- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თბილისობა ზესტაფონში
<p>"მდიდარს ართმევს, ღარიბს აძლევს"- სწორედ ასეა მიმდინარე ჩემპიონატში თბილისის "დინამოს" საქმე. საქართველოს ყველაზე ტიტულოვანმა გუნდმა "ნაღდი" ქულები დაკარგა, სამაგიეროდ, "დინამოს" ლიდერებთან კარგად გამოსდის თამაში...</p><p><br> "მდიდარს ართმევს, ღარიბს აძლევს"- სწორედ ასეა მიმდინარე ჩემპიონატში თბილისის "დინამოს" საქმე. საქართველოს ყველაზე ტიტულოვანმა გუნდმა "ნაღდი" ქულები დაკარგა, სამაგიეროდ, "დინამოს" ლიდერებთან კარგად გამოსდის თამაში და აგერ, ერთპიროვნულ ლიდერს მისსავე მოედანზე, რომ იტყვიან, "ექვსქულიანი" თამაში მოუგო.</p><p>წინა ტურთან შედარებით, ორივე გუნდის ძირითად შემადგენლობაში არაერთი ცვლილება მოხდა. დისკვალიფიკაციის გამო ზესტაფონელებმა გიორგი ხიდეშელი და ირაკლი ძარია მოისაკლისეს. "ტორპედოსთან" მარცხის შემდეგ სათადარიგოთა სკამზე აღმოჩნდნენ ალექსი ბენაშვილი და ჯაბა დვალი. ამ ოთხეულის ნაცვლად კი ძირითადში მამუკა კობახიძე, კახაბერ ალადაშვილი, შოთა ბაბუნაშვილი და თორნიკე გორგიაშვილი გამოჩნდნენ. გია გეგუჩაძემ სათამაშო სქემაც შეცვალა - ტრადიციული 4-4-2-ის ნაცვლად მეტოქეს 4-5-1 ტაქტიკით დაუპირისპირა, კლასიკურ სქემაზე კი მაშინღა გადაერთო, როცა ანგარიშის გათანაბრებას ცდილობდნენ. გეგუჩაძემ მეორე ფორვარდი ჯაბა დვალიც გაიყვანა მოედანზე...</p><p>ცვლილებები დინამოელთა რიგებშიც მრავლად იყო. გუნდს დაუბრუნდნენ ტრავმამოშუშებული მათე ვაწაძე და რობერტინიო, ძირითადში გამოჩნდნენ ასევე ლევან კაკუბავა, ნიკოლოზ ფირცხალავა და გიორგი თექთურმანიძე. თუმცაღა "დინამოს" დისკვალიფიცირებული დონალდ ჯუსი ვერ ეხმარებოდა.</p><p>მატჩი საკმაოდ საინტერესო და დაძაბული გამოდგა. ტემპიც კარგი იყო და ფეხბურთელებს მონდომებასაც ვერ დავუწუნებდით. "ზესტაფონმა", რომელსაც "ტორპედოსთან" მარცხის შემდეგ საკუთარი გულშემატკივრების წინაშე რეაბილიტაცია მართებდა, შეხვედრა აქტიურად დაიწყო და ტერიტორიული უპირატესობაც მალევე მოიპოვა. მე-5 წუთზე მასპინძელთა ერთადერთი გამოკვეთილი ფორვარდი ნიკოლოზ გელაშვილი მარჯვენა ფლანგზე სამ მცველს დაუსხლტა და გიორგი ლორიას მახვილი კუთხიდან ძლიერად დაურტყა, თუმცა ბურთი დინამოელთა კიპერმა მოიგერია.</p><p>სტუმრებმა, რომლებმაც კონტრშეტევებზე ააგეს თამაში, სწრაფადვე უპასუხეს -ედნილსონის მიერ ჩაწოდებული საჯარიმოს შემდეგ კარისკენ ზურგით მდგარმა ხმალაძემ თავით სახიფათოდ დაარტყა, თუმცა ბურთი მიზანს ასცდა. ამას მოჰყვა შეტევაში ჩართული ონიანის ყუმბარისებური დარტყმა და ბურთი ხარიხის ზემოდან დააცხრა დინამოელთა კარის ბადეს...</p><p>რიგ ეპიზოდებში მასპინძლებს ნერვიულობა ეტყობოდათ და პირველად ამან მე-17 წუთზე იჩინა თავი. კობახიძემ მეკარეს უხერხულად დაუბრუნა ბურთი, რომელსაც თექთურმანიძე დაეუფლა, თუმცა ზესტაფონელთა ბედად ახალგაზრდა დინამოელი სიტუაციაში ვერ გაერკვა და მცველებმა მდგომარეობის განმუხტვა მოასწრეს. ამ ეპიზოდს ზესტაფონელთა სწრაფი და ლამაზი კონტრშეტევა მოჰყვა - გორგიაშვილმა და გრიგალაშვილმა თითო-თითო შეხებით "დინამოს" მთელი დაცვა სტატისტის როლში დატოვეს, გელაშვილი კი, ფაქტობრივად, მეკარესთან პირისპირ გაიყვანეს, მაგრამ... ფორვარდმა დააყოვნა და თომაშვილი წამოეწია, შესაბამისად, მომენტიც განიმუხტა.</p><p>26-ე წუთზე, ზესტაფონელთა შეუთანხმებელი თამაშის შემდეგ, მათ კართან მეტად მწვავე მომენტი შეიქმნა - ონიანმა მეკარისკენ უხერხულად დააბრუნა ბურთი, რომელიც ვაწაძემ ჩაჭრა და საჯარიმოს გარედან სცადა ბურთის კარში გაგზავნა, მაგრამ მას მეკარე კვასხვაძემ წესების დარღვევით შეუშალა ხელი და ამისთვის ყვითელი ბარათიც დაიმსახურა. დინამოელები კვასხვაძის წითელი ბარათით დასჯასაც ითხოვდნენ - ბოლო იმედის ჯარიმა იყოო, თუმცა არბიტრს გადაწყვეტილება არ შეუცვლია.</p><p>პირველი ტაიმის დარჩენილ დროში უპირატესობას მასპინძლები ფლობდნენ, თუმცა ხშირ შემთხვევაში მათი იერიშები დინამოელთათვის იოლი "წასაკითხი" იყო. ზესტაფონელები ძირითადად საჯარიმოში გელაშვილის მისამართით გზავნიდნენ მაღალ ბურთებს, თუმცა სტუმრებს ფეროელთა ბომბარდირი კარგად ჰყავდათ "ამოკეტილი" და გასაქანს არ აძლევდნენ.</p><p>მასპინძლებს მღელვარება მეორე ტაიმშიც გადაჰყვათ, "დინამო" კი შესვენების შემდეგ უკეთ ათამაშდა და გარკვეული უპირატესობაც მოიპოვა. 48-ე წუთზე კვასხვაძემ გორგიაშვილს უხერხულად დაუბრუნა ბურთი, რომელიც ვაწაძემ ჩაუჭრა, დინამოელთა ფორვარდმა დაარტყა კიდეც, მაგრამ ზესტაფონელთა მეკარემ შეცდომა გამოასწორა.</p><p>ხუთიოდე წუთში კვასხვაძემ ედნილსონის ძლიერი დარტმა აკრობატულ ნახტომში მოიგერია, 55-ე წუთზე კი "ზესტაფონი" აშკარა გოლს გადაურჩა -გრიგალაშვილმა ცენტრთან ახლოს დაკარგა ბურთი, კოშკაძის პასი ვაწაძემ გაატარა და რობერტინიო მეკარესთან პირისპირ აღმოჩნდა, მაგრამ მისი დარტყმა სამიზნეს ოდნავ ასცდა.</p><p>ზესტაფონელემმა მეტოქეს სამწუთიანი შტურმითა და ზედიზედ სამი კითხურით უპასუხეს, რომლის დროსაც გრიგალაშვილსა და შეცვლაზე შესულ დვალს შეეძლოთ თავის გამოჩენა - პირველის სახიფათო დარტყმა ლორიამ მოიგერია, დვალს კი მცველებმა შეუშალეს ხელი.</p><p>63-წუთზე მატჩის ერთადერთი გოლიც ვიხილეთ. ბრწყინვალედ ითამაშა რობერტინიომ, რომელმაც ზესტაფონელ ნახევარმცველებს ჩაუქროლა და ვაწაძეს უპასა, ამან კი იქვე, საჯარიმოს ხაზთან კოშკაძეს დაუგორა, კაპიტანმაც არ დააყოვნა და უმალ კარისკენ დაარტყა, ბურთი აფციაურს მოხვდა ფეხზე და ზესტაფონელთა კარში ჩაეშვა - 0:1.</p><p>82-ე წუთზე კოშკაძემ კიდევ ერთხელ დალაშქრა კვასხვაძის კარი, მაგრამ გვერდითმა მსაჯმა თამაშგარე მდგომარეობა დააფიქსირა. იქამდე კი "ზესტაფონი" თავგამოდებით ცდილობდა ანგარიშის გათანაბრებას. გეგუჩაძემ რატი წინამძღვრიშვილსაც უხმო მოედანზე, მოგვიანებით გოგა ფიფიაც ჩართო თამაშში, მაგრამ მასპინძლებმა მიზანი ვერა და ვერ გაისწორეს - ჯერ გორგიაშვილის უძლიერესი დარტყმა გადასცდა ხარიხას, ალადაშვილის ფლანგურ გარღვევასა და კარგ პასს კი დვალმა ვერ მოუძებნა შესაბამისი გაგრძელება. მატჩის მიწურულს ჯაბას კიდევ ერთხელ მიეცა შანსი, მაგრამ ელიავას ჩაწოდებისა და წინამძღვრიშვილის პასის შემდეგ ხელსაყრელი პოზიციიდან თავური ააცილა. "დინამოს" შეხვედრა გამარჯვებამდე მიიყვანა და "თბილისობა" ზესტაფონში იზეიმა.</p><p>მატჩის შემდეგ</p><p>კახა კაჭარავა (დინამო): "თამაში გარდამავალი უპირატესობით მიმდინარეობდა. მომენტები ორივე გუნდს ჰქონდა და ვისაც მეტად გაუმართლა იმან მოიგო. თამაშის ხარისხით ბოლომდე კმაყოფილი არა ვარ, მაგრამ ფეხბურთელებმა თავგანწირვით იბრძოლეს და ამისთვის მათი მადლობელი ვარ".</p><p>გია გეგუჩაძე (ზესტაფონი): "მთელი მატჩის განმავლობაში უპირატესობას ჩვენ ვფლობდით. ცენტრს იოლად გავდიოდით, მაგრამ შეტევებს ბოლომდე ვერ ვაგვირგვინებდით. ბევრი საგოლე მომენტი ვერ გამოვიყენეთ, საკუთარ კარში კი უცნაური გოლი გავუშვით. დამაგვირგვინებელ ფაზაში რომ პრობლემები არის ეს ქუთაისშიც შეიმჩნეოდა და ამის თაობაზე ფეხბურთელებთან გვქონდა საუბარი, მაგრამ დინამოსთან იგივე პრობლემები შეგვექმნა. ხარვეზის გამოსასწორებლად ბევრი უნდა ვიმუშაოთ და ამ მარცხისგან სწორი დასკვნები გამოვიტანოთ. ჩემპიონატი გრძელდება და ვეცდებით მომდევნო მატჩებში შეცდომები აღარ გავიმეოროთ".</p><p>23.10. ზესტაფონი. დ. აბაშიძე. 2 500 მაყურებელი</p><p>ზესტაფონი 0</p><p>დინამო 1</p><p>0:1 კოშკაძე (63)</p><p>ზესტაფონი დინამო</p><p>4-5-1 4-5-1</p><p>ალადაშვილი კაკუბავა</p><p>კობახიძე თომაშვილი</p><p>ონიანი კვარაცხელია</p><p>ელიავა ხმალაძე</p><p>აფციაური რობერტინიო</p><p>დაუშვილი ედნილსონი</p><p>გრიგალაშვილი ფირცხალავა</p><p>გორგიაშვილი თექთურმანიძე</p><p>ბაბუნაშვილი კოშკაძე</p><p>გელაშვილი ვაწაძე</p><p>მწვრთნელი მწვრთნელი</p><p>გ. გეგუჩაძე კ. კაჭარავა</p><p>61. ბაბუნაშვილი - დვალი</p><p>79. გელაშვილი - წინამძღვრიშვილი</p><p>83. გრიგალაშვილი - ფიფია</p><p>სათადარიგოები: მამალაძე, ბენაშვილი, მაკარიანი, ცხადაია</p><p>56. ფირცხალავა - კახელიშვილი</p><p>76. რობერტინიო - ლექვთაძე</p><p>83. ვაწაძე - მუჯირი</p><p>სათადარიგოები: შეყრილაძე, მეტრეველი, ლილუაშვილი, გავაშელიშვილი</p><p>გაფრთხილება: კვასხვაძე(26), კოშკაძე(28), ალადაშვილი(28), აფციაური(34), ფირცხალავა(36), რობერტინიო(45)</p><p>არბიტრი: გ. ვადაჭკორია</p><p><strong>ყოველდღიური სპორტული გაზეთი</p><p>"ლელო"</strong></p>
"იბერია 1999"-მა ბათუმში მოიგო
"დილამ" "ტორპედოს" ანდრონიკაშვილის გოლით მოუგო
"დინამო თბილისისა" და "გარეჯის" მოგებები, "სამგურალი"-"გაგრას" ფრე
საქართველო 5:0 ესტონეთი
[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა
"ლიონთან" მატჩში პსჟ-ს შემადგენლობა ცნობილია
[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია
14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა
ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო
დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს
დერბი ვერ მოიგო, თუმცა 1000-იანთა კლუბში შევიდა - სპალეტის მორიგი მიღწევა სამწვრთნელო კარიერაში
ალვარესი "ატლეტიკოში" მხოლოდ ორ შემთხვევაში დარჩება - ფეხბურთელმა პსჟ-ში ჩაშლილ ტრანსფერზე ისაუბრა
“მილანს” ლევანდოვსკი სურს - აგენტმა საუდის არაბეთის ვარიანტი გამორიცხა
ქოჩორაშვილი არ ათამაშეს - "სპორტინგმა" რთულ მატჩში გაიმარჯვა
მიქაუტაძის გარეშე - "ვილიარეალმა" მოიგო და მეორე ადგილზე აღზევდა
ვიქტორ სანიკიძე საქართველოს კალათბურთის ფედერაციის პრეზიდენტად მეორე ვადით აირჩიეს
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
[VIDEO. ეროვნული ლიგა] ორი გოლი პროტესტის ფონზე! "იბერია 1999" პირველ ადგილს ინარჩუნებს...
[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"
[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა
[VIDEO] გოლი 97-ე წუთზე - გოჩოლეიშვილის "ჰამბურგი" "დორტმუნდს" ფრედ ეთამაშა
[VIDEO. ეროვნული ლიგა] უცვლელი ამოცანები! "თელავს" ძალა და კლასი არ ეყო...
დღეს - პარიზელები ლიდერობის დასაბრუნებლად და "მამარდას" დიდი მატჩი