<p>ავსტრალიის საუკეთესო მორაგბე "ვოლაბების" ფლანკერი დევიდ პოკოქი გახდა, რომელსაც ჯონ ილზის მედალი გუშინ საზეიმოდ გადასცეს...</p><p><br> ავსტრალიის საუკეთესო მორაგბე "ვოლაბების" ფლანკერი დევიდ პოკოქი გახდა, რომელსაც ჯონ ილზის მედალი გუშინ საზეიმოდ გადასცეს. წლის საუკეთესო მოთამაშეს ავსტრალიის ნაკრების მორაგბეები ასხელებენ. 22 წლის პოკოქი თანაგუნდელებმა ყველასგან გამოარჩიეს. მან 269 ქულა დააგროვა, შარშანდელმა წლის მოთამაშემ, მგეზავმა მეთ გიტომ 193 ქულა მიიღო. მესამე კი ქუადე კუპერი იყო 138 ქულით.</p><p>საუკეთსო ახალბედას პრიზი "ვორათაზის" ფულბეკმა ქართლი ბეილიმ დაისაკუთრა. 21 წლის ბეილის დებიუტი ეროვნულ ნაკრებში 2009 წლის ნოემბერში შედგა და მას შემდეგ 15 კეპი მოიხვეჭა. ავსტრალიის ნაკრების ბოლო ოთხ ტესტში კი სულაც ძირითად შემადგენლობაში იყო.</p><p>ორივე ახალგაზრდა ლაურეატი ახლა "ვოლაბების" შეკრებაზეა და ნოემბრის ტესტებისთვის ემზადება.</p><p><strong>ტულიგაი რაგბიდან 50 დღით მოკვეთეს</strong></p><p>საფრანგეთში თამაშის წესების უხეშად დამრღვევებზე სანქციები სულ უფრო მკაცრდება. ფრანგული რაგბის პროფესიული ლიგა მოთამაშეების ჯანმრთელობაზე ზრუნავს და ყველა ხიფათის შემცველ ქმედებას მკაცრად სჯის.</p><p>ახლახან საფრანგეთის რაგბის პროფესიული ლიგის სადისციპლნო კომიტეტმა "პერპინიანისა" და სამოას ნაკრების მესამეხაზელ ჰენრი ტულიგაის 50-დღინაი სასჯელი დაუწესა. მან საფრანგეთის ჩემპიონატის ერთ-ერთ მატჩში "ლა როშელის" მესამეხაზელი დანიელ ნევო სახიფათოდ შებოჭა. დიკვალიფიკაციის გამო ტულიგაის საფრანგეთის ჩემპიონატის სამი ტურისა და სამოას ნაკრების ორი ტესტის გამოტოვება მოუწევს.</p><p><strong>ასეთია და რა ქნას?!</strong></p><p>ახალი ავსტრალიური კლუბი "მელბურნ რებლზი", რომელიც მომავალი წლიდან ყოფილი ზე 14-ის გუნდებს დაემატება და უკვე ოფიციალურად გადანათლულ "ზე რაგბის" გათამაშებაში ჩაებმება, მომავლი კვირიდან საწვრთნელ შეკრებას იაპონიაში გამართავს.</p><p>მელბურნული გუნდი ახალი "შეკოწიწებულია" და უკეთ შეთამაშებისთვის მზადებას ადრიანად შეუდგა. იაპონიაში "რებლზი" ამ ქვეყნის A ნაკრებს და რამდენიმე კლუბს დაუპირისპირდება.</p><p>"მელბურნ რებლზი" ახალი გუნდია, რომელიც მორაგბეებს ახალ პერსპექტივას სთავაზობს. წარმატება რაგბიში გუნდურად მიიღწევა. თუ გუნდი წარმატებულია, მისი ცალკეული მოთამაშეებიც წარმატებულნი იქნებიან. ამიტომ ყველა ერთ მუშტად უნდა შევიკრათ და გამარჯვებები ვჭედოთ" - უთხრა გუნდის მთავარმა მწვრთნელმა როდ მაკქუინმა მორაგბეებს ბოლო კრებაზე.</p><p>ამ ტავყრილობას არ ესწრებოდა გუნდის ყველაზე ძვირადღირებული მოთამაშე, ინგლისელი მგეზავი დენი სიპრიანი, რომელსაც ვითომდა ავსტრალიის ვიზის მიღება გაუჯანჯლეს. არადა, დენის, წესით, პრობლემები არ უნდა ჰქონდეს. თავსაც ჯანმრთელად გრძნობს და ახლახან ლონდონში მოდების ჩვენებაზეც ნახეს ყოფილ გელფრენდ კელი ბრუკთან ერთად. აღსანიშნავია, რომ სიპრიანი და მაქკუინი ლონდონში ერთი თვის წინ სწორედ "ფეშენ ვიკის" მსვლელობისას შეხვდნენ, როცა ემპორიო არმანის სამოდელო სახლის ნაწარმის ჩვენება მიმდინარეობდა.</p><p>ერთი სიტყვით, სიპრიანი თავისას არ იშლის. ასეთია და რა ქნას?! ჰოდა, "პომების" თავკაცმა მარტინ ჯონსონმა სწორედ ამიტომ მოკვეთა გუნდიდან და, საქმეს ისეთი პირი უჩანს, სიპრიანიმ რაც უნდა კარგად ითამაშოს, ჯონსონის ხელში ინგლისის ნაკრების კვართს ვერ მოირგებს.</p>
"შავი ლომი" - სამხრეთ აფრიკაში "ჩიტასთან" ორი ტესტისთვის
გიორგი მაისურაძე - ქალთა რაგბის ახალი მთავარი მწვრთნელი
რუსთავში ბავშვთა რაგბის აკადემიის მშენებლობა დაიწყო
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში