<p>საქართველოს ჩემპიონატი. უმაღლესი ლიგა. XXVII ტური. 7-12 ადგილები <br> "ვიტ ჯორჯია" გამორჩეული გუნდი იყო მას შემდეგ, რაც ის <strong>გურამ რუხაძემ</strong> შეიძინა. მთელი ათი წელი "ვეტერინარები" ჩემპიონატის ლიდერებში იყვნენ, ორჯერ ოქროს მედალს დაეუფლნენ, ერთხელ - თასსა და სუპერთასს, ასაკობრივ ნაკრებებსაც საკმაოდ კარგი მოთამაშეებით ამარაგებდნენ.</p><p>მაგრამ ბოლო წლებში გუნდი მადააღძრულმა კონკურენტებმა გვერდზე ჩააჩოჩეს და ახლა ის სავალალო რეალობის წინაშე დადგა: არსებობის ისტორიაში პირველად, "ვიტ ჯორჯიას" უმაღლესი ლიგიდან გავარდნის საფრთხე ემუქრება.</p><p>ვიტელებმა საკუთარ "მცხეთა პარკზე" კი ითამაშეს, მაგრამ ფოთელებთან ცალსახა ფავორიტად მაინც ვერ ჩაითვლებოდნენ, რადგან აუტსაიდერმა "კოლხეთმა" ბოლო ტურებში ლიგაში დასარჩენად ღონიერი ნაბიჯები გადადგა.</p><p><img src="pictures/artimages/image16/8cd9807557cd4e3ee5f3d440955611c2.jpg" border="0" alt="Sportall.Ge" title="ვიტ ჯორჯია-კოლხეთი 0:0 - დაკარგული შანსების მატჩი" width="200" style="border: 0px none; float: left; margin: 5px;" />მიუხედავად უგოლო ფრისა, საკმაოდ ბევრი საგოლე მომენტი ვიხილეთ. სტუმრები უფრო ფრთხილად მოქმედებდნენ და კონტრშეტევების იმედად იყვნენ. "ვიტ ჯორჯია" ნელ-ნელა უპირატესობას დაეუფლა.</p><p>განსაკუთრებით სასარგებლოდ მარჯვენაფლანგელი <strong>გიორგი კორიფაძე</strong> თამაშობდა. მან სამჯერ კარის წინ მარტო დარჩენილ თანაგუნდელებს ანგარიშის გახსნის შანსი მისცა, მაგრამ <strong>ლევან კუხალეიშვილმა</strong> (ორჯერ) და <strong>გიორგი ვასაძემ</strong> რეალური მომენტებით ვერ ისარგებლეს.</p><p>ტაიმის მიწურულს ფოთელები <strong>გიორგი ჯანელიძემ</strong> აანერვიულა: მისი საჯარიმოს შემდეგ ბურთი ხარიხას მოხვდა. 39-ე წუთზე კი კუხალეიშვილი ფოთელთა საჯარიმოში <strong>გია ჩადუნელთან</strong> ბრძოლაში წაიქცა - მასპინძელთა აზრით, მცველმა ვიტელთა კაპიტანი წააქცია, თუმცა მთავარმა არბიტრმა <strong>ლაშა სილაგავამ</strong> თამაში გააგრძელა, რითაც ვიტელთა გულისწყრომა დაიმსახურა. ერთი შეხედვით, პრეტენზია საფუძვლიანი ჩანდა.</p><p>არბიტრთან პრეტენზია ფოთელებსაც ჰქონდათ: 47-ე წუთზე საჯარიმოში ჩაწოდებული ბურთი კარში <strong>თემურ ფარულავამ</strong> გააგზავნა, მაგრამ ლაშა სილაგავამ წესების დარღვევა დააფიქსირა და გოლი არ ჩათვალა.</p><p>პირველ ნახევარში კი "კოლხეთიდან" <strong>ომარ გოგონაიას</strong> შორეულ ძლიერ დარტყმას აღვნიშნავთ, რომელიც კარს მცირე მანძილით ასცდა.</p><p>სტუმრებს მეტი მომენტი არ შეუქმნიათ, გარდა იმისა, რაზეც ბოლოს გეტყვით. ვეტერინარებმა კიდევ ბევრჯერ სცადეს ანგარიშის გახსნა, თუმცა <strong>გურამ ადამაძემ, ჯანელიძემ, გურამ გურეშიძემ</strong> და <strong>ელგუჯა ლობჯანიძემ</strong> ხელსაყრელი მომენტებით ვერ ისარგებლეს; "კოლხეთის" მეკარე <strong>მიხეილ ხარშილაძეც</strong> საიმედოდ გამოიყურებოდა.</p><p>მატჩის დასრულებამდე წამები რჩებოდა, როდესაც ფოთელთა თავდამსხმელი <strong>ნიკა სიჭინავა</strong> მეკარესთან პირისპირ გავიდა და შეხვედრის ბედის გადაწყვეტა შეეძლო, მაგრამ ბურთი კარს ააცილა და მსაჯის სასტვენმა 0:0 დააფიქსირა.</p><p><img src="pictures/artimages/image16/ec541f76d24d1195b51a223d83151253.jpg" border="0" alt="Sportall.Ge" title="ვიტ ჯორჯია-კოლხეთი 0:0 - დაკარგული შანსების მატჩი" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"იბერია 1999"-მა ბათუმში მოიგო
"დილამ" "ტორპედოს" ანდრონიკაშვილის გოლით მოუგო
"დინამო თბილისისა" და "გარეჯის" მოგებები, "სამგურალი"-"გაგრას" ფრე
U21. საბერძნეთთან საქართველოს ნაკრების შემადგენლობა ცნობილია
"მხოლოდ დიდებული მოთამაშე არ გახლავთ" - დეშამმა მბაპეზე ისაუბრა
"კამპ ნოუსთან" მესის ქანდაკება უნდა დაიდგას" - ჟოან ლაპორტა
თორნიკე შენგელია არქის გრანდ ავენიუს პროექტის ინვესტორი გახდა
"ჩემი საყვარელი ფეხბურთელი ვინისიუს ჟუნიორია" - ლუის ჰამილტონი
[VIDEO] მამუკელაშვილი დაბრუნდა - "ტორონტო რაპტორსმა" "კლივლენდ კავალიერსი" დაამარცხა
საფრანგეთმა უკრაინა გაანადგურა და მსოფლიოს ჩემპიონატზე გავიდა
კონტე ტურინშია - ანგისა დე ბრუინს ლაზარეთში შეუერთდა
U21 | საბერძნეთი V საქართველო - მატჩისწინა ვარჯიში ათენში
15-ქალა რაგბი ევროპის კონფერენც დივიზიონში ერთვება
ხვიჩა კვარაცხელია: ახლა უკეთეს ფორმაში ვარ - დიდ პასუხისმგებლობას ვგრძნობთ
ნაკრებს ორი ფეხბურთელი ვერ დაეხმარება. საქართველო - ესპანეთი | 14 ნოემბრის განრიგი
"საფონოვი ჩასვრილ შევალიეზე უკეთესია - ვის სჭირდება ბუზების დამჭერი ჩიტი მატვეი" - რუსებს პსჟ-ში თანამემამულის მდგომარეობაზე განსხვავებული მოსაზრება გააჩნიათ
ოფიციალურად - მანჩინი "ალ-სადს" ჩაუდგა სათავეში
18 წ. | ვიწყებთ პოლონეთით
"მიუხედავად ფინანსური სირთულეებისა, გარიგება სწრაფად შედგა" - შენგელიას "ბარსელონას" ახალი მწვრთნელი ჰყავს
"გული მტკივა, როცა საფრანგეთში ამდენ უცხოელ მწვრთნელს ვხედავ" - დიდიე დეშამი
"მუდრიკი 100%-ით უდანაშაულოა, ვერ ვხვდები, ეს როგორ მოხდა" - დარიო სრნამ მიხაილო დაიცვა
სტერლინგის გმირობა - ინგლისელი მძარცველებს დანით დაუპირისპირდა
"დაბრუნდება თუ არა მესი "ბარსელონაში"? - "ბლაუგრანას" პრეზიდენტმა არგენტინელის ირგვლივ კითხვებს წერტილი დაუსვა