<p>ახალგაზრდა ძიუდოისტთა მსოფლიოს ჩემპიონატის პირველი დღე ჩვენთვის უცნაურად დასრულდა</p><p><br> მაროკოულ აგადირში დაწყებული ახალგაზრდა ძიუდოისტთა მსოფლიოს ჩემპიონატის პირველი დღე ჩვენთვის უცნაურად დასრულდა - ახალგაზრდებში ევროპის 2008 წლის ბირნჯაოს პრიზიორმა გიორგი ბროლაშვილმა (60) ტურნირი ძალიან კარგად დაიწყო და ნახევარფინალში უპრობლემოდ გავიდა, იქ კი იაპონურ ბარიერს შეეჯახა და უმედლოდ დარჩა. ნახევარფინალში მომავალ ჩემპიონთან, იაპონელ ტორუ შიშიმესთან მარცხის შემდეგ ჩვენებური ბრინჯაოსთვის ბრძოლაშიც "ამომავალი მზის ქვეყნის" წარმომადგენელ კიოსუკე ნიშიოსთან დამარცხდა და მეხუთე ადგილს დასჯერდა.</p><p>სამწუხაროა... მით უფრო, რომ ჩვენებურმა წინასწარი შეხვედრები ძალზე ძლიერად ჩაატარა - ოთხი შეხვედრიდან სამი წმინდად მოიგო. სულ თავიდან პაკისტანელ მუჰამად რაზისთან უსწრაფესი იპონი მიითვალა - 13 წამში (!) დააგდო სუფთად. ამერიკელი გეორგ ტორუნგი 1,11-ში ორი ვაზარით გააგდო, ირანელ გასემ ნოურიზადეჰის ჯერ ვაზარი აართვა, მერე კი იპონზეც დასცა. იმ ოთხეულიდან ერთადერთი მეტოქე, ვისაც ჩვენებურმა წმინდად ვერ მოუგო, სერბი პრედრაგ ნიოლაევიჩია - სამი იუკო აართვა, ზოგი გდებებეით, ზოგიც - გაფრთხილებებით. ტურნირის ეს მონაკვეთი ბროლაშვილმა იმდენად ძლიერად, იმდენად კარგად ჩაატარა, ნამდვილად არ გვეგონა, უმედლოდ თუ დარჩებოდა, მაგრამ იაპონელები სხვაგვარად ფიქრობდნენ. შიშიმეს ლამის მთელი შეხვედრა ტოლი არაფერში დაუდო და მხოლოდ შეხვედრის დამთავრებამდე ერთი წუთით ადრე დაეცა ვაზარზე. ისეთი სტარტის შემდეგ მისი უმედლოდ დარჩენა ნამდვილად საწყენია.</p><p>ამავე წონაში ტურნირში საერთოდ არ გამოსულა შმაგი ლაგაზაური. ის აგადირში კი გაემგზავრა, მაგრამ როგორც საქართველოს ძიუდოს ფედერაციაში გვითხრეს, იქ ტრავმა მიუღია და ჩემპიონატსაც ამ მიზეზით გამოაკლდა.</p><p>ძალზე სუსტად გამოვიდნენ 55-ში მოასპარეზე ჩვენებურებიც, რომლებმაც მხოლოდ თითო შეხვედრა მოიგეს. ლუხუმ ჩხვიმიანმა ლუქსემბურგელი ტომ შმიტი წუთნახევარში დააიპონა, მაგრამ მერე აზერბაიჯანელ ალი რზაევთან წააგო. აქ ანგარიში თანაბარი იყო - ორივეს თითო იუკო ჰქონდა, მაგრამ მალე აზერბაიჯანელმა ვაზარი მოიპოვა და ანგარიში ბოლომდეც შეინარჩუნა.</p><p>ჩემპიონარი ბრწყინვალე გამარჯვებით დაიწყო ევროპის წლევანდელმა ჩემპიონმა ოთარ კაიდარაშვილმა - მონღოლი კუნტაიჯ ენკჰბაატარი ნახევარ წუთში დააიპონა! ასეთი დასაწყისის შემყურეთ მისი წარმატებით გამოსვლის იმედი გაგვიჩნდა, მაგრამ ამაოდ - მეორე შეხვედრა ბრაზილიელ სერხიო ნასკიმენტოსთან ვაზარით დათმო.</p><p>დღეს ტურნირში კიდევ ორი წონითი კატეგორიის ფალავნები ჩაებმებიან - 66 და 73-ის. ორივეგან ორ-ორი მონაწილე გვეყოლება. 66-ში ლაშა ლომიძე პირველ წრეში ლიბანელ ვისამ ჰაიეკს ხვდება, ამათში მოგებულს კი მეტოქედ კვიპროსელი სოტირის ჩარალამბოუსი ელოდება. ლაშა შავდათუაშვილი პირველ შეხვედრას ტუნისელ ჰოუცემ ხალფაულსთან გამართავს. ცნობილია ამ წყვილში გამარჯვებულის მომდევნო მეტოქეც - ბრიტანელი ლუის კეებლე. 73-შიც ორივე ჩვენებური პირველივე წრიდან ჩაებმება. ზებედა რეხვიაშვილი კვიპროსელ კლეოვოულოს ლუკაიდესს ეჭიდავება, ლაშა ზურაბიანი - გერმანელ ალექსანდერ ვიცზერზაკს. ხვალვე იჭიდავებს გოგონათა ტურნირში ჩვენი ერთადერთი მონაწილე შორენა შარაძეც (63), რომელიც ავსტრიელ სტევი კელს ხვდება.</p><p>კვარცხლბეკი. ვაჟები.</p><p>55 კგ. 1. იელდოს სმეტოვი (ყაზახეთი), 2. საიკენ ფუჯისავა (იაპონია), 3. ფაბიო ბასილე (იტალია), ზაურ კალაშაოვი (რუსეთი).</p><p>60 კგ. 1. ტორუ შიშიმე (იაპონია), 2. ილიას ისმაგილოვი (ყაზახეთი), 3. კიოსუკე ნიშიო (იაპონია), იაკუბ შამილოვი (რუსეთი). 5. გიორგი ბროლაშვილი (საქართველო).</p><p>გოგოები.</p><p>44 კგ. 1. საკიჰო ჰამადა (იაპონია), 2. აგუედა სილვა (ბრაზილია), 3. ანგელინა ბომბარა (იტალია), ებრუ საჰინი (თურქეთი).</p><p>48 კგ. 1. მირი ტოდა, 2. მომო ტამაოკი (ორივე - იაპონია), 3, ნატალია ბრიგიდა (ბრაზილია), სკარლეტ გაბრიელი (საფრანგეთი).</p><p><strong>ყოველდღიური სპორტული გაზეთი</p><p>"ლელო"</strong></p>
[VIDEO] დაბრუნებაც ასეთი უნდა - ზაალიშვილმა ოთხივე მეტოქეს იპონით მოუგო და ევროპის თასის გამარჯვებული გახდა
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
კანტე ევროპაში ბრუნდება? - ფრანგს სერიოზული მსურველი ჰყავს