<p>თბილისის "დინამოს" ერთ-ერთი ლიდერი "ლელოს" "მეტალურგთან" თასის პირველ ნახევარფინალურ მატჩზე, საჩემპიონო შანსებსა და სხვა თემებზე ელაპარაკა <br> თბილისის "დინამომ" რუსთავის "მეტალურგთან" ეროვნული თასის პირველი ნახევარფინალური შეხვედრა 1:2 წააგო. გუნდის ერთ-ერთი ლიდერი <strong>ლევან ხმალაძე</strong> "ლელოს" ამ მატჩზე, საჩემპიონო შანსებსა და სხვა თემებზე ელაპარაკა...</p><p><strong>- ძნელი წარმოსადგენი იყო, რომ ქვედა ექვსეულის გუნდი დაგამარცხებდათ...</strong></p><p>- ეს ჩვენთვისაც მოულოდნელი იყო. მოსაგებად წავედით, მაგრამ ისეთი უაზრო გოლები გავუშვით და ისეთ ამინდში ვითამაშეთ...</p><p>ძალიან არ მინდა, მიკერძოებულ მსაჯობაზე ვილაპარაკო და ყველაფერი მიზანმიმართულ ქმედებად ჩავთვალო, მაგრამ ნებსით თუ უნებლიეთ მაინც ამაზე ვფიქრობ - რა ხდება "დინამოს" გარშემო?</p><p>ბოლო შეხვედრებში - ზუგდიდში და ახლაც ისე გვიმსაჯეს, ძალიან ბევრი საეჭვო კითხვა დამებადა. რატომ ხდება, რომ ყველა საკამათო ეპიზოდი "დინამოს" საწინააღმდეგოდ წყდება? მაგალითად, პირველი გოლი აშკარა თამაშგარე მდგომარეობიდან რომ გაგვიტანეს, რას მივაწეროთ?</p><p><strong>- ჩემპიონატის ლიდერი ქვედა ექვსეულის გუნდთან მსაჯის ერთი შეცდომის გამოც არ უნდა აგებდეს...</strong></p><p>- მე იმას არ ვამბობ, რომ მაგრად ვითამაშეთ და ყველაფერი ამ ერთმა გოლმა გადაწყვიტა. ბევრი რამ ჩვენს საწინააღმდეგოდ აეწყო: ჯერ ის, რომ რუსთაველებს უმაღლეს ლიგაში დარჩენის საკითხი გადაწყვეტილი აქვთ და ამ თამაშზე კონცენტრაცია არ გასჭირვებიათ. სათასო სპეციფიკა ხომ სწორედ ისაა, რომ ერთი შეხვედრის მაღალ დონეზე ჩატარება ყველას შეუძლია.</p><p>მეორე მხრივ, ჩვენ ჩემპიონობისთვის ვიბრძვით, გორში ძალიან მძიმე თამაში გველის და ეტყობა, "მეტალურგთან" შეხვედრაზე კონცენტრირება ვერ მოვახერხეთ. თუმცა, თავიდან დავწინაურდით და არავინ იცის, 1:0-ზე მეტოქის გოლი რომ არ ჩაეთვალათ, წავაგებდით თუ არა. ასეთი შეცდომა შედეგზე გავლენას ახდენს. ნუთუ არ ჩანდა, რომ კარის წინ ფეხბურთელი თამაშგარეში იმყოფებოდა?!</p><p><strong>- ჩემპიონატის დასრულებამდე 4 ტურით ადრე ოქროს მედლის მფლობელის ვინაობა გაურკვეველია. შენი აზრით, "დინამოს" ჩისკოს არყოფნა დაეტყობა?</strong></p><p>- ჩისკო გუნდისთვის ძალიან დიდი ძალაა და ცხადია, მისი არყოფნა დიდი დანაკლისია, მაგრამ "დინამოს" სხვა ძლიერი მოთამაშეებიც ჰყავს. მაგალითად, ჯაბა დვალი, რომელიც ბოლო სამი წლის განმავლობაში საქართველოს საუკეთესო თავდამსხმელია. მისი დიდი იმედი მაქვს და მჯერა, თავს გორელებთანაც გამოიჩენს.</p><p><strong>- ძნელი ამოცანაა - გორელები მადაზე მოვიდნენ...</strong></p><p>- ჩემი აზრით, გორში მოსაგებად მზად ვართ. ჩვენ მხოლოდ ქულას არ დავჯერდებით, მოსაგებად ვიბრძოლებთ, დანარჩენს კი შეხვედრა გვაჩვენებს. მაგრამ მჯერა, ჯაბა დვალი "დილას" გაუტანს.</p><p><strong>- პირადად შენზეც ვილაპარაკოთ: "მეტალურგამდე" გამართულ სამ შეხვედრაში მნიშვნელოვანი გოლები გაიტანე. ეტყობა, ფორმა აღიდგინე...</strong></p><p>- მართლაც ნორმალურ ფორმაში ვარ. სხვათა შორის, პირველ წრეშიც საკმაოდ ბევრი, ექვსი გოლი გავიტანე. გოლი ყოველთვის გუნდის დამსახურებაა. "დინამო" კარგად რომ ვერ თამაშობდეს, მეც ვერაფერს მოვახერხებდი. შეხვედრას ერთი კაცი ვერ მოიგებს.</p><p><strong>- მგონია, რომ დუშან უჰრინთან პატარა გაუგებრობამ დადებითად იმოქმედა...</strong></p><p>- ყველაფერი მოგვარდა. უჰრინთან მშვენიერი ურთიერთობა მქონდა და მაქვს კიდეც.</p><p><strong>- როგორია შენი გეგმები, "დინამოში" რჩები?</strong></p><p>- გუნდთან კონტრაქტი წელიწადნახევრის შემდეგ მიმთავრდება. წინასწარ ვერ ვიტყვი, დავრჩები თუ არა, მაგრამ გუნდში თავს კარგად ვგრძნობ.</p><p>"დინამო" ჩემთვის ლამის მეორე ოჯახია - უკვე თერთმეტი წელია, გუნდის ძირითად შემადგენლობაში ვთამაშობ. 2002 წლის შემოდგომაზე დუბლებიდან 17 წლის ბიჭი დამაწინაურეს. მაშინ მთავარი მწვრთნელი ჯერ კიდევ ივო შუშაკი იყო. მანამდე 4 წელი ასაკობრივ "დინამოსა" და დუბლებში ვთამაშობდი, ანუ უკვე 15 წელიწადია, დინამოელი ვარ.</p><p><em>ლევან ხმალაძე: გორში მოგება შეგვიძლია (იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</p><p></strong></em><strong><span style="color: #ff0000;">ასევე იხილეთ:</span></strong></p><p><a href="/fexburti/qarthuli-fekhburthi/chempionati/48708-davith-kvirkvelia-principuli-matchis-tsin-shesadzloa-tckuidan-gadakhvide.html" target="_blank">დავით კვირკველია პრინციპული მატჩის წინ: შესაძლოა, ჭკუიდან გადახვიდე</a></p><p><a href="/fexburti/qarthuli-fekhburthi/thasi/48709-metalurgi-dinamo-thb-21-erthaderthi-gza-evroturnirebisken-video.html" target="_blank">მეტალურგი-დინამო თბ 2:1 - ერთადერთი გზა ევროტურნირებისკენ [VIDEO]</a></p>
rezo
ძალიან მინდა დინამომ რომ მოუგოს დილას მაგრამ რატომღაც მგონია რომ ეგ თამაში ფრედ დამთავრდება...
Giga
დინამო არის და იქნება საქართველოში ნომერ პირველი გუნდი და ვერც დილა და ვერც მისნაირი "ახალი შექმნილი" გუნდები მასზე წინ ვერ დადგება :)
bibo
იმედი კი გაქვთ მაგრამ შანსი არაა. დილა დინამოს მოუგებს აუცილებლად
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა