<p>საუკეთესო მაჩვენებელი მამუკა მაგრაქველიძის "პოს" აქვს, რომელიც რეგულარული გათამაშების დასრულებამდე ექვსი ტურით ადრე 75 ქულით მეორე ადგილზეა <br> <span style="font-size: x-small;"><span style="color: #888888;"><em><strong>ფოტოზე: დავით დადუნაშვილი</strong></em></span></span></p><p>საფრანგეთის სარაგბო ჩემპიონატის ელიტურ პირველ დივიზიონში ევროპული სანაკრებო ბატალიების გამო შესვენება იყო.</p><p>სამაგიეროდ, ცხარე ბრძოლები გაიმართა მეორე დივიზიონში, სადაც პლეი ოფში მოსახვედრად ქართველ მორაგბეთა ხუთი გუნდი იბრძვის: "პო", "ბრივი", "ორიაკი", "ტარბი" და "ლიონი".</p><p>"ქართული გუნდებიდან" საუკეთესო მაჩვენებელი <strong>მამუკა მაგრაქველიძის</strong> "პოს" აქვს, რომელიც რეგულარული გათამაშების დასრულებამდე ექვსი ტურით ადრე 75 ქულით მეორე ადგილზეა.</p><p>"პომ" 24-ე ტურში შინ დაამარცხა <strong>დავით ხინჩაგიშვილის, ირაკლი ნატრიაშვილისა</strong> და <strong>გოდე</strong><strong>რძი შველიძის</strong> "ბრივი" - 12:9.</p><p>ანგარიშიდანაც ნათლად ჩანს, რომ მატჩი უაღრესად დაძაბული გამოვიდა. შეხვედრის არბიტრმა ორი მორაგბე გაასინბინა, მათ შორის, ქართველი შერკინების ბურჯი დავით ხინჩაგიშვილი, რომელიც ძირითად შემადგენლობაში იყო და 65-ე წუთზე გოდერძი შველიძემ შეცვალა. ნატრიაშვილმა საქართველოს ნაკრებში ითამაშა, მაგრაქველიძე განაცხადში არ იყო.</p><p>მარცხის შემდეგ "ბრივი" ექვსი ქულით ჩამორჩება "პოს" და მე-4 ადგილზეა. ბრიველებზე ოთხი ქულით ნაკლები დაუგროვდათ და მეხუთე-მეექვსე ადგილებს იყოფენ "ორიაკი" და "ტარბი".</p><p><strong>ლევან დათუნაშვილის, კარლენ ასეიშვილისა</strong> და <strong>გიორგი ნაცარაშვილის</strong> "ორიაკმა" უმნიშვნელოვანესი გამარჯვება მოიპოვა შინ გათამაშების ლიდერ "ოიონაქსთან" - 23:22.</p><p>მასპინძლები მე-60 წუთამდე ათი ქულის სხვაობით აგებდნენ - 9:19, თუმცა დასკვნით 20 წუთში თითქმის შეუძლებელი შეძლეს.</p><p>გამარჯვების მომტანი ლელო ორიაკელებმა შეხვედრის ბოლო წუთზე გაიტანეს და ლიდერს მესამე მარცხი აგემეს.</p><p>ნაცარაშვილი ძირითად შემადგენლობაში იყო და 51-ე წუთზე შეცვალეს, ასეიშვილი მოედანზე 72-ე წუთიდან გამოჩნდა, დათუნაშვილმა "ბორჯღალოსანთა" რიგებში იასპარეზა.</p><p><strong>გიორგი ჩხაიძის, დავით დადუნაშვილის, გიორგი ნემსაძისა</strong> და <strong>ირაკლი მირცხულავას</strong> "ტარბმა" შინ დაამარცხა <strong>შალვა სუთიაშვილისა</strong> და <strong>დავით აშვეთიას</strong> "მასი" - 29:26.</p><p>პირველი ტაიმი პარიზელებმა, რომლებიც 27 ქულით აუტსაიდერები არიან, 16:13 მოიგეს. ტარბელებს უდიდესი ძალისხმევა დასჭირდათ საიმისოდ, რომ მატჩის ბედი სათავისოდ შემოებრუნებინათ. ისინი 57-ე წუთისთვის 13 ქულით დაწინაურდნენ - 29:16. სტუმრებმა ამ ჩამორჩენის გასაბათილებლად არაფერი დაიშურეს, თუმცა ანგარიშის მხოლოდ სამ ქულამდე შემცირება შეძლეს.</p><p>ნემსაძემ თავიდან ბოლომდე ითამაშა, დადუნაშვილი და მირცხულავა 51-ე წუთზე შეცვალეს, ორი წუთით ადრე კი მოედანზე აშვეთია გამოჩნდა, სუთიაშვილმა და ჩხაიძემ ეროვნული ნაკრების შემადგენლობაში ითამაშეს.</p><p>საპლეიოფო ხუთეულს საგრძნობლად მიუახლოვდა <strong>გურამ კავთიძის</strong> "ლიონი", რომელიც სტუმრად ფრეს დასჯერდა "კოლომიესთან" - 19:19 და ახლა 60 ქულით მე-7 ადგილზეა. კავთიძე განაცხადში არ იყო.</p><p>სამწუხაროდ, სატურნირო ცხრილის ბოლო სამი საფეხური ქართველ მორაგბეთა გუნდებს უკავიათ. "მასის" თაობაზე უკვე ვთქვით. 35 ქულით ბოლოსწინა, მე-15 ადგილზეა <strong>ბექა შეყლაშვილის</strong> "ბეზიე", რომელმაც შინ მოუგო ლიდერთა ჯგუფის წარმომადგენელ "ლა როშელს" - 31:25.</p><p>შეყლაშვილი ძირითად შემადგენლობაში იყო და 58-ე წუთზე შეცვალეს.</p><p>ლანგედოკელებზე ერთი ქულით მეტი აქვს და მე-14 ადგილზეა <strong>ტარიელ რატიანიძის</strong> "დაქსი", რომელმაც შინ დაამარცხა პლეი ოფში გასვლისთვის მებრძოლი "კარკასონი" - 22:9.</p><p>რატიანიძე ძირითად შემადგენლობაში იყო და 41-ე წუთზე შეცვალეს.</p><p><span style="color: #ff0000;"><strong>II დივიზიონი</strong></span></p><p><span style="text-decoration: underline;">XXIV ტური</span></p><p>ექსი-ნარბონი 28:22, ბეზიე-ლა როშელი 31:25, ოში-ალბი 22:10, ორიაკი-ოიონაქსი 23:22, ტარბი-მასი 29:26, დაქსი-კარკასონი 22:9, პო-ბრივი 12:9, კოლომიე-ლიონი 19:19.</p><p>სატურნირო მდგომარეობა: 1. ოიონქსი - 93 ქულა, 2. პო - 75, 3. ლა როშელი - 73, 4. ბრივი - 69, 5. ორიაკი - 65, 6. ტარბი - 65, 7. ლიონი - 60, 8. კარკასონი - 60, 9. ნარბონი - 57, 10. კოლომიე - 54, 11. ალბი - 49, 12. ოში - 39, 13. ექსი - 38, 14. დაქსი - 36, 15. ბეზიე - 35, 16. მასი - 27.</p><p><strong>ყოველდღიური სპორტული გაზეთი "ლელო"</strong></p>
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა