<p><span style="line-height: 1.3em;" />ჩელსის ბრაზილიური ტრიო ოსკარი-რამირესი-ლუისი გულშემატკივარს 25 მარტის სანაკრებო თამაშზე ეპატიჟება <br> </span>მასალა ბრაზილიის ნაკრებისა და "ჩელსის" პლეიმეიკერ <strong>ოსკარზე</strong> ლონდონური კლუბის ოფიციალურ ვებგვერდზე გამოქვეყნდა, რომელსაც მცირე შემოკლებით გთავაზობთ.</p><p>გასული წლის ზაფხულში, ინგლისში სათამაშოდ გადასვლის წინ, ოსკარმა უკვე იცოდა, რომ მას სერიოზულ ზეწოლასთან გამკლავება მოუწევდა. ახალგაზრდას დიდი პასუხისმგებლობა დაეკისრა, რადგან 11-ნომრიანი მაისურის არჩევა<strong> დიდიე დროგბას</strong> მემკვიდრეობას ნიშნავდა. თუმცა ბრაზილიის ნაკრების მე-10 ნომერს მსგავსი ტვირთი უკვე დიდი ხანია, აწევს ზურგზე. "სელესაოში" ეს მაისურა <strong>პელეს, რიველინოს, ზიკოს, რივალდოს, რონალდინიოსა</strong> და <strong>კაკას</strong> სცმიათ.</p><p>ოსკარმა უკვე ძალიან ბევრი გააკეთა, რათა ამ ნომრის ისტორიაში თავისი კვალი დაეტოვებინა. მიუხედავად ასაკისა, მის ანგარიშზე ნაკრებში უკვე 13 თამაშია, რომელშიც მან ოთხი გოლი გაიტანა.</p><p><em>"ეს არ ყოფილა მხოლოდ ჩემი ოცნება, რადგან მასზე ყველა ბრაზილიელი ბავშვი ფიქრობს. ნაკრებში მე-10 ნომრის ჩაცმა განსაკუთრებული პატივია", - </em>ამბობს ის<em>.</p><p></em>უყურებ წყნარ და მორიდებულ ბიჭს და ვერასოდეს წარმოიდგენ, რომ მასზე ამხელა ავანსი შეიძლება იყოს გაცემული. ის ჯერ კიდევ ადაპტაციას გადის ინგლისურ ფეხბურთთან და მიაჩნია, რომ უმჯობესია, მასზე საფეხბურთო საქმეები მეტყველებდეს. ის გრძნობს, რომ თანდათან ეჩვევა პრემიერლიგას და "სტემფორდ ბრიჯზე" თავს ისე გრძნობს, როგორც საკუთარ სახლში:<em></p><p>"ძალიან მომწონს ატმოსფერო ჩვენს საშინაო შეხვედრებზე. სასიამოვნოა "ჩელსის" გულშემატკივართა მხარდაჭერის შეგრძნება. ყველაზე სასიამოვნო იყო დებიუტი ჩემპიონთა ლიგაში "იუვენტუსის" წინააღმდეგ, როცა ორი გოლი გავიტანე. დუბლი შესანიშნავი მოსაგონარია, მაგრამ ჩვენ ეს მატჩი ვერ მოვიგეთ. დარწმუნებული ვარ, წინ კიდევ ბევრი ასეთი განსაკუთრებული დღე მექნება".</p><p></em></p><p>რამდენიმე დღეში ბრაზილიას რუსეთის ნაკრებთან ამხანაგური შეხვედრა ელის. ეს იქნება კიდევ ერთი ნაბიჯი მსოფლიოს ჩემპიონატისთვის მოსამზადებლად, რომელიც 2014 წელს ოსკარის სამშობლოში ჩატარდება. <em>"შესანიშნავი იქნება ბრაზილიის ნაკრებში "სტემფორდ ბრიჯზე" თამაში," – </em>ამბობს ის.<em> - ეროვნულ გუნდში ასპარეზობა ყოველთვის პატივია, მაგრამ შენს სტადიონზე ნამდვილად განსაკუთრებულია. გოლს თუ გავიტან... ვერც კი წარმომიდგენია... იმედია, რეგულარულად ვითამაშებ და მერე 2014 წელს მსოფლიოს ჩემპიონატზეც წავალ. თამაშს უნდა მოვუმატო და ოცნებები ავიხდინო"</em>.</p><p>ოსკართან ერთად მოედანზე შეიძლება გავიდნენ რონალდინიო და კაკა - ფეხბურთელები, რომელთაც ნაკრებში 10 ნომრად უთამაშიათ და რომელთაც <strong>მანო მენეზეში </strong>აღარ იწვევდა: "ი<em>სინი უფროსი ძმები არიან. კაკასა და რონალდინიოს ისეთ ფეხბურთელებად დავახასიათებდი, ვისთან გატოლებასაც ჩემი თაობა აუცილებლად შეეცდება. ისინი ჩვენთვის ისტორიას წერდნენ. მათი გამოძახება ბევრს ნიშნავს. ორივეს დიდ პატივს ვცემთ და ვიცით, რომ მათ ძალიან ბევრი რამ აქვთ ჩვენთვის სასწავლებელი. მოხარული ვარ, რომ ისინი ნაკრებში დაბრუნდნენ</em>".</p><p>ნაკრებში ითამაშებენ <strong>დავიდ ლუისი</strong> და <strong>რამირესიც</strong>, "ჩელსის" ბრაზილიური ტრიოს დანარჩენი წევრები. ოსკარს ისინი ძალიან დაეხმარნენ ლონდონთან ადაპტაციაში. ფეხბურთელები ერთმანეთის მეზობლად ცხოვრობენ: "<em>ჩემთვის მნიშვნელოვანია, რომ ისინი ჩემ გვერდით არიან. სწორედ მათი დახმარებით არის, რომ ყველაფერს ასე სწრაფად ავუღე ალღო. მოედანს მიღმა უახლოესი მეგობრები ვართ. დარწმუნებული ვარ, ასე გაგრძელდება იქამდე, ვიდრე "ჩელსიში" ერთად ვითამაშებთ</em>".</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/mundiali-2014/46607-braziliis-nakrebshi-kaka-gamoidzakhes-ronaldinio-ara.html" target="_blank">ბრაზილიის ნაკრებში კაკა გამოიძახეს, რონალდინიო – არა</a></p>
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
არისაბალაგა შეიძლება ფაბრეგასის გუნდში გადაბარგდეს
ლოჩოშვილის "ნიურნბერგმა" დიუსელდორფში გაიმარჯვა
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს