<p><span style="line-height: 1.3em;" />შემაჯამებელი სინგაპურს მისცეს <br> </span>რა თქმა უნდა, <strong>ჯოკოვიჩისა</strong> და <strong>დიმიტროვის</strong> დაპირისპირება დღის ცენტრალურ მატჩად მოინათლა, თუმცა მადრიდის კორტზე სხვა დაძაბული შეხვედრებიც ვიხილეთ.</p><p>მაგალითად, გაჭირვებით მოიგო ბრიტანელმა <strong>ენდი მარეიმ</strong>. <strong>ფლორიან მაიერის </strong>წინააღმდეგ შეხვედრა ორ საათზე მეტხანს გაგრძელდა და შოტლანდიელისგან მაქსიმალური კონცენტრაცია მოითხოვა. აღვნიშნავთ, რომ გერმანელი შესანიშნავად აწვდიდა - გრუნტზე 12 ეისი მაღალი მაჩვენებელია. მაიერი ხშირად გადიოდა ბადესთან, მაგრამ ამას დიდი წარმატებით ვერ აკეთებდა. მარეის რეგულარულად ჰქონდა შანსები მიღებაზე, მაგრამ შვიდიდან მხოლოდ ერთი ბრეიკ-პოინტი გამოიყენა, გერმანელმა კი ერთადერთი ასეთი შანსი ბრეიკში გარდასახა. საბოლოოდ, ჩოგბურთელებმა ორი ტაი-ბრეიკი ჩაატარეს და ორივე ბრიტანელმა მოიგო - 13:11 და 7:3.</p><p>ფავორიტთაგან ყველაზე დამაჯერებელი სტარტი მოქმედ ჩემპიონს <strong>როჯერ ფედერერს</strong> გამოუვიდა. მისმა მოწინააღმდეგემ <strong>რადეკ შტეპანეკმა</strong> კარგი ჩოგბურთი აჩვენა და ღირსეულადაც იბრძოლა. ჩეხმა რვა ბრეიკ-პოინტი მოიპოვა, მაგრამ გადამწყვეტ მომენტებში ფედერერის კლასს თავისი გაჰქონდა - 6:3, 6:3.</p><p>რა თქმა უნდა, ჯოკოვიჩის წაგება მთავარი სენსაცია იყო, თუმცა იმ დღეს სხვა მოულოდნელობებიც ვიხილეთ. <strong>რიშარ გასკემ </strong>წააგო <strong>დანიელ ხიმენო-ტრავერთან, მილოშ რაონიჩმა</strong> კი გადამწყვეტი სეტის ტაი-ბრეიკი დაუთმო <strong>ფერნანდო ვერდასკოს</strong>.</p><p>* * *</p><p>ქალთა ტურნირზე ჩოგბურთელები მეორე წრეს ასრულებდნენ და ამჯერად, ყველაფერმა სენსაციის გარეშე ჩაიარა. დღის ბოლო მატჩში <strong>მარია შარაპოვა კრისტინა მაკჰეილს </strong>ეთამაშებოდა და სწრაფად მოამთავრა საქმე. პირველი პარტია მხოლოდ 25 წუთი გაგრძელდა - 6:1 რუსი ჩოგბურთელის სასარგებლოდ. მეორე სეტი უფრო ხანგრძლივი და დაძაბული გამოვიდა, თუმცა, საერთო ჯამში, შარაპოვა მთლიანად აკონტროლებდა სიტუაციას და 6:1, 6:2 მოიგო. აღვნიშნავთ, რომ კრისტინას მხოლოდ ოთხი "ვინერსი” ჰქონდა და 19 უნებლიე შეცდომა დაუშვა.</p><p>სატურნირო ბადის ზედა ნაწილში <strong>სერენა უილიამსმა ლურდეს დომინგეს ლინო</strong> დაამარცხა - 6:2, 7:5. ამერიკელი ჯერ ვერ არის იდეალურ სპორტულ ფორმაში, რადგან დაახლოებით ასე იწვალა მან პირველი წრის მატჩში <strong>იულია პუტინცევას</strong> წინააღმდეგ. საინტერესოა, რომ ამ ტურნირის შემდეგ, შესაძლოა, შეიცვალოს ლიდერი რეიტინგში. ამისთვის შარაპოვას ტურნირის მოგება სჭირდება, თუმცა მას სხვა ვარიანტების მიხედვითაც შეუძლია სერენას გასწრება.</p><p><strong>ქალები</p><p>II წრე</p><p></strong>იაროსლავა შვედოვა (ყაზ)-კირსტენ ფლიპკენსი (ბელ) 6:2, 4:6, 6:4; სერენა უილიამსი (აშშ, 1)-ლურდეს დომინგეს ლინო (ესპ) 6:2, 7:5; სვეტლანა კუზნეცოვა (რუს)-ნადია პეტროვა (რუს, 11) 7:6(2), 4:6, 6:4; ანა ივანოვიჩი (სერ, 16)-შანელ სხეპერსი (ს. აფრ) 6:2, 6:2; მარია შარაპოვა (რუს, 2)-კრისტინა მაკჰეილი (აშშ) 6:1, 6:2.</p><p><strong>კაცები</p><p>I წრე</p><p></strong>ხუან მონაკო (არგ)-იანკო ტიპსარევიჩი (სერ, 9) 7:6(5), 6:3; მიხაილ იუჟნი (რუს)-ფაბიო ფონინი (იტა) 7:6(4), 2:6, 7:6(5).</p><p><strong>II წრე</p><p></strong>დანიელ ხიმენო-ტრავერი (ესპ)-რიშარ გასკე (საფ, 8) 7:5, 3:6, 6:4; როჯერ ფედერერი (შვეიც, 2)-რადეკ შტეპანეკი (ჩეხ) 6:3, 6:3; ენდი მარეი (ბრიტ, 3)-ფლორიან მაიერი (გერ) 7:6(11), 7:6(3); ფერნანდო ვერდასკო (ესპ)-მილოშ რაონიჩი (კან, 12) 6:4, 2:6, 7:6(7); გრიგორ დიმიტროვი (ბულ)-ნოვაკ ჯოკოვიჩი (სერ, 1) 7:6(6), 6:7(8), 6:3.</p><p><strong><span style="color: #ff0000;">შემაჯამებელი სინგაპურს მისცეს</p><p></span></strong>ქალ ჩოგბურთელთა ასოციაციამ (WTA) გამოაცხადა, რომ 2014-18 წლებში სეზონის შემაჯამებელი ტურნირი სინგაპურში გაიმართება. შეგახსენებთ, რომ WTA-ის ჩემპიონატის მასპინძლობაზე ასევე პრეტენზიას აცხადებდნენ მექსიკის მონტერეი და ჩინეთის ტიანძინი.</p><p><em>"ჩემთვის დიდი პატივია იმის გამოცხადება, რომ შესანიშნავი ქალაქი სინგაპური 2014-18 წლებში WTA-ის წლის შემაჯამებელ ჩემპიონატს უმასპინძლებს. ეს ჩვენს პრაქტიკაში ყველაზე ხანგრძლივი თანამშრომლობა იქნება”</em>, - განაცხადა WTA-ის პრეზიდენტმა <strong>სტეისი ელასტერმა</strong>.</p><p>გარდა ამისა, ასოციაციამ კიდევ ერთი სიახლის შესახებ გამოაცხადა - პირველად წყვილთა თანრიგში გამარჯვებისთვის არა ოთხი, არამედ რვა დუეტი იბრძოლებს.</p><p>2013 წელს, WTA-ის ჩემპიონატს სტამბოლი უმასპინძლებს (როგორც წინა ორ სეზონში). ადრე ეს ტურნირი შემდეგ ქალაქებში ტარდებოდა: ბოკა-რატონში (აშშ, 1972-73), ლოს ანჯელესში (აშშ, 1974-76, 2002-05), ნიუ იორკში (აშშ, 1977, 1979-2000), ოკლენდში (აშშ, 1978), მიუნხენში (გერმანია, 2001), მადრიდსა (ესპანეთი, 2006-07) და დოჰაში (კატარი, 2008-10).</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/individualuri-sakheobebi/chogburthi/49293-novak-jokovichi-sakhlshi-gaushves.html" target="_blank">ნოვაკ ჯოკოვიჩი სახლში გაუშვეს</a></p>
თემო
რაონიჩის მარცხი მადრიდში, გრუნტზე ფერნანდო ვერდასკოსთან სენსაცია ნამდვილად არ არის.
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ