ვიდრე შევისვენებდეთ

დღევანდელი 2 მატჩით XIII ტური დასრულდება და ამის შემდეგ ჩემპიონატში ორკვირიანი პაუზა გამოცხადდება დღევანდელი 2 მატჩით XIII (რიგით, XIV) ტური დასრულდება და ამის შემდეგ ჩემპიონატში ორკვირიანი პაუზა გამოცხადდება. თუმცა, უმაღლესი ლიგის ათივე გუნდის ფეხბურთელებს დასვენების საშუალება ნამდვილად არ ექნებათ: მომავალ კვირაში, კერძოდ, 10 ნოემბერს საქართველოს თასის მერვედფინალური მატჩებია; ამას გარდა, 17 ნოემბერს დანიშნული სლოვენიისა და საქართველოს ნაკრებების ამხანაგურ შეხვედრაში, დიდი ალბათობით, ჩვენს ჩემპიონატში მონაწილე ათამდე ფეხბურთელიც მიიღებს მონაწილეობას. თუმცა, ისევ დღეს ჩასატარებელ მატჩებს დავუბრუნდეთ; მით უფრო, რომ "დინამოსა" და "ბაიას" შეხვედრის სენსაციური შედეგით (ჩვენ ასე მიგვაჩნია - გ.ტ.) დამთავრების შემდეგ სატურნირო ცხრილის სათავეში სიტუაცია უფრო და უფრო დამაინტრიგებელი გახდა...სამტრედია-ვიტ ჯორჯიამასპინძელთათვის ამ შეხვედრას უდიდესი მნიშვნელობა აქვს: გამარჯვების გარდა ნებისმიერი სხვა შედეგი გუნდის სატურნირო მდგომარეობას კიდევ უფრო დაამძიმებს. თანაც, არ დაგვავიწყდეს, რომ ჩემპიონატში გამოცხადებული პაუზის შემდეგ "სამტრედიას" ზედიზედ სამი ურთულესი მატჩი ელოდება ("დინამოსთან", "ზესტაფონთან", "ოლიმპთან"). ბევრი რომ არ გავაგრძელოთ, გელა სანაიას გუნდს მეორე წრის ფინიშზე დიდი ძალისხმევა მართებს, რათა უშუალო კონკურენტებს ბევრით არ ჩამორჩეს. აი, რაც შეეხება მეტოქეს, "ვიტ ჯორჯიამ" ზედიზედ ორი გამარჯვებით კრიზისული პერიოდი უკან მოიტოვა. საერთოდაც, იმ კონტიგენტით, დღესდღეობით მერაბ კოჭლაშვილის განკარგულებაში რომ არის, "ვიტ ჯორჯიას" ასპარეზობა ამ ეტაპზე დადებითად უნდა შეფასდეს. სხვათა შორის, ერთი გარემოებაც გვინდა აღვნიშნოთ: "ზესტაფონთან" ერთად უმაღლეს ლიგაში ყველაზე უკომპრომისო გუნდი სწორედ "ვიტ ჯორჯიაა" (ორივეს თითო-თითო ფრე აქვს)....დღევანდელი მეტოქეების პირველი წრის შეხვედრა მართლაც განსაკუთრებულად საინტერესოდ და დაძაბულად წარიმართა. იმის გარდა, რომ იმ დროისათვის სეზონში ყველაზე უხვგოლიანი შეხვედრა ვიხილეთ, თვითონ მატჩის მსვლელობა იყო ნამეტნავად დამაინტრიგებელი. თავად განსაჯეთ: პირველი ტაიმი სტუმართა უპირატესობით წარიმართა და აბსოლუტურად ლოგიკურიც იყო გიგა კვერენჩხილაძისა და ილია პავლიაშვილის გოლები; ჩვენს ჩემპიონატში კი, მოგეხსენებათ, არცთუ ხშირი კი არა, იშვიათზე-იშვიათია ისეთი შემთხვევები, როცა კონკრეტული გუნდი ორბურთიან ჩამორჩენას ჯერ აღმოფხვრის, მერე კი... გაიმარჯვებს! ჰოდა, სწორედ ასე მოხდა 29 აგვისტოს რუსთავში: შესვენების შემდეგ "ვეტერინარების" ცნობა შეუძლებელი იყო, იმდენად არნახულად მოტივირებულნი გამოვიდნენ მოედანზე.თუმცა მხოლოდ მოტივაცია-მონდომების "ბრალი" იყო, თუ "სამტრედიამ" უკვე გამარჯვებულად მიიჩნია თავი, ამას ვერ გეტყვით; ფაქტი კი ის იყო, რომ ჯაბა ლიპარტიასა და ვახტანგ კვარაცხელიას დიდი ძალისხმევით "ვიტ ჯორჯიამ" მეორე ტაიმში მეტოქის კარში... ოთხი უპასუხო ბურთის გატანა შეძლო! იმედი დავიტოვოთ, რომ დღესაც საინტერესო და, რაც მთავრია, უხვგოლიანი მატჩი იქნება.ოლიმპი-ზესტაფონიორ დღეზე "გაწერილ" ტურს კონკრეტული გუნდებისათვის თავის დადებითი და უარყოფითი მხარეც აქვს: მაგალითად, გუშინდელი სენსაციური ყაიმის შემდეგ ცხრილის სათავეში მოქცეულ "დინამოს" დღევანდელი მატჩის... ფრედ დამთავრება აწყობს! თავის მხრივ, "ოლიმპსაც" და "ზესტაფონსაც" არანაკლები მოტივაცია ექნება: სტუმრები არწაგების შემთხვევაში დაიბრუნებენ... ერთი დღით დაკარგულ ლიდერობას, ხოლო მასპინძლებს ტიტულის შენარჩუნება თუ სურთ, უშუალო კონკურენტებს მუდამ "კუდში" უნდა სდიონ. ეგ კი არა, "ოლიმპმა" თუ შეხვედრა მოიგო, თვითონ გადაინაცვლედს პირველ ადგილზე.თუმცა ყველანაირი "გათვლების" გაუთვალისწინებითაც, დღეს მეტად საინტერესო მატჩი გველოდება, სადაც ერთმანეთს ჩემპიონობის ორი ფავორიტი (რაღა თქმა უნდა, "დინამოც" არ დაგვავიწყდეს) შეხვდება. ტურის კი არა, მეორე წრის ცენტრალური დაპირისპირება და იმედი გვაქვს, რუსთავის "ფოლადის" სტადიონი... სანახევროდ მაინც შეივსება; არადა, მართლაც უცნაური სიტუაციაა: რუსთავის "ოლიმპი", წინა სეზონის მსგავსად, ახლაც ჩემპიონობისათვის იბრძვის, მაგრამ ქომაგთა რიცხვი... ტურიდან-ტურამდე კლებულობს. კლიმატური პირობების გაუარესებას (გნებავთ, ზამთრის მოახლოებას) ნურავინ ნურაფერს დააბრალებს: ამ ზაფხულს, გუნდს რომ ჩემპიონთა ლიგის საკვალიფიკაციო მატჩი ჰქონდა, აშკარად ... არ ციოდა, მაგრამ "ფოლადის" ტრიბუნები მაშინაც არ შეივსო. ახლაც, იმის იმედად უნდა ვიყოთ, რომ ზესტაფონიდან გულშემატკივრთა სოლიდური ჯგუფი ჩამოვიდეს, თორემ ჩვენი ჩემპიონატის ორი გამორჩეული გუნდის პაექრობას 500-მდე ("ოლიმპის" საშინაო მატჩებზე ამ ბოლო დროს საშუალო დასწრების მაჩვენებელი) მაყურებელი რომ დაესწრება, ქართული ფეხბურთი აღმავლობას განიცდისო, ამას უკვე ვერავინ იტყვის..."ოლიმპის" მთავარი მწვრთნელის პოსტზე რამაზ მუმლაძე დღეს მეხუთე მატჩს ჩაატარებს და უშუალო კონკურენტთან ზედიზედ მეორედ მოუწევს დაპირისპირება. წინა შეხვედრაში ("დინამოსთან") მუმლაძის შეგირდებს ურიგოდ ნამდვილად არ უასპარეზიათ (განსაკუთრებით - მეორე ტაიმში) და მონდომებული თამაში შეხვედრის მიწურულს რევაზ გეწაძის ეფექტური გოლითაც დაუფასდათ. მოკლედ, იმ მატჩში ჩემპიონი წაგებას ნამდვილად არ იმსახურებდა, თუმცა დღეს უკვე "ოლიმპის" მწვრთნელ-ფეხბურთელებს ის შეხვედრა "დავიწყებული" ექნებათ და ამჟამად მთლიანად "ზესტაფონთან" პაექრობაზე არიან კონცენტრირებულნი.ყველაფერს თავი რომ დავანებოთ, პირველ წრეში განცდილი მარცხის გამო "ოლიმპს" რევანშიც ესაჭიროება. ნიკოლოზ გელაშვილის მიერ გატანილი ერთადერთი გოლის წყალობით "ზესტაფონმა"... სამწლიანი პაუზის შემდეგ შესძლო "ოლიმპის" დამარცხება. სხვათა შორის, ის შეხვედრა ორი ფაქტითაც იყო დასამახსოვრებელი: ჯერ ერთი, ზესტაფონის "დავით აბაშიძის სახელობის სტადიონზე" ამ ქალაქისათვის უჩვეულოდ ცოტა (900 კაცი) მაყურებელი მოვიდა; ამას გარდა, გეხსომებათ ალბათ, თუ როგორი მკვეთრი განცხადება გააკეთა წაგებული მატჩის შემდეგ "ოლიმპის" მაშინდელმა მთავარმა მწვრთნელმა თემურ მახარაძემ, რომლის აზრითაც, მსაჯები არაობიექტურად უძღვებოდნენ ამ შეხვედრას.არანაკლებ მნიშვნელოვანი იყო ის ფაქტიც, რომ "ზესტაფონში" თითქმის ორწლიანი მუშაობის პერიოდში, გია გეგუჩაძემ პირველად შესძლო "ოლიმპის დამარცხება. ისე, ამ ორი წლის განმავლობაში "ოლიმპთან" ნებისმიერი დაპირისპირების წინ, "ზესტაფონის" მთავარ მწვრთნელს, მუდამ დიდი საფიქრალი ეძლევა - თითქმის ყოველთვის სხვადასხვა კოლეგასთან უწევს პაექრობა...ტურის ცენტრალურ მატჩს "ზესტაფონი" თუ უდანაკარგოდ ხვდება, აი, "ოლიმპს" კი მართლაც სერიოზული დანაკლისი აქვს: დისკვალიფიკაციის გამო შეხვედრას გუნდის ერთ-ერთი საკვანძო ფეხბურთელი, დავით ბოლქვაძე ტოვებს. არადა, გია გეგუჩაძისგან განსხვავებით, რამაზ მუმლაძეს იმის ფუფუნება ნამდვილად არა აქვს, რომელიმე წამყვანი ფეხბურთელი სხვა სრულფასოვანი მოთამაშით ჩაანაცვლოს. თუმცა ამის მიუხედავად, დარწმუნებული ვართ, რომ დღეს უშეღავათო ბრძოლას ვიხილავთ; მით უფრო, რომ მუმლაძეც და გეგუჩაძეც არასდროს ყოფილან... ფრთხილი ფეხბურთის მიმდევრები!დაბოლოს, დღევანდელ მეტოქეთა ურთიერთდაპირისპირებზეც; აქამდე ჩატარებულ თორმეტ შეხვედრაში მცირე უპირატესობა "ოლიმპის" მხარეს არის: 4 გამარჯვება, 3 ფრე და 3 წაგება; თუმცა, თუ ამ სამივე რიცხვს ერთმანეთს მივუმატებთ, აშკარად... 11 გამოვა! საქმე კი იმაშია, რომ ამ გუნდებს შორის ერთ-ერთი მატჩი... არ დასრულებულა! უფრო ზუსტად, წინა სეზონის მესამე წრის იმ "ცნობილ" მატჩში, ზესტაფონში რომ ჩატარდა 20 მარტს, როცა ანგარიში 1:1 იყო, "ოლიმპის" სათადარიგოთა სკამიდან "ვიღაცამ" მოედანზე მეორე ბურთი შემოაგდო; ჰოდა, თამაშიც გაჩერდა, მერე ფეხბურთელებმაც ერთმანეზე გაიწიეს და ბევრი რომ არ გავაგრძელოთ, იმ არდასრულებულ მატჩს არანაკლებ სკანდალური გაგრძელება მოჰყვა. ჰო, მართლაც უცნაური გადაწყვეტილება მიიღეს, როცა ორივე გუნდს 0:3 წაგება ჩაეთვალა და ამას გარდა, "ოლიმპს"... "დამატებით" 3 ქულაც ჩამოაკლეს! ეგ კი არა, თურმე, 10 (!) ქულის დაკლებაც სდომებიათ...P.S. დიდი ალბათობაა, რომ დღევანდელ შეხვედრას საქართველოს ნაკრების სამწვრთნელო შტაბი დაესწროს და ეს ფაქტორიც ორივე გუნდის ფეხბურთელებზე დამატებით ფაქტორად უნდა იქცეს. მით უფრო, რომ საქართველოს ნაკრების გაფართოებულ სიაში "ოლიმპისა" და "ზესტაფონის" ერთდროულად რამდენიმე ფეხბურთელია და ზოგიერთს, ალბათ, 17 ნოემბერს სლოვენიის ნაკრების წინააღმდეგ მოუწევს თამაში.ყოველდღიური სპორტული გაზეთი"ლელო"

ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა

GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში

ფრე ქუთაისში... და "თელავის" მოგება "გაგრასთან"

ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა

ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა

Le Parisien: კვარაცხელია პსჟ-ს შეიძლება ბარსელონაში გაჰყვეს

არისაბალაგა შეიძლება ფაბრეგასის გუნდში გადაბარგდეს

პსჟ-ს მეკარე: ძნელია მოტივაციის შენარჩუნება

ბერნალს 382 დღე გაუცდა და "ბარსელონამ" კონტრაქტი გაუხანგრძლივა

კონტე: "მილანთან" დავმარცხდით და არა რომელიმე აუტსაიდერთან

"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს

საერთაშორისო აღიარება - საქართველოს ხმა მსოფლიო ველოსპორტის არჩევნებში

"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე

დუდუ დადიანის მემორიალზე ნახევარფინალისტები დაწყვილდნენ

"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი

"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი

[VIDEO] 55-ე წუთიდან კაცნაკლულმა "მილანმა" "ნაპოლის" მოუგო

პსჟ-სთან მატჩამდე "ბარსელონამ "სოსიედადი" დაამარცხა და გალიდერდა

გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა

[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა

Le Parisien-ი კვარაცხელიას ტრავმის შესახებ ინფორმაციას ავრცელებს

U17 | საქართველო 3:0 ლიეტუვა