<p>ლონდონის "ჩელსიმ" "მანჩესტერ იუნაიტედი" ასოციაციის თასიდან დემბა ბას გოლით გამოთიშა <br> მატჩის წინა დღეს "იუნაიტედის" თავდამსხმელმა <strong>რობინ ვან პერსიმ </strong>გულშემატკივარს<strong> </strong>სთხოვა, "სტემფორდ ბრიჯზე" ლამაზ სანახაობას არ დალოდებოდნენ.</p><p>ჰოლანდიელი ცამდე მართალი აღმოჩნდა.</p><p>იმის თქმას არ ვაპირებთ, რომ საგოლე სიტუაციები არ იქმნებოდა, მაგრამ საერთო ჯამში, მოსაწყენი 90 წუთი ვიხილეთ. გუნდებს საკადრო პრობლემები მატჩამდე შეექმნათ. ტრავმის გამო ვერ ითამაშეს <strong>რაფაელმა </strong>და <strong>უეინ რუნიმ</strong>, ეჭვქვეშ იდგა <strong>დავიდ დე ხეას </strong>ასპარეზობაც, ვინც "სანდერლენდთან" ტვინის შერყევა მიიღო.</p><p><strong>რაფა ბენიტესს </strong>კი ჯერ კიდევ სანაკრებო შეკრებაზე დაშავებული <strong>გარი კეჰილი</strong> დააკლდა. 22-ე წუთზე ბარძაყის ტრავმა მიიღო და უახლოეს შეხვედრებში არ იქნება <strong>ეშლი კოულიც</strong>.</p><p>"სტემფორდ ბრიჯმა" განსაკუთრებულად ცივი დახვედრა <strong>რიო ფერდინანდს</strong> მოუწყო. ბურთთან ყოველი მისი შეხება გამაყრუებელი სტვენით აღინიშნებოდა.</p><p>ახლა კი უშუალოდ თამაშს რაც შეეხება: დებიუტი თანაბარ ბრძოლაში წარიმართა. თუმცა ბურთის გათამაშება უკეთ მასპინძლებს გამოსდიოდათ. "ჩელსი" შეტევების წარმართვას მარცხენა ფლანგიდან ცდილობდა. პირველი რეალური მომენტი 31-ე წუთზე შეიქმნა, როცა <strong>დემბა ბას</strong> ძლიერი დარტყმა დე ხეამ კუთხურზე მოიგერია. სტუმარმა მალე ზედიზედ ორი ხელსაყრელი მომენტი გაუშვა ხელიდან. ჯერ იყო და <strong>ნანის</strong> შორეული დარტყმა არ გამოუვიდა, <strong>ხავიერ ერნანდესს </strong>კი, უბრალოდ, არ გაუმართლა. მიწიდან ასხლეტილი ბურთი <strong>ჩეხმა</strong> ფეხითღა მოიგერია.</p><p>გამარჯვებულის ვინაობა მეორე ტაიმის დებიუტში გაირკვა. <strong>ხუან მატა </strong>ციბრუტივით დატრიალდა, კარისკენ გაიხედა და უხერხულ პოზიციაში მდგომ დემბა ბას გადააწოდა.</p><p>სენეგალელმა მოახერხა, ფერდინანდს დაუსხლტა, გრძელ აკრობატულ ნახტომში ბურთს ჰაერში მისწვდა და ის მეკარისგან დაუცველ მაღალ კუთხეში გაიტანა.</p><p>შეხვედრის დასრულებამდე ანგარიში კიდევ რამდენჯერმე შეიძლებოდა შეცვლილიყო. აუცილებლად უნდა გამოვყოთ <strong>ედენ აზარისა</strong> და ხავიერ ერნანდესის მომენტები. ბელგიელმა მეკარესთან პირისპირ გასვლა ვერ გამოიყენა, მექსიკელს კი ჩეხმა წარმოუდგენელი თავური დარტყმა აუღო 3-4 მეტრიდან.</p><p>"იუნაიტედი" ასოციაციის თასიდან გავარდა. მას ისღა დარჩენია, ჩემპიონატზე გადაიტანოს მთელი ყურადღება და ტიტული უახლოეს ტურებში გაინაღდოს. თანაც, კვირას მას "ოლდ ტრეფორდზე" მანჩესტერული დერბი ელის.</p><p><span style="color: #ff0000;"><strong><span style="line-height: 1.3em;">ასოციაციის თასი. 1/4-ფინალი. გადათამაშება</span></strong></span></p><p><strong><em>ჩელსი-იუნაიტედი 1:0</em></strong></p><p>გოლი: 1:0 ბა (49)</p><p>ჩელსი: ჩეხი, ასპილიკუეტა, ივანოვიჩი, ლუისი, კოული (22. ბერტრანი), რამირესი, მიკელი, მატა, ოსკარი (90+1. მოზესი), აზარი, ბა (90+3. ტორესი)</p><p>იუნაიტედი: დე ხეა, ჯონსი, სმოლინგი, ფერდინანდი, ევრა, კერიკი, კლევერლი (61. ვან პერსი), ვალენსია, ნანი (65. გიგზი), ერნანდესი, უელბეკი (80. იანგი)</p><p>მაყურებელი: 40 704</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/inglisi/47755-londonis-qchelsimq-qmanchester-iunaitediq-inglisis-thasidan-gaagdo.html" target="_blank">ლონდონის "ჩელსიმ" "მანჩესტერ იუნაიტედი" ინგლისის თასიდან გააგდო</a></p>
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
არისაბალაგა შეიძლება ფაბრეგასის გუნდში გადაბარგდეს
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის