<p>გიორგი თვეზე მეტია თბილისის "დინამოში" ვარჯიშობს, მაგრამ დღემდე არ ჩარიცხულა</p><p><br> გიორგი ციმაკურიძე თვეზე მეტია თბილისის "დინამოში" ვარჯიშობს, მაგრამ დღემდე არ ჩარიცხულა. არადა, თითქოს საკითხი გარკვეული იყო - თბილისური კლუბის ხელმძღვანელობა ტყუილად არ გააჩერებდა ფეხბურეთელს, რომელიც 15 წლიდან უკრაინაში იზრდებოდა. გიორგიმ ამ სლავური ქვეყნის უმაღლესი ლიგის რამდენიმე კლუბის ფორმა მოირგო – ალჩევსკის "სტალის", დონეცკის "შახტარის", ლუგანსკის "ზარიასა" და მარიუპოლის "ილიჩევეცის".</p><p>2009 წლის ზაფხულში გიორგი სლოვაკურ "ჟილინაში" ჩაირიცხა. სლოვაკები წელს ჩემპიონთა ლიგის ჯგუფურ ეტაპზე გავიდნენ, თუმცა, ამ დროს გიორგი უკვე ტაილანდურ კლუბ "ტოტ-კატს" ემშვიდობებოდა და "დინამოსთან" დაიწყო მოლაპარაკება - რა აბრკოლებს 26 წლის მცველის ტრანსფერს, ამის გარკვევა ფეხბურთელთან ვცადეთ.</p><p><strong>- გიორგი, მოლაპარაკება ძალიან გაიწელა და ეს "დინამოზე" უარს ხომ არ ნიშნავს?</p><p></strong>- ჯერ არაფერი ვიცი. არც დარჩენას გამოვრიცხავ და არც უცხოეთში წასვლას.</p><p><strong>- ტაილანდში დიდი ხელფასებია, მაგრამ ჩემპიონთა ლიგაში გასული "ჟილინადან" საქართველოს ახალგაზრდული ნაკრების ყოფილი კაპიტანი ტაილანდში როგორ აღმოჩნდი?</p><p></strong>- თქვენ გგონიათ, ეს ჩემი არჩევანი იყო?</p><p><strong>- აბა, დაგაძალეს?</p><p></strong>- "ჟილინამ" უკრაინიდან გამომისყიდა და დღემდე ამ კლუბს ვეკუთვნი. ზამთარში სლოვაკებმა მითხრეს, რომ ტაილანდში მანათხოვრებდნენ. კარგი პირობები იყო და რადგან სხვა გამოსავალი არ დამიტოვეს, წავედი.</p><p><strong>- რა დაგიმალო და ჩავთვალეთ, რომ კარიერაზე აღარ ფიქრობდი და მხოლოდ ფულის კეთებაზე გადაერთე.</p><p></strong>- ეს მცდარი აზრია, მე კვლავ ძლიერ კლუბში მოხვედრაზე ვფიქრობ. რა გასაკვირია, რომ ფეხბურთელისთვის კარიერასთან ერთად, მატერიალური ანაზღაურებაც ძალიან მნიშვნელოვანია, მაგრამ იმ ასაკისაც არ ვარ, მხოლოდ ფული მაინტერესებდეს და კარიერაზე ხელი ჩავიქნიო.</p><p><strong>- "ჟილინაში" რატომ ვერ დარჩი?</p><p></strong>- ჩემთვის არასასურველი ვითარება იყო. ფინანსური საკითხებისა და კიდევ რაღაც-რაღაცების გამო. შეფებთან კონფლიქტი მქონდა და წამოსვლა ვამჯობინე. ტაილანდშიც ამიტომ წავედი - უთამაშებელი ხომ არ დავრჩებოდი.</p><p><strong>- "დინამოში" როგორ აღმოჩნდი?</p><p></strong>- "ტოტ-კატში" იჯარა ზაფხულში დამიმთავრდა და დროებით "დინამოში" თამაში თავად მსურდა.</p><p><strong>- ეს ტრანსფერი უკვე შენს პასუხზეა დამოკიდებუილი?</p><p></strong>- ჩემზეც და "დინამოზეც", მაგრამ ჯერ გადაწყვეტილი არაა.</p><p><strong>- პირველი ეტაპი მალე დასრულდება და როდის გადაწყვეტ?</p><p></strong>- დავრჩები იმ შემთხვევაში, თუკი "დინამო" "ჟილინას" ჩემი იჯარის ფულს გადაუხდის. ზუსტად არც ვიცი, სლოვაკები რამდენს ითხოვენ. ზოგადად კი მითხრეს, რომ იმდენივეა გადასახდელი, რამდენიც ლუგანსკის "ზარიას" ჩემს გამოსყიდვაში გადაუხადეს.</p><p><strong>- "ჟილინასთან" კონტრაქტი როდის გიმთავრდება?</p><p></strong>- წელიწადნახევარში და ესაა პრობლემა, თორემ ისე წამოვიდოდი. ტაილნადშიც შემეძლო დარჩენა, განათხოვრებული იანვრამდე ვიყავი, მაგრამ გაჩერება აღარ შემეძლო. "ჟილინაში" დაბრუნებას კი უაზრობაა. ისე, ჩემი წამოსვლის დროს, ჯერ სლოვაკეთის ჩემპიონიც არ იყო და ვერც წარმოვიდგენდი, ლიგაში თუ გავიდოდა.</p><p><strong>- უკრაინის შემდეგ კარიერა რატომ აგერია?</p><p></strong>- ყველაფერი სლოვაკეთში წასვლის შედეგია. ახლა ჩემი მენეჯერი მუშაობს და შესაძლოა, ისევ უკრაინაში დავბრუნდე, იქ სამი კლუბი მიწვევს. ცალკე "დინამოსთან" მოლაპარაკების დასრულებასაც ველოდები. მალე მეცოდინება, სად ვითამაშებ.</p><p><strong></p><p>ყოველდღიური სპორტული გაზეთი</p><p>"ლელო"</strong></p>
იური ტაბატაძე შეცვალეს - "კადისი" "სეუტასთან" ფრეს დასჯერდა
"ტოტენჰემი" მიქაუტაძის 60 მილიონად შესაძენად ემზადება
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე