<p>10 აპრილს გამართულ "40-წუთიან ოვერტაიმში" სოხუმელებმა 74:62 იმარჯვეს <br> გემახსოვრებათ, მე-19 ტურში "დინამოს" "სოხუმთან" შეხვედრისას ერთი ქულა რომ დააკლეს და დინამოელებმა სწორედ ასეთი სხვაობით წააგეს.</p><p>გაპროტესტების შემდეგ მატჩის გადათამაშება გადაწყდა და "40-წუთიანი ოვერტაიმი" 10 აპრილისთვის დაინიშნა.</p><p>მაშინ "სოხუმის" თავკაცმა ვაჟა კვარაცხელიამ თქვა - მატჩის გადათამაშებას სიამოვნებით დავთანხმდი, რადგან მინდა დავამტკიცო, რომ ჩვენს გუნდს "დინამოს" მეორედ ძლევაც შეუძლიაო.</p><p>ასე აგიხდეთ ყველაფერი - 10 აპრილს გამართულ "40-წუთიან ოვერტაიმში" სოხუმელებმა 74:62 იმარჯვეს. ვინც ვაკეში, სპორტის სამინისტროს დარბაზში მისვლა არ დაიზარა, არც ინანებდა.</p><p>შეხვედრის ემოციურ ხასიათს რომ თავი დავანებოთ, ეს ის შემთხვევა იყო, მკითხველს ქრონოლოგიურ მოვლენებზე საუბარი რომ დააინტერესებს.</p><p>პირველი ტაიმის ბოლოს, სერგო ათუაშვილის სიზუსტის წყალობით, სოხუმელებმა 10-ქულიანი უპირატესობა მოიპოვეს (40:30). მესამე პერიოდის დასაწყისში ვაჟა კვარაცხელიას შეგირდებმა ეს ფორა კიდევ უფრო განავრცეს და ერთ ეპიზოდში 18 ქულის სხვაობითაც დაწინაურდნენ - 48:30.</p><p>წუთშესვენების შემდეგ ირაკლი ხოშტარიას გაწვრთნილმა კალათბურთელებმა ტემპს უმატეს, გამთამაშებელ ლამარ კარიმს ბურთი ელვის სისწრაფით გადაჰქონდა სოხუმელთა ნახევარზე და "გამოცხვა" 10:0 სპურტი "დინამოს" შესრულებით.</p><p>ამ მომენტში მოედანზე არ იყო "სოხუმის" სერბი უკანახაზელი ბოშკო სტოიაკოვიჩი, რომლის დაბრუნებისთანავე ნომინალურმა მასპინძლებმა თამაში დაალაგეს.</p><p>თუმცა "დინამო" არ ცხრებოდა: სირენამდე 7 წუთით ადრე ბექა ჩიკვილაძემ სამქულიანით ანგარიში გაათანაბრა და თითქოს ისეთი სურათი უნდა მიგვეღო, როგორიც ამ გუნდების წინა მატჩისას - გამარჯვებულის ვინაობა ერთ ან ორ ქულას უნდა გამოერკვია...</p><p>მაგრამ, აკი გითხარით, სოხუმელებს გეგმაში დამაჯერებელი გამარჯვება ჰქონდათო. საამისოდ კი შესაფერისი იარაღი სამქულიანებია.</p><p>ჰოდა, ბოლო ხუთ წუთში ჯერ ვახტანგ ქადარიამ გამოიყენა შორეული ტყორცნა, შემდეგ გრიგოლ შვანგირაძემ, კარლის მუიჟნიექსმა, ხოლო ბოშკო სტოიაკოვიჩის ზუსტი შორეული ტყორცნის შემდეგ "სოხუმმა" 10-ქულიანი სტატუს-კვო აღადგინა. სირენამდე 1:18 წუთით ადრე ასეთი უპირატესობა უკვე გამარჯვებას ნიშნავდა.</p><p>სოხუმელებს ხანგრძლივი შესვენების შემდეგ დაუბრუნდა გამთამაშებელი ირაკლი ჩლაიძე.</p><p>მწვრთნელს ეიმედება, რომ პლეი ოფისთვის სასურველ ფორმას მიაღწევს.</p><p><span style="text-decoration: underline;">სუპერლიგა 2012-13. მე-19 ტურის გადადებული მატჩი</p><p></span><em><strong>სოხუმი-დინამო 74:62</p><p></strong></em>სოხუმი 21 19 16 18</p><p>დინამო 17 13 21 11</p><p><strong>სატურნირო ცხრილი</p><p></strong><em>ა გ თ მ წ სხ ქ</p><p></em>1. ოლიმპი 19 16 3 1693/1362 35</p><p>2. შსს აკადემია 19 16 3 1551/1268 35</p><p>3. არმია 19 14 5 1688/1281 33</p><p>4. რუსთავი 19 13 6 1627/1408 32</p><p>5. დინამო 19 12 7 1472/1410 31</p><p>6. ქუთაისი 19 11 8 1506/1375 30</p><p>7. სოხუმი 19 9 10 1489/1524 28</p><p>8. თსუ 20 6 14 1392/1601 26</p><p>9. ბათუმი 19 5 14 1318/1561 24</p><p>10. სამედიცინო 19 2 17 1236/1725 21</p><p>11. სტუ 19 1 18 1254/1711 20</p><p><strong>ყოველდღიური სპორტული გაზეთი "ლელო"</strong></p>
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
ჩემპიონატებში დეფრიბლირატორების გამოყენება იწყება | ტრენინგს ოლიმპიურმა სასახლემ უმასპინძლა
დუდუ დადიანის მემორიალზე ნახევარფინალისტები დაწყვილდნენ
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა