- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თვალსაზრისი: თემურ ქეცბაიას ინიციატივის ესტონური მოდელი
<p>როგორ გავზარდოთ ნიჭიერი ფეხბურთელები? <br> ყველა აღიარებს, რომ საქართველოში ნიჭიერი ახალგაზრდები იბადებიან. შესაძლოა, ვიღაცას ეს შეხედულება გადაჭარბებული ჰგონია, მაგრამ ფაქტია, რომ ჩვენი ასაკობრივი ნაკრებები ოფიციალურ საერთაშორისო ტურნირებში ბევრად უფრო წარმატებით ასპარეზობენ, ვიდრე ეროვნული ნაკრები.</p><p>საქართველოში სხვადასხვა დროს გვსტუმრობდნენ მილანის "ინტერის" ერთ-ერთი წარმომადგენელი <strong>ჯან-ფრანკო ბედინი</strong>, "აიაქსისა" და "ბაიერნის" მთავარი სკაუტები, ფიფას ინსტრუქტორი <strong>ოლდრიხ შვაბი</strong> და ყველა მათგანი ამბობდა, რომ ბევრგან არ უნახავთ იმდენი ნიჭიერი ბავშვი, რამდენიც საქართველოში.</p><p>იმავე აზრისაა თბილისის "დინამოს" ლიდერი, ესპანელი <strong>ჩისკოც</strong>.</p><p>თუმცა ეს ნიჭი წყევლასავით გვექცა, გვაქვს და ვერ ვიყენებთ. დიდი ხანია, მიდის მსჯელობა, ქართული ფეხბურთის პოტენციალი როგორ გამოვიყენოთ. ალბათ, ამას ემსახურებოდა კიდეც 14 იანვარს ფეხბურთის ფედერაციაში 12-თა საბჭოს წევრებთან <strong>თემურ ქეცბაიას</strong> მიერ გაჟღერებული ინიციატივა, რაც ახალგაზრდა ფეხბურთელების მეტ დასაქმებას გულისხმობდა.</p><p>ეროვნული ნაკრების მთავარმა მწვრთნელმა უმაღლესი ლიგის გუნდებს ძირითად შემადგენლობაში 21-წლამდელი 2 ახალგაზრდის თამაშის დაკანონება შესთავაზა.</p><p>ქეცბაიას აზრით, ასეთი გადაწყვეტილებით, ასაკობრივი ნაკრებების კანდიდატები სათამაშო პრაქტიკას მიიღებენ და გაიზრდებიან.</p><p>კლუბების წარმომადგენლებს შეთავაზებაზე არაერთგვაროვანი პოზიცია ჰქონდათ: "ზესტაფონის" პრეზიდენტმა <strong>ილია კოკაიამ</strong> მხარდაჭერა გამოხატა, რუსთავის "მეტალურგის" გუნდის უფროსი <strong>ირაკლი ქავთარაძე</strong> კი ახალგაზრდების კანონის ძალით დასაქმება-გამოყენებაში გამოსავალს ვერ ხედავს და ამბობს, რომ შესაძლოა, ამან კლუბებში უხერხულობა გამოიწვიოს.</p><p>ჯერ კლუბებს ამ წინადადებაზე საბოლოო პოზიცია არ დაუფიქსირებიათ. ამიტომ საინტერესო უნდა იყოს ამ კუთხით ესტონელთა გამოცდილებისა და ინიციატივების გაცნობა.</p><p>ეს ბალტიური ქვეყანა იმ იშვიათ გამონაკლისებს განეკუთვნებოდა, რომელსაც საბჭოთა კავშირის უმაღლეს ლიგაში გუნდი არასოდეს ჰყოლია, მაგრამ ნუ დაგვავიწყდება, რომ ესტონეთის ნაკრებმა გასაოცარ პროგრესს მიაღწია: 2012 წლის ევროპის ჩემპიონატის შესარჩევ ციკლში პლეი ოფამდე მივიდა!</p><p><img src="pictures/artimages/image16/fca9d7f9643189843a72ccdb0e729eca.jpg" border="0" alt="Sportall.Ge" title="თვალსაზრისი: თემურ ქეცბაიას ინიციატივის ესტონური მოდელი" style="border: 0px none; float: left; margin: 5px;" />ესტონეთში სულ 1,3 მილიონი ადამიანი ცხოვრობს და ცხადია, მწირი საფეხბურთო რესურსი აქვთ, თუმცა ამას მაქსიმალურად იყენებენ. ამ ქვეყნის ფეხბურთის ფედერაციის პრეზიდენტმა <strong>აივარ პოლაკმა</strong> ფეხბურთის განვითარების პროგრამა შეიმუშავა და წარმატებით განახორციელა.</p><p>მისი მოთხოვნით, ყველა სოფელში მიავლინეს მწვრთნელები და გუნდები ჩამოაყალიბეს, შერჩეული ფეხბურთელებისგან შედგენილი ნაკრებები კი ტალინში რეგიონთა თასზე მონაწილეობენ.</p><p>პარალელურად, პოლაკმა მწვრთნელები მიიწვია გერმანიიდან, ჰოლანდიიდან, ირლანდიიდან, რომლებიც არა მხოლოდ კლუბებსა და ნაკრებებში მუშაობდნენ, არამედ ადგილობრივი სპეციალისტების გაზრდაზეც ზრუნავდნენ და დღემდე ზრუნავენ.</p><p>ეს პროცესი წლები გრძელდებოდა, ერთი სეზონიც არ ჩაუგდიათ და შედეგიც მიიღეს.</p><p>დროთა განმავლობაში წამოიზარდა საკმაოდ ნიჭიერი მოთამაშეთა და მწვრთნელთა თაობა. ესტონეთში ოდესღაც არაპოპულარული ფეხბურთი დღეს კონკურენციას უკვე კალათბურთს უწევს, რაც ჩრდილოეთის ცივ ქვეყანაში დიდი მიღწევაა.</p><p>ამიტომ დავინტერესდით ესტონეთის ფეხბურთის ფედერაციის მორიგი ინიციატივით, რაც ასევე ადგილობრივი მოთამაშეების გაზრდის სურვილით არის განპირობებული და ქეცბაიას ჩანაფიქრის სხვაგვარ ინტერპრეტაციას წარმოადგენს. ამიერიდან ესტონეთის უმაღლესი და პირველი ლიგის კლუბებისთვის იმოქმედებს ახალი კანონი, "ესტონეთში მომზადებული მოთამაშეების" შესახებ.</p><p>"ესტონეთში მომზადებული მოთამაშის" სტატუსი მიეკუთვნება მას, ვისაც ამ ქვეყნის ნაკრებებში თამაშის უფლება აქვს, ქვეყნის მოქალაქეა და ესტონეთში 7 სეზონი უთამაშია.</p><p><em></p><p>"2013 წლიდან კლუბები ვალდ</em><em>ებულები არიან, 30 მოთამაშიდან 24 იყოს "ესტონეთში მომზადებული". მიმაჩნია, რომ ეს ჩვენი ფეხბურთისა და ადგილობრივი ახალგაზრდა მოთამაშეების დონის ზრდას ხელს შეუწყობს.</p><p>ლაპარაკია არა მხოლოდ მათ რაოდენობაზე, არამედ მომზადების ხარისხსა და სათამაშო პრაქტიკაზეც.</p><p>ჩვენი ნაკრებები წარმატებულები მხოლოდ მაშინ იქნებიან, თუ ესტონელ მოთამაშეებს გაზრდაში ხელს გარემოც შეუწყობს. 2015 წლიდან კლუბები ვალდებულები იქნებიან, განაცხადში "ესტონეთში მომზადებული" 25 მოთამაშე შეიყვანონ, 2017-ში კი - 26",</em> - განაცხადა პოლაკმა.</p><p>გარდა ამისა, 2015 წელს ამოქმედდება "კლუბში მომზადებული მოთამაშის" სტატუსი. კლუბები ვალდებულები იქნებიან, განაცხადში საკუთარი გაზრდილების კონკრეტული რაოდენობა შეიყვანონ. ლაპარაკია მოთამაშეებზე, რომლებიც 12-იდან 21 წლამდე კლუბში არანაკლებ 4 სეზონი ვარჯიშობდნენ. 2015 წელს განაცხადში ასეთი, მინიმუმ, ერთი მოთამაშე მაინც უნდა იყოს, 2018 წელს - 2, 2021 წელს კი - 3.</p><p>ვფიქრობთ, ესტონელთა ინიციატივები ყურადღებას იმსახურებს და თუ ქეცბაიას მოსაზრებასთან "დავამყნობთ", საინტერესო და, რაც მთავარია, მისაღები სინთეზი გამოვა.</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></p><p></strong><a href="/fexburti/qarthuli-fekhburthi/skhvadaskhva/44253-aiziareben-klubebi-qecbaias-iniciativas.html" target="_blank">თემურ ქეცბაია: მთავარი ქართული ფეხბურთის ინტერესია</a><strong></strong></p>
-
ომარი
ბატონო მერაბ, თქვენს სტატიაში მოყვანილი ინფორმაცია იმის თაობაზე, რომ ესტონელებს საბჭოთა კავშირის უმაღლეს ლიგაში გუნდი არსდროს ჰყოლიათ არასწორია. 1961 წელს საბჭოთა კავშირის ჩემპიონატის უმაღლეს ლიგაში მონაწილეობდა ტალინის"კალევი". სწორედ ამ გუნდთან, როგორც იმ წლის სეზონის ერთ–ერთ აუტსაიდერთან, მოუწიათ გადასასვლელი მატჩების ჩატარება ქუთაისის "ტორპედოსა" და თბილისის "ლოკომოტივს". მაშინდელი "ბ" კლასის 1და2 ზონების გამარჯვებულებს(სამთა ტურნირი). მაშინ, ორწრიანი პაექრობის შედეგად გამარჯვება "ტორპედოს" დარჩა, რომელმაც დაიკავა კიდეც ადგილი უმაღლეს ლიგაში "კალევის" ნაცვლად.
-
GIgi79
და ესტონეთმა რამეს მიაღწია? ხო არ ჯობია სხვა რომელიმე შედარებით წარმატებული ქვეყნის მაგალით აგვეღო ფეხბურთში :))))
-
dato chagelishvili
თქვენ არ წერდით ამ ერთი ვის წინ დაახლოებით, რომ ასე მიდგომა არანაირ შედეგს არ გამოიღებსო? ესტონელებიც აკეთბენ თურმე და ახლა ქეცბაია კაი ტიპი გახდა?
-
Walkabout
ამ ესტონურ მოდელს არავითარი კავშირი და საერთო არ აქვს ქეცბაიას ნათქვამ ჰიპერსისულელესთან, ჯერ ერთი 30-კაციან განაცხადში ფეხბურთელის შეყვანასა (გინდაც 18-ში) და ძირითად შემადგენლობაში დაყენების ვალდებულებებს შორის უდიდესი სხვაობაა, მეორეც ასაკობრივი შეზღუდვა კი ამოქმედდება 2015 წელს მაგრამ ისიც მხოლოდ საერთო განაცხადზე, მესამეც ის რომ ეს კანონი ახალგაზრდების ჩართულობაზე მეტად ლეგიონერებზე ლიმიტის დაწესებას ეხება, ანუ იმას რომ ესტონურ კლუბებში დაშვებული იქნება მხოლოდ 6 ლეგიონერის განაცხადში შეყვანა და ყოველი შემდგომი უცხოელი უნდა აკმაყოფილებდეს სტატიაში მითითებულ მოთხოვნებს... ეს კანონი თუ პროექტი აშკარად საინტერესოა მაგრამ გამომდინარეობს კონკრეტული ქვეყნის კონკრეტულად წარმოშობილი პრობლემიდან (ლეგიონერთა ლიმიტი) და არავითარი კავშირი არ აქვს ქეცბაიას ნათქვამთან, რომელიც არ გამომდინარეობდა არსებული რეალობიდან და ჩვენს წინაშე მდგარი პრობლემებიდან, გაუგებარია რის მოსაგვარებლად გამოდგებოდა და საინტერესოა თვითონ მაინც თუ გაიგო რატომ თქვა...
-
dudu
არანაირ შედეგს არ გამოიღებს. 16-20 წლის ახალგაზრდებს საქართველოში ზრდის საშუალება არა აქვთ. მხოლოდ რამდენიმე (!) შეიძლება მოხვდეს ისეთ გარემოში (დუბლების ჩემპიონატი, პირველი ლიგა), სადაც პრობლემა არ იქნება ბურთი, მოედანი და შხაფი. დანარჩენზე არც ვლაპარაკობ! თუ ეს გარემო არ შეიცვალა, თითო კლუბში (სულ თორმეტია) 2 კაცის განაცხადში შეყვანა ვერაფერს შეცვლის. აი, ვერაფერს აბსოლუტურად! ისედაც ყავთ 2-2 კაცი განაცხადში, რა პრობლემაა? გადახედეთ და დარწმუნდებით. უაზრო ლაპარაკი და წყლის ნაყვა ქვია ამას!
-
uza
აბსოლუტურად სწორია, ეს იდეა შედეგს გამოიღებს.
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა