- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსეთის ნაკრებმა ბუდაპეშტის ევროპირველობისთვის შემადგენლობა გააცხადა
<p>გამოქვეყნდა 25-28 აპრილს ბუდაპეშტში გასამართ ევროპის პირად-გუნდურ ჩემპიონატზე ჩვენებურთა კიდევ ერთი მთავარი კონკურენტის შემადგენლობა <br> გამოქვეყნდა 25-28 აპრილს ბუდაპეშტში გასამართ ევროპის პირად-გუნდურ ჩემპიონატზე ჩვენებურთა კიდევ ერთი მთავარი კონკურენტის - რუსეთის ნაკრების შემადგენლობა.</p><p>ცოტა არ იყოს, გაგვაკვირვა იქაურთა იტალიელმა თავკაცმა ეციო გამბამ, რადგან უნგრეთში არასრული გუნდით მიდის - მონაწილე არ ეყოლებათ 60 კილოგრამში.</p><p>არადა, ამ წონაში ლონდონის ოლიმპიადის ჩემპიონი არსენ გალსტიანი და ევროპის ასევე შარშანდელი ჩემპიონი ბესლან მუდრანოვი ჰყავთ.</p><p>არ ჩანან არც მათი სხვა ოლიმპიური ჩემპიონები - მანსურ ისაევი (73) და ტაგირ ხაიბულაევი (100), თუმცა ეს კიდევ არაა გასაკვირი - ოლიმპიადის შემდეგ ისინი ჯერ კიდევ ისვენებენ; მაგრამ აი, ვარსკვლავურ წონაში მონაწილის გარეშე ყოფნა ცოტა გასაკვირია.</p><p>ოღონდ ეს ძალიან კარგია ამირან პაპინაშვილისთვის, რადგან მუდრანოვთან კარიერაში ოთხივე შეხვედრა წააგო, ხოლო გალსტიანთან - ორივე.</p><p>სწორედ მუდრანოვმა მოუგო მას ევროპის შარშანდელი პირველობის ნახევარფინალში და ბრინჯაოს დააჯერა, მერე კი აბუ დაბის "დიდ პრიზზეც" აჯობა და წლეულს - პარიზულ "მუზარადზეც".</p><p>სამაგიეროდ, ამ წონის ჩაგდების ხარჯზე რუსებმა სამი წონა გააორეს. მათგან პირად პირველობაში კამალ ხან-მაგომედოვი (66), მუსა მოგუშკოვი, მურად კოძოკოვი (ორივე - 73), მურატ ხაბაჩიროვი, ივან ვორობიოვი (81), კირილ ვოპროსოვი, კირილ დენისოვი (90), ადლან ბისულთანოვი (100) და რენატ საიდოვი (+100) გამოვლენ, გუნდურში კი მიხაილ პულიაევი (66), ზელიმხან ოზდოევი (73), სირაზუდინ მაგომედოვი (81), გრიგორი სულემინი (90) და მაგომედ ნაჟმუტდინოვი (+90) იჭიდავებენ.</p><p>დასახელებულ შემადგენლობაში საყურადღებოა მოგუშკოვის ამბავი - ინგუში მსოფლიოს 2011 წლის მესამე პრიზიორი ამჯერად 73-ში მოგვევლინა.</p><p>ახალ წონაში მან წლეულს მხოლოდ სამსუნში იჭიდავა "დიდ პრიზზე" და გაიმარჯვა კიდეც. თან ფინალში მონღოლ ოლიმპიურ პრიზიორ ნიამ-ოჩირ საინჯარგალს მოუგო, ანუ, შეიძლება ითქვას, ადაპტაცია წარმატებით გაიარა.</p><p>ვფიქრობ, 73-ში მისი გადასვლა ხელს გვაძლევს, რადგან ამ წონაზე უფრო მეტად ჩვენთვის სტრატეგიული 66-ია, ანუ იქ ოლიმპიურ ჩემპიონ ლაშა შავდათუაშვილს ერთ-ერთი სერიოზული კონკურენტი გამოაკლდა.</p><p>დაღესტნელი, ოღონდ ეროვნებით ტაბასარანელი ხან-მაგომედოვი, გუნდურში მსოფლიოს ჩემპიონია, მაგრამ მოგუშკოვის დონისა ჯერ არ გვგონია, შავდათუაშვილის მთავარ კონკურენტად რომ მივიჩნიოთ.</p><p>ვფიქრობთ, პირად პირველობაში 81-შიც იზრდება ჩვენებურთა შანსები კიდევ ერთი დაღესტნელის - ავარელი ევროპის ორგზის ჩემპიონი სირაზუდინ მაგომედოვის გუნდურში დაყენებით. ესეც ცოტა უცნაური გადაწყვეტილება ჩანს, მაგრამ გამბამ იცის თავისი საქმე.</p><p>მან წინა ოლიმპიურ ციკლშიც ასეთი "უცნაურობების" შემდეგ მოიპოვა სამი ოქრო და თითო ვერცხლ-ბრინჯაო ოლიმპიადაზე. გამბას გადაწყვეტილებას ისიც აძლიერებს, რომ ყაბარდოელი ევროპის მოქმედი ვიცე-ჩემპიონი ხაბაჩიროვი არც ისე ცუდ ფორმაშია.</p><p>ამ წონაში ევროპელთაგან ავთანდილ ჭრიკიშვილი რეიტინგში საუკეთესოა და ხაბაჩიროვს ფინალამდე არ შეხვდება.</p><p>ვფიქრობთ, ვალერი ლიპარტელიანსაც (90) ბევრის დამტკიცება მოუწევს რუსებთან - დენისოვთან აქამდე ოთხივე შეხვედრა წაუგია, ვოპროსოვთან კი 2 მოგება აქვს ამდენივე მარცხის წილ.</p><p>ვოპროსოვთან მისი ბოლო პაექრობა შარშან ჩელიაბინსკში ევროპის პირველობის ფინალში გაიმართა და ბრწყინვალე ფორმაში მყოფმა ქართველმა დამაჯერებლად აჯობა რუსს.</p><p>იმედია, ლიპარტელიანი მასთან ან დენისოვთან შესაძლო შეხვედრის შემთხვევაში დაამტკიცებს, რომ კრიზისი საბოლოოდ დასძლია და ამ წონაში ლიდერის ტახტზე საფუძვლიანად აცხადებს პრეტენზიას.</p><p>დღეისათვის ლიპარტელიანი მსოფლიო რეიტინგის ლიდერია, დენისოვი ევროპელთა შორის მესამეა, ვოპროსოვი - მეოთხე... თუ ევრორეიტინგის მეორეადგილოსანმა ილიას ილიადისმა, იმავე ჯარჯი ზვიადაურმა იჭიდავა, მაშინ ნახევარფინალში დენისოვს ის შეხვდება, ჩვენებურს კი ვოპროსოვთან მოუწევს პაექრობა.</p><p>ჩვენი ინფორმაციით, ბუდაპეშტში, "ლასლო პაპის სახელობის სპორტდარბაზში" იჭიდავებს ლონდონის ოლიმპიადის ფინალში შავდათუაშვილის მეტოქე, უნგრელი მიკლოშ უნგვარი.</p><p>ჩვენებურთან შეხვედრის შემთხვევაში, ასაკის მიუხედავად, ის მშობლიური მაყურებლის თვალწინ რევანშს შეეცდება და საშინაო კედლები დამატებით ფორასაც მისცემს, თუმცა შავდათუაშვილის ტალანტისა მაინც გვჯერა.</p><p>ოღონდ ვერ დავიჩემებთ, რომ უნგვარი მაინცდამაინც 66-ში იჭიდავებს და ზედა წონაში არ დადგება.</p><p>უნგრელების საიტზე არაა მითითებული, სად აყენებენ მას და ამ თემაზე თურმე პირდაპირ არც იქაური მწვრთნელები საუბრობენ.</p><p>ყოველ შემთხვევაში, როცა ჩვენი ნაკრების მთავარი მწვრთნელი ირაკლი უზნაძე გერმანიაში, ერთობლივ ვარჯიშებზე ამ საკითხით დაინტერესებულა, უნგრელებს უთქვამთ, რომ უნგვარი ნამდვილად გამოვიდოდა საჭიდაოდ, მაგრამ წონითი კატეგორია არ დაუკონკრეტებიათ.</p><p>სავარაუდოდ, ის მაინც 66-ში იასპარეზებს. უზნაძემაც გვითხრა და უნგრელების საიტსაც აშკარად ეტყობა, რომ მათ ვაჟებში ორი ფალავნის იმედი აქვთ - უნგვარისა და მძიმეწონოსან ბარნა ბორისა.</p><p><strong>ყოველდღიური სპორტული გაზეთი "ლელო"</strong></p>
"წინასწარ მაფრთხილებდნენ: "ხომ მართლა იქნები ბაკურიანში შეკრებაზე?". დავეჭვდი, ასე რატომ მაფრთხილებენ-თქო" - ბექა ღვინიაშვილმა ძიუდოს კარიერის დასრულების მიზეზზე ისაუბრა
[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე
[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია
მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს
"აიაქსმა" იბრაჰიმოვიჩის შვილი ინათხოვრა
"ნოტინგემს ფორესტს" ზინჩენკოს იჯარის ვადაზე შეწყვეტა სურს
პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა
ოფიციალურად: კონორ გალაჰერი ინგლისის პრემიერ ლიგას დაუბრუნდა
ფუტსალის ნაკრები ევროპის ჩემპიონატისთვის 18 ფეხბურთელით ემზადება
[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს
18 წ. | მესამედ ექვსი ერის ფესტივალზე
კვერნაძემ შეიძლება მნიშვნელოვანი მატჩი გამოტოვოს
ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს
დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა
"იბერია 1999"-მა ბართიშვილი და ღუდუშაური დაიმატა
"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე
"ნებისმიერი თანხა მოითხოვოს" - საუდის არაბეთის კლუბის პრეზიდენტის შეთავაზება მესის
საზონოვი ტრანსფერზეა - "ტორინო" ზამთარში ქართველის გაყიდვას შეეცდება
[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა
უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის
ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს
[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა
[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა