<p>"კაჭარავას პერიოდში საერთოდ არ მითამაშია და გაჩერებას აზრი აღარ ჰქონდა" <br> <strong>რატი წინამძღვრიშვილი</strong> "ზესტაფონიდან" წავიდა. მისი თქმით, კონტრაქტი ვადამდე ორმხრივი შეთანხმებით გაწყვიტა.</p><p>მიმდინარე ჩემპიონატის დაწყებამდე რატი "მიოლდეში" იყო გასინჯვაზე და "ზესტაფონს" სეზონის დაწყების შემდეგ შეუერთდა. <strong>ზაზა ზამთარაძის</strong> და <strong>დავით მუჯირის</strong> ხელმძღვანელობით, 25 წლის თავდამსხმელმა პირველ წრეში 17 მატჩი ჩაატარა და 4 გოლი გაიტანა.</p><p>ფორმაში რომ შედიოდა, ეს ფაქტიც გამოდგება - პირველ წრეში "ზესტაფონს" "მცხეთა პარკზე" "ვიტ ჯორჯიასთან" დუბლით მოაგებინა.</p><p>მაგრამ <strong>კახა კაჭარავას</strong> დანიშვნის შემდეგ რატის საქმეები აერია და საერთოდ არ უთამაშია. ამას რამდენიმე მიზეზი ჰქონდა და საბოლოოდ, გუნდის დატოვება მოუხდა.</p><p><em></p><p>"კაჭარავას პერიოდში საერთოდ არ მითამაშია. შესაძლოა, მიზეზი იყო ტრავმა, რის გამოც ზამთარში დრო გამიცდა, მაგრამ როდესაც მოვმჯობინდი, მაინც არაფერი შეცვლილა.</p><p>იმედს მაინც ვინარჩუნებდი, რომ მდგომარეობა გაუმჯობესდებოდა, მაგრამ დრო გადიოდა, ექვს შეხვედრაში "ზესტაფონმა" მხოლოდ 1 გოლი გაიტანა, ანუ თავდასხმაში გვიჭირდა და ამის მიუხედავად, შემადგენლობაში ჩემი ადგილი არ მოიძებნა.</p><p>მივხვდი, რომ გაჩერებას აზრი არ ჰქონდა. გუნდის ხელმძღვანელობას წასვლა ვთხოვე და ილია კოკაიაც ადამიანურად მომექცა, კონტრაქტი ორმხრივი შეთანხმებით გავწყვიტეთ და 19 აპრილიდან თავისუფალი ვარ.</p><p>ეგაა, ჯერ ვერც ერთ გუნდთან ვერ ვვარჯიშობ და ეს მადარდებს. ფორმიდან რომ არ ამოვვარდე, ახლა ინდივიდუალურად ვემზადები",</em> - გვითხრა წინამძღვრიშვილმა.</p><p>რატი გულშემატკივარმა "ამერიდან" გაიცნო, სადაც <strong>გაიოზ დარსაძე</strong> ავარჯიშებდა. მაშინ გუნდში 1988 წელს დაბადებული ნიჭიერი თაობა შეკრიბეს - <strong>რევაზ თევდორაძე, დავით მ</strong><strong>ჭედლიშვილი, ზურაბ გვაძაბია, გიორგი ელბაქიძე, გიორგი განუგრავა, მირზა ბჟალავა, ბექა გოცირიძე, ბესიკ ჩიმაკაძე</strong>...</p><p>თითოეული მათგანი ასაკობრივ ნაკრებებში სისტემატურად თამაშობდა. 2006 წელს "ამერმა" საქართველოს თასის ფინალში "ზესტაფონი" რატის გოლითა და საგოლე პასით დაამარცხა. მაშინ მისი ათენის "პანათინაიკოსში" გადასვლა გადაწყვეტილი ჩანდა, მაგრამ მუხლის ჯვარედინი იოგები გაუწყდა.</p><p>ნამკურნალებმა მალე ისევ იგივე ტრავმა მიიღო. ამასობაში "ამერიც" დაიშალა და რატი და რამდენიმე ამერელი "ზესტაფონის" პრეზიდენტმა <strong>ილია კოკაიამ</strong> წაიყვანა, 18 წლისამ კი ეროვნულ ნაკრებში სამი ოფიციალური მატჩიც ჩაატარა.</p><p>წინამძღვრიშვილი მძიმე ტრავმებმა გააწამა. "ზესტაფონმა" მის ფეხზე დასაყენებლად ბევრი გააკეთა, ევროპაში ოპერაცია, სარეაბილიტაციო პროცესი... მაგრამ მოედანს დაუბრუნდა და 2010-11 წლების სეზონში "ლელომ" საუკეთესო შემცვლელად დაასახელა.</p><p>მოედანზე მისი შესვლა მოწინააღმდეგისთვის ცუდის ნიშანი იყო - ძირითადში თამაშს მოწყურებულმა თავდამსხმელმა 13 გოლი გაიტანა, ცამეტჯერვე შეცვლაზე და სეზონში ყველაზე მეტი - 4 დუბლი შეასრულა!</p><p>მაგრამ შარშან ამ დროს "ზესტაფონის" სამატჩო განაცხადშიც ვერ ხვდებოდა და ბოლოს ტრანსფერზე დააყენეს. აგენტის მეშვეობით, ნორვეგიულ "მიოლდეში" მივიდა. ამხანაგურ შეხვედრებში გოლებიც გაიტანა და ტრანსფერი გადაწყვეტილი ეგონა, მაგრამ ფეხბურთელების ყიდვა გადაიფიქრეს.</p><p>მუჯირმა და ზამთარაძემ მისი რეანიმაცია მოახერხეს და წინამძღვრიშვილმა გოლების გემო გაიხსენა, მაგრამ ახლა ისევ გუნდის ძიება მოუწევს.</p><p>ასეც ხდება, ყველა ტალანტი იმედებს არ ამართლებს, მაგრამ საქართველოში თავდამსხმელების კატასტროფული დეფიციტია და იმედი მაინც შევინარჩუნოთ, რომ 25 წლის რატი წინამძღვრიშვილს თავისი სათქმელი ბოლომდე არ უთქვამს.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong></p><p><a href="/fexburti/qarthuli-fekhburthi/skhvadaskhva/39696-jerac-gamocana-rati-tsinamdzghvrishvilis-portreti.html" target="_blank">ჯერაც გამოცანა - რატი წინამძღვრიშვილის პორტრეტი</a></p><p><a href="/fexburti/qarthuli-fekhburthi/chempionati/49517-dominos-principi-ilia-kokaia-qzestafonsq-ar-miatovebso.html" target="_blank">დომინოს პრინციპი - ილია კოკაია "ზესტაფონს" არ მიატოვებსო... </a></p>
27-ე ტური. ლიდერსა და მდევარს შორის სხვაობა შემცირდა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა