<p><p />ბენუა ასუ-ეკოტომ უეინ რუნის მეძავების ჭია უწოდა <br> „ტოტენჰემ ჰოთსპურის“ მცველმა ბენუა ასუ-ეკოტომ „მანჩესტერ იუნაიტედის“ ვარსკვლავს უეინ რუნის დაახლოებით მეძავების ჭია უწოდა, თუმცა მარტო ეს რომ ეთქვა რა უჭირდა. „ტოტენჰემის“ კამერუნელმა ვარსკვლავმა თანამედროვე ფეხბურთელთა ყოფა-ქცევა და კულტურა ერთბაშად მიწასთან გაასწორა. მისი თქმით, ახლანდელი ფეხბურთელები ხარბები, ორპირები და თავგასული ადამიანები არიან. 26 წლის მოთამაშემ თქვა, მთელს პრემიერლიგაში ერთადერთი კაცი, ვინც ფულის გულისთვის თამაშობს მე ვარ, ამ საქმეში სხვა არაფერი მაინტერესებს და ჩემს კოლეგა-ფეხბურთელებთანაც საერთო არაფერი მაქვსო.</p><p>თუმცა, ჯერ რუნის მონაკვეთით დავიწყოთ, რადგან ის ყველაზე სკანდალურია და ბევრმა ტაბლოიდმა ასუ-ეკოტოს ფრანგულ ჟურნალ შო "ფუტთან" ნალაპარაკების საერთო კონტექსტიდან მოგლიჯა კიდეც – ასე უფრო ხმაურიანი და სენსაციური გამოდიოდა.</p><p>„დღევანდელ ფეხბურთში ისეთი ტენდენციაა, რომ თუ მეძავებში არ დარბიხარ კაი ტიპობას ვერ ქაჩავ. უეინიც ფეხის ხმას აჰყვა, ამბავი გაუსკდა და მისმა მეუღლემ გაიგო, რომ ქმარი მთელი შვიდი თვის განმავლობაში ერთსა და იმავე ჩიტუნასთან დაძვრებოდა”.</p><p>თუმცა, ჩვენც ერთი ნათქვამის მთელი ინტერვიუს პათოსიდან და დედააზრიდან ცალკე გამოტანა რომ არ გამოგვივიდეს, მოდი ასუ-ეკოტოს სხვა აზრებსაც გავეცნოთ.</p><p>„ჩვენ, ფეხბურთელები ბურთს ვთამაშობთ და ამაში ყოველკვირეულად 100, 200, 300 ათას ევროს ვიღებთ. ჩვენ მსოფლიოს გამოსწორებაზე სულაც არ ვზრუნავთ, წყლის გამაცხელებელსაც კი არ ვიგონებთ, უბრალოდ ვბურთაობთ. და თქვენ უნდა ნახოთ, ეს მობურთალი ბიჭები ქუჩაში როგორ იქცევიან. ნამდვილი როკ ვარსკვლავები გეგონებათ.</p><p>იცით, თუკი გულის ოპერაციებს აკეთებ და ხალხს სიცოცხლეს უნარჩუნებ, კიდევ მესმის ღამით მზის სათვალე რომ გაიკეთო და ქუჩაში პრანჭვით იარო, მაგრამ, როდესაც მხოლოდ და მხოლოდ ფეხბურთელი ხარ რატომ იპრანჭები?</p><p>მე თანამედროვე ფეხბურთელების სამყაროში არ ვცხოვრობ, მათ უმრავლესობასთან საერთო არაფერი მაქვს. ეს ხალხი მე ვერაფრით დამაინტერესებს. ღამის კლუბებში სიარული და ბევრი შამპანურის სმა ჩემთვის არაფერს ნიშნავს. მე მირჩევნია ისეთ ხალხთან მქონდეს ურთიერთობა როგორებიც დეკუ და ედგარ დავიდსი არიან. დეკუ თავის სახელსა და ფულს ბრაზილიაში ქველომქმედებისტვის იყენებდა, დავიდსი კი სხვანაირი ადამიანია. იმ წელიწადს, როდესაც მე „სფურზში“ მივედი და ჩვენ ერთ გუნდში ვთამაშობდით ერთმანეთს ხშირად არ ვეთანხმებოდით და საკმაოდ დაძაბული ურთიერთობა გვქონდა, მაგრამ დღეს კაცურად ვესალმებით ერთმანეთს. ორპირა ადამიანებს ასეთი ხალხი მირჩევნია. მოკლედ, ვინც გინდა იყავი, მის მსოფლიო, მილიარდერი თუ სხვა, თუ გეტყვი „წადი შენი...“ ესე იგი „წადი შენი“!</p><p>იმ ხალხისთვის, ვინც „ლანსიდან“ ოთხი წლის წინ ნაყიდ ასუ-ეკოტოს არ იცნობს, მისი ეს ინტერვიუ შეიძლება სენსაციური იყოს, მაგრამ საერთოდ ამ ფეხბურთელს თავისი აზრის ჯიქურ გამოთქმა ყოველთვის ახასიათებდა. ეს ის კაცია, რომელიც გასულ სეზონში, „ვულვზთან“ დამარცხების შემდეგ ფანს ეჩხუბა, ხოლო „უაით ჰართ ლეინზე“ სტიუარდზეც გაიწია.</p><p>ბენუა ასუ ეკოტოს არასდროს დაუმალავს, რომ ინგლისში ფულის გულისთვის არის ჩასული.</p><p>„ჩემთვის პატარაობიდან ნათელი იყო, 1000 ევროს გულისთვის რომ მთელი ცხოვრება ერთსა და იმავე ოფისში სიარული და ერთი და იგივე ადამიანების ცქერა აუტანელი იქნებოდა. ასეთ მოსაწყენ ცხოვრებას მე ვერ გავუძლებდი. საბედნიეროდ, მე სპორტსმენის ნიჭი დამყვა და ამან ყველაფერი მომიგვარა. მართლაც გადასარევად ვარ: დღეში ორ საათს ვმუშაობ და ქვეყნის ფული მაქვს”.</p><p><strong>ყოველდღიური სპორტული გაზეთი</p><p>"ლელო"</strong> </p> <p> </p> <p> </p></p>
“ჩემს ცოლს უთხრა, შენ ქმარს ძლიერი სპერმა აქვსო” - რუნიმ ვან გაალთან გატარებული პერიოდი გაიხსენა
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
[PHOTO] არდა გიულერის ემოციები ესპანეთთან განადგურების შემდეგ
[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა
შენგელია: გასაკვირია ჯიკიჩი ევროლიგის გუნდს რომ არ წვრთნის
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!