვან პერსი (მანჩესტერ იუნაიტედი) - 13+6</p><p>14 - უეინ რუნი (მანჩესტერ იუნაიტედი) 7+7, მიგელ მიჩუ (სუონსი) - 13+1, ხუან მატა (ჩელსი) - 7+7</p><p>13 - ლუის სუარესი (ლივერპული) - 11+2</p><p>12 - კარლოს ტევესი (მანჩესტერ სიტი) - 7+5, დემბა ბა (ნიუკასლი) - 11+1, ჯერმეინ დეფო (ტოტენჰემი) 10+2</p><p>11 - მარუან ფელაინი (ევერტონი) - 8+3, სანტი კასორლა (არსენალი) 7+4, გარეთ ბეილი (ტოტენჰემი) 9+2</p><p>10 - ლუკას პოდოლსკი (არსენალი) 5+5, ედენ აზარი (ჩელსი) 4+6</p><p><strong><span style="color: #ff0000;">გაფრთხილებები</span></p><p></strong>7 - კრეიგ გარდნერი (სანდერლენდი), ანხელ რანხელი (სუონსი), დინ უაიტჰედი (სტოკ სიტი), ლუის სუარესი (ლივერპული)</p><p>6 - მარკ ნოუბლი (ვესტ ჰემი), პოლ სქოულზი (მანჩესტერ იუნაიტედი), ჯეიმს პერჩი (ნიუკასლი)</p><p><strong><span style="color: #ff0000;">სეზონის 5 საუკეთესო ფეხბურთელი EA SPORTS-ის მიხედვით</span></p><p></strong>1. რობინ ვან პერსი (მანჩესტერ იუნაიტედი)</p><p>2. იაია ტურე (მანჩესტერ სიტი)</p><p>3. კარლოს ტევესი (მანჩესტერ სიტი)</p><p>4. სანტი კასორლა (არსენალი)</p><p>5. ლეიტონ ბეინსი (ევერტონი)</p><p><strong><span style="color: #ff0000;">ზოგადი სტატისტიკა დღეისთვის</span></p><p></strong>188 მატჩი</p><p>131 მოგება</p><p>57 ფრე</p><p>95 მშრალად შენახული კარები</p><p>17 უგოლო მატჩი</p><p>526 გოლი</p><p>5 ჰეთ თრიკი</p><p>31 პენალტი</p><p>16 ჯარიმა</p><p>105 თავით</p><p>374 ფეხით (+სხვა)</p><p>2.80 საშუალო შედეგიანობა</p><p>23 ავტოგოლი</p><p>468 ფეხბურთელი</p><p>26.0 საშუალო ასაკი</p><p>303 ლეგიონერი</p><p>71 ეროვნების მოთამაშე</p><p>578 ყვითელი ბარათი</p><p>25 წითელი ბარათი</p><p>8 გაძევება ორი ყვითლით</p><p>17 გაძევება წითელი ბარათით</p><p><strong><span style="color: #ff0000;">მომდევნო ტური</span></p><p></strong><span style="text-decoration: underline;">29 დეკემბერი</span></p><p>სანდერლენდი-ტოტენჰემი 16:45</p><p>ასტონ ვილა-უიგანი 19:00</p><p>ფულჰემი-სუონსი 19:00</p><p>იუნაიტედი-ვესტ ბრომვიჩი 19:00</p><p>ნორვიჩი-სიტი 19:00</p><p>რედინგი-ვესტ ჰემი 19:00</p><p>სტოკ სიტი-საუთჰემპტონი 19:00</p><p>არსენალი-ნიუკასლი 21:30</p><p><span style="text-decoration: underline;">30 დეკემბერი </span></p><p>ევერტონი-ჩელსი 17:30</p><p>ქუინზ პარკი-ლივერპული 20:00</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/uckhouri-fekhburthi/inglisi/43551-inglisi-premierliga-xix-turi-qmanchester-iunaitediq-chveul-ampluashi-video.html" target="_blank">ინგლისი. პრემიერლიგა. XIX ტური: "მანჩესტერ იუნაიტედი" ჩვეულ ამპლუაში [VIDEO]</a></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ