<p>ქართველმა ჭაბუკმა "თავისუფლებმა" კიდევ ერთი ბრინჯაო მოიპოვეს ჩერნოგორიულ ბარიში მიმდინარე ევროპის პირველობაზე</p><p><br> ქართველმა ჭაბუკმა "თავისუფლებმა" კიდევ ერთი ბრინჯაო მოიპოვეს ჩერნოგორიულ ბარიში მიმდინარე ევროპის პირველობაზე.</p><p>შეგახსენებთ, რომ 18 ივნისს კონტინენტის მესამე პრიზიორები <strong>ალექსანდრე კილაძე</strong> (42) და <strong>რამაზ ზოიძე</strong> (58) გახდნენ, 19 ივნისს კი ასეთივე წარმატებას <strong>შმაგი თოდუამ</strong> (46) მიაღწია.</p><p>სამწუხაროდ, პირველი დღისგან განსხვავებით, 19 ივნისს <strong>ემზარ ბედინეიშვილის</strong> სხვა შეგირდთაგან (სხვათა შორის, ეს მისი სადებიუტო შეჯიბრება იყო პირველხარისხოვან ტურნირზე, მთავარი მწვრთნელის რანგში) მედლისთვის არავის უჭიდავია...</p><p>შმაგი თოდუა გუნდის უმთავრეს ლიდერთა შორისაა. ის პირველ წრეში ისვენებდა, მეორეში კი სომეხ ჰაიკ ბადალიანს სუფთად მოუგო - 7:0. ამას რუსთა მომავალ ფინალისტ ისმაილ გაჯიევთან წაგება მოჰყვა - 2:9, სანუგეშოში კი ბერძენი ნიკოლაოს ალექსანდროს დრაგაცკისი კვლავაც 7:0, ხოლო დამამშვიდებლის ფინალში მოლდოველი ვიტალი ბუნიცი 10:3 დაჯაბნა.</p><p>19 ივნისს ჩვენგან კიდევ ოთხი ფალავანი ასპარეზობდა, მაგრამ ოთხივემ ადრევე წააგო და ვერც სანუგეშოში გააღწია. იმათგან ყველაზე მეტად <strong>ედუარდ ნიკოლიშვილმა</strong> (63) იყოჩაღა - ორი შეხვედრა მოიგო და მეოთხედფინალში გავიდა.</p><p>მან ტურნირი ძალზე ძლიერად დაიწყო და ორივე პაექრობაში წმინდად იმარჯვა - იტალიელ ანტონიო ჯუზეპე ვარელას 8:0 მოუგო, პოლონელ მატეუშ დარიუშ კამპიკს - 9:2, მაგრამ მესამე წრეში თურქთა მომავალ ბრინჯაოსმედალოსან ენეს უსლუსთან უკვე თვითონ დათმო სუფთად - 0:7.</p><p>დანარჩენები პირველივე შეხვედრაში დამარცხდნენ - რამაზან მალაკოევი (54) მოლდოველმა პეტრუ იოვუმ 8:0 დაჯაბნა, ოღონდ ორი პერიოდის ჯამში; <strong>გიორგი გიორგობიანმა</strong> (76) თურქთა კიდევ ერთ მომავალ ბრინჯაოსმედალოსან ტოლგა გონელთან 3:7 წააგო, <strong>გივი მაჭარაშვილი</strong> (100) კი უკრაინელ ვიქტორ მანდრიკასთან დაძაბულ პაექრობაში გამოეთიშა ტურნირს - 0:1; 0:1.</p><p>აქვე პირველი დღის რამდენიმე საინტერესო მომენტზეც შევჩერდებით, რადგან ორგანიზატორებმა წილისწყრის ბადეების დადება ინებეს და მოგვეცა საშუალება, გვენახა ჩვენებურთა განვლილი გზა.</p><p>როგორც 19 ივნისს ვწერდით, იმ ხუთეულიდან ოთხმა იჭიდავა ბრინჯაოსთვის და ორმა მოიგო...</p><p>იმათგან შედეგებით განსაკუთრებით <strong>რამაზ ზოიძე</strong> და <strong>ტარიელ გაფრინდაშვილი</strong> (69) გამოირჩეოდნენ.</p><p>ზოიძე მეორე წრეში თურქთა მომავალ ფინალისტ სელიმ კოზანთან 1:4 დამარცხდა, სანუგეშოში კი სამ ორთაბრძოლაში იმარჯვა.</p><p>აღსანიშნავია, რომ ტურნირზე მოგებული ოთხი შეხვედრიდან ორი წმინდად დაამთავრა. ორი მოგების შემდეგ ნახევარფინალში გაფრინდაშვილიც მომავალ ვიცე-ჩემპიონთან, სომეხ ტიგრან მნაცაკანიანთან დამარცხდა დაძაბულ პაექრობაში - შესვენებამდე მეტოქემ 7:4 იმარჯვა, მეორე ნახევარი კი ჩვენებურმა მოიგო 6:4, თუმცა საბოლოოდ გამარჯვება მაინც სომეხს დარჩა - 11:10. გაფრინდაშვილმაც ორჯერ იმარჯვა წმინდად, მათ შორის ერთი - ძირითად ბადეში უკრაინის სახელით მოჭიდავე ალფეს დოლიძესთან მოიგო.</p><p>კილაძეც ნახევარფინალში დამარცხდა უკრაინელ ვიქტორ ტერზისთან, რაც ძირითად ბადეში ორჯერ იმარჯვა; <strong>ვაჟა ომარაშვილმა</strong> (85) კი ძირითადშიც და სანუგეშოშიც თითო პაექრობა მოიგო. მან ჯერ თურქთა მომავალ ფინალისტ ენეს ალტუნთან წააგო, მერე - ბულგარელ ვედატ ისმაილოვთან.</p><p>ფრიად გულდასაწყვეტი და მოულოდნელი იყო გუნდის კიდევ ერთი ლიდერის და სხვებთან შედარებით გამოცდილი <strong>გიორგი პასიკაშვილის</strong> (50) წაგება პირველივე წრეში სომეხ ვაჰე მატინიანთან - 3:12, თუმცა კიდევ უფრო აუხსნელია სანუგეშოში ასევე პირველივე წრიდან გამოვარდნა ბულგარელ მიკაილ სალიმ ნაიმთან - 2:7.</p><p>20 ივნისს ევროპის ჩემპიონატში უკვე გოგოები ჩაებმებიან, სადაც დებიუტი გვექნება. მოგეხსენებათ, ჩერნოგორიაში ორი მონაწილე გვეყოლება - <strong>გვანცა კარელიძე</strong> (38) და <strong>ანი ნაზარაშვილი</strong> (49), რომლებიც 20 ივნისს იასპარეზებენ.</p><p>კარელიძე, რომელმაც ცოტა ხნის წინ თურქეთის საერთაშორისო ტურნირში ისტორიული მედალი - ბრინჯაო მოიპოვა, შეჯიბრებაში მეორე წრიდან ჩაებმება ნორვეგიელ რამონა ერიქსენთან შეხვედრით, ნაზარაშვილი კი პირველივე წრეში იჭიდავებს ფინელ იანიკა ანნილნა ვაკკილასთან.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
[VIDEO] კიტეიშვილი დაბრუნდა და "რეინჯერსს" გაუტანა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ოსიმენი: "გალათასარაი" მსოფლიოს საუკეთესო გუნდია
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
"იამალთან დაკავშირებით ეს არ მომწონს" - ფლიკი მედიაში გავრცელებულ სტატიებზე
"მილანი" რობერტ ლევანდოვსკის დამატების ვარიანტს განიხილავს
[VIDEO] "ალონსოს ყაზახეთში მოულოდნელი საჩუქარი გაუკეთეს" - რა მოხდა "კაირატთან" მატჩის შემდეგ პრესკონფერენციაზე
"გარიცხეთ რუსეთის ფედერაცია UEFA-დან" - ესტონელებმა მოთხოვნა წამოაყენეს
უზბეკეთის ნაკრებში კაპაძის ნაცვლად "ოქროს ბურთის" მფლობელ მწვრთნელს ნიშნავენ
"მადლობა ჩვენი გუნდის პრეზიდენტს, მის ამ ჟესტს არასდროს დავივიწყებ" - "ბარსელონასთან" მატჩის წინ, ენრიკემ ნასერ ალ-ხელაიფის მიმართ მადლიერება გამოხატა
დღეს - ენრიკე ხვიჩას გარეშე, მიქაუტაძე "იუვენტუსის" წინააღმდეგ
"ბევრჯერ მითხრეს, ევროპის ორგზის ჩემპიონს, მეტი საქმე არ გაქვს, ამ ბავშვებს რომ დასდევო..."
U23. თავისუფალი ჭიდაობა: რაჭული ფინალი რაჭაში
U23. თავისუფალი ჭიდაობა: ოთხ წონით კატეგორიაში ფინალისტების ვინაობა ცნობილია
ალექსეი დოვბუშის მემორიალი: ქართველი მოჭიდავეების ექვსი მედალი უკრაინიდან
ისტორიული შედეგი გვანცა კარელიძისგან - ეს გოგო კარგად ჭიდაობს!
ქართველმა გოგონებმა ჭაბუკთა ევროპის პირველობაზე ვერ იყოჩაღეს
მსოფლიოს ახალგაზრდული ჩემპიონატი. თავისუფალი სტილი: საფრანგეთში - სარევანშოდ
თავისუფალი ჭიდაობა: ახალგაზრდების მორიგი წარმატება ევროპის ჩემპიონატზე
"თავისუფალთა" ახალგაზრდულმა ნაკრებმა "ნახჭევანის თასზე" ბრინჯაო მოიპოვა
"მასთან შეხვედრის შემდეგ მივხვდი..."