<p><span style="line-height: 1.3em;" />მთავარი საკრივო საღამო მოსკოვში გაიმართა <br> </span>გასულ უქმეებზე მთავარი საკრივო საღამო მოსკოვში გაიმართა, სადაც ძირითად ბრძოლაში რუსი <strong>დენის ლებედევი</strong> პირველ მძიმე წონაში WBA-ს ტიტულს იცავდა პანამელი <strong>გილერმო ჯონსის</strong> წინააღმდეგ.</p><p>ორივე მოკრივემ აქტიურად დაიწყო ბრძოლა და პრაქტიკულად, ყოველგვარი დაზვერვის გარეშე "დააყარეს" ერთმანეთს მუშტები საშუალო და შორი დისტანციიდან. უკვე პირველ რაუნდში მასპინძელმა მარჯვენა თვალის არეში ჭრილობა და ჰემატომა მიიღო. დაზიანება ყოველი რაუნდის შემდეგ მძიმდებოდა და ლებედევი მარჯვენა თვალიდან, პრაქტიკულად, ვეღარ ხედავდა. მიუხედავად ამისა, რუსი აქტიურობდა და დარტყმების რაოდენობით აღემატებოდა კიდეც მეტოქეს.</p><p>მაგრამ ჯონსისთვის მოწინააღმდეგის აქტიურობა პრობლემა არ ყოფილა - პანამელი ჯიუტად მიყვებოდა თავის ტაქტიკას, წინ მიდიოდა და იშვიათ, მაგრამ ძლიერ დარტყმებს ასრულებდა. ბრძოლის ბოლოს ჰემატომამ მთლიანად დაუფარა ლებედევს მარჯვენა თვალი. მე-11 რაუნდში ჯონსმა მეტოქის ნოკდაუნში გაგზავნა შეძლო. რუსი წამოდგა, მაგრამ რეფერიმ არ მისცა ბრძოლის გაგრძელების უფლება.</p><p>* * *</p><p>ლებედევისა და ჯონსის ბრძოლის წინ მოსკოვის რინგზე სუპერმძიმე წონით კატეგორიაში გაიმართა შეხვედრა. WBA-ს "რეგულარული" ჩემპიონი<strong> ალექსანდრ პოვეტკინი</strong> პროფესიულ რინგზე დაუმარცხებელ პოლონელს,<strong> ანდჯეი ვავჟიკს </strong>ხვდებოდა.</p><p>მშვიდი პირველი რაუნდის შემდეგ პოვეტკინმა საქმეში ჩართო მარჯვენა დარტყმა, რამაც ვავჟიკი ნოკდაუნში ჩააგდო. პოლონელმა შეძლო წამოდგომა და ბრძოლის გაგრძელება, მაგრამ ინიციატივას პოვეტკინი ფლობდა, რომელმაც მომდევნო რაუნდში კიდევ ერთხელ დააწვინა რინგზე მოწინააღმდეგე. ბრძოლა მასპინძლის შეტევებით გაგრძელდა და მალე რეფერი იძულებული გახდა, შეხვედრა შეეჩერებინა და პოვეტკინის ტექნიკური გამარჯვება დაეფიქსირებინა.</p><p>* * *</p><p>რამდენიმე ბრძოლა ჩატარდა ოკეანის გაღმა. ნიუ ჯერსის შტატის ქალაქ ატლანტიკ-სიტიში პირველ ნახევრად საშუალო წონაში მსოფლიოს დროებითმა ჩემპიონმა, 30 წლის არგენტინელმა<strong> ლუკას მატისემ</strong> მესამე რაუნდში ნოკაუტით დაამარცხა ამავე წონაში IBF-ის ჩემპიონი, 29 წლის ამერიკელი <strong>ლამონტ პიტერსონი</strong>.</p><p>პირველი რაუნდი ფრთხილ ბრძოლაში წარიმართა, მეორეში კი მატისემ მარცხნიდან დარტყმით პირველად გაუშვა მეტოქე ნოკდაუნში. მესამე რაუნდში ასეთი რამ კიდევ ორჯერ განმეორდა, რის შემდეგაც რეფერიმ ბრძოლის გაგრძელება უაზრობად ჩათვალა.</p><p>აღსანიშნავია, ამ ბრძოლაში არანაირი ტიტული არ თამაშდებოდა და შესაბამისად, პიტერსონმა, წაგების მიუხედავად, შეინარჩუნა IBF-ის ტიტული.</p><p>* * *</p><p>დაბოლოს, მექსიკის ქალაქ კანკუნში სამ წონით კატეგორიაში მსოფლიოს ყოფილმა ჩემპიონმა, 41 წლის ამერიკელმა <strong>შეინ მოზლიმ,</strong> მსაჯების ერთსულოვანი გადაწყვეტილებით, დაამარცხა 23 წლის მექსიკელი <strong>პაბლო სეზარ კანო</strong>. სამივე მსაჯმა ერთნაირი ანგარიში დააფიქსირა - 115:113.</p><p>აღსანიშნავია, რომ ეს იყო მოზლის პირველი მოგება 2009 წლის შემდეგ, როცა ამერიკელმა <strong>ანტონიო მარგარიტო </strong>დაამარცხა.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/individualuri-sakheobebi/krivi/49648-venesueleli-modeli-krivshi-chempioni-gakhda.html" target="_blank">ვენესუელელი მოდელი კრივში ჩემპიონი გახდა</a></p>
[VIDEO] აზერბაიჯანელი მწვრთნელი მსაჯს რინგზე ფიზიკურად გაუსწორდა - კადეტთა ევროპის ჩემპიონატის სკანდალური მომენტი
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
ბერლინში დაუმარცხებელი ჩეჩენი მოკრივე მოკლეს
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა