- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რეალურია ქართულ-აზერბაიჯანულ-ყაზახური ჩემპიონატის ჩატარება?
<p>როგორც ამბობენ, აზერბაიჯანული კომპანია "სოკარის" თავკაცები მზად არიან, გათამაშების საპრიზო ფონდისა და საორგანიზაციო საკითხების მოსაგვარებლად 50 მილიონი დოლარი გამოჰყონ <br> ენერგეტიკისა და ბუნებრივი რესურსების მინისტრმა, საქართველოს ნაკრების ყოფილმა კაპიტანმა <strong>კახა კალაძემ</strong> საინტერესო განცხადება გააკეთა.</p><p>სააგენტო "ინტერპრესნიუსის" მიერ გავრცელებულ ცნობაში წერია, რომ ჟურნალისტებთან შეხვედრისას კალაძეს ფეხბურთის ფედერაციის ახალ პროექტზე დაეკითხნენ, რომლის მიხედვითაც, საქართველომ, ყაზახეთმა და აზერბაიჯანმა ერთობლივი ჩემპიონატი უნდა ჩაატარონ.</p><p><em></p><p>"ვერ გეტყვით, რამდენად მისაღები იქნება ეს გულშემატკივრებისთვის, იმ ადამიანებისთვის, ვინც სპორტით დაინტერესებულია.</p><p>ჩვენ ვართ დამოუკიდებელი სახელმწიფო, ვატარებთ შიდა, დამოუკიდებელ ჩემპიონატს და ასეც უნდა გაგრძელდეს. პირიქით, შიდა ჩემპიონატის გაძლიერებას ფინანსურადაც და ინფრასტრუქტურის მხრივაც ხელი უნდა შევუწყოთ. სამომავლოდ ამაში სახელმწიფოც უნდა ჩაერთოს.</p><p>ყველაფერი უნდა გაკეთდეს იმისთვის, რომ 15-16 წლის ნიჭიერი ფეხბურთელები ქვეყანაში დარჩნენ და იმის გამო არ დატოვონ ქვეყანა, რომ საქართველოში არ არსებობს ინფრასტრუქტურა, სტადიონები და ხალხს შიდა ჩემპიონატის მიმართ ინტერესი დაკარგული რომ აქვს.</p><p>მათ ხელი უნდა შევუწყოთ, საქართველოში მინიმუმ 3-4 წლის განმავლობაში მაინც რომ დარჩნენ. ეს ჩვენი ჩემპიონატის დონეს გაზრდის და ყველასთვის საინტერესო გახდება",</em> - განაცხადა კალაძემ.</p><p>"ლელოს" ინფორმაციით, ერთობლივი ჩემპიონატის ჩატარებას საქართველო და აზერბაიჯანი აპირებენ, ყაზახეთზე ლაპარაკი ჯერ არ ყოფილა.</p><p>როგორც გვითხრეს, გადაწყვეტილია, რომ ტურნირი უახლოეს პერიოდში, შესაძლოა, 2014 წლიდანაც დაიწყოს და მასში ორივე ქვეყნის 8-8 გუნდმა მიიღოს მონაწილეობა. ასევე დადგენილია, თუ როგორ განაწილდება ევროთასების კვოტები. თუმცა ამ უკანასკნელთან დაკავშირებული დეტალები ჩვენთვის უცნობია.</p><p>ამავე დროს, გვაცნობეს, რომ პროექტის სპონსორი აზერბაიჯანული კომპანია "სოკარი" იქნება. მისი თავკაცები მზად არიან, გათამაშების საპრიზო ფონდისა და საორგანიზაციო საკითხების მოსაგვარებლად 50 მილიონი დოლარი გამოჰყონ - ამაზე ინფორმაცია კლუბების მიერ დაფუძნებულ "12-თა საბჭოს" საკოორდინაციო სხდომაზე გაჟღერდა.</p><p>იდეა უდავოდ საყურადღებოა. ცხადია, ერთობლივი ჩემპიონატი ბევრად უფრო საინტერესო, დაძაბული და მაყურებლისთვის მიმზიდველი გახდება, გამოცოცხლდება მედია, ფეხბურთით ბიზნესი და ტელევიზიები უფრო დაინტერესდებიან, კლუბებიც მეტად იხეირებენ და ა.შ. მაგრამ რატომ არ სურთ ამ მნიშვნელოვანი არჩევანის ავკარგიანობაზე საჯარო მსჯელობა?</p><p>უცნობია, რა ბედი ელის საქართველოს ჩემპიონატს და ეროვნული თასის გათამაშებას, კონკრეტულად როდის დაიწყება (თუ დაიწყო) ტურნირი, მას ვინ უხელმძღვანელებს და თანახმა არის თუ არა უეფა?</p><p>ცნობილია, რომ უეფას პრეზიდენტმა <strong>მიშელ პლატინიმ</strong> ბალკანური ლიგის იდეა პოლიტიკური მოსაზრების გამო მოიწონა.</p><p>სხვათა შორის, 2011 წელს კვიპროსში უეფას წევრი ქვეყნების ასოციაციების პრეზიდენტებისა და გენერალური მდივნების შეხვედრიდან დაბრუნებულმა სფფ-ის პრეზიდენტმა <strong>ზვიად სიჭინავამ</strong> პრესკონფერენციაზე გააჟღერა, რომ პლატინი რეგიონული საკლუბო ლიგების ჩამოყალიბების იდეას სერიოზულად განიხილავს - ამას მეტი შემოსავლის მიღებისა და მაყურებელთა სტადიონზე მიზიდვის საუკეთესო საშუალებად თვლისო.</p><p>მაგალითად, ლაპარაკი ყოფილა კავკასიის ქვეყნების: საქართველოს, აზერბაიჯანისა და სომხეთის ერთობლივი ლიგის დაარსებაზე და ყველაზე მთავარი: ამ საკითხებზე სამუშაოდ უეფაში სპეციალური ჯგუფი ჯერ კიდევ მაშინ შეიქმნა, რაც მრავლისმეტყველი ფაქტია. თუმცა სომხურ-აზერბაიჯანული კონფლიქტის გამო ამ იდეის განხორციელება გამორიცხული გვეგონა.</p><p>ახლა გაჟღერებული პროექტის მინუსებზე ერთ-ერთი კლუბის ხელმძღვანელი (რომელმაც საკუთარი ვინაობის გამჟღავნება არ ისურვა) "ლელოს" ელაპარაკა:</p><p><em>"რეგიონული ტურნირი ძალიან კარგია, მაგრამ ხომ არ განმეორდება საბჭოთა კავშირის II ლიგის ამბები?</p><p>მაშინ I ლიგაში გადასვლისთვის საქართველოს, სომხეთისა და აზერბაიჯანის კლუბები ერთდროულად თუ იბრძოდნენ, მონაწილეები ნაციონალური პრინციპით თამაშებს თავისიანებს უთმობდნენ და სპორტული პრინციპი დაიკარგა.</p><p>ამან მოსპო და შეჭამა საბჭოთა ფეხბურთი და იმავე გზის გავლა საქართველოს რას არგებს?"</p><p></em>"ლელო" ამ თემას აუცილებლად გააშუქებს. შევეცდებით, შემოგთავაზოთ სპეციალისტების, ფეხბურთელების, გულშემატკივრების, ბიზნესმენების, პოლიტიკოსებისა და სხვა დაინტერესებული პირების მოსაზრებები, რათა ერთობლივი ჩემპიონატის პლუს-მინუსები საზოგადოებამ შეაფასოს.</p><p>შეგახსენებთ, რომ 2001 წელს კავკასიის ერთიანი ლიგის პროექტი ცნობილმა ქართველმა ტელეკომენტატორმა <strong>ნუგზარ ჯუღელმა</strong> წამოაყენა. 2007 წელს ათენში შავი ზღვის აუზის ქვეყნების პროფლიგების ხელმძღვანელთა შეკრებაზე ლიგების ასოციაცია ჩამოაყალიბეს, რომლის გენერალურ მდივნად ქართული პროფლიგის მაშინდელი თავკაცი <strong>დიმიტრი რამიშვილი</strong> აირჩიეს. სურდათ შავი ზღვის ქვეყნების ერთიანი ლიგის ჩამოყალიბება (საქართველო, თურქეთი, ბულგარეთი, რუმინეთი, რუსეთი, უკრაინა, მოლდოვა, საბერძნეთი; აგრეთვე, აზერბაიჯანი, სომხეთი), მაგრამ ეს შესანიშნავი იდეაც ისტორიის საკუთრება გახდა.</p><p>საქართველოს, აზერბაიჯანისა და ყაზახეთის ერთობლივ ლიგაზე კი პირველად 2009 წელს <strong>ლევან ყიფიანმა</strong> ილაპარაკა. იდეა აზიელებმა და აზერბაიჯანელებმა აიტაცეს, მაგრამ ესეც განუხორციელებელი დარჩა.</p><p>უეფას ინიციატივა დროს არ გვიტოვებს. ევროპის გაერთიანების პარალელურად, ინტეგრაცია სხვა სფეროებშიც შეუქცევად სახეს იღებს, მაგრამ რომელი პროცესის მონაწილე გახდება საქართველო?</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
-
giorgi 75
ჩემი აზრით უფრო საინტერესო იქნება. როგორც გავიგე რუსული და უკრაინული კლუბებიც აპირებენ მსგავსი ჩემპიონატების შედგენას. მთავარია ფინანსურად სწორად წარიმართოს ყველაფერი.
-
deli
როგორ იფრენს , მაგალითად ჭიათურის მაღაროელი ან ბოლნისის სიონი 5000 კილომეტრს წინ და უკან ასტანაში ან ალმა ათაში , ჰააააა?
-
zid-ანი
სისულელეა დიდი. თუ რამეში ფულის ჩადება უნდათ ჩადონ ჩვენი ინფრასტრუქტურის გაუმჯობესებაში და ტვინი გაანძრიონ ცოტა. სიჭინავას ახლა სკამის შესანარჩუნებლად რამდენია ხალი იდეა მოუვა, ყვლას განხორციელება ხომ რ შეიძლება? ეროვნული ჩემპონატი მინდა მე. ვერაფერი ხარისხი ვერ ამაღლდება მაგ სისულელით. პირიქით, ბევრ გუნდს დავკარგავთ.
-
aleqsi
ასეთი დიდი სისულელე ჯერ არ მომისმენია...ეგ გამორიცხულია,ამ იდეის ავტორი მაინტერესებს.
-
damangreveli
ვერ გავიგე, რა აზრი ექნება ამ ჩემპიონატს? კლასი უნდა ავიმაღლოთ?
[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში
თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები
"სჯობდა საერთოდ არაფერი ეთქვა" - კომპანიმ მოურინიო გააკრიტიკა
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება
შეინარჩუნებს პოსტს? - ტუდორის ბედი "ლივერპულთან" მატჩზე გადის
"ნაპოლი" ჰოილუნდს 44 მილიონ ევროდ გამოისყიდის