- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბუნდესლიგა. XXVII ტურის წინ: უპატარძლო ქორწილი?
<p><span style="line-height: 1.3em;">მიუნხენელები გაჩემპიონების შემთხვევაში ზეიმს არ აპირებენ - წინ ხომ "იუვენტუსთან" ჯახია <br> </span>ბუნდესლიგის მიმდინარე, რიგით 50-ე სეზონი გადამწყვეტ ფაზაში შედის, ჩემპიონის ვინაობა კი ფაქტობრივად ცნობილია.</p><p>ერთი ეგაა, რომ "ბაიერნს" ჩემპიონობა ჯერ ოფიციალურად არ გაუნაღდებია, მაგრამ ეს შეიძლება შაბათს 27-ე ტურში გააკეთოს, რაც ბუნდესლიგის ისტორიაში მიუნხენური გრანდის მორიგი გრანდიოზული რეკორდი იქნება.</p><p>ამისათვის საჭიროა, რომ დორტმუნდის "ბორუსიამ" "შტუტგარტის" დამარცხება ვერ შეძლოს, ხოლო "ბაიერნმა" კი შაბათის საღამოს მატჩში "ჰამბურგი" დაამარცხოს.</p><p>ერთი სიტყვით, მოვლენების ამგვარად განვითარება რეალურია, მაგრამ ბავარიელები გაჩემპიონების შემთხვევაში ზეიმს არ აპირებენ, რადგან წინ "იუვენტუსთან" უმნიშვნელოვანესი ჯახი ელით და არ უნდათ, რომ კონცენტრაცია დაკარგონ.</p><p>"ბაიერნი" ჩემპიონობას ახლა გაინაღდებს, თუ მოგვიანებით, ამას მნიშვნელობა არა აქვს და უკვე ფაქტია, რომ დარჩენილ ტურებში სხვა ინტრიგები გადმოვა წინა პლანზე.</p><p>საინტერესო იქნება ბრძოლა ჩემპიონთა ლიგის და ევროპალიგის საგზურებისთვის და, რა თქმა უნდა, ბრძოლა გადარჩენისთვის. ევროსაგზურებისთვის გაჩაღებულ ბრძოლაში ამ ტურში რამდენიმე საინტერესო დუელია: "ფრაიბურგისა" და "გლადბახის" სახით ერთმანეთს უშუალო კონკურენტები ხვდებიან, მათ კონკურენტებს კი ცხრილის ქვედა ნახევარში განლაგებულ კლუბებთან მოუწევთ ჭიდილი - "შალკე" "ჰოფენჰაიმს" მასპინძლობს, "ჰანოვერი" აუგსბურგში ჩადის, "მაინცი" "ვერდერს" დაუხვდება, ხოლო "აინტრახტი" კი კვირას უიმედო აუტსაიდერ "ფიურტს" ესტუმრება.</p><p>სხვათა შორის, კვირის მეორე შეხვედრაც საინტერესოა და კერძოდ იმ მხრივ, რომ "ვოლფსბურგის" მთავარი მწვრთნელი დიტერ ჰეკინგი "ნიურნბერგის" სახით ყოფილ გუნდს უნდა დაუპირისპირდეს.</p><p><strong><span style="color: #ff0000;">"შალკეს" მარიკა უბრუნდება</p><p></span></strong>ჩემპიონთა ლიგის მეოთხე საგზურის მოპოვების უმთავრესი კანდიდატი "შალკეა", რომელიც 26 ტურის შემდეგ მეხუთე ადგილზეა და "აინტრახტს" მხოლოდ ბურთების უარესი შეფარდების (-2) გამო ჩამორჩება.</p><p>ამ ტურში "შალკე" "ჰოფენჰაიმს" მასპინძლობს და იდეაში, მოგება არ უნდა გაუჭირდეს, მაგრამ "სოფლელები" გააფთრებით იბრძვიან გადარჩენისთვის - "ჰოფესთვის" ახლა თითოეულ ქულას სასიცოცხლო მნიშვნელობა აქვს, რაც იმას ნიშნავს, რომ "შალკე" სამ ქულას იოლად ვერ დაისაკუთრებს.</p><p>გელზენკირხენელებს რუმინელი თავდამსხმელი <strong>ჩიპრიან მარიკა </strong>გამოუჯანმრთელდათ, რაც <strong>კლაას-იან ჰუნტელაარის </strong>არყოფნაში დიდი შეღავათია, თუმცა <strong>იენს კელერმა </strong>ძირითად შემადგენლობაში, შესაძლოა, მაინც ფინელი <strong>ტეემუ პუკი </strong>ათამაშოს - ამ უკანასკნელმა ხომ ესპანეთს გაუტანა (1:1), რის შემდეგაც ათჯერ მეტად დაფასდა. აღსანიშნავია ისიც, რომ "ჰოფენჰაიმს" "შალკესთან" დადებითი ბალანსი (4/3/2) აქვს.</p><p><strong><span style="color: #ff0000;">დაეხმარება "შტუტგარტი" "ბაიერნს"?</p><p></span></strong>იმისათვის, რომ "ბაიერნს" ამ ტურში გაჩემპიონების საშუალება არ მისცენ, დორტმუნდელებმა შტუტგარტში უნდა მოიგონ, მაგრამ მეორემხრივ, მიუნხენური გრანდის ჩემპიონობა ისედაც გარდაუვალია და შეიძლება, "ბორუსიამ" "შტუტგარტს" თავი "არც შეაკლას" - მით უმეტეს, რომ <strong>იურგენ კლოპის</strong> გუნდს ოთხშაბათს ჩემპიონთა ლიგის მეოთხედფინალის პირველი დუელი ელის (სტუმრად, "მალაგასთან").</p><p>"შტუტგარტი" ცხრილში მე-12 ადგილზეა და მართალია, <strong>ბრუნო ლაბადიას </strong>გუნდს ევროზონამდე 6 ქულა აშორებს, მაგრამ ევროპალიგაში მოხვედრას შვაბები ალბათ მაინც გერმანიის თასიდან შეეცდებიან, სადაც ნახევარფინალში არიან და მეტოქედ "ფრაიბურგი" ჰყავთ.</p><p>"ბორუსია" შვაბენლანდში პოლონელი გარემარბის, <strong>იაკუბ ბლაშჩიკოვსკის</strong> (ტრავმა) გარეშე ჩადის და აქვე იმასაც გაგახსენებთ, რომ "შტუტგარტისა" და "დორტმუნდის" ბოლო ოთხი დუელიდან ოთხივე ფრედ დასრულდა - მათ შორის იყო შარშანდელი ფანტასტიკური 4:4-იც, რომელიც დორტმუნდში დაფიქსირდა. თუ დღევანდელი დუელიც ფრედ დასრულდა, ან "შტუტგარტმა" მოიგო, "ბაიერნს" მოგვიანებით გაჩემპიონების შანსი მიეცემა.</p><p><strong><span style="color: #ff0000;">დუელი ევროპალიგისთვის</p><p></span></strong>"ფრაიბურგისა" (36 ქულა) და "გლადბახის" (38) დაპირისპირება ევროპალიგის საგზურებისთვის მებრძოლი გუნდების უშუალო დაპირისპირებაა.</p><p>აღსანიშნავია, რომ "ფრაიმ" ბოლო დროს სტაბილურობა დაკარგა, რაზეც პირველ რიგში "დორტმუნდთან" (1:5) და "ვოლფსბურგთან" (2:5) წაგებები მეტყველებს. მიონხენგლადბახელები კი საკმაოდ სტაბილურად თამაშობენ და ბოლო ოთხ შეხვედრაში 8 ქულას მოუყარეს თავი.</p><p>"ფრაიბურგის" 25 წლის შემტევ <strong>მაქს კრუსესთვის </strong>ეს მატჩი განსაკუთრებულია, რადგან ამ კვირაში გადაწყდა, რომ კრუსე ზაფხულში "გლადბახის" ფეხბურთელი გახდება.</p><p><strong><span style="color: #ff0000;">რა ეშველება "ვერდერს"? "აუგსბურგის" პროგრესი სახეზეა</p><p></span></strong>საუკეთესო ექვსეულში მოსახვედრად იბრძვის "მაინციც". <strong>თომას ტუხელის</strong> გუნდს 38 ქულა და ამ მხრივ მართლაც კარგი პერსპექტივა აქვს. მაინცელები ბრემენში ჩადიან, "ვერდერი" კი აბსოლუტურად გაუკრვეველ ვითარებაშია. <strong></p><p>თომას შააფის</strong> გუნდი ამ სეზონში სამარცხვინოდ ასპარეზობს და ყველაზე მეტი, 51 გოლი აქვს გაშვებული. "მუსიკოსები" ევროპალიგის საგზურზე აღარც ოცნებობენ, მათ უფრო მეორე ბუნდესლიგაში დაქვეითების საფრთხე ემუქრებათ, მაგრამ არა იმდენად, რომ ძალიან ინერვიულონ - "ვერდერი" სარელეგაციო მე-16 ადგილზე მყოფ "აუგსბურგს" 6 ქულით უსწრებს.</p><p>თუმცა თუ ბრემენელები არ გამოსწორდებიან, შესაძლოა, გავარდნის საფრთხე მართლა რეალურად დაემუქროთ, რადგან "აუგსბურგს" პროგრესი ეტყობა...</p><p>...და დიდი შანსია, რომ აუგსბურგელებმა ამ ტურშიც სამი ქულა აიღონ, რადგან საკუთარ მოედანზე "ჰანოვერს" ხვდებიან, რომელიც გასვლით მატჩებში ძალიან ცუდად გამოიყურება (2/1/10).</p><p>ფაქტია, რომ "აუგსბურგის" ფეხბურთელები ყველაფერს გააკეთებენ <strong>მირკო სლომკას </strong>გუნდის დასამარცხებლად და თუ ეს შეძლეს, "ვერდერთან" ერთად, დიუსელდორფის "ფორტუნასაც" აანერვიულებენ.</p><p>დიუსელდორფელები კი ამ ტურში "ლევერკუზენს" სტუმრობენ, თუმცა შორი გზა ნამდვილად არ აქვთ გასავლელი - დიუსელდორფიდან ლევერკუზენამდე ხომ სულ რაღაც 40 კილომეტრია.</p><p>"ფორტუნასაც" და "ბაიერსაც" ბოლო ტურებში რეგრესი აქვთ: დიუსელდორფელებმა ბოლო ოთხ ტურში მხოლოდ ორ ქულას მოუყარეს თავი, "ლევერკუზენმა" კი ზედიზედ ორი თამაში წააგო.</p><p><strong><span style="color: #ff0000;">"ბაიერნისთვის" ახლა მთავარი "იუვენტუსია"</span></strong></p><p>გაჩემპიონების შემთხვევაში, "ბაიერნში" "ჰამბურგთან" მატჩის შემდეგ ზეიმი ყველას აკრძალული აქვს.</p><p>ასე განსაჯეთ: არც ერთობლივი ვახშამია დაგეგმილი. მიზეზი გასაგებია: სამშაბათს რეკორდმაისტერი ჩემპიონთა ლიგის მეოთხედფინალის პირველ რაუნდში "იუვენტუსს" მასპინძლობს და მიუნხენელებისთვის ეს მატჩი უფრო მნიშვნელოვანია, ვიდრე გერმანიის ჩემპიონობის 27-ე ტურში გაფორმება.</p><p><em>"ჩვენი მიზანი ჩემპიონთა ლიგის მოგებაა, გერმანიის ჩემპიონობას კი მაინც ვეღარავინ წაგვართმევს,"</em> - ეს "ბაიერნის" პრეზიდენტ ული ჰიონესის სიტყვებია. ახლა თავად განსაჯეთ, რამდენად კონცენტრირებულ "ბაიერნს" უნდა ველოდოთ "ჰამბურგთან".</p><p><strong><span style="color: #ff0000;">ჰეკინგი ყოფილი გუნდის წინააღმდეგ</p><p></span></strong>2012 წლის 3 ნოემბერს, ანუ, პირველ წრეში, <strong>დიტერ ჰეკინგის</strong> დამოძღვრილმა "ნიურნბერგმა" "ვოლფსბურგი" <strong>გებჰარტის</strong> გოლით 1:0 დაამარცხა. დეკემბრის მიწურულს დიტერი ნიურნბერგიდან წავიდა და "ვოლფსბურგის" თავკაცად დაინიშნა და ახლა მისი გუნდი მის ყოფილ გუნდს მასპინძლობს.</p><p>ამ მატჩის მოგება ვოლფსბურგელებს უფრო სჭირდებათ, მაგრამ <strong>მიხაელ ვიზინგერის</strong> ფორმაციის "ნიურნბერგის" დამარცხება არც ისე ადვილია - ამ მწვრთნელის ხელში ფრანკებს მხოლოდ ერთი თამაში აქვთ წაგებული (3 მოგება, 5 ფრე).</p><p>კვირის მეორე მატჩი კი "ფიურტისა" და "აინტრახტის" დაპირისპირებაა - ფიურტელები ცალი ფეხით მეორე ბუნდესლიგაში არიან, ფრანკფურტელები კი ჩემპიონთა ლიგის საგზურისთვის იბრძვიან და სამი ქულა ჰაერივით სჭირდებათ.</p><p><strong><span style="color: #ff0000;">რეკორდმაისტერის რეკორდები</p><p></span></strong>27-ე ტურში ჩემპიონობის გაფორმება ბუნდესლიგის აბსოლუტური რეკორდი იქნება. ეს რეკორდი ისედაც "ბაიერნს" ეკუთვნის - მიუნხენურმა გრანდმა 1972/73 და 2002/03 წლების სეზონში "ვერცხლის სინი" 30-ე ტურში გაინაღდა. ამაზე ადრე ბუნდესლიგა არავის მოუგია.</p><p>"ბაიერნი" ახლა 20-ქულიანი უპირატესობით ლიდერობს. ბუნდესლიგის რეკორდი გერმანიის ჩემპიონობის 16-ქულიანი უპირატესობით მოპოვებაა, რაც ასევე "ბაიერნმა" შეძლო (2002/03 წლების სეზონში).</p><p>"ბაიერნი" ბუნდესლიგის ისტორიაში ერთადერთი გუნდია, რომელმაც ერთ სეზონში 100-ზე მეტი გოლი გაიტანა. 1971/72 წლების სეზონში მიუნხენელებმა 101 გოლის გატანა მოახერხეს. ამ რეკორდის გასაუმჯობესებლად ბავარიელებს დარჩენილ 8 ტურში 33 გოლი სჭირდებათ.</p><p>სამაგიეროდ, გაცილებით რეალურია ბურთების შეფარდების რეკორდის გაუმჯობესება: ახლა "ბაიერნის" ბურთების შეფარდება არის +58, რეკორდი კი ისევ და ისევ "ბაიერნს" ეკუთვნის +64, რაც ბავარიელებმა 1972/73 წლების სეზონში დააფიქსირეს.</p><p>ერთ სეზონში ყველაზე ცოტა გოლიც "ბაიერნს" აქვს გაშვებული (21, 2007/08 წლების სეზონში) და თუ იმას გავითვალისწინებთ, რომ ბავარიული გრანდის კარი ბუნდესლიგის მიმდინარე სეზონში მხოლოდ 9-ჯერ დაილაშქრა, დიდი შანსია, რომ რეკორდმაისტერმა ეს რეკორდიც გააუმჯობესოს.</p><p>ამ ყველაფრის ფონზე რაც არ უნდა პარადოქსულად ჟღერდეს, ერთ სეზონში ყველაზე მეტი ქულა "დორტმუნდმა" დაგროვა - 81, წინა სეზონში. "ბაიერნს" ახლა ამ რეკორდის დამხობაც შეუძლია. სეზონის ყველა დარჩენილი მატჩის მოგების შემთხვევაში ბავარიელები ხომ 93 ქულას დააგროვებენ.</p><p>"ბაიერნს" მხოლოდ ერთი თამაში აქვს წაგებული და თუ დარჩენილ ტურებში არ წააგებს, 1986/87 წლების სეზონში დამყარებულ თავისივე რეკორდს გაიმეორებს - მიუნხენური გრანდი იმ სეზონშიც მხოლოდ ერთხელ დამარცხდა.</p><p>ჩემპიონობა საკუთარ მოედანზე წაგების გარეშე - ეს ხშირად ხდება. აი, სეზონის გასვლითი მატჩის წაგების გარეშე დასრულება კი იშვიათობაა და "ბაიერნს" სტუმრად ჯერ წაგება არ აქვს. 1986/87 წლების სეზონში "ბაიერნმა" სტუმრად ასევე არცერთი თამაში არ დათმო.</p><p>9 თამაში, 9 მოგება - ასეთია "ბაიერნის" ბალანსი ბუნდესლიგის მიმდინარე სეზონის მეორე წრეში. თუ ასე გააგრძელებენ, მიუნხენელებს კიდევ ერთი რეკორდის დამხობა შეუძლიათ - რეკორდისა, რომელიც "დორტმუნდს" ეკუთვნის: "ბორუსიამ" წინა სეზონის მეორე წრეში 47 ქულა აიღო (15 მოგება, 2 ფრე, არცერთი წაგება).</p><p>"ბაიერნს" დღეისათვის ბუნდესლიგაში ზედიზედ 9 თამაში აქვს მოგებული - კიევ ორიც და ესეც რეკორდი იქნება. აქამდე რეკორდი ზედიზედ 10 მატჩის მოგებაა, რაც "გლადბახს" (1986/87) და "ვოლფსბურგს" (2008/09) ეკუთვნით. ზედიზედ 11 გამარჯვება კი ბუნდესლიგაში არასდროს არავის ღირსებია.</p><p>ბუნდესლიგის მიმდინარე სეზონში ყველა ტურის შემდეგ "ბაიერნი" ლიდერობდა. პირველიდან ბოლო ტურამდე ლიდერობა ბუნდესლიგის ისტორიაში სულ 4-ჯერ დაფიქსირდა და ეს ოთხივე შემთხვევაში "ბაიერნმა" შეძლო - 1968/69, 1972/73მ 1984/85 და 2007/08 წლების სეზონებში.</p><p>"ბაიერნის" მწვრთნელი <strong>იუპ ჰაინკესი</strong> 9 მაისს 68 წლის ხდება. უკვე წყალი არ გაუვა იმას, რომ "დონ იუპი" ბუნდესლიგის ისტორიაში ყველა დროის ყველაზე ასაკოვანი ჩემპიონი მწვრთნელი იქნება. აქამდე ეს რეკორდი <strong>ვილი მულტჰაუპს </strong>ეკუთვნის, რომელმაც ბრემენის "ვერდერი" 1964/65 წლების სეზონში 61 წლის ასაკში გააჩემპიონა.</p><p><strong><span style="color: #ff0000;">ბუნდესლიგა. XXVII ტური</p><p></span></strong><span style="text-decoration: underline;">30 მარტი</p><p></span><strong>შალკე-ჰოფენჰაიმი 18:30</p><p></strong>ტრავმა: უნერშტალი, კ. პაპადოპულოსი, აფელაი, ჯონსი, ჰუნტელაარი - ვიზე, კრისი, რუდი, სალიჰოვიჩი, ვუკჩევიჩი</p><p>ბოლო 6 მატჩი</p><p>+3=1-2 +1=1-4</p><p>ურთიერთშეხვედრები</p><p>სულ 9 თამაში: +2=3-4, (11:12)</p><p><strong>შტუტგარტი-დორტმუნდი 18:30</p><p></strong>დისკვალიფიკაცია: მოლინარო (შტუტგარტი)</p><p>ტრავმა: ბა, დიდავი, კვისტი, კაკაუ, ოკაზაკი, თორუნი - ჰუმელსი, ოვომოიელა, ბლაშჩიკოვსკი</p><p>ბოლო 6 მატჩი</p><p>+2=1-3 +3=1-2</p><p>ურთიერთშეხვედრები</p><p>სულ 89 თამაში: +38=23-28, (152:135)</p><p><strong>ფრაიბურგი-გლადბახი 18:30</p><p></strong>ტრავმა: მაკიადი, ფრაისი (ორივე ფრაიბურგი)</p><p>ბოლო 6 მატჩი</p><p>+2=2-2 +2=3-1</p><p>ურთიერთშეხვედრები</p><p>სულ 23 თამაში: +7=10-6, (34:29)</p><p><strong>მაინცი-ვერდერი 18:30</p><p></strong>ტრავმა: ბუნგერტი, ჟუნიორ დიასი, ზაბავნიკი, მ. კალიჯური, რუკავიცა, კლასნიჩი - ვოლფი, ფრიტცი, იგნიოვსკი, იუნუზოვიჩი, აკპალა, ფიულკრუგი</p><p>ბოლო 6 მატჩი</p><p>+1=5-0 +1=2-3</p><p>ურთიერთშეხვედრები</p><p>სულ 13 თამაში: +3=2-8, (14:26)</p><p><strong>აუგსბურგი-ჰანოვერი 18:30</p><p></strong>დისკვალიფიკაცია: ვერნერი - და სილვა პინტუ, მ. დიუფი</p><p>ტრავმა: იენტცში, ფილპი - ეგიმანი, ანდრეასენი, ფრანკა, ჰუსტი, შტინდლი</p><p>ბოლო 6 მატჩი</p><p>+3=1-2 +2=2-2</p><p>ურთიერთშეხვედრები</p><p>სულ 3 თამაში: +0=2-1, (2:4)</p><p><strong>ფორტუნა-ლევერკუზენი 18:30</p><p></strong>ტრავმა: ბრუნო სუარესი, ბოძეკი, ომაე - ბელარაბი</p><p>ბოლო 6 მატჩი</p><p>+1=2-3 +2=2-2</p><p>ურთიერთშეხვედრები</p><p>სულ 27 თამაში: +7=12-8, (43:45)</p><p><strong>ბაიერნი-ჰამბურგი 21:30</p><p></strong>დისკვალიფიკაცია: ბაისტერი, იანსენი (ორივე ჰამბურგი)</p><p>ტრავმა: ბადშტუბერი - ირაჩეკი, ბერგი</p><p>ბოლო 6 მატჩი</p><p>+6=0-0 +3=1-2</p><p>ურთიერთშეხვედრები</p><p>სულ 95 თამაში: +55=21-19, (200:96)</p><p><span style="text-decoration: underline;">31 მარტი</p><p></span><strong>ვოლფსბურგი-ნიურნბერგი 17:30</p><p></strong>ტრავმა: პერიშიჩი, პილარი - მარკოს ანტონიო, გებჰარტი, ჰლუშეკი, ილდიზი</p><p>ბოლო 6 მატჩი</p><p>+2=2-2 +2=4-0</p><p>ურთიერთშეხვედრები</p><p>სულ 21 თამაში: +5=6-10, (25:29)</p><p><strong>ფიურტი-აინტრახტი 19:30</p><p></strong>ტრავმა: გაისი, ჰეფელე, შტიბერი, ტირალა - ტრაპი</p><p>ბოლო 6 მატჩი</p><p>+0=3-3 +0=3-3</p><p>ურთიერთშეხვედრები</p><p>სულ 1 თამაში: +0=1-0, (1:1)</p><p><strong><span style="color: #ff0000;">სატურნირო მდგომარეობა</p><p></span></strong></p><p><img src="pictures/artimages/image18/e5f784f16d9f5f5dc5fe98d7f02b177d.jpg" border="0" alt="Sportall.Ge" title="ბუნდესლიგა. XXVII ტურის წინ: უპატარძლო ქორწილი?" /></p><p><strong>ბომბარდირები:</strong> 19 - ლევანდოვსკი (დორტმუნდი); 16 - კისლინგი (ლევერკუზენი); 15 - მანჯუკიჩი (ბაიერნი); 12 - იბიშევიჩი (შტუტგარტი), ა. მაიერი (აინტრახტი), თ. მიულერი (ბაიერნი), სალაი (მაინცი).</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ზივზივაძის "ჰაიდენჰაიმს" ახალი მეკარე ჰყავს
ლუის დიასი მიუნხენში ჩაფრინდა და დღეს "ბაიერნის" ფეხბურთელი ოფიციალურად გახდება
ჰამანმა "ბაიერნს" დონარუმას უფასოდ ხელში ჩაგდება ურჩია
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია