- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს ჩემპიონატი. XXV ტურის წინათქმა: ქართული კლასიკო ქუთაისში
<p>ქუთაისის "ტორპედო" თბილისის "დინამოს" წინააღმდეგ! - თბილისელებს 2010 წლიდან მოყოლებული ქუთაისში თამაში არ მოუგიათ <br> სანაკრებო მატჩებით გამოწვეული ორკვირიანი პაუზა დასრულდა და 30 მარტს უმაღლესი ლიგის გათამაშება განახლდება.</p><p>მართლაც გამორჩეული ტური გველოდება: "ჩიხურას" აღზევებით უმაღლეს ლიგაში "იმერული დერბის" რაოდენობა გაიზარდა და საჩხერელთა გუნდის შეხვედრა ქვეყნის ჯერ კიდევ მოქმედ ჩემპიონ "ზესტაფონთან" დიდ ინტერესს იწვევს;</p><p>არანაკლებ საინტერესო შეხვედრები გველოდება ქვედა ექვსეულშიც, სადაც ერთ-ერთ გამორჩეულ დაპირისპირებად "სიონისა" და ბათუმის "დინამოს" პაექრობა უნდა მივიჩნიოთ.</p><p>გახედეთ ცხრილს და მიხვდებით, რომ ასეთ მატჩებზეა ნათქვამი - "ექვსქულიანი შეხვედრააო".</p><p>თუმცა, ზედა და ქვედა ექვსეულის დანარჩენი 5 მატჩი "ახლოსაც ვერ მივა" თავისი მნიშვნელობითა და სატურნირო თვალსაზრისით იმ დაპირისპირებასთან, 30 მარტს ქუთაისში რომ უნდა ჩატარდეს: ქუთაისის "ტორპედო" თბილისის "დინამოს" წინააღმდეგ!</p><p>ძველისძველი მეტოქეებისა და ყველაზე ტიტულიანი ქართული გუნდების მორიგ დაპირისპირებაზე ქვემოთ ვისაუბრებთ, მანამდე კი ის ვთქვათ, რომ ამიერიდან ჩვენს ჩემპიონატში სეზონის ბოლომდე არანაირი პაუზა აღარ იქნება: ამიერიდან 18 მაისის ჩათვლით, ყოველი კვირის ბოლოს ტურია დაგეგმილი;</p><p>ამასთან, სათასო პაექრობებიც არ დაგვავიწყდეს: 10 აპრილს საპასუხო მეოთხედფინალური შეხვედრებია, 23 აპრილსა და 8 მაისს ნახევარფინალური მატჩები უნდა ჩატარდეს. სეზონი კი თასის ფინალით დამთავრდება, ოღონდ, ტრადიციული თარიღი (26 მაისი) შეიცვალა და ამჯერად, 23 მაისს გაიმართება.</p><p>მოკლედ, საინტერესო აპრილ-მაისი გველოდება და ისღა დაგვრჩენია ვისურვოთ, რომ ჩვენი ჩემპიონატისა თუ თასის მატჩების "საფირმო ნიშანი" მხოლოდ და მხოლოდ ინტრიგა არ იქნება.</p><p>ყველაფერს თავი რომ დავანებოთ, ჩვენს ჩემპიონატშიც ასპარეზობენ საინტერესო ფეხბურთელები და ამის "დამადასტურებელ" ფაქტსაც მოვიყვანთ: სულ ცოტა ხნის წინათ, პარიზის "სტად დე ფრანსზე" საფრანგეთისა და საქართველოს ნაკრებების მატჩში მოედანზე 90 წუთი გაატარეს <strong>გიორგი ლორიამ</strong> და <strong>დავით კვირკველიამ</strong> (ჩვენი ჩემპიონატის ორი გამორჩეული გუნდის კაპიტნებმა), ხოლო <strong>როინ კვასხვაძე, ირაკლი მაისურაძე, ირაკლი ძარია</strong> და <strong>ელგუჯა გრიგალაშვილი </strong>სათადარიგოთა სკამზე ისხდნენ.</p><p>სხვათა შორის, ამ ექვსეულის გარდა, ჩვენს ჩემპიონატში სხვა ფეხბურთელ(ებ)ის "მოძებნაც" შეიძლება, ეროვნული ნაკრების დონეს მეტ-ნაკლებად რომ დააკმაყოფილებს.</p><p>თუმცა, ვატყობთ, რომ აშკარად სხვა თემაზე გადავედით და სჯობს, ისევ ჩვენს ჩემპიონატს დავუბრუნდეთ. თანაც, წინდაწინ გვინდა "დავაანონსოთ": როგორც არ უნდა დამთავრდეს ეს ექვსივე მატჩი, სხვა ადგილებისგან განსხვავებით ცხრილის სათავეში არაფერი შეიცვლება!</p><p>ანუ, "დილასთან" ურთიერთშეხვედრებში არსებული უპირატესობის წყალობით, "დინამო" კვლავაც პირველ ადგილზე იქნება...</p><p><span style="color: #ff0000;"><strong>ქართული კლასიკოს მოლოდინი</strong></span></p><p>..."ტორპედოსა" და "დინამოს" დაპირისპირებები "ქართული კლასიკოდ" XX საუკუნის მიწურულს "მოინათლა"; შეგახსენებთ, რომ 1999 წლის ჩათვლით, საქართველოს ჩემპიონატს მხოლოდ ერთადერთი გუნდი, თბილისის "დინამო" იგებდა, რასაც ქუთათურთა ზედიზედ სამი სატრიუმფო სეზონი მოჰყვა.</p><p>სწორედ იმ სამ საჩემპიონო სეზონში შეძლო "ტორპედომ" და ურთიერთშეხვედრებში "დინამოსთან" არსებული ბალანსი ოდნავ "შეამცირა".</p><p>აღსანიშნავია, რომ 1999-2002 წლებში დღევანდელი მეტოქეები ათჯერ შეხვდნენ ერთმანეთს და "ტორპედომ" 4 მატჩი მოიგო, 4-ჯერ ფრედ ითამაშა და მხოლოდ ორჯერ წააგო იმდროინდელ უპრინციპულეს მეტოქესთან. ეგ კი არა, 2002-03 წლების სეზონში, როცა <strong>ივო შუშაკის</strong> ხელმძღვანელობით მოასპარეზე "დინამომ" სამწლიანი პაუზის მერე ჩემპიონის ტიტული დაიბრუნა, "ტორპედომ" მაინც შეძლო და ოთხი დაპირისპირებიდან 2 მოიგო, 1 ფრედ ითამაშა და მხოლოდ ერთხელ დამარცხდა.</p><p>თუმცა, ამის მერე ძალთა ბალანსი შეიცვალა და ყველაფერი იმით დასრულდა, რომ ქუთაისის "ტორპედო" სამი სეზონის განმავლობაში უმაღლეს ლიგაში არ ასპარეზობდა; 2010 წლის მერე კი "ტორპედოსა" და "დინამოს" შეხვედრებს კვლავაც ძველებური ინტრიგა დაუბრუნდა და ვერც ერთი მატჩის წინ წყვილის ფავორიტსაც ვერავინ "გამოიცნობს".</p><p>ასეა დღევანდელი მატჩის წინაც: იმის მიუხედავად, რომ "დინამო" ჩემპიონობის გამოკვეთილი ფავორიტია, ვინ იტყვის, თითქოს ქუთაისში იოლი შეხვედრა ელოდებაო? მით უფრო, რომ "ტორპედოსაც" არანაკლებ ამბიციური მიზნები აქვს ამ სეზონში. შარშანდელის მსგავსად, <strong>გია გეგუჩაძის</strong> გუნდი წლეულსაც მედლების ერთ-ერთი კანდიდატია, ამასთან, თასზეც წარმატებულად ასპარეზობს და თუ გაუთვალისწინებელი არაფერი მოხდა, ნახევარფინალშიც უნდა ვიხილოთ.</p><p>...2010 წლიდან (ანუ, უმაღლეს ლიგაში დაბრუნების შემდეგ) მოყოლებული "დინამოს" ქუთაისში თამაში არ მოუგია: 4 მატჩი ფრედ დამთავრდა, ერთხელ კი "ტორპედომ" გაიმარჯვა.</p><p>საყაიმო ანგარიში დაფიქსირდა პირველი წრის შეხვედრაშიც: გუნდის ახალწვეულის, <strong>ელგუჯა გრიგალაშვილის</strong> "დუბლით" მასპინძლები ორჯერ იგებდნენ, მაგრამ <strong>ჯაბა დვალისა</strong> და <strong>მიკელ ალვაროს</strong> გოლებით "დინამომ" ორჯერვე მალე შეძლო ანგარიშის გათანაბრება. რაც მთავარია, გულშემატკივარმა ლაღი და სანახაობრივი ფეხბურთი იხილა, თუმცა ეს მართლაც მშვენიერი სანახაობა ტრიბუნებზე მომხდარმა ინციდენტმა დაჩრდილა, საბოლოოდ სამართალდამცველების ჩარევით რომ დამთავრდა.</p><p>ერთის მხრივ, არც არავის გაუკვირდებოდა "ტორპედო" - "დინამოს" მატჩისას (მოედანზეც და ტრიბუნაზეც) ემოციები მოჭარბებულად რომ იქნებოდა; თუმცა, ეს რა მოსატანია იმასთან, დღევანდელი მეტოქეების პირველი წრის დაპირისპირებისას რომ ვნახეთ!</p><p>შეგახსენებთ, რომ შარშან, 18 აგვისტოს <strong>დუშან უჰრინი-უმცროსი</strong> პირველად უნდა წარმდგარიყო თბილისელი ქომაგის წინაშე. აი, მატჩი ეს იყო: ჯერ მხოლოდ პირველ ტაიმში "ტორპედო" ორჯერ დაწინაურდა, მაგრამ "დინამომ" ასევე ორჯერ შეძლო ანგარიშის გათანაბრება.</p><p>გადამწყვეტი კი მიკელ ალვაროს ზუსტი დარტყმა აღმოჩნდა, თუმცა ამ უხვგოლიან და ნერვიულ მატჩში სხვაც ბევრი იყო დასამახსოვრებელი! ბოლოს და ბოლოს, ხშირია ისეთი შემთხვევები, როცა არბიტრი ყვითელ ბარათს 11-ჯერ უჩვენებს და ოთხ ფეხბურთელს გააძევებს?</p><p>ჰო, მართლაც უცნაური იყო შეხვედრის ბოლო წუთები: რვაკაციანმა (!) "დინამომ" ათკაციანი "ტორპედოს" შემოტევას რომ გაუძლო; თანაც, ამ დროს "დინამოს" მეკარეც გაძევებული ჰყავდა, სამივე შეცვლაც გაკეთებული იყო და კარში ჩადგომა... <strong>ლევან ხმალაძეს</strong> მოუწია, თუმცა "ამპლუაშეცვლილ" ნახევარმცველამდე ბურთი არ მისულა...</p><p><img src="pictures/artimages/image17/2e237e431c6f66558687be7e4e5eed90.jpg" border="0" alt="Sportall.Ge" title="საქართველოს ჩემპიონატი. XXV ტურის წინათქმა: ქართული კლასიკო ქუთაისში" /></p><p><img src="pictures/artimages/image17/5ddf82afa75390eaa55ad8994d04c9bc.jpg" border="0" alt="Sportall.Ge" title="საქართველოს ჩემპიონატი. XXV ტურის წინათქმა: ქართული კლასიკო ქუთაისში" /></p><p><img src="pictures/artimages/image17/f410658e6e946bf30e1fb8da662bdb9c.jpg" border="0" alt="Sportall.Ge" title="საქართველოს ჩემპიონატი. XXV ტურის წინათქმა: ქართული კლასიკო ქუთაისში" /></p><p><img src="pictures/artimages/image17/51bfe4f74719e9f552468373c288c9b0.jpg" border="0" alt="Sportall.Ge" title="საქართველოს ჩემპიონატი. XXV ტურის წინათქმა: ქართული კლასიკო ქუთაისში" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"დილამ" ქუთაისში მოიგო; ორი მატჩი ფრედ დასრულდა
"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა
ფრე წყალტუბოში: "გარეჯის" თავურები
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა