<p><span style="line-height: 1.3em;" />მთელი საფეხბურთო ევროპა "გალას" იოლ გამარჯვებას ელოდა <br> </span>"შალკე" ბუნდესლიგაში საშინლად გამოიყურება, "გალათასარაი" კი თურქეთის ჩემპიონატის ერთპიროვნული ლიდერია და თანაც, თურქულმა გრანდმა იანვარში <strong>სნეიდერისა</strong> და <strong>დროგბას </strong>სახით ორი უმაღლესი კლასის ოსტატი დაიმატა.</p><p>შესაბამისად, მთელი საფეხბურთო ევროპა "გალას" იოლ გამარჯვებას ელოდა, მაგრამ, როგორც გერმანელებს სჩვევიათ, "შალკემ" სწორედ ასეთ მნიშვნელოვან მომენტში გამოავლინა მებრძოლი ხასიათი და თურქეთში ფრეს მიაღწია, რაც გელზენკირხენელთათვის ძალიან კარგი შედეგია.</p><p>საოცარია, მაგრამ ფაქტია, რომ "შალკეს" ჩემპიონთა ლიგის მიმდინარე გათამაშებაში არცერთი მარცხი არ აქვს!</p><p><strong><span style="color: #ff0000;"><span style="line-height: 1.3em;">რეაქციები</span></p><p></span></strong><em><strong>ფათიჰ თერიმი</strong> ("გალათასარაის" მთავარი მწვრთნელი): "სწრაფი გოლის გატანა გვინდოდა და მიზანს მივაღწიეთ კიდეც, რაც იმის დამსახურებაა, რომ თამაში ძალიან კარგად, იდეალურად დავიწყეთ. სამწუხაროდ, პირველი ტაიმის მიწურულს შეცდომა დავუშვით, რაც მეტოქემ არ გვაპატია და დაგვსაჯა. მანამდე მეორე გოლის გატანაც შეგვეძლო, თუმცა მეორე ტაიმში "შალკესაც" შეექმნა მომენტები. საერთო ჯამში, გაწონასწორებული თამაში გამოვიდა და სამწუხაროა, რომ ვერ მოვიგეთ. გელზენკირხენში რთული თამაში გველის, მაგრამ მე მჯერა იმის, რომ მეოთხედფინალში გავალთ."</p><p><strong>ბურაქ ილმაზი</strong> ("გალათასარაი"): "პირველი ტაიმი ჩვენი იყო, ძალიან კარგად ვთამაშობდით და მეორე გოლიც უნდა გაგვეტანა. მეორე ნახევარში "შალკე" გამოსწორდა, ჩვენ კი ვეღარ ვიდექით მოწოდების სიმაღლეზე. ვფიქრობ, რომ "შალკეზე" უკეთესი გუნდი გვყავს და ლოგიკურად, მეოთხედფინალში ჩვენ უნდა გავიდეთ."</p><p><strong>იენს კელერი</strong> ("შალკეს" მთავარი მწვრთნელი): "აგრესიულები და მონდომებულები ვიყავით, რაც დაგვიფასდა კიდეც. გუნდური ფეხბურთი ვითამაშეთ და მთლიანობაში ჩემი ბიჭების ასპარეზობითაც კმაყოფილი ვარ და ტაბლოზე დაფიქსირებული შედეგითაც."</p><p><strong>ჯერმაინ ჯონსი</strong> ("შალკე"): "კმაყოფილები უნდა ვიყოთ, რადგან ამ სტადიონზე ფრის მიღწევა</em><em> ძალიან ძნელია, ჩვენ კი მართლა კარგად ვითამაშეთ და ფრე დავიმსახურეთ. ცხადია, იყო შეცდომებიც და იმედია, რომ გამოვასწორებთ, მაგრამ ფაქტია, რომ დღეს "შალკემ" სულ სხვა სახე აჩვენა - იმაზე გაცილებით უკეთ ვითამაშეთ, ვიდრე ბუნდესლიგაში ვთამაშობთ ხოლმე."</p><p></em></p><p><strong><span style="color: #ff0000;">გმირი</p><p></span></strong><strong>ჯერმაინ ჯონსი</strong> (შალკე)</p><p>მოედანზე საუკეთესო უდავოდ ჯერმაინ ჯონსი გახლდათ - გელზენკირხენელთა საყრდენი ნახევარმცველი, რომელმაც ძალიან ბევრი იშრომა, აგრესიულ თურქებს აგრესიითვე პასუხობდა და გელზენკირხენული კლუბისთვის ესოდენ მნიშვნელოვანი გოლიც სწორედ მან გაიტანა. სწორედ ჯონსის დამსახურებაა ისიც, რომ "შალკეს" მოედნის ცენტრი არ დაუთმია. ცუდი მხოლოდ ისაა, რომ მესამე გაფრთხილება მიიღო და საპასუხო მატჩში ვერ ითამაშებს.</p><p><strong><span style="color: #ff0000;">ანტიგმირი</p><p></span></strong><strong>ვესლი სნეიდერი</strong> (გალათასარაი)</p><p>ამ მატჩმა ჰოლანდიელ გამთამაშებელს გვერდით ჩაუარა... სნეიდერმა შეტევაში მხოლოდ ერთხელ ითამაშა ხეირიანად - იმ მომენტში, როცა <strong>ალთინთოფმა</strong> ბურთი "შალკეს" კარის ძელს მოარტყა. ანტიგმირად კი, პირველ რიგში, მაინც იმის გამო ვასახელებთ, რომ "გალათასარაის" ფანები მისგან გაცილებით მეტს ელიან.</p><p><strong><span style="color: #ff0000;">დასკვნა</span></p><p></strong>"შალკემ" ურთულეს შეხვედრაში კარგად ითამაშა. მეტიც: მეორე ტაიმში გელზენკირხენელები უფრო ყურადღებით რომ ყოფილიყვნენ, მოიგებდნენ კიდეც.</p><p>მიუხედავად ამისა, შანსებს მაინც 50/50-ზე ვაფასებთ.</p><p><span style="color: #ff0000;"><strong>ჩემპიონთა ლიგა. 1/8-ფინალი. I მატჩი</strong></span></p><p><strong><em><span style="line-height: 1.3em;">გალათასარაი-შალკე 1:1</span></p><p></em></strong>გოლები: 1:0 ბურაქ ილმაზი (12), 1:1 ჯონსი (45)</p><p>გალათასარაი (4-2-2-2): მუსლერა - საბრი (83. უმუთ ბულუთი), სემიჰი, ნუნკეუ, რიერა - ფელიპე მელო, სელჩუკ ინანი - ჰამით ალთინთოფი (66. ებუე), სნეიდერი (46. ამრაბატი) - ბურაქ ილმაზი, დროგბა.</p><p>შალკე (4-2-3-1): ჰილდებრანდი - ჰიოგერი, ჰიოვედესი, მატიპი, კოლასინაცი - ჯონსი, ნოიშტედტერი - ფარფანი, დრაქსლერი (84. ბარნეტა), მიშელ ბასტოსი - ჰუნტელაარი (75. პუკი).</p><p>გაფრთხილება: მუსლერა, ამრაბატი, ნუნკეუ, სელჩუკ ინანი - ჯონსი, კოლასინაცი, ჰიოგერი</p><p>მაყურებელი: 50 734</p><p><p><div id="2042" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2013/02-21/galatasaray-shalke-1-1qtp.jpg" border="0" alt="Sportall.Ge" title="იყო და არა იყო რა - ყველაფერი გელზენკირხენში გადაწყდება [VIDEO]" /></p><p><span style="padding: 2px; display: block;">გალათასარაი - შალკე 1:1</span></div></p></p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/evroturnirebi/chempiontha-liga/45995-galathasarai-shalke-11-qgalasq-ilmazis-almasi-ar-eyo-video.html" target="_blank">გალათასარაი-შალკე 1:1 - "გალას" ილმაზის ალმასი არ ეყო [VIDEO]</a></p>
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა