<p>სუპერლიგაში რეგულარული ეტაპის ბოლოსწინა ტურის შეხვედრები გაიმართა <br> სუპერლიგაში რეგულარული ეტაპის ბოლოსწინა ტურის შეხვედრები გაიმართა.</p><p>ერთმანეთს "ბათუმი" და "არმია", "ქუთაისი" და თსუ დაუპირისპირდნენ. რა შედეგებით დასრულდა შეხვედრები, ამაზე ქვემოთ მოგახსენებთ.</p><p>აქ კი გეტყვით, რომ ბათუმელებს მოქმედ ჩემპიონთან გამარჯვება ჰაერივით სჭირდებოდათ, რათა მეოთხედფინალისთვის ბრძოლაში თსუ-სთვის ღირსეული წინააღმდეგობა გაეწიათ, მაგრამ წინასწარ ცხადი იყო, არმიელები აჭარლებს გამარჯვებას არ დაანებებდნენ.</p><p>ასევე ლოგიკური შედეგით დასრულდა "ქუთაისისა" და თსუ-ს შეხვედრა. სადღეისოდ ქუთათურებს უფრო ძლიერი შემადგენლობა ჰყავთ და მეხუთე ადგილზე მოხვედრისთვის იბრძვიან.</p><p>ამ გზაზე სტუდენტებთან მოგება წინგადადგმული ნაბიჯი უნდა იყოს. თუმცა არ უნდა დაგვავიწყდეს, რომ ჯერ გაურკვეველია, რომელი გუნდი გავა მესამე ადგილზე. ამ პოზიციისთვის "არმია" და "რუსთავი" იბრძვიან.</p><p>ასევე გაურკვეველია მეხუთე და მეექვსეადგილოსნების ვინაობა. ამ ადგილებს "დინამო" და "ქუთაისი" გაინაწილებენ.</p><p>ასე რომ, დაველოდოთ დარჩენილ მატჩებს. ბევრი რამე დღეს, "შსს აკადემია"-"დინამოს" და ბოლო ტურში "არმია"-"ოლიმპის" შეხვედრებში გადაწყდება.</p><p>არმიელებს ბოლო ტურებში, "რუსთავთან" და "დინამოსთან" ფარქვეშ უპირატესობის მოპოვება გაუჭირდათ, გუშინ კი ბათუმში ამ კომპონენტში მეტოქესთან შედარებით დიდი ფორა ჰქონდათ.</p><p>თავად განსაჯეთ: "არმიამ" ბურთი 60-ჯერ მოხსნა, ხოლო "ბათუმმა" - 33-ჯერ. ასეთი სხვაობა ანგარიშშიც უნდა ასახულიყო. ასეც მოხდა, თბილისელებმა სტუმრად 88:61 იმარჯვეს.</p><p>გამარჯვებულთაგან ორმაგი დუბლი შეასრულა ვახტანგ მინაშვილმა (11 ქულა, 10 მოხსნა), ხოლო გიორგი შარაბიძემ 13 მოხსნას 8 ქულა შეუფარდა.</p><p><strong>მიხეილ კობეშავიძე</strong> ("ბათუმის" მწვრთნელი):</p><p><em>- "არმია" ძლიერი კალათბურთელებით დაკომპლექტებული გუნდია, კლასში სხვაობა ძალიან დიდია და ეს იყო მარცხის ძირითადი მიზეზი. რეგულარული სეზონის ბოლო მატჩი "რუსთავთან" გველის, სადაც როგორც ყოველთვის, ბოლომდე ვიბრძოლებთ.</p><p></em></p><p><strong>კოტე ტუღუში</strong> ("არმიას" მწვრთნელი):</p><p><em>- რეგულარული სეზონი დასასრულს უახლოვდება და ყველა გუნდი ცდილობს დარჩენილი შეხვედრები მაქსიმალურად გამოიყენოს.</p><p>"ბათუმს" ახალგაზრდა და პერსპექტიული კალათბურთელები ჰყავს, რომლებმაც დღეს სერიოზული წინააღმდეგობა გაგვიწიეს, თუმცა საბოლოოდ გამარჯვება ჩვენ მოვიპოვეთ. ბოლო ტურში "ოლიმპს" ვეთამაშებით და ამდენი წაგების შემდეგ ფსიქოლოგიური თვალსაზრისით ეს გამარჯვება ჩვენთვის ძალიან მნიშვნელოვანი იყო.</p><p>მომავალ მატჩს ჩვენთვის გადამწყვეტი მნიშვნელობა აქვს, რადგან გაირკვევა ჩვენი საბოლოო ადგილი სატურნირო ცხრილში.</em></p><p>რუსთავში თამაში იოლი არ არის. უნდა ვივარაუდოთ, რომ პლეი ოფში ქვემო ქართლში ჩასვლას ბევრი გუნდი მოერიდება. სწორედ ამიტომ "ქუთაისს" თსუ-სთან გამარჯვება სჭირდებოდა (თუმცა ისიც საკითხავია, "არმია"-"ოლიმპის" შეხვედრაში გამარჯვებული ვინ გამოვა).</p><p>მოკლედ, ამ ეტაპზე "ქუთაისმა" გამარჯვებისთვის ძალა არ დაიშურა და შედეგსაც მიაღწია.</p><p>წარმატებაში ლომის წილი სუპერლიგის ერთ-ერთმა გამორჩეულმა ცენტრმა რიჩარდ მათიაშვილმა შეიტანა, რომლის ანგარიშზე 31 ქულა და 16 მოხსნაა.</p><p><strong>დავით უსტიაშვილი</strong> ("ქუთაისის" მწვრთნელი):</p><p><em>- დაძაბული და საიტერესო შეხვედრა გამოვიდა, თსუ-მ კარგი თამაში აჩვენა. მატჩი კარგად დავიწყეთ, თუმცა ცუდად გავაგრძელეთ. კოჭის ტრავმა მიიღო დავით ბარბაქაძემ, რომელიც სავარაუდოდ მომდევნო შეხვედრაში ვერ დაგვეხმარება. რაც შეეხება "სოხუმთან" მატჩს, ეს ერთ-ერთი მორიგი თამაში იქნება, რომელსაც პლეი ოფისთვის მოსამზადებლად გამოვიყენებთ.</p><p></em></p><p><strong>გიორგი ჩხეიძე</strong> (თსუ-ს მწვრთნელი):</p><p><em>- მიუხედავად მარცხისა, დღევანდელი შეხვედრით კმაყოფილი ვარ. სამი მეოთხედის განმავლობაში მეტოქეს დიდ წინააღმდეგობას ვუწევდით და რამდენჯერმე წინაც გავედით.</p><p>ეს ზონური დაცვის დამსახურება იყო. ბოლო შეტევებში შესანიშნავად იასპარეზეს რიჩარდ მათიაშვილმა და ზაურ ფაშაევმა. ვფიქრობ, "ქუთაისის" გამარჯვებაში მათ მნიშვნელოვანი როლი შეასრულეს.</p><p>ჩვენი გუნდიდან სერჟ ასელაინის კარგ თამაშს აღვნიშნავდი. მინდა დიდი მადლობა გადავუხადო ბიჭებს, რომლებმაც მაქსიმუმი გააკეთეს და დიდი მონდომებით იასპარეზეს. ვეცდებით, პლეი ოფში მეტოქეს დიდი წინააღმდეგობა გავუწიოთ.</em></p><p><strong></p><p></strong><span style="text-decoration: underline;">სუპერლიგა. XX ტური</p><p></span><em><strong>ბათუმი-არმია 61:88</p><p></strong></em>ბათუმი რსუ: 16 14 14 17</p><p>არმია:31 19 16 22</p><p><em><strong>ქუთაისი-თსუ 73:63</p><p></strong></em>ქუთაისი: 20 8 18 27</p><p>თსუ:12 19 19 13</p><p><strong></p><p>სატურნირო ცხრილი</strong></p><p><em>ა გ თ მ წ სხ ქ</p><p></em>1. შსს აკადემია 18 16 2 1473/1188 34</p><p>2. ოლიმპი 18 15 3 1570/1296 33</p><p>3. არმია 19 14 5 1688/1281 33</p><p>4. რუსთავი 19 13 6 1627/1408 32</p><p>5. ქუთაისი 19 11 8 1506/1375 30</p><p>6. დინამო 17 11 6 1330/1258 28</p><p>7. თსუ 20 6 14 1392/1601 26</p><p>8. სოხუმი 17 7 10 1320/1396 24</p><p>9. ბათუმი 19 5 14 1318/1561 24</p><p>10. სამედიცინო 18 2 16 1170/1630 20</p><p>11. სტუ 18 1 17 1188/1588 19</p><p><strong>ყოველდღიური სპორტული გაზეთი "ლელო"</strong></p>
დუდუ დადიანის მემორიალზე ნახევარფინალისტები დაწყვილდნენ
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
ასაკობრივი ჩემპიონატების მონაწილე გუნდებთან სამუშაო შეხვედრა გაიმართა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ