<p><p />ჯორჯიელებმა "ფინიქსს სანსთან" სეზონში პირველი მარცხი იწვნიეს <br> გუშინ "ატლანტა"-"მინესოტას" მატჩის მიმოხილვა ასეთი სიტყვებით დავასრულეთ: მინეაპოლისელი "მგლების" ძლევის შემდეგ ატლანტელი "ქორები" "მზეს" შეუტევენ.</p><p>"ჰოქსმა" იგორ კოკოშკოვის (ასისტენტია) "ფინიქსს სანსს" მართლაც შეუტია, მაგრამ "მზესთან" მიახლოვების შემდეგ ფრთები შეეტრუსა. ჯორჯიელებს სწრაფ ტემპში მოთამაშე სტივ ნეშის (15 პასი, 19 ქულა) "სანსთან" განსაკუთრებით მესამე პერიოდში გაუჭირდათ, 61:79 ჩამორჩნენ. თუმცა ატლანტელებმა 18-ქულიანი "დეფიციტი" სამქულიანების წყალობით (5 წუთში 6 შორეული ტყორცნა) მალევე აღმოფხვრეს და მესამე პერიოდის ბოლოს ანგარიშიც გაათანაბრეს - 88:88.</p><p>მეოთხე რაუნდის დასაწყისში მოედანზე ზაზა ფაჩულია დაბრუნდა, დაცვაშიც კარგად დადგა, თუმცა სირენამდე 6:59 წუთით ადრე ორქულიანი ააცილა და მწვრთნელმაც დაუყოვნებლივ მოედნიდან გაიყვანა. არადა, ისეთი შთაბეჭდილება შეიქმნა, რომ მეტოქემ ხელში ჩაარტყა და ზაზამაც ამიტომ ვერ ჩააგდო. მსაჯებმა კი წესების დარღვევა არ დააფიქსირეს. ასეა თუ ისე, უნდა აღინიშნოს, რომ ახალი სეზონის დაწყების შემდეგ "ფინიქსთან" მატჩი ფაჩულიასთვის ყველაზე წარუმატებელი იყო. "ატლანტასთვისაც"...</p><p>შეხვედრის ბოლო წუთები საოცარი სანახავი გამოდგა - არც ერთი გუნდი საკუთარ ნახევარზე ისე არ ბრუნდებოდა, მინიმუმ ორი ქულა რომ არ ჩაეგდო. ასე, ქულა-ქულაში მიმდინარე მატჩის დასრულებას 42 წამი აკლდა, როცა ჯამალ კროუფორდმა ანგარიში კიდევ ერთხელ გაათანაბრა - 112:112. საპასუხო იერიში ფრეიემ ორქულიანით დაასრულა. გადამწყვეტი კი ჯო ჯონსონის შეტევა გამოდგა, სირენამდე 8 წამით ადრე მან ფარქვეშიდან ტყორცნა გააცუდა... "ფინიქსმა" 118:114 მოიგო.</p><p>ეს იყო ატლანტელი "ქორების" პირველი მარცხი მიმდინარე სეზონში. მათ 6 გამარჯვება აქვთ და სამხრეთ აღმოსავლეთის დივიზიონში პირველობას ინარჩუნებენ. დღეს, გამთენიისას ჯორჯიელები ამავე დივიზიონის ერთ-ერთ საუკეთესო გუნდს "ორლანდო მეჯიქს" დაუპირისპირდებოდნენ.</p><p><strong>ატლანტა-ფინიქსი 114:118</p><p></strong>ზაზა ფაჩულია: 08:27 წუთი, 1 პასი, 3 ფოლი, 1 შეცდომა</p><p>ქრონოლოგია</p><p>I პერიოდი</p><p>02:34 ზაზამ ჰორფორდი შეცვალა</p><p>00:32 ფოლი: 1</p><p>II პერიოდი</p><p>11:46 შეცდომა: 1</p><p>11:23 ფოლი: 2</p><p>09:59 ბიბიმ ზაზა შეცვალა</p><p>IV პერიოდი</p><p>10:51 ზაზამ სმიტი შეცვალა</p><p>09:31 ფოლი: 3</p><p>08:24 პასი: 1 (ჰორფორდი 2ქ, 90:91)</p><p>06:59 ორქულიანი: არაზუსტი</p><p>06:59 სმიტმა ზაზა შეცვალა</p><p></p></p>
კორსანტიას 15-ქულიანი დებიუტი ესპანეთში
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში