- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთი. ლა ლიგა. XXXIII ტურის წინ: ჩემპიონობა კათედრალზე?
<p>"ბარსელონამ" ჩემპიონობა ვადამდე რომ იზეიმოს, ორი რამ არის საჭირო: თავად ბილბაოში უნდა მოიგოს, "რეალმა" კი "ვისენტე კალდერონზე" უნდა წააგოს <br> 27 აპრილს, შესაძლოა ესპანეთის ჩემპიონის ვინაობა შევიტყოთ. უფრო სწორად, ისედაც დიდი ხანია ვიცით, რომ ლა ლიგას "ბარსელონა" მოიგებს, უბრალოდ, საჩემპიონო ტიტულის ოფიციალურად გაფორმება კატალონიელებს ახლავე შეუძლიათ.</p><p>ამისთვის ორი რამ არის საჭირო: 1. "ბარსამ" ბილბაოში უნდა მოიგოს და 2. "რეალმა" "ვისენტე კალდერონზე" უნდა წააგოს.</p><p>ბევრი ფაქტორის გათვალისწინებით, მოვლენების ასეთი განვითარება სავსებით მოსალოდნელია...</p><p><span style="color: #ff0000;"><strong>შერცხვენილი მომავალი ჩემპიონი</strong></span></p><p>"ბარსელონამ" მიუნხენში ისტორიაში ერთ-ერთი ყველაზე სამარცხვინო მატჩი ჩაატარა და ჩემპიონთა ლიგის საპასუხო 1/2-ფინალური მატჩის წინ, ფინალში გასვლის შანსი მინიმუმამდე შეიმცირა.</p><p>მხოლოდ ყველაზე ოპტიმისტ ქომაგს თუ სჯერა, რომ კატალონიელებს ორმატჩიანი დუელის სათავისოდ შემოტრიალება შეუძლიათ.</p><p>მართალია, ფეხბურთელები ამბობენ, რომ ბოლომდე იბრძოლებენ, მაგრამ ეს საერთო სიტუაციას დიდად არ ცვლის.</p><p>ახლა, <strong>ტიტო ვილანოვას</strong> შეგირდები ესპანეთის პირველობაზე ფიქრობენ, სადაც ამ ტურში ჩემპიონობის განაღდება შეუძლიათ.</p><p>მოსალოდნელია, რომ "ატლეტიკთან" არ ითამაშებს <strong>ლეო მესი</strong>, ვინც "ბაიერნთან" ძალიან უფერულად გამოიყურებოდა და ეტყობოდა, რომ ტრავმა ახალი მორჩენილი ჰქონდა. ასევე, ვილანოვამ რამდენიმე წამყვანი ფეხბურთელი უნდა დაასვენოს, რადგან პრიორიტეტი მაინც "ბაიერნთან" საპასუხო მატჩია.</p><p>ყველაფერს რომ თავი დავანებოთ, სასწორზე "ბარსელონას" თავმოყვარეობა დევს, რომელიც "ალიანს არენაზე" ძალიან შეილახა.</p><p>"ატლეტიკს" ეს სეზონი ჩაუვარდა. გუნდი მე-14 ადგილზეა და გასავარდნ ზონაში მყოფ "მალიორკას" 8 ქულით უსწრებს.</p><p>ბოლო წლებში, პრიმერა დივიზიონიდან არაერთი გრანდი გავარდა, ამიტომ <strong>მარსელო ბიელსას</strong> ამოცანაა, ლა ლიგის საგზური რაც შეიძლება მალე გაინაღდოს. სხვა დროს და სხვა ვითარებაში, "ატლეტიკი"-"ბარსელონა" უდიდეს ინტერესს გამოიწვევდა, მაგრამ ახლა ეს ერთი რიგითი მატჩია, თუმცა როგორი პარადოქსულიც არ უნდა იყოს, სწორედ ამ რიგითი მატჩის მოგებით, "ბარსელონამ" შესაძლოა 22-ე საჩემპიონო ტიტული მოიპოვოს.</p><p><span style="text-decoration: underline;"><span style="color: #000000;">სავარაუდო შემადგენლობები:</span></span></p><p>"ატლეტიკი": ირაისოსი - ირაოლა, ეკიზა, სან ხოსე, აურტენეჩე - დე მარკოსი, გურპეგი, ანდერ ერერა - სუსაეტა, მუნიაინი, ადურისი.</p><p>"ბარსელონა": ვალდესი - მონტოია, ადრიანო, აბიდალი, ალბა - ტიაგო ალკანტარა, ა. სონგი, ფაბრეგასი - ტელიო, ა. სანჩესი, ვილია.</p><p><span style="color: #ff0000;"><strong>უმოტივაციო დერბი</strong></span></p><p>ბილბაოში გასამართავი მატჩის არ იყოს, სხვა დროს და სხვა სიტუაციაში, მადრიდული დერბი უდიდეს ინტერესს გამოიწვევდა, მაგრამ ახლა "რეალს" "ატლეტიკოსთვის" და ესპანეთის ჩემპიონატისთვის არ სცხელა.</p><p>"სამეფო კლუბი" "ბარსაზე" არანაკლებ შერცხვა, თუმცა, მოსისხლე მტრისგან განსხვავებით, <strong>ჟოზე მოურინიოს</strong> შეგირდებმა გერმანიაში ერთი გოლი მაინც გაიტანეს, რაც მათ შანსებს შედარებით ზრდის.</p><p>ზემოთ სიტყვა "უმოტივაციო" ვახსენეთ, თუმცა ეს სიტყვა მხოლოდ "რეალს" ეხება. აი, "ატლეტიკო" ზემოტივირებული იქნება, რადგან გუნდს შესანიშნავი შანსი ეძლევა, ხანგრძლივზე ხანგრძლივი მოუგებელი სერია დაასრულოს.</p><p>შეგახსენებთ, რომ ბოლოს "როხიბლანკომ" თანაქალაქელი 1999 წელს, "სანტიაგო ბერნაბეუზე" დაამარცხა (1:3) და მას შემდეგ, უკვე 24 თამაშია არ მოუგია (6 ფრე და 18 მარცხი), ბოლო 9 შეხვედრა კი ზედიზედ წააგო.</p><p>აქვე შეგახსენებთ, რომ ეს გუნდები ამ სეზონში ერთმანეთს კიდევ ერთხელ, ესპანეთის თასის ფინალში შეხვდებიან, რომელიც 17 მაისს უნდა გაიმართოს.</p><p>ტიტო ვილანოვას მსგავსად, როტაცია მიმართავს ჟოზე მოურინიოც და ისიც რამდენიმე წამყვან ფეხბურთელს დაასვენებს, რაც მასპინძელთა შანსებს კიდევ უფრო გაზრდის.</p><p><span style="text-decoration: underline;">სავარაუდო შემადგენლობები:</span></p><p>"ატლეტიკო": კურტუა - ხუანფრანი, მირანდა, გოდინი, ფილიპე ლუიში - რაულ გარსია, გაბი, მარიო სუარესი, კოკე - დ. კოშტა - ფალკაო</p><p>"რეალი": დიეგო ლოპესი - ნაჩო, ალბიოლი, რ. კარვალიო, ფ. კოენტრაო - პეპე, მოდრიჩი - კალეხონი, კაკა, ბენზემა - იგუაინი.</p><p><span style="color: #ff0000;"><strong>ბრძოლა ჩემპიონთა ლიგისთვის</strong></span></p><p>ამ ტურში, ბასკეთში კიდევ ერთი საინტერესო მატჩია დაგეგმილი, თანაც იმ შეხვედრის ორივე მონაწილეს უდიდესი სატურნირო მოტივაცია აქვს.</p><p>სან სებასტიანში, ერთმანეთს მეოთხე ადგილის ორი მაძიებელი, "რეალ სოსიედადი" და "ვალენსია" შეხვდებიან.</p><p>"სოსიედადმა" "ვალენსიას" უკანასკნელი სამი მატჩი მოუგო, მათ შორის ამ ჩემპიონატშიც, როდესაც "მესტალიაზე" 5 გოლი გაიტანა და "ღამურები" სახლში შეარცხვინა (5:2). მაშინ "ვალენსიას" <strong>მაურისიო პელეგრინო</strong> წვრთნიდა, დღეს კი გუნდს სათავეში <strong>ერნესტო ვალვერდე</strong> უდგას, რომლის მოსვლაც "ლოს ჩეზე" ძალიან კარგად აისახა.</p><p>"ვალენსიას" 5-მატჩიანი წაუგებელი სერია აქვს, უკანასკნელ 12 ტურში კი მხოლოდ ერთი მატჩი (ბილბაოში) წააგო.</p><p>გაცილებით შთამბეჭდავია <strong>ფილიპ მონტანიეს</strong> გუნდის მსვლელობა - "სოსიედადს" უკვე 14 თამაშია არ წაუგია, ბოლო 22 ტურში კი მხოლოდ ერთი მარცხი განიცადა, ისიც "სანტიაგო ბერნაბეუზე" (4:3), თანაც ბასკებს იმ შეხვედრაში მინიმუმ ქულის აღება თავისუფლად შეეძლოთ.</p><p>მოკლედ, ორივე გუნდი ბრწყინვალე ფორმაშია და ძნელია რომელიმეს უპირატესობა მიანიჭო. "ვალენსია" უფრო გამოცდილია, სამაგიეროდ "სოსიედადი" უფრო "მშიერი" და მონდომებული, თანაც გუნდი მართლაც საოცარ ფორმაშია.</p><p>ფაქტი ერთია - "ანოეტაზე" შესანიშნავი მატჩი გველის.</p><p><span style="color: #ff0000;"><strong>სხვა საინტერესო მატჩები</strong></span></p><p>შესანიშნავ ფორმაში მყოფი "დეპორტივო", რომელსაც უკვე 5 ტურია არ წაუგია (4 მოგება და 1 ფრე) და ამის გამო გასავარდნი ზონიდან ამოვიდა, ამ ტურში სტუმრად "ბეტისს" ხვდება, ვინც ჩემპიონთა ლიგის საგზურზე ჯერ კიდევ ოცნებობს.</p><p><strong>პეპე მელის</strong> შეგირდებმა ბოლო დროს მოუკლეს, თუმცა კარგი საფინიშო სპურტი რომელიმე ევროთასის საგზურის მოსაპოვებლად საკმარისი უნდა იყოს.</p><p>ე.წ. "6-ქულიანი" მატჩი გაიმართება "ლა რომარედაზე", სადაც ბოლო ადგილზე მყოფი "სარაგოსა", მე-18 პოზიციაზე განლაგებულ "მალიორკას" დაუხვდება.</p><p>31-ე ტურში "მალიორკამ" სწორედ "6-ქულიან" მატჩში სძლია "სელტას", "სარაგოსა" კი წინა ტურში იმავე "სელტასთან" დამარცხდა (1:2), რამაც ცხრილის ქვედა ნაწილში სიტუაცია უკიდურესად დაძაბა. ამ გუნდებს ქულების დაკარგვის უფლება, მით უმეტეს კონკურენთან, აღარ აქვთ, რის გამოც არაგონის დედაქალაქში სამკვდრო-სასიცოცხლო ბრძოლას უნდა ველოდოთ.</p><p><span style="color: #ff0000;"><strong>ესპანეთი. ლა ლიგა. XXXIII ტური</strong></span></p><p><span style="text-decoration: underline;">26 აპრილი</p><p></span><strong>ვალეკანო-ოსასუნა 2:2</strong></p><p><span style="text-decoration: underline;"></p><p>27 აპრილი</p><p></span><strong>ლევანტე-სელტა 18:00</strong></p><p>დისკვალიფიკაცია: პაპაკული დიოპი (ლევ)</p><p>ტრავმა: სერხიო ალვარესი, უგო მალო, სამუელ ლორკა (სელტა)</p><p>ბოლო 6 მატჩი</p><p>+1 =2 -3 +1 =1 -4</p><p>ურთიერთშეხვედრები</p><p>სულ 7 თამაში: +2 =4 -1, (9-9)</p><p><strong>ატლეტიკი-ბარსელონა 20:00</strong></p><p>დისკვალიფიკაცია: იტურასპე (ატლ)</p><p>ტრავმა: ამორებიეტა, ინიგო პერესი, გალარეტა, ლაპორტი - პუიოლი, მასკერანო</p><p>ბოლო 6 მატჩი</p><p>+2 =1 -3 +4 =1 -1</p><p>ურთიერთშეხვედრები</p><p>სულ 45 თამაში: +6 =10 -29, (38-99)</p><p><strong>ატლეტიკო-რეალი 22:00</strong></p><p>დისკვალიფიკაცია: არავინ</p><p>ტრავმა: ტიაგო, არდა თურანი - არბელოა, ესიენი</p><p>ბოლო 6 მატჩი</p><p>+3 =2 -1 +5 =1 -0</p><p>ურთიერთშეხვედრები</p><p>სულ 37 თამაში: +2 =9 -26, (33-77)</p><p><strong>სარაგოსა-მალიოკრა 00:00</strong></p><p>დისკვალიფიკაცია: საპუნარუ (სარ)</p><p>ტრავმა: ფ. სუკულინი, ხავი, ობრადოვიჩი - აუატი, ვიქტორი, ტისონე, ნსუე, ანტონიო ლოპესი, ჟოაო ვიტორი.</p><p>ბოლო 6 მატჩი</p><p>+0 =2 -4 +2 =1 -3</p><p>ურთიერთშეხვედრები</p><p>სულ 27 თამაში: +8 =5 -14, (32-37)</p><p><span style="text-decoration: underline;">28 აპრილი</span></p><p><strong>ესპანიოლი-გრანადა 14:00</strong></p><p>დისკვალიფიკაცია: კოლოტო, კ. ალვარესი, რაულ როდრიგესი - რესიო</p><p>ტრავმა: მატიონი, ლონგო - იებდა, დანი ბენიტესი, ფრან რიკო</p><p>ბოლო 6 მატჩი</p><p>+3 =3 -0 +0 =3 -3</p><p>ურთიერთშეხვედრები</p><p>სულ 3 თამაში: +1 =1 -1, (4-2)</p><p><strong>მალაგა-ხეტაფე 19:00</strong></p><p>დისკვალიფიკაცია: ბორხა, ფ. ფერნანდესი, ალექსისი (ხეტ)</p><p>ტრავმა: ტულალანი, პ. მორალესი - ადრიან კოლუნგა, სერხიო ესკუდერო, მოია, მიგელ ტორესი.</p><p>ბოლო 6 მატჩი</p><p>+2 =1 -3 +1 =3 -2</p><p>ურთიერთშეხვედრები</p><p>სულ 17 თამაში: +8 =3 -6, (26-25)</p><p><strong>ვალიადოლიდი-სევილია 21:00</strong></p><p>დისკვალიფიკაცია: ბოტია, მედელი (სევ)</p><p>ტრავმა: სერენო - კამპანია, ტროხოვსკი</p><p>ბოლო 6 მატჩი</p><p>+1 =2 -3 +2 =1 -3</p><p>ურთიერთშეხვედრები</p><p>სულ 23 თამაში: +6 =10 -7, (28-37)</p><p><strong>სოსიედადი-ვალენსია 23:00</strong></p><p>დისკვალიფიკაცია: არავინ</p><p>ტრავმა: ზურუტუზა - ტინო კოსტა</p><p>ბოლო 6 მატჩი</p><p>+3 =3 -0 +3 =2 -1</p><p>ურთიერთშეხვედრები</p><p>სულ 33 თამაში: +7 =11 -15, (38-54)</p><p><span style="text-decoration: underline;">29 აპრილს</span></p><p><strong>ბეტისი-დეპორტივო 00:00</strong></p><p>დისკვალიფიკაცია: არავინ</p><p>ტრავმა: მარიო, ნაჩო, ედერი - მარჩენა, ა. აგილერი, რიკი, ლაურე</p><p>ბოლო 6 მატჩი</p><p>+2 =2 -2 +4 =1 -1</p><p>ურთიერთშეხვედრები</p><p>სულ 29 თამაში: +6 =10 -13, (21-39)</p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. ბარსელონა 32 27 3 2 99-33 84</p><p>2. რეალი 32 22 5 5 83-30 71</p><p>3. ატლეტიკო 32 21 5 6 57-25 68</p><p>4. სოსიედადი 32 15 10 7 57-39 55</p><p>5. ვალენსია 32 15 8 9 52-46 53</p><p>6. მალაგა 32 14 8 10 45-37 50</p><p>7. ბეტისი 32 14 6 12 48-49 48</p><p>8. რაიო ვალეკანო 33 14 4 15 43-54 46</p><p>9. ხეტაფე 32 12 8 12 39-48 44</p><p>10. ესპანიოლი 32 11 10 11 42-42 43</p><p>11. სევილია 32 12 6 14 48-46 42</p><p>12. ლევანტე 32 11 7 14 35-51 40</p><p>13. ვალიადოლიდი 32 10 9 13 41-45 39</p><p>14. ატლეტიკი 32 10 6 16 35-57 36</p><p>15. ოსასუნა 33 8 9 16 28-38 33</p><p>16. დეპორტივო 32 7 9 16 43-64 30</p><p>17. გრანადა 32 7 8 17 28-51 29</p><p>18. მალიორკა 32 7 7 18 34-64 28</p><p>19. სელტა 32 7 6 19 31-47 27</p><p>20. სარაგოსა 32 7 6 19 29-51 27</p><p><strong></p><p>ბომბარდირები:</strong></p><p>43 - ლიონელ მესი (ბარსელონა); 31 - კრიშტიანო რონალდო (რეალი); 25 - ფალკაო (ატლეტიკო); 18 - ალვარო ნეგრედო (სევილია); 17 - რობერტო სოლდადო (ვალენსია); 16 - რუბენ კასტრო (ბეტისი).</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ბელინგემმა ვარჯიში დაიწყო - "რეალი" აჩქარებას არ აპირებს
რასპადორი "ატლეტიკოს" ფეხბურთელია
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია