- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კახა კალაძე: ჯენოაში ნაკრების გამო გადავედი
<p>"თუ სლოვენიასთან ამხანაგური მატჩისთვის სიაში არ ვიქნები, ამაში უცნაურს ვერაფერს ვხედავ" <br> იტალიურ სერია A-ში მიმდინარე სეზონის დაწყებამდე "ჯენოამ" რამდენიმე სახელოვანი ფეხბურთელი დაიმატა. სატრანსფერო პერიოდის მიწურულს კი ჩვენი ნაკრების კაპიტანი კახა კალაძე: "მილანიდან" გადაიბირა და მაღალი მიზნებისთვის ბრძოლა დაისახა მიზნად. თუმცა 8 ტურის შემდეგ გენუელები მე-9 ადგილზე არიან. ჩვენებურის გუნდს დასკვნით ტურში შინ "კატანია" რომ არ დაემარცხებინა, ცხრილის ქვედა ნაწილში იქნებოდა და შესაძლოა, კახას გუნდის თავკაცის პოსტი ახლა ვაკანტური ყოფილიყო. თუმცა ჯან პიერო გასპერინი, რომელმაც კალაძე რამდენიმე მატჩში არ ათამაშა, კვლავ "ჯენოაშია".</p><p>ჩვენი ნაკრების კაპიტანს იტალიაში დავუკავშირდით და აქტუალურ თემებზე, ნაკრებზე, ევრო 2012-ის შესარჩევ ციკლზე, კლუბსა და სხვა საკითზებზე ვესაუბრეთ.</p><p><strong>- კახა, საუბარი ბოლოს ჩატარებული მატჩით დავიწყოთ...</p><p></strong>- ჩემპიონატის წინ რჩეული ფეხბურთელების დამატებით "ჯენოა" საგრძნობლად გაძლიერდა და კლუბის ხელმძღვანელობასთან ერთად გულშემატკივარიც ჩვენი გუნდისგან წარმატებას ელოდა. თუმცა სტარტზე ქულები დავკარგეთ და მძიმე მდგომარეობაში აღმოვჩნდით. შესაბამისად, "კატანიასთან" მოგება ჩვენთვის ძალზე მნიშვნელოვანი იყო. მართალია, მასპინძლები ვიყავით, მაგრამ გატანა გაგვიჭირდა. მეორე ტაიმის შუაწელს, მარკო როსის გადაცემით ეს ერთადერთი ბურთი ბრაზილიელმა მცველმა რაფინიამ გაიტანა.</p><p><strong>- იტალიელი მიმომხილველები წერდნენ, "ჯენოამ" "კატანიასთან" თუ ვერ მოიგო, კლუბის მესვეურებს ახალი მწვრთნელის მოძებნა მოუწევთო. ჯან პიერო გასპერინის დათხოვნის საკითხი აქტიურად განიხილებოდა?</p><p></strong>- მის გადაყენებას რადიკალები ახლაც ითხოვენ, მაგრამ ბოლო თამაშის მოგების შემდეგ ვითარება საგრძნობლად დამშვიდდა. მის საფეხბურთო ხედვას ბევრი არ ეთანხმება. მცირედი გამონაკლისის გარდა, თითქმის ყველა მატჩში 3 მცველით ვთამაშობთ. სერია A-ში ეს ძალზე სარისკო და წამგებიანია. მით უმეტეს, როცა მცველებისგან შეტევაში აქტიურ მონაწილეობას ითხოვ. თითქმის ყველა მატჩში, სამ-ოთხჯერ არის ეპიზოდი, როცა მეტოქის თავდამსხმელი ჩვენს მეკარესთან პირისპირ რჩება. ასეთ ვითარებაში კი ძნელია ქულების დაგროვება.</p><p><strong>- მცველი ხართ და უკანა ხაზის პრობლემა თქვენც გეხებათ. სამი მცველით თამაში მწვრთნელის ახირებაა, თუ კადრების დეფიციტით არის განპირობებული?</p><p></strong>- უბრალოდ, მწვრთნელის ტაქტიკაა ასეთი, თორემ კადრების დეფიციტს არ ვუჩივით.</p><p><strong>- "კატანიასთან" გადამწყვეტი გოლი მცველმა რაფინიამ გაიტანა. ამ შეხვედრამდე, სათასო მატჩში თქვენც შეგეძლოთ გატანა. "გროსეტოსთან" ეს რომ ვერ შეძელით, იმიტომ ხომ არ იყო, გასპერინიმ ძირითადის შემდეგ შეცვლაზე რომ გათამაშათ?</p><p></strong>- გასპერინი მცველებს უკანა ხაზზე საიმედოდ თამაშის გარდა შეტევაში აქტიურ მონაწილეობასაც გვთხოვს, თორემ გოლის გატანა ჩვენი ვალდებულება არ არის. "გროსეტოსთან" გატანა შემეძლო, მაგრამ მეკარემ ბურთი მოიგერია.</p><p><strong>- "ჯენოაში" აგვისტოს ბოლოს გადახვედით, თუმცა ამ გუნდში ჯერჯერობით სტაბილურად არ გიწევთ თამაში...</p><p></strong>- "მილანი" ნაკრების გამო დავტოვე და "ჯენოაში" გადავედი. "როსონერიში" ბევრი კარგი მატჩი ჩავატარე და სხვადასხვა ტიტულის მოპოვებაში ჩემი წვლილიც შევიტანე. თუმცა, გარკვეულ მიზეზთა გამო "მილანში" თამაში აღარ მომიწევდა. ეროვნული გუნდის კაპიტანი ვარ, ეს დიდი პასუხისმგებლობაა და გადავწყვიტე, კლუბი შემეცვალა. მაღალი მიზნებისთვის მებრძოლ ისეთ გუნდში უნდა გადავსულიყავი, სადაც თამაში მომიწევდა. სხვა შემოთავაზებებიც მქონდა, მაგრამ საბოლოოდ "ჯენოაზე" შევჩერდი. "მილანში" სხვაგვარი ვარჯიშებია, "ჯენოაში" კი ფიზიკური კონდიციების ამაღლებაზე უფრო კეთდება აქცენტი და ეს ნაკრებშიც გამომადგა.</p><p><strong>- ბოლო ორ მატჩს თუ არ ჩავთვლით, "ჯენოაში" გადასვლის შემდეგ პირველივე შეხვედრაში, რომ ითამაშეთ, მერე 4 ტური სათადარიგოთა სკამზე აღმოჩნდით. ამას, ალბათ, თქვენც არ ელოდით?</p><p></strong>- "ჯენოაში" გადასვლამდე კლუბის ხელმძღვანელობასა და მთავარ მწვრთნელს ვესაუბრე. ზედიზედ 4 მატჩში უთამაშებლობა ჩემთვისაც მოულოდნელი იყო. რა თქმა უნდა, ამას ვერ შევეგუები და ვითარების გარკვევა გადავწყვიტე. ყველამ დამაიმედა, რომ თამაშის დეფიციტი არ მექნებოდა. ბოლოს ორივე შეხვედრაში მივიღე მონაწილეობა და იმედი მაქვს, საქმე კარგად ამეწყობა.</p><p><strong>- უკვე ჩავლილი ამბავია, მაგრამ საინტერესოა, "ჯენოას" გარდა სხვა რომელ კლუბში გადასვლის ვარიანტი გქონდათ?</p><p></strong>- "იუვენტუსში" გადასვლა ძალიან მინდოდა, ტურინელები ფაბიო გროსოში მცვლიდნენ. მე წინააღმდეგი არ ვიყავი, მაგრამ ეს ტრანსფერი მხოლოდ ჩემზე არ იყო დამოკიდებული. იყო "ნაპოლის", "ვერდერისა" და სხვა გუნდების ვარიანტებიც. იმ დროისათვის, რჩეული მოთამაშეების დამატების გამო, "ჯენოა" უფრო ამბიციურ გუნდად ჩანდა და ამიტომაც გადავდგი ეს ნაბიჯი.</p><p><strong>- ახლა ნაკრებზე ვთქვათ. კლუბში უთამაშებლობის მიუხედავად, ნაკრებში ბოლო მატჩები კარგად ჩაატარეთ. ეროვნულის კაპიტნის თავდადებული თამაში ბევრმა აღნიშნა...</p><p></strong>- მხოლოდ ჩემი კი არა, მთელი გუნდის მონდომებითა და გარჯით კმაყოფილი ვარ. თუმცა თამაშის ხარისხი იმ დონის არ იყო, როგორიც შეგვიძლია. ისიც გასათვალისწინებელია, რომ მალტა 11 ფეხბურთელით თავს იცავდა და ასეთ გუნდთან ყველას უჭირს თამაში. თუმცა ბოლომდე ვიბრძოლეთ და დაგვიფასდა კიდეც, ამ შესარჩევში პირველად მოვიგეთ. შესაძლოა, ზოგს არ სჯეროდა, ლატვიიდან ქულას რომ წამოვიღებდით და აქედან გამომდინარე, რიგაში ნათამაშები ფრით კმაყოფილია. თუმცა ლატვიელებთან უნდა მოგვეგო, სამ ქულამდე მხოლოდ რამდენიმე წამი დაგვაკლდა. ფეხბურთი 90 წუთი გრძელდება და რიგის მატჩის გაკვეთილი ის არის, რომ ყველა თამაშში ბოლომდე ბრძოლაა საჭირო.</p><p><strong>- ევრო 2012-ის საკვალიფიკაციო ეტაპზე გაისამდე თამაში აღარ გვაქვს. ჩვენი ნაკრების წლევანდელი მონაგარით კმაყოფილი ხართ?</p><p></strong>- იმის გათვალისწინებით, რა შედეგებიც შარშან და ბოლო წლებში გვქონდა, უკმაყოფილო არ ვარ. თუმცა უკეთესი შედეგის მიღწევაც შეგვეძლო, რიგაში და ისრაელთან საშინაო მატჩი რომ მოგვეგო. შესარჩევში 4 მატჩში 6 ქულა გვაქვს, ორჯერ მეტი, ვიდრე წინა საკვალიფიკაციო ეტაპზე 10 შეხვედრაში. ეს კი ნაკრების ახალი მწვრთნელის თემურ ქეცბაიას დამსახურებაა. მან ეს მუშაობის მოკლე პერიოდში შეძლო. წინ უფრო რთული მატჩები გველის და უკეთ უნდა ვითამაშოთ. თბილისში ყველას უჭირს თამაში, იტალიის ნაკრებსაც ყოველთვის გაუჭირდა და "საშინაო კედლების" ფაქტორი მაქსიმალურად უნდა გამოვიყენოთ. ჩვენ შეგვიძლია შინ თამაში არ წავაგოთ და ეს უნდა მოვახერხოთ.</p><p><strong>- შედეგი გასაგებია, მაგრამ რა გააუმჯობესდა ჩვენს ნაკრებში, რაც გუნდი ქეცბაიამ ჩაიბარა?</p><p></strong>- ვფიქრობ, ხალხიც ხედავს, ნაკრებში სათამაშო დისციპლინაა, ქეცბაიამ გუნდს უკვე დაატყო თავისი ხელი, რაც სხვადასხვა კომპონენტში აისახება. უმთავრესია ის, რომ გუნდი ბევრ ბურთსს არ უშვებს, რაც თანამედროვე ფეხბურთში მნიშვნელოვანია და ბევრ შემთხვევაში გადამწყვეტია. 4 მატჩში მხოლოდ 3 ბურთი გაგვიტანეს. ასე რომ, მეკარე და დაცვის ხაზი საიმედოდ თამაშობს. სამუშაო კიდევ ბევრია და მჯერა, პროგრესი მომდევნო მატჩებში გამოიკვეთება.</p><p><strong>- 17 ნოემბრის სლოვენიასთან მატჩს ქეცბაია ახალი ფეხბურთელების გამოსაცდელად გამოიყენებს. შესაბამისად, ეროვნულის სტაჟიანი წევრების მხოლოდ ნაწილს გამოგიძახებენ ნაკრებში. ამ თამაშს რა დატვირთვას ანიჭებთ და ხართ თუ არა გამოძახებუილთა სიაში?</p><p></strong>- ამხანაგური მატჩები იმისთვისაა, რომ ნაკრების კანდიდატები და პოტენციური წევრები მწვრთნელებმა საქმეში ნახონ. ეს ჩვეულებრივი და აუცილებელი პროცესია. რაც მეტი ფეხბურთელი იქნება სანაკრებოდ მზად, მით უკეთესია. ნაკრების სტაჟიანი წევრები თანდათან ვამთავრებთ კარიერას და ახალმა თაობამ უნდა შეგვცვალოს. ამ თაობას კი საამისოდ მომზადება სჭირდება. ნაკრებში გამოძახებულთა სია ჯერ არ გაცხადებულა, წესით ორი კვირით ადრე უნდა გაირკვეს. შესაბამისად, ჯერ არ ვიცი, გამომიძახებენ თუ არა. თუ სლოვენიასთან ამხანაგური მატჩისთვის სიაში არ ვიქნები, ამაში უცნაურს ვერაფერს ვხედავ.</p><p><strong></p><p>ყოველდღიური სპორტული გაზეთი</p><p>"ლელო"</strong></p>
L'Équipe: 5 ფაქტი, რომელიც ევროპირველობების რეკორდსმენ მამარდაშვილზე უნდა ვიცოდეთ
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
გოჩოლეიშვილი შეცვლაზე და "ჰამბურგის" ფრე "აუგსბურგთან"
ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა