<p><span style="line-height: 1.3em;" />ჯეიმი კარაგერი "ლივერპულს" 17-წლიანი ერთგული სამსახურის შემდეგ გამოეთხოვა <br> </span><strong>ჯეიმი კარაგერმა</strong> "ქუინზ პარკთან" მატჩში (1:0) "ლივერპულის" მაისურა 737-ედ მოირგო და "ენფილდზე" საკუთარ გულშემატკივარს გამარჯვებული დაემშვიდობა.</p><p>კარიერის უკანასკნელ შეხვედრაში მას თავის გამოჩენაც შეეძლო, მაგრამ შორეული დარტყმა კარს ზუსტად ვერ დაუმიზნა. 85-ე წუთზე <strong>ბრენდან როჯერსმა</strong> მოედანზე მის ნაცვლად <strong>სებატიან კოატესი</strong> შეუშვა და ამით გადავსებულ სტადიონს კერპთან სათანადოდ გამოთხოვების საშუალება მისცა. თამაშის დასრულების შემდეგ მან "ლივერპულის" ოფიციალურ ვებგვერდს მისცა ინტერვიუ:</p><p><em>"მე არ ვარ ემოციური ადამიანი, მაგრამ დღევანდელი დღე მაინც გამორჩეული იყო ჩემთვის. ტრიბუნებზე შეკრებილნ</em><em>ი იყვნენ ჩემი ახლო მეგობრები და ოჯახის წევრები. ამის მიუხედავად, მაინც მოვახერხე თამაშზე კონცენტრირება. წარმოუდგენელი ატმოსფერო იყო. სეზონის უკანასკნელი თამაში, თანაც "ენფილდზე", სტადიონზე, რომელიც ჩვენთვის მუდამ რაღაც განსაკუთრებულს წარმოადგენდა... ეს დღე არასოდეს დამავიწყდება, რადგან გულშემატკივარმა მართლა დაუვიწყარი გაცილება მომიწყო.</p><p></em></p><p><em>"ლივერპულში" წლების განმავლობაში ვთამაშობდი და ახლა იმის გაცნობიერება მიწევს, რომ ამიერიდან აღარასოდეს მომეცემა აქ თამაშის საშუალება. მესმის ისიც, რომ ადრე თუ გვიან ეს მაინც უნდა მომხდარიყო. მართალია, მივდივარ, მაგრამ აქაურობასთან ძალიან ბევრი ტკბილი მოგონება მაკავშირებს. პენსიაზე დამშვიდებული გავდივარ, რადგან ვიცი, რომ გუნდი საიმედო ხელშია. ის ნელ-ნელა იზრდება და თანდათან უფრო ანგარიშგასაწევ ძალად ყალიბდება".</p><p></em></p><p><strong><span style="color: #ff0000;">როჯერსი: კარას შეცვლა გაჭირდება</p><p></span></strong>"ლივერპულის" მთავარი მწვრთნელი აცხადებს, რომ უჭირს იმის წარმოდგენა, თუ როგორ უნდა შეცვალოს ვეტერანი ცენტრალური მცველი. მატჩის შემდგომ პრესკონფერენციაზე ჟურნალისტების მხრიდან არაერთი შეკითხვა დაისვა ამ თემაზე. აი, რა თქვა ჩრდილოირლანდიელმა:</p><p><em>"სიმართლე გითხრათ, წარმოდგენა არ მაქვს, შეიძლება თუ არა კარაგერის სტილის მეორე ფეხბურთელის მოძებნა. მისი დამსახურება მშობლიური კლუბის წინაშე წარმოუდგენლად დიდია. ჯეიმი გუნდის ერთ-ერთი ლიდერი იყო წლების განმავლობაში, მაგრამ ოდესღაც ყველა დიდ ფეხბურთელს უწევს კარიერის დასრულება. "ლივერპულში" თავის დროზე იან რაშიც თამაშობდა. მის ნაცვლად გუნდში ჯონ ბარნსი და პიტერ ბერდსლი მოვიდნენ, რომელთაც თავიანთი სტილი მოიტანეს გუნდში. ამჯერადაც ასე უნდა მოვიქცეთ. უნდა მოვნახოთ ფეხბურთელი, ვინც სათანადოდ შეგვეწყობა.</p><p>თამაშის მიწურულს კარაგერის შეცვლას, ცხადია, თავიდანვე ვგეგმავდი. ყველამ ვნახეთ, თუ რა დონეზე ჩაატარა მან ეს შეხვედრა. მე და მას სეზონის განმავლობაში ხშირად გვქონდა კონტაქტი და ვიცოდი, რომ კარიერის დასრულება გადაწყვეტილი ჰქონდა. ის ყოველთვის გამოირჩეოდა სხვებისგან კლუბისადმი ერთგულებითა და პროფესიონალიზმით. კარა მთელი კარიერის განმავლობაში უმაღლესი დონის ფეხბურთელი იყო. ახალი წლის შემდეგ ჩემპიონატში მან 16 თამაში ჩაატარა და აქედან მხოლოდ ერთხელ დავმარცხდით, რაც იმას ადასტურებს, რომ ასაკის მიუხედავად, შესაშურ ფიზიკურ კონდიციებში იყო.</p><p>კარა ყოველთვის რჩებოდა ნამდვილ ლიდერად და მებრძოლად. ამის გარდა, მას სხვა ღირსებებიც ჰქონდა, მაგალითად, პასის კულტურა, თავით თამაშის უნარი და ძლიერი დარტყმა. ყველა უკანახაზელს არ შეუძლია, ერთნაირად ეფექტურად ითამაშოს დაცვაშიც და შეტევებშიც. ჯეიმი კი ერთ-ერთი ასეთი იყო</em>".</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/inglisi/45479-brendan-rojersi-jeimi-karageris-shecvla-sheudzlebelia.html" target="_blank">ბრენდან როჯერსი: ჯეიმი კარაგერის შეცვლა შეუძლებელია</a></p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ