- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვალდას ივანაუსკასი - გორის "დილას" ახალი თავკაცის მდიდარი ბიოგრაფია
<p>ლიტველი სპეციალისტი "დილასთან" კონტრაქტზე ხელის მოსაწერად თბილისში 25 იანვარს ჩამოდის</p><p><br> "ლელო" ადრეც იუწყებოდა, დიდი შანსია, გორის "დილას" მთავარ მწვრთნელად <strong>ვალდას ივანაუსკასი</strong> რომ დაინიშნოსო და ასეც მოხდა - კლუბსა და ლიტველ სპეციალისტს შორის შეთანხმება უკვე მიღწეულია, ივანაუსკასი 25 იანვარს ჩამოდის თბილისში კონტრაქტზე ხელის მოსაწერად.</p><p>ხელშეკრულება გამზადებულია, რომლის მიხედვითაც, 46 წლის ივანაუსკასი ამ სეზონის ბოლომდე უხელმძღვანელებს "დილას", მერე კი ყველაფერი ოპციით გადაწყდება.</p><p>"დილა" 29 იანვარს ივანაუსკასის ხელმძღვანელობით გაემგზავრება თურქულ ბელეკში და შეკრებაზე, რა თქმა უნდა, საკონტროლო მატჩებსაც ითამაშებს. სავარაუდო მეტოქეები არიან რუსული "შინიკი", ჩეხური "ბრნო" და სერბული "რადნიჩკი"; შესაძლოა, "დილამ" ერთ-ერთ სამხრეთკორეულ გუნდთანაც ითამაშოს.</p><p>და ვინ არის ვალდას ივანაუსკასი? - საკმაოდ სახელიანი კაცი ფეხბურთში. საბჭოთა კავშირში მოზარდებს შორის ტარდებოდა ასეთი ტურნირი - "ტყავის ბურთი". ივანაუსკასიც იქ გამოჩნდა და 1983 წელს ვილნიუსის "ჟალგირისის" დუბლებში აიყვანეს.</p><p>ივანაუსკასი საბჭოთა კავშირის იუნიორთა ნაკრებში მიიწვიეს, მერე კი მოსკოვის ცსკა-ში გადაიყვანეს. 1986 წელს "ჟალგირისში" დაბრუნდა და იქიდან დაიწყო მისი აღმავლობა. ახმახი, ჯანიანი შემტევი ნახევარმცველი გახლდათ. ძალიან ბევრი გოლი არ გაჰქონდა, მაგრამ მეტოქის დაცვას მიანგრევდა, ყინულმჭრელი გემივით აპობდა დამცავ ზღუდეებს.</p><p>ივანაუსკასი საბჭოთა კავშირის ოლიმპიურ ნაკრებში მიიწვიეს, თუმცა 1988 წლის ოლიმპიადაზე სეულში <strong>ანატოლი ბიშოვეცმა</strong> არ წაიყვანა. ამბობდნენ, რომ მწვრთნელმა დისციპლინის დარღვევის გამო მიიღო ასეთი გადაწყვეტილებაო.</p><p>მომდევნო წელს ივანაუსკასი და კიდევ ერთი ლიტველი <strong>არმინას ნარბეკოვასი ვალერი ლობანოვსკიმ</strong> საბჭოთა კავშირის ნაკრებში მიიწვია, თუმცა ამასობაში პოლიტიკური პროცესები ისე განვითარდა, რომ ლიტვა დამოუკიდებლობის გზას დაადგა და საბჭოთა ნაკრებიც ლიტველების გარეშე გაემგზავრა 1990 წლის იტალიურ მუნდიალზე.</p><p>1990 წელს დამოუკიდებლობა გამოაცხადა საქართველომ და 27 მაისს საქართველოს ნაკრებს თბილისში ლიტვის ნაკრები ესტუმრა. ის შეხვედრა 2:2 დასრულდა, ივანაუსკასმა 90 წუთი ითამაშა. 26 მატჩი, 8 გოლი - ასეთია ივანაუსკასის ნაკრებული მონაგარი.</p><p>"ჟალგირისი" იმავე პერიოდში გერმანულ ტურნეში გაემგზავრა. ვენის "აუსტრიის" მთავარმა მწვრთნელმა, წარსულში სახელგანთქმულმა ავსტრიელმა <strong>ჰერბერტ პროჰაზკამაც</strong> იქ შეამჩნია ივანაუსკასი და თავისთან წაიყვანა. ლიტველმა ფორვარდმა ავსტრიაში სამი სეზონი ითამაშა.</p><p>"აუსტრიაში" გადასვლამდე ივანაუსკასი ცოტა ხნით მოსკოვის "ლოკომოტივის" ფეხბურთელი იყო და ტრანსფერიდან სარგებელი რუსებმაც ნახეს.</p><p>ივანაუსკასი სამჯერ გახდა ავსტრიის ჩემპიონი, ორჯერ ასწია იქაური თასი; 90-იან წლებში ოთხჯერ დაასახელეს ლიტვის საუკეთესო ფეხბურთელად.</p><p>ივანაუსკასის ნიჭი ავსტრიაზე უფრო დიდ სარბიელს მოითხოვდა.</p><p>1993 წელს, როცა <strong>ოტო რეჰაგელი</strong> ბრემენის "ვერდერის" მწვრთნელი გახლდათ, ავსტრიაში "რაპიდის" შუახაზელის, <strong>ანდრეას ჰერცოგის </strong>თამაშის სანახავად ჩავიდა. "რაპიდი" ივანაუსკასის "აუსტრიას" ეთამაშებოდა და რეჰაგელს ლიტველი ისე მოეწონა, რომ "ჰამბურგის" მაშინდელ მწვრთნელთან, <strong>ბენო მიოლმანთან</strong> გაუწია რეკომენდაცია.</p><p>"ჰამბურგმა" ივანაუსკასი 1,7 მილიონ მარკად იყიდა. ლიტველმა ამ ბუნდესლიგურ გუნდში სამი სეზონი ითამაშა. "ჰამბურგი" მაშინ არ იყო მოწინავეთა შორის, ივანაუსკასი კი "ჰამბურგში" ერთ-ერთ ყველაზე გამორჩეულ ფეხბურთელად ითვლებოდა.</p><p>გერმანიიდან ივანაუსკასი ავსტრიაში დაბრუნდა, იქაურ "კაზინოში" და "სანქტ-პოლტენში" თამაშობდა; შემდეგ ისევ გერმანიაში ჩავიდა, ქვედალიგელ "ვილჰელმსჰაფენში" აგორებდა ბურთს. იმავდროულად, სამწვრთნელო კურსებზეც დადიოდა და დიპლომიც აიღო. შემდეგ კიოლნის ცნობილი სამწვრთნელო სკოლაც დაამთავრა.</p><p>გერმანიის ქვედალიგელ გუნდებში მწვრთნელობის შემდეგ სამშობლოში დაბრუნდა. იყო ლიტვის ნაკრების მეორე მწვრთნელი, ხელმძღვანელობდა "ვეტრას", და "კაუნასს", სადაც ლიტვის ჩემპიონობაც მოიგო და თასიც.</p><p>2005/06 წლების სეზონისთვის ივანაუსკასი სამუშაოდ შოტლანდიაში წავიდა, "ჰართსის" მთავარი მწვრთნელის, <strong>გრემ რიქსის</strong> თანაშემწე იყო. რიქსი რომ დაითხოვეს, გუნდი ლიტველს ჩააბარეს და ივანაუსკასის თავკაცობით "ჰართსმა" შოტლანდიის თასი მოიგო.</p><p>ივანაუსკასმა "ჰართსის" დირექტორატშიც იმუშავა, შემდეგ გერმანულ "კარლ ცაისს" წვრთნიდა, თუმცა მეორე ბუნდესლიგაში მისი სამწვრთნელო საქმიანობა წარმატებული ვერ გამოდგა.</p><p>ივანაუსკასი მუშაობდა ლიტვის ასაკობრივ ნაკრებებში. მერე სუმგაითის "სტანდარტის" მწვრთნელიც კი იყო, ლიტვური "შიაულაი" და "რეო" - ივანაუსკასი ამის მერე "დილაში" დასაქმდება.</p><p>როგორც ხედავთ, ივანაუსკასს საკმაოდ მდიდარი ბიოგრაფია აქვს. "დილაში" მისი მიყვანა ერთმა ქართველმა აგენტმა გაჩარხა. ასეთი სახელიანი კაცი რომ იმუშავებს ქართულ გუნდში, ეს, რა თქმა უნდა, უფრო საინტერესოს გახდის საქართველოს ეროვნულ ჩემპიონატს.</p><p>ჩვენ ჯერ ფეხბურთელ ივანაუსკასს უფრო კარგად ვიცნობთ, ვიდრე მის სამწვრთნელო მიმართულებებს. ივანაუსკასის საქმიანობას გორის "დილაში" მილეთი, ალბათ, დიდი ინტერესით ელის.</p><p>როგორც ჩანს, "დილა" სეზონის მეორე ეტაპზეც ღონიერი კლუბი იქნება...</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
27-ე ტური. ლიდერსა და მდევარს შორის სხვაობა შემცირდა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა