- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩემპიონი ძმები - ლუკა და ოთარ ბულიავები
<p>საქართველოს 18-წლამდელთა კალათბურთელთა პირველობაში ჩემპიონობა "ჰიუნდაის" რიგებში ლუკამ იზემია, 20-წლიანებში "სოხუმთან" ერთად - ოთარმა <br> ვინც ახალგაზრდა კალათბურთელთა საქართველოს პირველობებს ესწრება, ცხადია, ეცოდინება, რომ 18-წლიანებში "ჰიუნდაიმ", 20-წლიანებში კი "სოხუმმა" მოიპოვა ჩემპიონობა. ალბათ, იმასაც შეამჩნევდა, რომ ამ გუნდებში ტანმაღალი ძმები - <strong>ლუკა</strong> და <strong>ოთარ ბულიავები</strong> გამოირჩევიან.</p><p>ოთარი 19 წლისაა. "სოხუმის" შემადგენლობაში 18 და 20-წლიანებში ქვეყნის ჩემპიონობა სამჯერ მოიპოვა, შარშან და წლეულს კი ეროვნულ ჩემპიონატშიც მოსინჯა ძალები. ამჟამად საქართველოს 20-წლიანთა ნაკრების შემადგენლობაში ამ ასაკის კალათბურთელთა ევროპის პირველობისთვის თბილისში "დინამოს" ბაზაზე ემზადება. ჩვენი საუბარიც იქ გაიმართა.</p><p>- კალათბურთში შემთხვევით მოვხვდი, - მითხრა ოთარმა. - სპორტული კარიერა სენაკში ფეხბურთით დავიწყე. არველოდ დანელია მავარჯიშებდა. თითქოს ურიგო მონაცემები არ მქონდა, მაგრამ შეჯიბრებებზე ვერ მივდიოდით და მარტო ვარჯშისთვის დროის დაკარგვას ვარჩიე, მეტი ყურადღება სწავლაზე გადამეტანა.</p><p><strong>- კალათბურთი?</strong></p><p>- 2008 წლის იანვარში შემთხვევით გავიცანი "სოხუმის" კალათბურთელი ვახტან ქადარია - საახალწლოდ მშობლებთან იყო ჩასული სენაკში. კალათბურთელის მონაცემები გაქვსო, მითხრა. ორიოდე დღის შემდეგ თბილისიდან დამირეკა - სინჯებზე ჩამოდიო. ტესტები წარმატებით ჩავაბარე. "სოხუმის" მწვრთნელმა ვაჟა კვარაცხელიამ მითხრა, გუნდში რჩებიო. სკოლის საბუთების გადმოტანაზეც თავად იზრუნა. ახლობელივით მექცეოდა, რამაც დადებითად იმოქმედა ჩემზე.</p><p><strong>- "პროფილის" შეცვლას როგორ შეეგუე?</strong></p><p>- იმ დროისთვის უკვე 190 სანტიმეტრის სიმაღლის ვიყავი. აღნაგობის მიუხედავად, კალათბურთი სერიოზულად არასდროს მითამაშია. ვარჯიშებზე ბიჭებს რომ ვუყურებდი, არ მჯეროდა, ოდესმე მსგავს რამეს მეც თუ შევძლებდი. მწვრთნელებთან ერთად თანაგუნდელებიც მეხმარებოდნენ. განსაკუთრებით - რევაზ როგავა, გიორგი ორმოცაძე და სანდრო მეგენეიშვილი, რომელიც სწორედ იმ პერიოდში დაბრუნდა ამერიკიდან. ვარჯიშის შემდეგ თითქმის ორ საათს ვრჩებოდი დარბაზში და თავდაუზოგავად ვვარჯიშობდი. მე და ბატონ ვაჟას გვჯეროდა, რომ მიზანს მივაღწევდით და ეს ენერგიას მმატებდა. 18-წლამდელთა გუნდში მოსახვედრად ერთი წელიწადი დამჭირდა. პირველი მატჩი სამი წლის წინათ ვითამაშე ქუთაისის გუნდთან, რომელიც საქართველოს ჩემპიონი იყო. 100:76 დავამარცხეთ მეტოქე. იმ დღეს 27 ქულა შევძინე გუნდს და მწვრთნელისგან პირველი შექებაც დავიმსახურე.</p><p><strong>- ვიცი, რომ ახალგაზრდებში საქართველოს სამგზის ჩემპიონი ხარ.</strong></p><p>- დიახ. ჯერ 18-წლიანებში, შარშან და წლეულს 20-წლიანებში გავიმარჯვეთ. ამჯერად ჩემთან ერთად ოქროს მედლები სანდრო მეგენეიშვილმა, დავით გაფრინდაშვილმა, ლერი კვანტალიანმა, ზაზა გაგნიძემ, გოგა ტყაბლაძემ, გოგა ოდიშარიამ, ილია პატარაიამ, შოთა გოლეთიანმა, კახა ჯინჭარაძემ და ცნობილი ლატვიელი კალათბურთელის ვაჟმა კარლის მუიჟნიეკსმა მოიპოვეს. ორი წელიწადია, ეროვნულ ჩემპიონატშიც გამოვდივარ. "სოხუმმა" შარშან მე-4 ადგილი დაიკავა, წლეულს ორი საფეხურით ჩამოვქვეითდით, რადგან სეზონის დასაწყისში გუნდი რამდენიმე წამყვანმა კალათბურთელმა დატოვა, ახალგაზრდებმა, ადაპტაცია ვერ მოასწრეს.</p><p><strong>- ოცწლიანთა საქართველოს ნაკრებზე რას იტყვი?</strong></p><p>- ქვეყნის ახალგაზრდულ ნაკრებში შარშანაც ვიყავი, ოღონდ - 18-წლიანებში. მიხეილ ბერუაშვილის ხელმძღვანელობით ბოსნია-ჰერცეგოვინაში ვიასპარეზეთ. ამჟამად 20-წლიანთა ევროპის პირველობისთვის ვემზადებით. ბატონმა დავით უსტიაშვილმა 17 კალათბურთელს უხმო საწვრთნელ შეკრებაზე. შესანიშნავი ბიჭები არიან. მონდომებით ვარჯიშობენ. დიდი კონკურენციაა გუნდში მოსახვედრად. ბედნიერი ვიქნები, რჩეულთა შორის თუ მეც აღმოვჩნდები. ნაკრების 13-კაციანი შემადგენლობა იტალიაში საერთაშორისო ტურნირების გასამართავად გაემგზავრება, იქიდან 12 კალათბურთელი ევროპის პირველობაზე წავა. საქართველოს ნაკრები საკმაოდ ძლიერ ჯგუფში მოხვდა - გერმანიის, ლიტვის, საბერძნეთისა და სერბეთის წარმომადგენლებთან მოუწევს უპირატესობის დამტკიცება. ფინალური ეტაპი ტალინში 9-12 ივლისს გაიმართება...</p><p>ამ საუბარში ვიყავით, ოთარის უმცროსი ძმა ლუკა რომ შემოგვიერთდა.</p><p><strong>- ოჯახში ორმა ჩემპიონმა მოიყარა თავი - ერთმანეთთან ურთიერთობა ხომ არ გიჭირთ?</strong></p><p>- ლუკამ წლეულს "ჰიუნდაის" შემადგენლობაში 18-წლიანთა საქართველოს პირველობა მოიგო, არადა, ჯერ 17 წლისაა, კალათბურთში ვარჯიში ჩემი მიბაძვით დაიწყო. უკვე სიმაღლეშიც წამომეწია. შრომისმოყვარე ძმა მყავს და მჯერა, რომ ბევრს მიაღწევს. ურთიერთობას რაც შეეხება, ყოველ შემთხვევაში, ჯერ არ გვიჩხუბია (ეცინება).</p><p>ლუკა:</p><p>- დაძაბული პირველობა გვქონდა. თავიდან ფავორიტებთან დავმარცხდით, მაგრამ მერე ბატონი ნიკოლოზ ჩერქეზიშვილის ხელმძღვანელობით ისე შევთამაშდით, რომ ზედიზედ 22 შეხვედრა მოვიგეთ. ნახევარფინალში შინაგან საქმეთა სამინისტროს აკადემიას ვძლიეთ, ფინალში რუსთავს ვაჯობეთ 2:1 და ოქროს მედლები მოვიპოვეთ. არადა, ტრავმების გამო ბოლო მატჩების სიმძიმემ შვიდ-რვა კალათბურთელზე გადაიარა.</p><p><strong>- ნაკრებში თუ მიგიწვიეს?</strong></p><p>- წლეულს არა. 16-წლიანებისთვის დიდი ვარ, 18-წლიანებისთვის - პატარა. ყველაფერს გავაკეთებ საიმისოდ, რომ გაისად 18-წლიანთა ნაკრებში მოვხვდე.</p><p><strong>- კერპი თუ გყავთ?</strong></p><p>ოთარი. მაიკლ ჯორდანი და მანუჩარ მარკოიშვილი. დიდ პატივს ვცემ ზაზა ფაჩულიას. 2008 წელს სენაკში (მისი მშობლები სენაკიდან არიან) რომ ჩამოვიდა, ავტოგრაფი ჩამოვართვი, რომელსაც დღემდე ვინახავ. მქონდა ბედნიერება, მის წინააღმდეგაც მეთამაშა: შარშან 18-წლიანებში ევროპის პირველობისთვის რომ ვემზადებოდით, ვარჯიშზე ზაზა მოვიდა და გუნდის ორმხრივ თამაშში მონაწილეობდა.</p><p>ლუკა:</p><p>- მე მაიკლ ჯორდანი მომწონს, ქართველთაგან - ზაზა ფაჩულია.</p><p><strong>- კალათბურთის გარდა, რა გიტაცებთ?</strong></p><p>ოთარი:</p><p>- ფეხბურთი. "ჩელსის" და ინგლისის ნაკრების გულშემატკივარი ვარ.</p><p>ლუკა:</p><p>- მე "რეალსა" და გერმანიას ვქომაგობ.</p><p><strong>- მხოლოდ სპორტი?</strong></p><p>ოთარი:</p><p>- თავისუფალ დროს ვუსმენ მუსიკას, მიყვარს ხატვა და მხატვრული ლიტერატურის კითხვა. ჩემი საყვარელი პოეტია გალაკტიონი.</p><p>ლუკა:</p><p>- მუსიკა.</p><p><strong>- ნოსტალგია?</strong></p><p>- სამწუხაროდ, თავისუფალი დროის სიმცირის გამო მშობლიერ სენაკში ხშირად ვერ ჩავდივარ. გარდა კალათბურთის თამაშის გარდა, მე ილიას სახელმწიფო უნივერსიტეტის ბიზნესის ფაკულტეტის პირველკურსელი ვარ, ლუკა კი თბილისის 51-ე საჯარო სკოლაში სწავლობს. მენატრება მეგობრები, ახლობლები, მდინარე ტეხურაში ბანაობა და თევზაობა.</p><p>ლუკა:</p><p>- სასწავლო წლის დამთავრების შემდეგ სენაკში გავემგზავრები და, ოთოსგან განსხვავებით, ყველა სურვილს ავისრულებ.</p><p><strong>- ჰობი?</strong></p><p>- მოგზაურობა. იმას ვოცნებობ, როდის მექნება შესაძლებლობა, რომ მსოფლიო შემოვიარო.</p><p>- ჯერჯერობით მხოლოდ კომპიუტერი...</p><p><strong>ყოველდღიური სპორტული გაზეთი "ლელო"</strong></p>
-
lika
Warmatebebi bichebo.
ასაკობრივი ჩემპიონატების მონაწილე გუნდებთან სამუშაო შეხვედრა გაიმართა
ტაბლოები და სროლის დასახვეწი ტრენაჟორები ონმა და ამბროლაურმაც მიიღეს
"ქუთაისმა" თსუ-ს ფინალური სერიის ზედიზედ მესამე მატჩი მოუგო და ჩემპიონი გახდა
ასაკობრივი ჩემპიონატების მონაწილე გუნდებთან სამუშაო შეხვედრა გაიმართა
"ტოტენჰემთან" მატჩში "ვილიარეალის" სასტარტო შემადგენლობა ცნობილია
ლუის ენრიკემ კვარაცხელიას მდგომარეობის შესახებ ისაუბრა - მიზანი ჩემპიონთა ლიგის ზედიზედ მეორედ მოგებაა
ზივზივაძე მკაცრად დასაჯეს - ერთი თვე უქმობა მოუწევს
7-კაცა | მზადება დაიწყო - ახალი მწვრთნელით, ახალი სისტემით და გაფართოებული შემადგენლობით
ყველაფერს ითვლიან - მესი და რონალდო ერთმანეთს გაფუჭებულ პენალტებშიც მიუახლოვდნენ
"ბრაზილიის ნაკრების შემდეგ მხოლოდ ამ კლუბში დავბრუნდები" - კარლო ანჩელოტი
"ერთადერთია, ვინც "ოქროს ბურთს" იმსახურებს" - პსჟ-ის სპორტულმა დირექტორმა მისი გუნდიდან Golden Ball-ის ფავორიტი დაასახელა
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ამორიმი პრემიერ ლიგაში დათხოვნის პირველი კანდიდატია და პორტუგალიაში დაბრუნების ვარიანტიც გამოუჩნდა
უჩივლა თუ არა "ორბიმ" "პარი ნიჟნი ნოვგოროდს" - ბედოშვილის ტრანსფერიდან 1 თვეზე მეტის გასვლის შემდეგ რუსული კლუბის წარმომადგენელმა კომენტარი გააკეთა
"ბურთები ძალიან მიყვარს" - პორნომსახიობი, რომელიც ამბობს, რომ ღამეში 1000-ზე მეტ მამაკაცთან ეძინა, "რეინჯერსის" თამაშს დაესწრო და მიზეზიც ახსნა
ხვიჩა ლიგაზე ნაცნობი მეტოქით და მსაჯით იწყებს - მიქაუტაძე დღეს გატანას ლონდონში ეცდება
უმტიტიმ 31 წლის ასაკში კარიერა დაასრულა
დვალმა პირველივე მატჩში საგოლე გადაცემა გააკეთა
"კვარასთვის" გადამწყვეტი მომდევნო 24 საათი იქნება" - პსჟ-ს დირექტორი
ყოჩაღი ფიზკულტურის მასწავლებელი - რუსეთში საფეხბურთო მოედანი ჩაინგრა
აბიდალმა თავისი გარდაცვალების ცნობა უარყო
ესპანეთში ლუკა გაგნიძის დებიუტი შედგა - ქართველი მწვრთნელმა შეაქო
სალაჰი უკვე მეოთხეა - ეგვიპტელის მორიგი მიღწევა პრემიერ ლიგაში