<p>გია გურულის გუნდს გიორგი ტყეშელაშვილი, ალექსანდრე კოშკაძე და კობა შალამბერიძე შეემატნენ <br> არგავარდნისთვის მებრძოლ ბათუმის "დინამოში" ცვლილებებია. ადრე გაუწყეთ, რომ ბათუმელებმა ორი ფეხბურთელი დაიმატეს: 30 წლის მცველი <strong>გიგა ჟვანია</strong> მარტვილის "მერანიდან" და 23 წლის მცველი <strong>ჯემალ გაბუნია</strong> ფოთის "კოლხეთიდან".</p><p>ახალწვეულებს კიდევ სამი ფეხბურთელი დაემატა: 27 წლის მცველი <strong>გიორგი ტყეშელაშვილი</strong> ფოთის "კოლხეთიდან", 31 წლის შუახაზელი <strong>ალექსანდრე კოშკაძე</strong> "ზუგდიდიდან" და 28 წლის ნახევარმცველი <strong>კობა შალამბერიძე</strong>, რომელიც ბოლოს პოლონურ "ფლოტაში" თამაშობდა.</p><p>იყო დრო, კოშკაძე "დინამო თბილისის" ერთ-ერთი ლიდერი რომ გახლდათ. ცაციათი ძლიერი დარტყმა აქვს, ტექნიკა არ დაეწუნება, გამოცდილება ხომ თავისთავად მისი პლუსია და ვფიქრობთ, მისი სახით <strong>გია გურულის</strong> გაწვრთნილმა გუნდმა კარგი შევსება მიიღო.</p><p>რაც შეეხება კობა შალამბერიძეს, მას თამაშის გამწვავება რიგიანად შეუძლია და ვნახოთ, როგორ გააძლიერებს ბათუმის "დინამოს".</p><p>გიორგი ტყეშელაშვილი ფოთის "კოლხეთამდე" "გაგრას" დაცვის ბურჯი იყო და ვფიქრობთ, აჭარულ გუნდშიც ნორმალურად წარმოაჩენს თავს.</p><p>მოსულებზე ვთქვით და ახლა წამსვლელებზეც მოგახსენებთ. გუნდი დატოვეს 24 წლის მცველმა <strong>ნიკა ხუხიამ</strong>, 23 წლის ნახევარმცველმა <strong>ერეკლე კილაძემ</strong>, 21 წლის ნახევარმცველმა <strong>პაატა ბალაძემ</strong>, 22 წლის ნახევარმცველმა <strong>დავით კაკულიამ</strong>, 23 წლის შუახაზელმა <strong>დათა სიჭინავამ</strong>, 28 წლის თავდამსხმელმა <strong>ირაკლი ცნობილაძემ</strong>, 25 წლის უკრაინელმა თავდამსხმელმა <strong>ოლექსანდრ ტიმჩიშინმა</strong>, 20 წლის კოტდივუარელმა ფორვარდმა <strong>ტიერი კლოვისმა</strong>.</p><p>ადრე ისიც გაცნობეთ, რომ გურულის გუნდიდან "დინამო თბილისში" გადავიდა 18 წლის შემტევი <strong>ნიკა დიასამიძე</strong> და კლუბებს შორის შეთანხმების თანახმად, დედაქალაქურ "დინამოს" ბათუმურ გუნდში ორი ფეხბურთელი უნდა გაეშვა განათხოვრებით. ლაპარაკი იყო 21 წლის <strong>ირაკლი ლექვთაძეზე</strong>. თუმცა შევიტყვეთ, რომ ეს ნახევარმცველი ბოლნისის "სიონში" მიდის.</p><p>ერთი სიტყვით, ბათუმის "დინამო" ჯერაც მოლოდინშია, თუ რომელ ფეხბურთელებს გაუშვებს მასთან <strong>დუშან უჰრინის</strong> "დინამო".</p><p>ამ დროისათვის ბათუმის "დინამოში" მხოლოდ ერთი ლეგიონერი დარჩა - 27 წლის უკრაინელი მეკარე <strong>ივან პიცანი</strong>.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
კალანდაძე თბილისის "დინამოში" დაბრუნდა
[VIDEO] "რამდენიმე ფეხბურთელს ვესაუბრებით" - "ტორპედოს" მწვრთნელმა შესაძლო ტრანსფერებზე ისაუბრა და შეკრება შეაფასა
თბილისის "დინამომ" ბოსნიელი მცველი დაიმატა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა