- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსთავის "მეტალურგი" - მთავარი მოულოდნელობა
<p>საქართველოს ჩემპიონატი. I ეტაპის შეჯამება. "მეტალურგი" (რუსთავი). ადგილი VII <br> პირველი ეტაპის ყველაზე დიდი მოულოდნელობა, რაღა თქმა უნდა, "მეტალურგის" წარუმატებლობაა - ბოლო წლების ერთ-ერთი წარმატებული და სტაბილური გუნდი პირველ ექვსეულში ვერ მოხვდა!</p><p>არადა, "მეტალურგი" (იგივე "ოლიმპი") უმაღლეს ლიგაში მეშვიდე სეზონს ატარებს და ერთადერთი გამონაკლისის გარდა (როცა გუნდმა IV ადგილი დაიკავა), მუდამ საპრიზო სამეულში "ტრიალებდა".</p><p>რუსთაველ ქომაგთა სამწუხაროდ, საქართველოს ორგზის ჩემპიონი გუნდი გაზაფხულზე თავისთვის მართლაც შეუფერებელ, ქვედა ექვსეულში გააგრძელებს ბრძოლას და "დინამოს", "ზესტაფონის", "დილასა" თუ "ტორპედოს" ნაცვლად, ბევრად მოკრძალებული ამბიციის მქონე მეტოქეებთან მოუწევს დაპირისპირება.</p><p>"მეტალურგის" წარუმატებელ ასპარეზობას, რაღა თქმა უნდა, არაერთი მიზეზი აქვს (სუბიექტურიც, ობიექტურიც), თუმცა ეს ყველაფერი ჩვენზე უკეთ, ალბათ, კლუბის ხელმძღვანელებს მოეხსენებათ.</p><p>ისე, ნებისმიერი გუნდის ასპარეზობა თავის გულშემატკივართა რაოდენობაზე რომ აისახება ხოლმე, ფაქტია და ამ მხრივ, არც "მეტალურგი" იყო გამონაკლისი - მიმდინარე სეზონში რუსთავის "ფოლადის" სტადიონზე უჩვეულოდ ცოტა მაყურებელი მოდიოდა. არადა, ზემოთაც ვახსენეთ, რომ 2006 წელს დაარსებული კლუბი მაშინვე მოწინავეთა შორის დამკვიდრდა და თითქმის ყოველწლიურად ევროტურნირებზეც მონაწილეობდა.</p><p>სხვათა შორის, ჩემპიონატში წარუმატებელი ასპარეზობის მიუხედავად, "მეტალურგს" მაინც დარჩა ევროტურნირების საგზურის მოპოვების შანსი, თუმცა ამაზე ქვემოთ ვისაუბრებთ.</p><p>მანამდე კი მართლაც ბევრისთვის აუხსნელი ფაქტი თუ მოვლენა კიდევ ერთხელ გვინდა ვახსენოთ; უცნაურზე მეტი იყო, როცა წინა სეზონში ლამის გაჩემპიონებულ გუნდს ესოდენ არასტაბილური სტარტი ჰქონდა მიმდინარე ჩემპიონატში. თავად განსაჯეთ: პირველ ეტაპზე "მეტალურგმა" მხოლოდ ერთხელ მოახერხა ზედიზედ ორი მატჩის მოგება!</p><p>აღარაფერს ვამბობთ იმაზეც, რომ იმავე წინა სეზონისაგან განსხვავებით, "მეტალურგი" თითქმის უშანსოდ იყო ჩემპიონატის ფავორიტებთან დაპირისპირებაში: ერთადერთი, მხოლოდ "ზესტაფონთან" ჰქონდა დადებითი ბალანსი, თორემ "დინამოსთან", "დილასა" და "ტორპედოსთან" ჩატარებულ ყველა დაპირისპირებაში ისე დამარცხდნენ, ამ მეტოქეთა კარში ვერც ერთი გოლი ვერ გაიტანეს!</p><p>...უცნაურია, მაგრამ ფაქტია: რაც "მეტალურგი" არსებობს, ჯერ არ ყოფილა შემთხვევა, ერთსა და იმავე მწვრთნელს სეზონი სრულად ჩაემთავრებინოს! გამონაკლისი არც მიმდინარე ჩემპიონატია: "ვიტ ჯორჯიასთან" საშინაო მარცხის მერე <strong>კობა ჟორჟიკაშვილის</strong> წინა სეზონის დამსახურება აღარავის ახსოვდა და ამ გამოცდილ სპეციალისტსაც კარისკენ მიუთითეს.</p><p>მის ნაცვლად მოსულ ახალგაზრდა მწვრთნელ <strong>გიორგი ყიფიანს</strong> კი მართლაც ფორსმაჟორულ სიტუაციაში მოუხდა მუშაობის გაგრძელება, მაგრამ აშკარად მოკლე სათადარიგოთა სკამის მქონე "მეტალურგმა" მთავარი ამოცანის შესრულება (პირველ ექვსეულში მოხვედრა) მაინც ვერ შეძლო.</p><p><span style="color: #ff0000;"><strong>მეკარე</strong></span></p><p>სეზონი გამოცდილმა მეკარემ, 32 წლის <strong>გრიგოლ ბედიაშვილმა</strong> დაიწყო, თუმცა პირველი ტურის მერე მისი ადგილი გუნდის ახალწვეულმა, 23 წლის <strong>ივან ჰოსმანმა</strong> დაიკავა.</p><p>სამწუხაროდ, ტანმაღალი ხორვატი მეკარე არასტაბილურად თამაშობდა და პირველი წრის ბოლომდე "მეტალურგის" კარს გამოცდილი <strong>ზურაბ ბათიაშვილი</strong> იცავდა. 32 წლის ბათიაშვილი რუსთაველთა ძირითადი მეკარე გახდა და, ალბათ, ასე იქნება მეორე ეტაპზეც.</p><p><span style="color: #ff0000;"><strong>დაცვა</strong></span></p><p>ამ სეზონის დაწყების წინ "მეტალურგიდან" ორი წამყვანი მცველი წავიდა: <strong>გივი კვარაცხელია</strong> და <strong>გიორგი სეთურიძე</strong> (ორივე - "დინამოში"). ამის მიუხედავად, რუსთაველთა გუნდის უკანა ხაზი ერთობ გამოცდილი ფეხბურთელებით იყო დაკომპლექტებული: მარჯვენა მცველად, უმეტეს შემთხვევაში, 27 წლის <strong>ლაშა ჯაფარიძე</strong> ასპარეზობდა, ცენტრში - 34 წლის <strong>მიხეილ მახვილაძე</strong> და 31 წლის <strong>ალექსანდე ინწკირველი</strong>;</p><p>ხშირად უწევდათ თამაში უნივერსალ ფეხბურთელებს, 27 წლის <strong>დენის დობროვოლსკისა</strong> და 23 წლის <strong>გიორგი გავაშელიშვილს</strong>. თუმცა მეტ-ნაკლებად სტაბილურად პირველი ეტაპი "მეტალურგის" ახალწვეულმა, 24 წლის <strong>ანზორ სუხიაშვილმა</strong> ჩაატარა, რომელიც მარცხენა ფლანგზე უკონკურენტო გახლდათ.</p><p><span style="color: #ff0000;"><strong>ნახევარდაცვა</strong></span></p><p>წინა სეზონში სწორედ შუახაზი იყო "მეტალურგის" წარმატებული ასპარეზობის ერთ-ერთი საწინდარი, რასაც ამ ჩემპიონატზე ვერ ვიტყვით.</p><p>შესაძლოა, ამას ობიექტური მიზეზებიც ჰქონდა: დისკვალიფიკაციისა თუ ტრავმის გამო რამდენიმე მატჩი გაუცდა "მეტალურგის" ერთ-ერთ ლიდერს, 27 წლის <strong>რევაზ გეწაძეს</strong>. რუსთაველი ქომაგები უფრო მეტს მოელოდნენ 24 წლის <strong>ირაკლი მაისურაძისგან</strong>, ისე, როგორც 22 წლის <strong>გიორგი თექთურმანიძისგან</strong> (აქვე ისიც უნდა აღვნიშნოთ, რომ მაისურაძეს ხშირად უცვლიდნენ ამპლუას).</p><p>24 წლის <strong>ლუკა რაზმაძე</strong>, 24 წლის <strong>გიორგი მიქაბერიძე </strong>და 24 წლის <strong>გიორგი ქავთარაძე</strong> "მეტალურის" უკვე "სტაჟიან" წევრებად ითვლებიან, თუმცა წინა სეზონებში ბევრად უკეთ გამოიყურებოდნენ.</p><p>პირველი ეტაპის ბოლო მატჩებში გიორგი ყიფიანი თამამად ენდობოდა 19 წლის <strong>ივანე ხაბელაშვილს</strong> და ისიც უნდა ვთქვათ, რომ ამ ახალგაზრდა გარემარბს ურიგო შთაბეჭდილება არ დაუტოვებია.</p><p><span style="color: #ff0000;"><strong>თავდასხმა</strong></span></p><p>პირველი ეტაპის ბოლო ტურამდე "მეტალურგს" 21 მატჩში მხოლოდ 16 გოლი ჰქონდა გატანილი, რაც, დაგვეთანხმებით, დიდი ვერაფერი შედეგია.</p><p>არადა, უმაღლესი ლიგის ბევრი გუნდი ვერ დაიკვეხნის გოლეადორული თვისებებით დაჯილდოებული ისეთი ფორვარდებით, რუსთაველებს რომ ჰყავდათ: 29 წლის <strong>დიმიტრი ტატანაშვილმა</strong> და 22 წლის <strong>ირაკლი სიხარულიძემ</strong> 7-7 გოლი კი გაიტანეს, მაგრამ ისეთი მატჩებიც გვახსოვს, უფრო შედეგიანად თამაში რომ მართებდათ.</p><p><span style="color: #ff0000;"><strong>საუკეთესო მატჩი</strong></span></p><p>ასეთად, უდავოდ, მეორე ტურის შეხვედრა უნდა მივიჩნიოთ, როდესაც "მეტალურგმა" სტუმრად შეძლო მოქმედი ჩემპიონის, "ზესტაფონის" დამარცხება (1:0). თანაც, ეს ერთგვარი რევანშიც იყო წინა სეზონის პერიპეტიებისა: შეგახსენებთ, რომ წინა სეზონის საჩემპიონო დავაში (კაბინეტში რომ გადაწყდა!) "ზესტაფონმა" აჯობა რუსთაველებს და თასის ნახევარფინალურ დაპირისპირებაშიც იმერლებმა იმარჯვეს.</p><p>რუსთაველ ქომაგთა სამწუხაროდ, ამ ჩემპიონატში "მეტალურგს" 2 ან 3 გამორჩეული მატჩი არ ჩაუტარებია...</p><p><span style="color: #ff0000;"><strong>ყველაზე ცუდი მატჩი</strong></span></p><p>პირველი, რომელიც გვახსენდება, XX ტურის შეხვედრა იყო: "მეტალურგი" საკუთარ მოედანზე უშანსოდ დამარცხდა ქუთაისის "ტორპედოსთან" (0:4).</p><p>იგივეს თქმა შეიძლება "ვიტ ჯორჯიასთან" ასევე საშინაო წაგებაზე და, რაღა თქმა უნდა, გადამწყვეტი მატჩი უნდა ვახსენოთ! XX ტურის შეხვედრას ვიხსენებთ, როცა პირველი ეტაპის დასრულებამდე 3 ტურით ადრე "მეტალურგი" კვლავაც ინარჩუნებდა ზედა ექვსეულში მოხვედრას, მაგრამ არცთუ ოპტიმალური შემადგენლობით მოასპარეზე "ჩიხურას" დამარცხება მაინც ვერ შეძლო.</p><p>ისე, რუსთაველებს რომ ამ შეხვედრაში გაემარჯვათ, არავინ იცის, ბოლო ორ ტურში მოვლენები როგორ განვითარდებოდა და საერთოდაც, ზედა ექვსეული როგორ დაკომპლექტდებოდა...</p><p><span style="color: #ff0000;"><strong>ლიდერი</strong></span></p><p>წინა სეზონში "მეტალურგს" ერთდროულად რამდენიმე ლიდერი ჰყავდა (გივი კვარაცხელია, რევაზ გეწაძე, ირაკლი მაისურაძე, ლუკა რაზმაძე, დიმიტრი ტატანაშვილი), რასაც მიმდინარე ჩემპიონატის პირველ ეტაპზე ნამდვილად ვერ ვიტყოდით.</p><p><span style="color: #ff0000;"><strong>მიზანი</strong></span></p><p>"მეტალურგის" ახალი თავკაცი გიორგი ყიფიანი ახალგაზრდა და ამბიციური სპეციალისტია და გვჯერა, რომ გუნდის თამაშის ხარისხის გასაუმჯობესებლად ყველაფერს გააკეთებს.</p><p>"მეტალურგი" მალე უცხოურ შეკრებაზე გაემგზავრება, რამდენიმე ახალწვეულსაც დაიმატებს და მეორე ეტაპსაც სახეშეცვლილი შეხვდება. გუნდის მთავარი მიზანი კი, რაღა თქმა უნდა, საქართველოს თასზე წარმატებული ასპარეზობაა - ევროტურნირებზე მოხვედრის ერთადერთ გზად ესღა რჩება.</p><p>აი, რაც შეეხება ჩემპიონატს, აქ ყველაფერი გარკვეულია: "მეტალურგს" პირველ ლიგაში დაქვეითება არ ემუქრება და მეორე ეტაპის შეხვედრებსაც, ალბათ, სათასო მატჩებისათვის სამზადისად გამოიყენებს.</p><p><span style="color: #ff0000;"><strong>რუსთავის "მეტალურგი" 2012/2013</strong></span></p><p><span style="text-decoration: underline;">მეკარეები:</span> ზურაბ ბათიაშვილი-14, ივან ჰოსმანი-7, გრიგოლ ბედიაშვილი-1;</p><p><span style="text-decoration: underline;">მცველები:</span> ანზორ სუხიაშვილი-21 (1), ალექსანდრე ინწკირველი-19, ლაშა ჯაფარიძე-19, მიხეილ მახვილაძე-18, გიორგი გავაშელიშვილი-12, თორნიკე კაკუშაძე-1;</p><p><span style="text-decoration: underline;">ნახევარმცველები:</span> ირაკლი მაისურაძე-21, ლუკა რაზმაძე-20, გიორგი მიქაბერიძე-20 (2), გიორგი ქავთარაძე-18 (1), დენის დობროვოლსკი-17 (1), რევაზ გეწაძე-16 (1), გიორგი თექთურმანიძე-15, ივანე ხაბელაშვილი-9, გიორგი განუგრავა-6, ზვიად ლობჯანიძე-3, გიორგი გურეშიძე-2, გიორგი ხიდეშელი-1.</p><p><span style="text-decoration: underline;">თავდამსხმელები:</span> დიმიტრი ტატანაშვილი-22 (7), ირაკლი სიხარულიძე-20 (7), დავით ჯანელიძე-6 (1).</p><p><span style="text-decoration: underline;">მწვრთნელები:</span> კობა ჟორჟიკაშვილი (I-VIII), გიორგი ყიფიანი (IX-XXII)</p><p><span style="color: #ff0000;"><strong>"მეტალურგის" ყველა მატჩი პირველ ეტაპზე</strong></span></p><p>I ტური</p><p>მეტალურგი-დინამო (თბ) 0:1</p><p>II ტური</p><p>ზესტაფონი-მეტალურგი 0:1</p><p>III ტური</p><p>მეტალურგი-მერანი 1:0</p><p>IV ტური</p><p>მეტალურგი-ტორპედო 0:4</p><p>V ტური</p><p>დინამო (ბთ)-მეტალურგი 0:2</p><p>VI ტური</p><p>მეტალურგი-კოლხეთი 2:1</p><p>VII ტური</p><p>დილა-მეტალურგი 3:0</p><p>VIII ტური</p><p>მეტალურგი-ვიტ ჯორჯია 0:2</p><p>IX ტური</p><p>ჩიხურა-მეტალურგი 1:0</p><p>X ტური</p><p>მეტალურგი-სიონი 1:0</p><p>XI ტური</p><p>ზუგდიდი-მეტალურგი 2:1</p><p>XII ტური</p><p>დინამო (თბ)-მეტალურგი 3:0</p><p>XIII ტური</p><p>მეტალურგი-ზესტაფონი 1:1</p><p>XIV ტური</p><p>მერანი-მეტალურგი 0:0</p><p>XV ტური</p><p>ტორპედო-მეტალურგი 1:0</p><p>XVI ტური</p><p>მეტალურგი-დინამო (ბთ) 2:1</p><p>XVII ტური</p><p>კოლხეთი-მეტალურგი 2:3</p><p>XVIII ტური</p><p>მეტალურგი-დილა 0:2</p><p>XIX ტური</p><p>ვიტ ჯორჯია-მეტალურგი 0:1</p><p>XX ტური</p><p>მეტალურგი-ჩიხურა 1:1</p><p>XXI ტური</p><p>სიონი-მეტალურგი 0:0</p><p>XXII ტური</p><p>მეტალურგი-ზუგდიდი 5:1</p><p><span style="color: #ff0000;"><strong>სატურნირო ცხრილი</strong></span></p><p><img src="/media/images/new_photo/UCXOURI/2012/SOCCER/DEC17-31/MMM/geo/0000 22 geo saturniro .jpg" border="0" alt="Sportall.Ge" title="რუსთავის "მეტალურგი" - მთავარი მოულოდნელობა" width="570" /></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/chempionati/44252-martvilis-qmeraniq-ucvleli-kheltsera-da-damsakhurebuli-simpathiebi.html" target="_blank">მარტვილის "მერანი" - უცვლელი ხელწერა და დამსახურებული სიმპათიები</a></p><p><a href="/fexburti/qarthuli-fekhburthi/chempionati/44210-bolnisis-qsioniq-sherchenili-sharmi.html" target="_blank">ბოლნისის "სიონი" - შერჩენილი შარმი</a></p><p><a href="/fexburti/qarthuli-fekhburthi/chempionati/44148-thbilisis-qdinamoq-othkhtsliani-lodinis-dasasruli.html" target="_blank">თბილისის "დინამო" - ოთხწლიანი ლოდინის დასასრული...</a></p><p><a href="/fexburti/qarthuli-fekhburthi/skhvadaskhva/44087-qvit-jorjiaq-gundi-romelic-stumrad-ukethesia.html" target="_blank">"ვიტ ჯორჯია" - გუნდი, რომელიც სტუმრად უკეთესია</a><strong></p><p></strong><a href="/fexburti/qarthuli-fekhburthi/skhvadaskhva/44021-goris-qdilaq-didi-ambiciebi-da-gaurkvevloba.html" target="_blank">გორის "დილა" - დიდი ამბიციები და გაურკვევლობა</a></p><p><a href="/fexburti/qarthuli-fekhburthi/skhvadaskhva/43972-fothis-qkolkhethiq-saukunovani-iubile-arasazeimo-gantsyobith.html" target="_blank">ფოთის "კოლხეთი" - საუკუნოვანი იუბილე არასაზეიმო განწყობით</a></p><p><a href="/fexburti/qarthuli-fekhburthi/chempionati/43926-quthaisis-qtorpedoq-kargad-nacnobi-kursi.html" target="_blank">ქუთაისის "ტორპედო" - კარგად ნაცნობი კურსი</a></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა