<p>საქართველოს ჩემპიონატი. უმაღლესი ლიგა. XXXI ტური. VII-XII ადგილები <br> ორივე გუნდს ამ შეხვედრაში ფრე აძლევდა ხელს უმაღლეს ლიგაში ადგილის შესანარჩუნებლად და მოჟამულ ამინდში საქმეს თავი კარგად გაართვეს.</p><p>შეტევაში თავქუდმოგლეჯილი არც ერთი გუნდი არ გარბოდა, რაშიც მათ ვერავინ გაამტყუნებს. საერთო ჯამში, უღიმღამო მატჩი გამოვიდა, რაც გარკვეულწილად მოსალოდნელიც იყო.</p><p>"ვიტ ჯორჯიას", დისკვალიფიცირებული <strong>დავით ხურცილავას</strong> გარდა, კაპიტანი და ლიდერი <strong>გიორგი ჯანელიძეც</strong> აკლდა (მიკროტრავმა აქვს). შესაძლოა, ამ ყველაფერმაც იმოქმედა, რომ <strong>ზურაბ ბერიძის</strong> გუნდი შეტევის ორგანიზებაში მოისუსტებდა.</p><p><img src="pictures/artimages/image16/aafe10cb404c61bb652b03ca8838dd1e.jpg" border="0" alt="Sportall.Ge" title="ვიტ ჯორჯია-მერანი 0:0 - მიზანი მიღწეულია" width="180" style="border: 0px none; float: left; margin: 5px;" />პირველ ტაიმში სახიფათო მომენტი ვერ ვნახეთ, იყო ერთი-ორი მწვავე იერიში, რაც ბურთის კარის გასწვრივ ჩაწოდების იქით არ წასულა.</p><p>მეორე ტაიმიც დუნედ დაიწყო, მერე კი ოდნავ გამოცოცხლდა თამაში.</p><p><strong>კიჭი მელიავამ</strong> მარცხენა ფლანგიდან ჩააწოდა ჯარიმა. გადაცემას ვერავინ ვერ "გამოეხმაურა". ვიტელთა მეკარე <strong>ნიკა დაუშვილმა</strong> სველი ბურთი ხელებში ვერ შეიმაგრა. დამატებაზე კამერუნელი <strong>კრისი</strong> ცდილობდა ხეირის ნახვას, მაგრამ ვერ იჩაუქა.</p><p>"ვიტ ჯორჯიამ" მეტოქეს <strong>ირაკლი ღიბრაძის</strong> ძლიერი, შორეული დარტყმით უპასუხა - <strong>მიხეილ მუჯრიშვილმა</strong> ბურთი კუთხურზე მოიგერია.</p><p>ამის მერე ისევ მარტვილის "მერანმა" გამოიდო თავი - <strong>გურამ ადამაძემ</strong> კარგად ვერ მოიგერია ბურთი, <strong>ლაშა კუჭუხიძემ</strong> ხელსაყრელი სიტუაციიდან დაარტყა, მაგრამ მიზანი ვერ გაისწორა.</p><p>სტუმართა მორიგი სახიფათო შეტევა შეცვლაზე შესულმა <strong>საბა ლომიამ</strong> წამოიწყო. არეულობაში ბურთი კრისმა მოიგდო, მეკარესაც აუარა გვერდი, მაგრამ მერე წაიფორხილა და შანსიც გაანიავა.</p><p>შეხვედრის ბოლო მონაკვეთში საინტერესო აღარაფერი მომხდარა. "ვიტ ჯორჯიამაც" და "მერანმაც" უმაღლესში ყოფნა ჩემპიონატის დასრულებამდე ერთი ტურით ადრე გაინაღდეს.</p><p><img src="pictures/artimages/image16/70d2fb1e1cc0b906e4af292fe6148387.jpg" border="0" alt="Sportall.Ge" title="ვიტ ჯორჯია-მერანი 0:0 - მიზანი მიღწეულია" /></p><p><strong>ყოველდღიური სპორტული გაზეთი "ლელო"</strong></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა