- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საქართველოს ჩემპიონატი: "ლელო" დიდ ფინალშია
<p>"არმიამ" შესარჩევ ფინალში თბილისის "ლელოსთან" წააგო 16:24 და დიდ ფინალში გზა მეტოქეს "დაულოცა"</p><p><br> საქართველოს მოქმედმა ჩემპიონმა და წლევანდელი რეგულარული გათამაშების გამარჯვებულმა "არმიამ" შესარჩევ ფინალში თბილისის "ლელოსთან" წააგო 16:24 და დიდ ფინალში გზა მეტოქეს "დაულოცა".</p><p>წინასწარმა ფინალმა, ცხადია, დიდი ინტერესი გამოიწვია. "ავჭალის სარაგბო სტადიონზე" მისულმა მაყურებელმა საქართველოს ორი უძლიერესი გუნდის ძალზედ საინტერესო, დაძაბული და, თამამად შეიძლება ითქვას, დრამატიზმით აღსავსე ბრძოლა იხილა.</p><p>გათამაშების ფორმატიდან გამომდინარე, მატჩი დიდად ფასობდა. გამარჯვებული პირდაპირ დიდ ფინალში თამაშის უფლებას დაიბევებდა.</p><p>დამარცხებულს კი იქ მოსახვედრად კიდევ ერთი, არანაკლებ დაძაბული ბრძოლის გადატანა მოუწევდა.</p><p>ცხადია, ჩემპიონობის შანსს მაინც ორივე გუნდი ინარჩუნებს, თუმცა წაგებულს საამისოდ მეტი ძალისხმევა დასჭირდება.</p><p>თამაშის წინ გამარჯვებულის ვინაობის გამოცნობას არავინ ცდილობდა, რადგან ორივე გუნდმა რეგულარულ გათამაშებაში თანაბრად სტაბილურად ითამაშა და ურთიერთშეხვედრებში თითო გამარჯვება მიითვალა.</p><p>წესით, საწადელისთვის იმ გუნდს უნდა მიეღწია, რომელსაც მეტი ფიზიკური გამძლეობა, სათამაშო კლასი და ნაკლები შეცდომა ექნებოდა.</p><p>თამაში, როგორც მოსალოდნელი იყო, ორმხრივი იერიშებით დაიწყო. მორაგბეები, შეიძლება ითქვას, ზედმეტადაც კი ფრთხილობდნენ. "არმიამ" მეტად ეშმაკურ ხერხს მიმართა. მათი ფულბეკი ბახვა კობახიძე, როგორც კი ბურთს ხელში მოიგდებდა, მეტოქის 22-მეტრიან ზონასთან მაღალ აბრაგანს ურტყამდა, იმის იმედად, რომ ლელოელები შეცდომას დაუშვებდნენ, რაც მათ სალელოვე შეტევის განხორციელების საშუალებას მისცემდა.</p><p>თავდაპირველად "ლელოს" უკანახაზელები კობახიძის აბრაგანს წარმატებით უმკლავდებოდნენ, ბურთს ჰაერიდან სუფთად ხსნიდნენ და კონტრიერიშის წამოწყებასაც ახერხებდნენ. ასე გაგრძელდა მე-10 წუთამდე.</p><p>ამ დროს, მორიგი აბრაგანისას, საკუთარ 22-მეტრიან ზონაში ლელოელთა ფულბეკი ირაკლი ყიასაშვილი შეცდა. ბურთის დაჭერას რომ ცდილობდა, ფეხი დაუცურდა და ხელიდან გაუვარდა.</p><p>არმიელებმა "ჩახურვაზე" შესანიშნავად ითამაშეს. ბურთი მათი კაპიტნის, შუამარბი ირაკლი ჩხიკვაძის ნადავლი გახდა.</p><p>მას თვითონაც შეეძლო მეტოქის ლელოში შეღწევა, თუმცა ამჯობინა, იქვე მიმყოლი მგეზავისთვის, მამუკა ნინიძისთვის გადაეწოდებინა, რომელსაც ხელი ვერავინ შეუშალა. მან ლელო კარის ძელებს შორის გაიტანა. კობახიძემ ხელსაყრელი პოზიციიდან იოლად გარდასახა - 7:0.</p><p>მატჩის მსვლელობის ხასიათიდან გამომდინარე, მოვლენების ასეთი განვითარება მოულოდნელი იყო. "ლელომ" თამაშის ტემპს უმატა და მომდევნო ოცი წუთის განმავლობაში სრულ სათამაშო უპირატესობას ფლობდა. მე-15 წუთზე კი მათ ლელოს გატანის შესანიშნავი შანსი გაუშვეს ხელიდან.</p><p>"არმიამ" მოედნის ცენტრში შეცდომა დაუშვა, ყიასაშვილმა ჩათვლის მოედნისკენ ბურთი ფეხით შეიცურა, თავადვე მიუსწრო, თუმცა ზედ ლელოს ხაზთან შეაჩერეს. წარმოქმნილი რაკიდან ლელოელებმა ბურთის სწრაფად გამოტანა ვერ მოახერხეს.</p><p>არმიელებმა დაცვის გადაწყობა მოასწრეს, თუმცა მეტოქის სახიფათო იერიშის შეჩერება მხოლოდ წესის დარღვევით შეძლეს.</p><p>"ლელოს" გადაწყვეტილების მიღების ორი ოპტიმალური ვარიანტი ჰქონდა: საჯარიმო ან კარში უნდა დაერტყა, ან აუტში გადაეტანა და ხუთმეტრიანი დერეფნიდან აგორებული მოლით შეეტია.</p><p>ლელოელებმა მესამე აირჩიეს. საჯარიმო იქვე გაათამაშეს და მორკინალების მოკლე დარტყმებით სცადეს "არმიას" ჩათვლის მოედანში შეღწევა. არ გამოუვიდათ.</p><p>ამ ეპიზოდიდან ხუთ წუთში "ლელომ" კიდევ ერთხელ გამოიმუშავა საჯარიმო. ამჯერად ყიასაშვილმა კარში დაარტყა და ანგარიშში სხვაობა შეამცირა - 3:7.</p><p>ლელოელების აქტიურობა არც ამის შემდეგ შენელებულა. ყიასაშვილმა ხუთწუთიანი შუალედებით კიდევ ორჯერ დაარტყა საჯარიმო, რომელთაგან მხოლოდ ერთი გაიტანა - 6:7.</p><p>პირველი ტაიმის ბოლო ათი წუთი "არმიამ" მეტოქეზე უკეთ ჩაატარა და ახლა უკვე მათ დამრტყმელს მიეცა ორჯერ მეტოქის კარის დალაშქვრის საშუალება, რაც კობახიძემ კარგად გამოიყენა - 13:6. ასე დასრულდა პირველი ტაიმი.</p><p>შესვენების შემდეგ, საწყის 15 წუთში თამაშის სურათი დიდად არ შეცვლილა. დროის ამ მონაკვეთში გუნდებმა თითო საჯარიმო გაცვალეს - 16:9. დარჩენილ 25 წუთში "არმიამ" თამაშის დალაგება ვეღარაფრით შეძლო და, შესაბამისად, მონაგარის გაზრდაც ვერ მოახერხა.</p><p>"ლელომ" პირიქით, თავისი თამაში იპოვა, რაშიც დიდი როლი მგეზავის, ლაშა ხმალაძის გააზრებულმა, ძალზედ კარგმა გარჯამ შეასრულა. მან მორკინალების ძალისხმევა "დააფასა" და უკანა ხაზის მაქსიმალურად ნაყოფიერად ათამაშება შეძლო.</p><p>ლელომ პირველად ჩათვლის მოედანში მატჩის 63-ე წუთზე შეაღწია. შეტევა მოედნის ცენტრში ხმალაძემ წამოიწყო. მან ხაზი გაჭრა და მეტოქის ნახევარზე გადასულმა ბურთი ფეხით მარჯვენა ფრთაზე ოსტატურად შეაცურა.</p><p>ლელოსთან ახლოს ყველას არმიელთა ფულბეკმა კობახიძემ დაასწრო და საფეხბურთო ილეთით, ვარდნაში ბურთი აუტში მოიგერია.</p><p>ხუთმეტრიან დერეფანში "ლელომ" ბურთი სუფთად მოიგო, მოლი შეკრა, მძლავრი ბიძგით მეტოქის დაცვას უკან დახევა აიძულა და ჩათვლის მოედანში შეაღწია. ბურთით ბოლოს შერკინების კვაჭი რეზო ბელქანია იყო, ყიასაშვილმა ვერ გარდასახა - 14:16.</p><p>ოთხ წუთში "ლელო" თამაშში პირველად დაწინაურდა. შეტევა მარჯვენა ფრთაზე ისევ ხმალაძემ წამოიწყო. იერიშის რამდენიმე ფაზის შემდეგ არმიელებმა რაკში თამაშისას ისევ წესი დაარღვიეს და ყიასაშვილმა საჯარიმოთი ლელოელები ერთი ქულით დააწინაურა - 17:16.</p><p>თამაშის დასრულებამდე 13 წუთი რჩებოდა. "არმიას" საკმარისი დრო ჰქონდა საიმისოდ, რომ მინიმალური სხვაობით ჩამორჩენა აღმოეფხვრა. თუმცა "ლელომ" ამის საშუალება არაფრით მისცა.</p><p>მეტიც, ლევან მაისაშვილის სამწყსომ ზეწოლა კიდევ უფრო გააძლიერა და თამაშის დამთავრებამდე ერთი წუთით ადრე, შესანიშნავი კომბინაციის გათამაშების შემდეგ, ლამაზი ლელო გაიტანა.</p><p>შერკინებიდან, რომელიც მოედნის ცენტრში დაინიშნა, ბურთი გიორგი ჭყოიძემ აიტაცა, თუმცა ის მალევე შებოჭეს.</p><p>ცხრა ნომერმა გიორგი კაჭარავამ რაკიდან ბურთი მარჯვნივ, გრძელ ფრთაზე ხმალაძეს გაუტანა, ამან ფეხით მეტოქის ზურგს უკან მოკლე აბრაგანი გადაკიდა.</p><p>ბურთს შუამარბი თორნიკე ცერცვაძე დაეუფლა, რომელმაც ბოჭვისას კიდევ უფრო მარჯვნივ, მეორე შუამარბ ლექსო გუგავას გადააწოდა. მან ერთი შეხებით კიდესკენ შეტევაში გარემარბი ირაკლი გეგენავა ჩართო, რომელმაც ლელომდე ორმოცი მეტრი ირბინა.</p><p>გზად სამი მეტოქე ისე ჩამოიშორა, რომ მათ თითის დაკარებაც კი ვერ მოახერხეს. ყიასაშვილმა ამჯერად გარდასახვა ზუსტად დაარტყა - 24:16.</p><p>ამრიგად, "ლელო" წინასწარ ფინალში გამარჯვებულს დაელოდება და დიდ ფინალში ჩემპიონობისთვის იბრძოლებს.</p><p><em><strong>არმია-ლელო 16:24</p><p></strong></em>არმია (15-9) კობახიძე, ტუჩაშვილი, ჯიმშელაძე (გაგოშვილი 68), ჩხიკვაძე, გოგოლაშვილი (გაბროშვილი 61), ნინიძე, ჯინაშვილი. (1-8) კაკოვინი (ქორიძე 72), მამუკაშვილი (მეკოკიშვილი 65), გურგენიძე (დონაძე 54), სურგულაძე, აზალაძე, თხილაიშვილი (არჩუაშვილი 35), ბიწაძე, ბუჯიაშვილი.</p><p>ლ: ნინიძე. 3ს,გ: კობახიძე.</p><p>ლელო (15-9) ყიასაშვილი, გეგენავა, გუგავა, ცერცვაძე, ნიჟარაძე, ხმალაძე, კაჭარავა. (1-8) გოგიშვილი, ბელქანია, პატარაია, ჭეიშვილი (ნიკოლაიშვილი 68), ქოიავა, სურგულაძე, დარასელია (მძინარიშვილი 56), ჭყოიძე.</p><p>2ლ: ბელქანია, გეგენავა. 4ს,გ: ყიასაშვილი</p><p>სინბინი: კაჭარავა.</p><p>მსაჯი: მაიკლ ბლეკი (ირლანდია)</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></p><p></strong><a href="/regbi/qarthuli-ragbi/erovnuli-nakrebi/48629-saqarthvelos-chempionati-qaiaq-finalisken-miitsevs.html" target="_blank">საქართველოს ჩემპიონატი: "აია" ფინალისკენ მიიწევს</a></p>
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა