- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
უმაღლესი ლიგა. XXXI ტურის წინათქმა: საფეხბურთო ამნისტიის მოლოდინი
<p>ზედა ექვსეულში გასარკვევი მხოლოდ ის არის, რომელ გუნდს შეხვდება ბრინჯაოს მედლები: ქუთაისის "ტორპედოს" თუ საჩხერის "ჩიხურას" <br> შარშან ამ დროს (ანუ, ბოლოსწინა ტურამდე) ჩვენს ჩემპიონატში მართლაც დამაინტრიგებელი სიტუაცია იყო; ეგ კი არა, საქმე იქამდეც მივიდა, რომ ბოლო ტურმაც ვერ გამოავლინა ჩემპიონი!</p><p>აი, ახლა კი აბსოლუტურად განსხვავებული სიტუაციაა: ჩემპიონიც გარკვეულია, მეორე პრიზიორიც და ის ოთხი გუნდიც, ამ ზაფხულს ევროტურნირებზე რომ გამოვლენ.</p><p>მაშ, ასე - თბილისის "დინამო" ჩემპიონთა ლიგაზე იასპარეზებს, გორის "დილა", ქუთაისი "ტორპედო" და საჩხერის "ჩიხურა" კი - ევროპის ლიგაზე.</p><p>გარკვეულია ერთი უიღბლოს ვინაობაც: "იუბილარი" გუნდი, ფოთის "კოლხეთი" მომავალ სეზონს, წესითა და რიგით, პირველ ლიგაში უნდა შეხვდეს. თუმცა, არავის გაუკვირდეს, რომ მომავალი სეზონის დაწყებამდე ბევრი რამ შეიცვალოს - ანუ, "საფეხბურთო ამნისტია" ფოთელთა გუნდსაც შეეხოს და იმ გუნდსაც, ამ ჩემპიონატს XI ადგილზე რომ დაამთავრებს.</p><p>თუმცა, ეს მხოლოდ ვარაუდია, მანამდე კი ის ვთქვათ, თუ რაღაა საინტრიგო დარჩენილი ამ ბოლო ორ ტურში: ვინ გახდება მესამე პრიზიორი და ვინ იქნება მეორე უიღბლო გუნდი...</p><p><span style="color: #ff0000;"><strong>ზემოთ სიმშვიდეა...</strong></span></p><p>ზედა ექვსეულში ერთადერთი გასარკვევი მხოლოდ ის არის, რომელ გუნდს შეხვდება ბრინჯაოს მედლები: ქუთაისის "ტორპედოს" თუ საჩხერის "ჩიხურას".</p><p>დღესდღეობით "ტორპედო" ერთი ქულით უსწრებს თავის კონკურენტს და გვეეჭვება, რომ <strong>გია გეგუჩაძის</strong> გუნდმა ეს მცირე უპირატესობა ხელიდან გაუშვას.</p><p>შეგახსენებთ, რომ "ტორპედომ" წინა სეზონშიც მესამე ადგილი დაიკავა და წლევანდელი შედეგიც არავისთვის იყო მოულოდნელი; აი, "ჩიხურამ" კი კლუბის ისტორიაში საუკეთესო სეზონი ჩაატარა: <strong>სოსო ფრუიძის</strong> გუნდი პირველად გავიდა თასის ფინალში და ასევე პირველად იასპარეზებს ევროტურნირებზე.</p><p>მოკლედ, იმისა თქმა გვსურს, რომ "ჩიხურას" მწვრთნელ-ფეხბურთელთათვის, შესაძლოა, ნაკლებადმნიშვნელოვანიც იყოს ჩემპიონატს რომელ ადგილზე დაამთავრებენ - მესამეზე თუ მეოთხეზე; თანაც, საჩხერეში 12 მაისს ხომ მართლაც ჩინებულ ფორმაში მყოფი "დინამო" ჩადის: <strong>დუჰაშ უჰრინის</strong> გუნდმა ბოლო ორი პრინციპული მატჩი ("საჩემპიონოც" და თასის საპასუხო ნახევარფინალი) ერთი ამოსუნთქვით ჩაატარა და ამ ორ შეხვედრაში მეტოქეთა კარში 9 გოლი გაიტანა!</p><p>"ჩიხურა" და "დინამო" სულ მალე ერთმანეთს თასის ფინალში დაუპირისპირდებიან, ასე რომ კვირას ფინალის "რეპეტიცია" გველოდება.</p><p>ისე კი ვამბობთ, ზედა ექვსეულში ინტრიგა ჩაკვდაო, მაგრამ არც მასეა საქმე: მაგალითად, "ჩიხურას" ჯერ არცერთხელ მოუგია "დინამოსთვის"; ისიც საინტერესოა, ამჯერადაც შეძლებს თუ არა საჩხერელთა გუნდის კარში გოლ(ებ)ის გატანას <strong>ჩისკო</strong>: "დინამოს" ესპანელმა ლეგიონერმა "ჩიხურასთან" მეორე წრის შეხვედრაში ჰეთ-თრიქი შეასრულა, მესამე წრის მატჩში კი - დუბლი!</p><p>"ტორპედო" - "დილას" მატჩიც არ უნდა გამოდგეს უინტერესო: მასპინძლები ყველანაირად შეეცდებიან "დინამოსთან" წინა ტურში დიდი ანგარიშით წაგების გამო საკუთარი ქომაგების წინაშე რეაბილიტაციას;</p><p>ბოლო დროს ფინანსურ პრობლემებმოძალებული "დილა" კი სეზონის წარმატებით დამთავრებას შეეცდება.</p><p>რაც შეეხება ზედა ექვსეულის კიდევ ერთ წყვილს, აქაც არის გარკვეული ინტრიგა: ჩემპიონატის მეორე ეტაპზე ყველაზე წარუმატებელი გუნდები ხვდებიან ერთმანეთს; შეგახსენებთ, რომ მეორე ეტაპზე ჩატარებულ რვა მატჩში "ზესტაფონმა" მხოლოდ და მხოლოდ ორი ქულა მოიპოვა, "ზუგდიდმა" კი - ერთი;</p><p>მოკლედ, ორივე გუნდს ხანგრძლივზე-ხანგრძლივი მოუგებელი სერია აქვს და ამ ნავსის გატეხას, "ზესტაფონიც" და "ზუგდიდიც" ალბათ, 31-ე ტურში შეცდებიან.</p><p><img src="pictures/artimages/image18/67e0471ffc2812aea06b674c1ad985bc.jpg" border="0" alt="Sportall.Ge" title="უმაღლესი ლიგა. XXXI ტურის წინათქმა: საფეხბურთო ამნისტიის მოლოდინი" /></p><p><img src="pictures/artimages/image16/dbce6f450e1d8b624d619d638a1a7733.jpg" border="0" alt="Sportall.Ge" title="უმაღლესი ლიგა. XXXI ტურის წინათქმა: საფეხბურთო ამნისტიის მოლოდინი" /></p><p><span style="color: #ff0000;"><strong>როცა ორივე გუნდს... ფრე ხელს აძლევს</strong></span></p><p>ქვედა ექვსეულში მართლაც დაძაბულ-ჩახლართული სიტუაციაა და იმის ალბათობაც არსებობს, რომ ინტრიგა ბოლო ტურამდე შემორჩეს. სატურნირო ცხრილს კარგად თუ "შეისწავლით", აღმოაჩენთ, რომ პირველ ლიგაში დაქვეითების საფრთხე ერთდროულად ოთხ გუნდს ემუქრება: "მერანს", "ვიტ ჯორჯიას", "სიონსა" და ბათუმის "დინამოს".</p><p>თუმცა, "მერანი" და "ვიტ ჯორჯია" დანარჩენ ორ კონკურენტთან შედარებით ბევრად კომფორტულ სიტუაციაში იმყოფებიან: საკმარისია ამ გუნდებს შორის მცხეთაში 12 მაისს გასამართი მატჩი ფრედ დამთავრდეს და ორივე გუნდი "სამშვიდობოს" იქნება!</p><p>ამ ერთი ქულით "მერანს" უკვე ვეღარაფრით დაეწევა ბათუმის "დინამო"; ხოლო "ვიტ ჯორჯიას" 33 ქულა გაუხდება და ბათუმის "დინამომ" ორივე დარჩენილი მატჩი რომც მოიგოს, ურთიერთშეხვედრებში უპირატესობა "ვეტერინართა" მხარეს იქნება.</p><p>ჰო, ნუ გამოვრიცხავთ მოვლენების ისეთ განვითარებას, რომ ზემოთჩამოთვლილი ოთხი გუნდიდან რამდენიმემ ჩემპიონატი ერთნაირი ქულებით დაამთავრონ. ამ შემთხვევაში კი, მოგეხსენებათ, ძირითადი პრიორიტეტი ურთიერთშეხვედრებია და ყველაზე კომფორტულ პოზიციაზე "ვიტ ჯორჯია" იმყოფება: "ვეტერინარებს" უპირატესობა აქვთ ბათუმის "დინამოსთანაც" და "სიონთანაც".</p><p>ისე, "ვიტ ჯორჯიამ" და "მერანმა" რატომ უნდა "შეაკლან თავი" ერთმანეთს მომავალ მატჩში - წყნარად, მშვიდად ფრეს "გააგორებენ" და ორივე გუნდისათვის უკვე სულ ერთი იქნება, "სიონს" დაემუქრება დაქვეითება, თუ - ბათუმის "დინამოს"; ან, მსგავსი მაგალითები არ გვახსოვს, თანაც საერთაშორისო ასპარეზზე, სანაკრებო თუ საკლუბო დონეზე?!.</p><p>არადა, "ვიტ ჯორჯიას" 12 მაისს გასამართ მატჩში დამატებითი მოტივაციაც უნდა ჰქონდეს: "ვეტერინარებს" დღემდე "მერანთან" არც ერთი მატჩი არ მოუგიათ და უფრო მეტიც - გოლიც კი არა აქვთ გატანილი!</p><p>ჰოდა, წარმოიდგინეთ, რომ "ვიტ ჯორჯიამ" ნავსი გატეხოს და თავისი მართლაც უხერხული მეტოქე დაამარცხოს, აი, ამის მერე იქნება, რაც იქნება! ვთქვათ და ბათუმის "დინამომ" მოიგო და ბოლო ტურშიც, ამ შემთხვევაში <strong>გია გურულის</strong> გუნდი ჩემპიონატს 33 ქულით ამთავრებს; "სიონმა" კი ამ დარჩენილ ორ მატჩში 4 ქულა რომ მოაგროვოს, ასევე 33 ქულა დაუგროვდება და მერე დაითვლება ურთიერთშეხვედრები და ყველაზე უარესი მაჩვენებელი... "მერანს" ექნება.</p><p>თუმცა, გულახდილად რომ ვთქვათ, მოვლენების მსგავსი განვითარება ნაკლებად გვჯერა: ჯერ ერთი, "მერანი" როგორმე შეძლებს და დარჩენილ ორ შეხვედრაში "გადამრჩენელ ქულას" როგორმე მოიპოვებს; თანაც, მარტვილელები რატომ გაირთულებენ საქმეს - ბოლო ტურში ხომ "სიონთან" უწევთ დაპირისპირება.</p><p>ამ ჩახლართული სიტუაციის "მთავარი მოქმედი პირი" კი ყოვლად უმოტივაციო "მეტალურგია" - როგორ გინდა რუსთაველთა გუნდის ფეხბურთელებს დარჩენილ ორ შეხვედრაში მაქსიმალური კონცენტრაციით თამაში მოსთხოვო; თანაც, ეს ორივე მატჩი "მეტალურგის" მეტოქეთათვის გადამწყვეტზე-გადამწყვეტი რომ იქნება?</p><p>ვნახოთ, დაველოდოთ მოვლენების განვითარებასაც და იმასაც, ექნება თუ არა ინტრიგა ბოლო ტურს. ეს ინტრიგა კი იმ შემთხვევაში დაიკარგება, XXXI ტურში "ვიტ ჯორჯია" - "მერანი" ფრედ რომ დასრულდეს, ხოლო "სიონმა" ქვემოქართლურ "დერბიში" რუსთავის "მეტალურგს" აჯობოს...</p><p><img src="pictures/artimages/image18/5d523401553ab74223456cd2113a8e1a.jpg" border="0" alt="Sportall.Ge" title="უმაღლესი ლიგა. XXXI ტურის წინათქმა: საფეხბურთო ამნისტიის მოლოდინი" /></p><p><img src="pictures/artimages/image16/14c6805f476cf7ead443934550c73de8.jpg" border="0" alt="Sportall.Ge" title="უმაღლესი ლიგა. XXXI ტურის წინათქმა: საფეხბურთო ამნისტიის მოლოდინი" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ალთუნაშვილი "იბერია 1999-ში" დაბრუნდა
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
მოგებული პირველი ტაიმის შემდეგ "შავი ლომი" "ბენეტონთან" დამარცხდა
16-წლამდელებმა აზერბაიჯანის ტურნე გამარჯვებით დაასრულეს
ალთუნაშვილი "იბერია 1999-ში" დაბრუნდა
"ნოტინგემში" იუარეს მაგრამ პრემიერლიგაში ახალი ვარიანტი აქვს - მოურინიომ შესაძლოა, "ლიდს იუნაიტედი" ჩაიბაროს
ნიუკასლში ბურგერზე რიგები დგას - "შვედურმა ვირთხამ" დიდი მოწონება დაიმსახურა [PHOTO]
"შავი ლომი" | ორი ცვლილებით "ბენეტონთან"
ფუტსალი ნაკრებმა პლეი-ოფისთვის მზადება დაიწყო
ტრამპის იმედი აქვთ - დააბრუნებენ რუსეთის ნაკრებებსა და კლუბებს საერთაშორისო ტურნირებზე?
[PHOTOS] მეტი ქართველი ლა ლიგაში - მიქაუტაძე პრეზენტაციაზე ვილიას და ბუტრაგენიოს შეადარეს
პსჟ-ს ფეხბურთელი ევროპაში საუკეთესოდ აღიარეს
ლუის ენრიკე პსჟ-ს ჯერ ვერ დაუბრუნდება - კვარაცხელიას დიდი პასუხისმგებლობა დაეკისრება
ფულადი ჯილდო ფეხბურთელებს - რა თანხა მისცეს უკრაინასთან ფრის შემდეგ აზერბაიჯანის ნაკრების წევრებს
"მათი ხასიათი ვიცოდით და სისულელეების კეთებაში ხელი არ შევუშალეთ" - მარკანენმა საქართველოსთან გამარჯვებაზე ისაუბრა
"უნდა გავაცნობიეროთ, რომ დიდი ამბიციები არ უნდა გვქონდეს" - კროოსმა გერმანიის ნაკრების გეგმებზე ისაუბრა
სტივ მანდანდამ ფეხბურთელის კარიერა დაასრულა
"ასეთი რამ, აქამდე არ მინახავს" - ლუკა დონჩიჩი
"ცხადია, ეს ყველამ იცის" - ანრიმ იმ მწვრთნელის ვინაობა დაასახელა, ვინც საფრანგეთის ნაკრებს ჩაიბარებს
"ფენერბაჰჩეს" დომენიკო ტედესკო ჩაიბარებს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს