ანთალიური ალიყური

სოსო ლიპარტელიანს მსოფლიოს გუნდურმა პირველობამ დიდი საფიქრალი დაუტოვა ჩვენმა ძიუდოისტმა ვაჟებმა წარუმატებლად იასპარეზეს ანთალიაში მსოფლიოს გუნდურ ჩემპიონატში - ორი შეხვედრა წააგეს და რვაგუნდიან ტურნირში მეშვიდე ადგილზე გავიდნენ.თავდაპირველად სამხრეთ კორეის გუნდთან დათმეს ორთაბრძოლა - 2:3. კორეელები თურქეთში საკმაოდ ძლიერი გუნდით ჩავიდნენ, სოსო ლიპარტელიანმა კი მათ ეს შემადგენლობა დაუპირისპირა: დავით ასუმბანი (66), ნუგზარ ტატალაშვილი (73), ავთანდილ ჭრიკიშვილი (81), ვალერი ლიპარტელიანი (90) და ლაშა გუჯეჯიანი (+90). მეტოქე თავიდანვე დაწინაურდა - ასუმბანი დამარცხდა. ტატალაშვილმა ანგარიში გაათანაბრა, გუნდის დაწინაურება კი ჭრიკიშვილს შეეძლო. ლიპარტელიანი ენდო ამ ახალგაზრდა ფალავანს, რომელიც წინა შაბათს მაროკოში თანატოლებში მსოფლიოს ჩემპიონი გახდა, ერთი თვით ადრე კი ამავე ასაკში ევროპის ჩემპიონობაც მოიპოვა. მწვრთნელი თურქეთში მის დატვირთვას არ აპირებდა, მაგრამ პირველივე შეხვედრაში დააყენა. შეგირდიც უმართლებდა იმედს და საქმე გამარჯვებისკენ მიჰყავდა, მაგრამ გამოუცდელობით წააგო და კორეელები ისევ დაწინაურდნენ - 2:1.ანგარიში კვლავ გათანაბრდა - ლიპარტელიანმა მოიგო და ყველაფერი მძიმეწონოსანთა შერკინებას უნდა გადაეწყვიტა. გუჯეჯიანი მსგავსი ტვირთის ტარებას შეჩვეულია - წინა ანალოგიურ შეჯიბრებებში ერთ შეხვედრაში მაინც უწევდა ბეწვის ხიდზე გავლა. ორი წლის წინ ტოკიოში სულაც ორჯერ მოგვაგებინა ბოლოს, მაგრამ ახლა ვერ შეძლო გუნდის "ამოქაჩვა". ეტყობა, მის შემთხვევაში ყველაფერმა ერთად იჩინა თავი - გაცდენილმა პერიოდმა, მოუმზადებლობამ, ალბათ, განწყობაც აკლდა...ამ მარცხის შემდეგ კვლავაც რჩებოდა ბრინჯაოს მოპოვების რეალური შანსი - დამამშვიდებელში რუსეთს ვხვდებოდით, რომელიც სათადარიგოებით იყო ანთალიაში ჩასული (თუ მთლად მესამე შემადგენლობით არა). ერთი შეხედვით, მათთან წარმატება მოსალოდნელი იყო, დამამშვიდებლის ფინალში კი სავარაუდო მეტოქედ თურქეთი ჩანდა - მასპინძლები ნახევარფინალში ჩვენსავით ორივე შეხვედრის წამგები მონღოლეთის დამარცხებით გავიდნენ, იქ კი ბრაზილიელებს ხვდებოდნენ. მათთვის მონღოლეთის დამარცხება იქნებ აღსანიშნავი იყო - რაც უნდა იყოს, პირადი შემადგენლობით აზიელებს ბევრად ძლიერი გუნდი ჰყავთ, თუმცა ბრაზილიელებთან თურქთა გამარჯვება უტოპიას ჰგავდა. ამერიკელები ტურნირზე ძალიან ძლიერი გუნდით ჩავიდნენ და ქვეჯგუფში ასევე ძალზე ძლიერ ფრანგებსაც მოუგეს. თურქები მათთან შეხვედრაში განწირულნი ჩანდნენ და აკი წააგეს კიდეც.მოკლედ, ჩემპიონატში მოულოდნელობები არ მომხდარა და ჩვენები თუ იყოჩაღებდნენ, ბრინჯაოს მოპოვებაც სავსებით რეალურად შეეძლოთ, მაგრამ საქმეც ისაა, რომ ვერ ივარგეს. რუსებთან შეხვედრისთვის ლიპარტელიანმა ორი ცვლილება განახორციელა - ჭრიკიშვილის ნაცვლად ხვიჩა ხუციშვილი აჭიდავა, გუჯეჯიანი კი ზვიად ხანჯალიაშვილით შეცვალა. სამწუხაროდ, ამან შედეგი არ გამოიღო - ჩვენებმა მიჯრით წააგეს პირველი ოთხი შეხვედრა და მხოლოდ ხანჯალიაშვილმა იმარჯვა, თუმცა ამ დროს ყველაფერი გადაწყვეტილი იყო და ეს მოგება არაფერს ცვლიდა. განსაკუთრებით მოულოდნელი ვალერი ლიპარტელიანის მარცხი იყო კირილ ვოპროსოვთან, ვისაც ორი კვირის წინ როტერდამის ტურნირზე მოუგო.ტურნირში ასეთი ცუდი გამოსვლა დასანანი იმიტომაცაა, რომ იქ ჭიდაობა არ გვეკუთვნოდა და დიდი მოლაპარაკებების შემდეგ დაგვიშვეს. ამ შეჯიბრებამ სოსო ლიპარტელიანსაც დიდი საფიქრალი დაუტოვა - აშკარაა, რომ გუნდის ძველ ლიდერებს გვარიანი მუშაობა მართებთ ძველ კონდიციებამდე ასამაღლებლად. იმედია, 20-21 ნოემბერს ჩასატარებელი საქართველოს ჩემპიონატი ბევრად უკეთეს რეალობას დაგვანახებს.თავად მსოფლიოს ჩემპიონატს რაც შეეხება, ვაჟებში კვლავაც იაპონელებმა იმარჯვეს იმის მიუხედავად, რომ ძალზე გადახალისებული გუნდი ჩაიყვანეს. მათ ჯერ რუსებს მოუგეს, მერე კი, ნახევარფინალში კორეა დაამარცხეს - 3:2 ორივესთან, ფინალში კი ბრაზილიელებს 4:1 აჯობეს.ქალებში ჰოლანდიელებმა იმარჯვეს. არადა, ცოტა მოულოდნელია მათ მიერ ნახევარფინალში იაპონელების დამარცხება, როგორც მეორე ნახევარფინალში - გერმანელების მიერ ფრანგების ძლევა. თუმცა ფრანგებმა მერე ვერც ბრინჯაოსთვის ბრძოლაში შეძლეს თურქებთან წარმატების მოპოვება.კვარცხლბეკივაჟები. 1. იაპონია, 2. ბრაზილია, 3. კორეა, რუსეთი.ქალები. 1. ჰოლანდია, 2. გერმანია, 3. იაპონია, თურქეთი.

[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე

[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია

[VIDEOS] ეთერ ლიპარტელიანმა და გიორგი ჯაბნიაშვილმა ტოკიოს გრანდ სლემზე ბრინჯაოს მედლები მოიპოვეს

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა

მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს

დე ლაურენტისი: კონტეში ეჭვი გეპარებოდათ?

[VIDEO] ნერესმა "ნაპოლის" იტალიის სუპერთასი მოაგებინა

ხვიჩა მწვრთნელს უსმენს - იმიჯის გამყარება და ის, რაზეც სამუშაოა...