- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
შვაინიმ ვერდერი გააგდო!
<p><p>ორი უხმაურო სენსაცია და ფინალის ულამაზო რიმეიქი</p> <br> <p>„ბაიერნმა“ „ვერდერს“ მოუგო და მერვედფინალში გავიდა, „შალკემ“ კი მეორე ბუნდესლიგელ „ფრანკფურტთან“ იწვალა. „კიოლნმა“ დროებითი მწვრთნელის, ფრანკ შეფერის ხელმძღვანელობით „მიუნხენ 1860“ გაანადგურა, ქვედალიგელებმა, „კობლენცმა“ და „კოტბუსმა“ კი სენსაციები მოახდინეს. დეტალები გერმანიის თასის მეორე ეტაპის სამშაბათის მატჩების მიმოხილვაში:</p> <p></p><p>ვიქტორია ჰამბურგი-ვოლფსბურგი 1:3</p><p>ვოლფსბურგი (4-1-2-1-2): ჰიტცი - პეკარიკი, მადლუნგი, ბარძალი, მ. შეფერი - ჟოსუე (61. კალენბერგი) - რიტერი, სისერო - დიეგო (72. ზიანი) - გრაფიტე (72. ჰასებე), მანჯუკიჩი.</p><p>გოლები: 0:1 პეკარიკი (17), 0:2 ჟოსუე (52), 0:3 შეფერი (55), 1:3 რანი (71)</p><p>მაყურებელი: 7 230</p> <p>„ვოლფსბურგმა“ „ჭ“ კლასის „ვიქტორია ჰამბურგთან“ უდიდესი მონდომებით არ ითამაშა, მაგრამ როგორც ითამაშა, ისიც ეყო იმისათვის, რომ მატჩი დამაჯერებლად მოეგო და გერმანიის თასის მერვედფინალში გასულიყო. აი, მასპინძლები კი მართლაც თავგამოდებით, ძალიან მტკიცედ იბრძოდნენ, მაგრამ თავს ზემოთ ძალა არ ეყოთ. ანგარიში „მგლების“ მარჯვენა მცველმა, პეტერ პეკარიკმა მე-17 წუთზე გახსნა და „ვიქტორია“ ამ გოლის შემდეგაც გამეტებით იცავდა თავს. არც „ვოლფსბურგი“ მოეშვა - სტივ მაკლარენის შეგირდებმა ობერლიგელი მეტოქე მეორე ტაიმშიც წნეხის ქვეს ამყოფეს. მატჩის ბედი საბოლოოდ სამ წუთში, ჟოსუესა და მარსელ შეფერის გოლებით გადაწყდა. ჰამბურგელები კი იმითაც კმაყოფილები დარჩნენ, რომ გერმანიის ექს-ჩემპიონს ერთი გოლი გაუტანეს.</p> <p>კობლენცი-ჰერტა 2:1</p><p>ჰერტა (4-1-4-1): სეინა - ლელი, ჰუბნიკი, სებასტიან ნოიმანი, კობიაშვილი - ნიმაიერი - შულცი (69. რონი), დომოვჩიისკი (74. ლასოგა), რაფაელი, რამოსი - ფრენდი.</p><p>გაძევება: რაფაელი (80. ჰერტა)</p><p>გოლები: 1:0 შტალი (60), 2:0 შტეეგმანი (71-პენ), 2:1 რამოსი (88)</p><p>მაყურებელი: 7 015</p> <p>მეორე ბუნდესლიგის ერთპიროვნული ლიდერის, ბერლინის „ჰერტას“ წაგებას ამ მატჩში არავინ ელოდა, რადგან ლევან კობიაშვილის გუნდი (ქართველმა თავიდან ბოლომდე ითამაშა) მესამებუნდესლიგელ „კობლენცს“ ხვდებოდა, მაგრამ მაჩანჩალა გუნდის გამარჯვება ასი პროცენტით დამსახურებულია. აღსანიშნავია, რომ ეს „ჰერტასთვის“ მიმდინარე სეზონში განცდილი პირველი მარცხია. ბერლინელები გერმანიის თასს გამოეთიშნენ და ამიერიდან, ელიტაში დაბრუნებისთვის ბრძოლა სრული კონცენტრაციით შეუძლიათ.</p> <p>ფიურტი-აუგსბურგი 1:1 (დ.დ. 2:4)</p><p>გოლები: 1:0 ონუეგბუ (43), 1:1 თურკი (79), 1:2 რაფაელი (98), 2:2 სარარერი (108), 2:3 რაფაელი (111), 2:4 თურკი (120)</p> <p>მეორე ბუნდესლიგელების ეს ბრძოლა ნამდვილი კრიმინალური თრილერი გამოდგა. ძირითადი დრო ფრედ დასრულდა, დამატებით ტაიმებში კი აუგსბურგელებმა უფრო მოინდომეს და საბოლოოდ დამაჯერებელი ანგარიშით, 4:2 გაიმარჯვეს.</p> <p>კიოლნი-მიუნხენ 1860 3:0</p><p>გოლები: 1:0 ლანიგი (58), 2:0 ნოვაკოვიჩი (79), 3:0 პოდოლსკი (83)</p> <p>კიოლნის „რაინენერგიშტადიონზე“ ამჯერად მხოლოდ 25 000 მაყურებელი შეიკრიბა, რაც ალბათ იმით აიხსნება, რომ „თხები“ ბუნდესლიგაში ძალიან ცუდად გამოიყურებიან და თანაც, ახლა გუნდს დროებითი მწვრთნელი ავარჯიშებს. პირველი ტაიმი უინტერესო და დუნე იყო, მეორე ნახევარში კი, პირდაპირ ვთქვათ, მხოლოდ „კიოლნმა“ მოინდომა და შედეგსაც მიაღწია.</p> <p>კოტბუსი-ფრაიბურგი 2:1</p><p>გოლები: 1:0 კრუსკა (38-პენ), 1:1 სისე (67), 2:1 იულა (81)</p> <p>ერთ-ერთი ყველაზე საინტერესო სიურპრიზი „კოტბუსმა“ შემოგვთავაზა - მეორებუნდესლიგელმა ელიტელი „ფრაიბურგი“ დაამარცხა (2:1), თუმცა ისიც უნდა ითქვას, რომ ფრაიბურგელებს შესუსტებული შემადგენლობით მოუხდათ თამაში - ბრაისგაუელთა მთავარ მწვრთნელს რობინ დუტს კოტბუსში მხოლოდ 14 ჯანმრთელი ფეხბურთელი ჩაჰყვა. „ენერგის“ გამარჯვება აბსოლუტურად დამსახურებულია და ის ერთადერთი გოლი, რომელიც „ფრაიბურგის“ მხრიდან პაპის დემბა სისემ 67-ე წუთზე შეაგდო, არაფრისგან გავიდა.</p> <p>ფრანკფურტი-შალკე 0:1</p><p>შალკე (4-1-2-1-2): ნოიერი - უჩიდა, ჰიოვედესი, პაპადოპულოსი, შმიტცი - ჯონსი (77. მორიტცი) - ფარფანი, რაკიტიჩი - ხურადო (90. ჰაო) - ედუ, ჰუნტელაარი.</p><p>გოლი: 0:1 ხურადო (12)</p><p>მაყურებელი: 10 826</p> <p>მატჩის წინ „შალკეს“ მთავარი მწვრთნელი ფელიქს მაგათი ფეხბურთელებისგან მაქსიმალურ კონცენტრაციას და ისეთ ფეხბურთს ითხოვდა, როგორის ხილვაც მას სურს, მაგრამ როგორც ჩანს, ფეხბურთელების უმრავლესობამ ფელიქსს არ გაუგონა. მართალია, გელზენკირხენელები სათამაშო უპირატესობას და სადავეებს ფლობდნენ, მაგრამ უპირატესობის გამოყენება კი ვერ ხერხდებოდა. რომ არა ხურადოს ნაადრევი გოლი, დიდი შანსია, „შალკეს“ თამაშის მოგება გასჭირვებოდა. 75-ე და 93-ე წუთებზე „ფრანკფურტის“ ფეხბურთელებს, ვუნდერლიხსა და ბუჰადუზს ასპროცენტიანი საგოლე მომენტები შეექმნათ, მაგრამ ვერ გამოიყენეს. ერთი სიტყვით, „შალკეს“ გაუმართლა.</p> <p></p><p>კაიზერსლაუტერნი-არმინია 3:0</p><p>გოლები: 1:0 ლაკიჩი (11), 2:0 ლაკიჩი (42), 3:0 ლაკიჩი (48)</p> <p>კაიზერსლაუტერნის „ფრიც-ვალტერ-შტადიონზე“ კრიზისში მყოფი გუნდების დუელი შედგა - „ლაუტერნი“ პირველ ბუნდესლიგაში წვალობს, „არმინია“ კი მეორე ბუნდესლიგის აუტსაიდერია. გასაოცარიც არაფერი მომხდარა - ელიტელებმა ჩამორჩენილი ბილეფელდელები 3:0 გაანადგურეს.</p><p>„არმინია“ პირველიდან ბოლო წუთამდე მხოლოდ თავის დაცვით იყო დაკავებული, „კაიზერსლაუტერნი“ კი თავგანწირვით, ვნებიანად, მაგრამ როგორღაც უკლასოდ უტევდა. ამიტომაც, გოლები სტანდარტული მდგომარეობებიდან გავიდა: სრდიან ლაკიჩმა მე-11 წუთზე ტიფერტის საჯარიმო ჩაწოდებით ისარგებლა და ანგარიში ზუსტი თავური დარტყმით გახსნა, 42-ე წუთზე კი, უკვე კუთხურიდან იხეირა, რომელიც ასევე ტიფერტმა ჩააწოდა - 2:0.</p><p>დაიწყო მეორე ტაიმი და ლაკიჩმა მესამედ დალაშქრა „არმინიას“ კარი, რითაც დღის გმირისა და ჰეთ-თრიკის ავტორის სტატუსი მოიპოვა.</p> <p></p><p>ბაიერნი-ვერდერი 2:1</p><p>ბაიერნი (4-2-3-1): ბუტი - ლამი, ტიმოშჩუკი, ბადშტუბერი, პრანიჩი (92. ბრააფჰაიდი) - ოტლი, შვაინშტაიგერი - ჰამით ალთინთოფი, კროოსი (79. ვან ბუიტენი), თ. მიულერი - გომესი (81. ოლიჩი).</p><p>ვერდერი (4-2-3-1): მილიტცი - ფრიტცი, მერტეზაკერი, პრიოდლი, სილვესტრი (85. ვაგნერი) - ფრინგსი, ვესლი - ბარგფრედე (78. ჰანტი), პისარო, მარინი (76. უგო ალმეიდა) - არნაუტოვიჩი.</p><p>გოლები: 0:1 პისარო (2), 1:1 შვაინშტაიგერი (27), 2:1 შვაინშტაიგერი (74)</p><p>გაფრთხილება: 1-3</p><p>მაყურებელი: 64 000</p> <p>მატჩის ნებისმიერი სტატისტიკა „ბაიერნის“ სასარგებლოდ მეტყველებს, მაგრამ ბავარიელებს ეს თამაში რომ ვერ მოეგოთ, საწუწუნო არაფერი ექნებოდათ, რადგან რეკორდმაისტერმა ზედმეტად პასიურ „ვერდერს“ ძალიან ოდნავ, მხოლოდ ზერელედ აჯობა. ეს განსაკუთრებით პირველ ტაიმზე ითქმის, როცა ბრემენული კლუბი მე-2 წუთზე კლაუდიო პისაროს გოლით დაწინაურდა. არ გვიკვირს, რომ „მუსიკოსები“ სწრაფმა გოლმა დაამშვიდა და თანაც იმდენად, რომ წინ გახედვაც კი აღარ უნდოდათ, მაგრამ „ბაიერნსაც“ შეეძლო მეტი აქტიურობა.</p><p>მეორე ტაიმში პრიოდლს პრინციპში სამართლიანი გოლი არ ჩაუთვალეს, მარკო არნაუტოვიჩმა კი ჰანს-იორგ ბუტის კარის ძელი შეაზანზარა, რის შემდეგაც ბასტიან შვაინშტაიგერმა გამარჯვების გოლი გაიტანა. „ვერდერმა“ აღარ (ვეღარ) მოუმატა და ასე მოიპოვა „ბაიერნმა“ ლუის ვან გაალის ხელში გერმანიის თასზე ზედიზედ მერვე გამარჯვება.</p></p>
[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა
"ბაიერნი" 23 წლის კოსოვოელი ფორვარდის დამატებას აპირებს
მძიმე ტრავმის შემდეგ ჯამალ მუსიალამ ვარჯიში დაიწყო
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
ტრავმირებულ პსჟ-ში "კვარა" დაიწყებს - "მამარდა" "სიტის" წინააღმდეგ!
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO] ანდრია ბართიშვილის ჯადოსნური მომენტი! ამ ბიჭს მართლა კოჭებში ეტყობა...
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა
[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა
16-წლამდე ვაჟთა ნაკრები მოლდოვას დაუპირისპირდება
დე ლა ფუენტემ თბილისში წამოსასვლელად ესპანეთის ნაკრები დარაზმა
მამარდაშვილის კიდევ ერთი შანსი. როდის დაბრუნდება ალისონი? - სლოტმა კომენტარი გააკეთა
"ბორჯღალოსნები" | ქოქრილმა "არწივებისთვის" 23 შეარჩია
საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა
მბაპეს აღარ შეეცილებიან - "რეალში" პენალტების შემსრულებელი ფრანგი იქნება