<p>საქართველოს ჩემპიონატი. I ეტაპის შეჯამება. "სიონი" (ბოლნისი). ადგილი X <br> ბოლნისში საფეხბურთო მუხტი განელებულია, თამაზ სტეფანიას სახელობის სტადიონზე ბევრი ქომაგი აღარ დადის, გუნდსაც არ აქვს სანიმუშო შედეგი, მაგრამ "სიონს" მაინც აქვს შერჩენილი შარმი - ბოლნისში თამაში უმეტესი გუნდებისთვის რთულია, იქაური გულშემატკივარი, თუნდაც მცირერიცხოვანი, კვლავინდებურად მნიშვნელოვანი ფაქტორია.</p><p>"სიონი" საბიუჯეტო კლუბია, ადგილობრივი მუნიციპალიტეტი აფინანსებს, თუმცა იყო შეფერხებები. 2013 წელს "სიონი" სიტუაციის გამოსწორების იმედად არის დარჩენილი და ვნახოთ, თუ ხელფას-პრემია იქნება, არა გვგონია, რომ ქვემოქართლელებმა უმაღლეს ლიგაში დარჩენა ვერ მოახერხონ.</p><p>მიმდინარე სეზონის დასაწყისში "სიონს" <strong>ხვიჩა ქასრაშვილი</strong> წვრთნიდა. ეს სპეციალისტი ბევრჯერ წასულა ამ გუნდიდან და ბევრჯერ დაბრუნებულა იქ. ქასრაშვილი <strong>არმაზ ჯელაძემ</strong> შეცვალა, თუმცა ეს ის შემთხვევაა, როცა მწვრთნელის შეცვლა პანაცეა არ არის - ამ კლუბს, პირველ რიგში, მოფულიანება სჭირდება.</p><p><span style="color: #ff0000;"><strong>მეკარე</strong></span></p><p>წლებია, რაც "სიონის" პირველი მეკარე <strong>მინდია ბობღიაშვილი</strong> გახლავთ. ასე იყო მიმდინარე სეზონის პირველ ეტაპზეც. ბობღიაშვილი ის კიპერია, ვისაც ძნელი ბურთის მოგერიება შეუძლია და ეს არაერთხელ გვიჩვენა ამ სეზონშიც.</p><p>შეიძლება ითქვას, რომ 29 წლის ბობღიაშვილი მძაფრ კონკურენციას ვერ გრძნობდა პირველ ეტაპზე.</p><p><span style="color: #ff0000;"><strong>დაცვა</strong></span></p><p>"სიონმა" 22 მატჩში 38 გოლი გაუშვა, რაც ცოტა ნამდვილად არ არის. ბოლნისელთა დაცვის ხაზს გამოცდილი ფეხბურთელები ამაგრებენ, 33 წლის <strong>რევაზ ქემოკლიძესა</strong> და 30 წლის <strong>სერგი ორბელაძეს</strong> საქართველოს სხვადასხვა ნაკრებში უთამაშიათ.</p><p>გამოცდილება "სიონის" არც დანარჩენ მცველებს დაეწუნებათ, მაგრამ მიუხედავად ამისა, ბოლნისელთა დაცვა არცთუ მობილურად გამოიყურებოდა.</p><p><span style="color: #ff0000;"><strong>ნახევარდაცვა</strong></span></p><p>32 წლის <strong>ვლადიმერ ჯოჯუა</strong> და 22 წლის <strong>თორნიკე თარხნიშვილი</strong> ისეთი საყრდენი ნახევარმცველები არიან, შეუპოვრობით რომ გამოირჩევიან. 26 წლის <strong>გიორგი ქუცურუას</strong> ფლანგურ ჩაწოდებებს შევუქებდით.</p><p>"სიონის" სხვა შუახაზელებსაც არ დაეწუნებათ სხვადასხვა საფეხბურთო უნარები, მაგრამ გუნდს მოედნის ცენტრში არ ჰყავდა ისეთი მოთამაშე, ვინც დირიჟორობას მოახერხებდა. ჯამში "სიონის" ნახევარდაცვამ ხუთი გოლი გაიტანა.</p><p><span style="color: #ff0000;"><strong>თავდასხმა</strong></span></p><p>აქ პირველი კაცი 32 წლის <strong>რევაზ ჯიქია</strong> გახლავთ. სეზონის პირველ ეტაპზე "სიონიდან" ყველაზე მეტი, 6 გოლი გაიტანა.</p><p>ცენტრფორვარდის პოზიციაზე ხანდახან 20 წლის <strong>ჯაბა უგულავაც</strong> თამაშობდა. ამ რგოლში გუნდს გაძლიერება ნამდვილად არ აწყენდა. მეტს ველოდით 24 წლის <strong>გიორგი ჭედიასგან</strong>.</p><p><span style="color: #ff0000;"><strong>საუკეთესო მატჩი</strong></span></p><p>მესამე ტურში "სიონმა" "დილას" კი მოუგო, მაგრამ ისიც უნდა ითქვას, რომ გორელები მაშინ ევროფრონტზე იყვნენ გადართულები და საქართველოს ჩემპიონატისთვის დიდად არ ეცალათ.</p><p>ვფიქრობ, "სიონმა" საუკეთესო მატჩები მაშინ ჩაატარა, როცა ზღვისპირეთში მიჯრით ორი მატჩი მოიგო: ჯერ "ბათუმთან", მერე კი "კოლხეთთან".</p><p><span style="color: #ff0000;"><strong>ყველაზე ცუდი მატჩი</strong></span></p><p>"სიონმა" თბილისის "დინამოსთან" ორივეჯერ ხუთბურთიანი სხვაობით წააგო - ამით ყველაფერი ნათქვამია.</p><p><span style="color: #ff0000;"><strong>ლიდერი</strong></span></p><p>ასეთი ფეხბურთელი ბოლნისელებს, უბრალოდ, არ ჰყავთ. არადა, იქაური ქომაგი თავის ჯილას ეძებს.</p><p><span style="color: #ff0000;"><strong>მიზანი</strong></span></p><p>ბათუმის "დინამოში" რა როგორ იქნება, ჯერაც უცნობია. "სიონისთვის" ძალიან მნიშვნელოვანია, რა მოხდება ცხრილის ქვემოთ მოქცეულ დანარჩენ საბიუჯეტო კლუბებში.</p><p>მიზანი არგავარდნაა და "სიონს" შეუძლია, თავის შანსს ჩაეჭიდოს - ბოლნისში თამაში ქვედა ექვსეულის გუნდებისთვის განსაკუთრებულად რთული იქნება.</p><p><span style="color: #ff0000;"><strong>ბოლნისის სიონი 2012/2013</strong></span></p><p><span style="text-decoration: underline;">მეკარეები:</span> მინდია ბობღიაშვილი - 19 მატჩი, ვახტანგ ლობჟანიძე - 3 მატჩი;</p><p><span style="text-decoration: underline;">მცველები:</span> თენგიზ ჩიკვილაძე - 19 მატჩი, დავით სვანიძე - 18 მატჩი, სერგი ორბელაძე - 16 მატჩი, ნოდარ მაჭავარიანი - 12 მატჩი, რევაზ ქემოკლიძე - 11 მატჩი, დავით ლომაია - 4 მატჩი;</p><p><span style="text-decoration: underline;">ნახევარმცველები:</span> ვლადიმერ ჯოჯუა - 19 მატჩი, გიორგი ქუცურუა - 19 მატჩი, 1 გოლი, გიორგი მანწკავა - 17 მატჩი, 1 გოლი, თორნიკე თარხნიშვილი -15 მატჩი, გიორგი ოქროპირიძე - 15 მატჩი, გიორგი ფეიქრიშვილი - 13 მატჩი, 1 გოლი, გიორგი ჭანკოტაძე - 12 მატჩი, 1 გოლი, ვლადიმერ უგრეხელიძე - 10 მატჩი, ვაჟა ნემსაძე - 10 მატჩი, ჯაბა უგულავა - 8 მატჩი, 1 გოლი, გელა ხუბუა - 3 მატჩი, გიორგი გორდეზიანი - 1 მატჩი</p><p><span style="text-decoration: underline;">თავდამსხმელები:</span> რეზო ჯიქია - 18 მატჩი, 6 გოლი, ვილი ისიანი - 18 მატჩი, 1 გოლი, გიორგი ჭედია - 17 მატჩი, 1 გოლი, მანუჩარ ოქროპირიძე -3 მატჩი, ზურაბ ხურციძე - 2 მატჩი, ლაშა ქემუხტაშვილი - 1 მატჩი</p><p><span style="text-decoration: underline;">მწვრთნელები:</span> ხვიჩა ქასრაშვილი (I - IV ტური), არმაზ ჯელაძე (V -XII ტური)</p><p><span style="color: #ff0000;"><strong>სიონის ყველა მატჩი პირველ ეტაპზე</strong></span></p><p>I ტური</p><p>სიონი-ბათუმი 2:2</p><p>II ტური</p><p>სიონი-კოლხეთი 0:0</p><p>III ტური</p><p>დილა-სიონი 2:3</p><p>IV ტური</p><p>სიონი-ვიტ ჯორჯია 1:1</p><p>V ტური</p><p>ჩიხურა-სიონი 2:1</p><p>VI ტური</p><p>მერანი-სიონი 1:0</p><p>VII ტური</p><p>სიონი-ზუგდიდი 0:0</p><p>VIII ტური</p><p>დინამო-სიონი 7:2</p><p>IX ტური</p><p>სიონი-ზესტაფონი 0:2</p><p>X ტური</p><p>მეტალურგი-სიონი 1:0</p><p>XI ტური</p><p>სიონი-ტორპედო 0:2</p><p>XII ტური</p><p>ბათუმი-სიონი 0:1</p><p>XIII ტური</p><p>კოლხეთი-სიონი 0:1</p><p>XIV ტური</p><p>სიონი-დილა 0:2</p><p>XV ტური</p><p>ვიტ ჯორჯია-სიონი 0:0</p><p>XVI ტური</p><p>სიონი-ჩიხურა 0:3</p><p>XVII ტური</p><p>სიონი-მერანი 2:1</p><p>XVIII ტური</p><p>ზუგდიდი-სიონი 2:0</p><p>XIX ტური</p><p>სიონი-დინამო 0:5</p><p>XX ტური</p><p>ზესტაფონი-სიონი 1:0</p><p>XXI ტური</p><p>სიონი-მეტალურგი 0:0</p><p>XXII ტური</p><p>ტორპედო-სიონი 4:1</p><p><span style="color: #ff0000;"><strong>სატურნირო ცხრილი</strong></span></p><p><img src="/media/images/new_photo/UCXOURI/2012/SOCCER/DEC17-31/MMM/geo/0000 22 geo saturniro .jpg" border="0" alt="Sportall.Ge" title="ბოლნისის " width="570" style="border: 0px none;" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/chempionati/44148-thbilisis-qdinamoq-othkhtsliani-lodinis-dasasruli.html" target="_blank">თბილისის "დინამო" - ოთხწლიანი ლოდინის დასასრული...</a></p><p><a href="/fexburti/qarthuli-fekhburthi/skhvadaskhva/44087-qvit-jorjiaq-gundi-romelic-stumrad-ukethesia.html" target="_blank">"ვიტ ჯორჯია" - გუნდი, რომელიც სტუმრად უკეთესია</a><strong></p><p></strong><a href="/fexburti/qarthuli-fekhburthi/skhvadaskhva/44021-goris-qdilaq-didi-ambiciebi-da-gaurkvevloba.html" target="_blank">გორის "დილა" - დიდი ამბიციები და გაურკვევლობა</a></p><p><a href="/fexburti/qarthuli-fekhburthi/skhvadaskhva/43972-fothis-qkolkhethiq-saukunovani-iubile-arasazeimo-gantsyobith.html" target="_blank">ფოთის "კოლხეთი" - საუკუნოვანი იუბილე არასაზეიმო განწყობით</a></p><p><a href="/fexburti/qarthuli-fekhburthi/chempionati/43926-quthaisis-qtorpedoq-kargad-nacnobi-kursi.html" target="_blank">ქუთაისის "ტორპედო" - კარგად ნაცნობი კურსი</a></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა