ტორესის დაბრუნება

”არ ვიცი, რამდენ ხანში ვიქნები საუკეთესო ფორმაში, მაგრამ იმედი მაქვს, რომ ყველაფერი მალე დადგება თავის ადგილზე” ფერნანდო ტორესმა „ჩელსის“ კარში გატანილი ორი გოლით პრემიერლიგის ტიტულისთვის ბრძოლას სიმწვავე და ხიბლი შემატა. წინ კიდევ უფრო საინტერესო გელითო - აი, რას ნიშნავდა მთელი ინგლისისთვის „ლივერპულის“ მიერ ლიდერისა და ჩემპიონის დამარცხება.მატჩის შემდეგ ფორვარდმა, რომელმაც კარგა ხნის დაკარგული მიზანი გაასწორა თქვა:„ძალიან ძნელი პერიოდი მქონდა. ყველა ღონეს ვხმარობ, რომ ყოველდღე უკეთ და უკეთ ვითამაშო. ნამდვილად არ ვიცი, რამდენ ხანში ვიქნები საუკეთესო ფორმაში, მაგრამ იმედი მაქვს, რომ ყველაფერი მალე დადგება თავის ადგილზე. განსაკუთრებით გასული სეზონის ბოლოს გამიჭირდა. მეტისმეტად რთული იყო მსოფლიოს ჩემპიონატზეც და ყველაფერი ტრავმათა მთელი რიგის ბრალი გახლდათ.ძალიან ბევრი მაკრიტიკეს. ასეთია, ფეხბურთელის ცხოვრება. შენი ნაბიჯი ერთი წუთის შემდეგ მთელს მსოფლიოში განსჯის საგანია. დიახ, კარგად ვიცი, რასაც ელის ჩემგან ხალხი და ვცდილობ მათი იმედი არ გავაწბილო. ძალ-ღონეს არ დავიშურებ, რომ ძველებური ფერნანდო ტორესი გავხდე“.ტორესმა „ჩელსის“ კარში პირველი გოლი მე-11 წუთზე გაიტანა, პირველი ტაიმის მიწურულს კი შესანიშნავად გაზარდა ანგარიში. შედეგთა წიგნში ახლა წერია, რომ ტორესს „ჩელსისთან“ ბრწყინვალე შედეგი აქვს – 8 შეხვედრაში 7 გოლი, ხოლო ცხრილში „ჩელსისა“ და მის მდევარს, „მანჩესტერ იუნაიტედს“ შორის ორი ქულაღაა. ლივერპულელთა გახარებულმა მწვრთნელმა როი ჰოჯსონმა განაცხადა, რომ ესპანელის ათამაშება დროის ამბავი იყო და მეტი არაფერი. როგორც ჩანს მერსისაიდში კლუბის ახალი მეპატრონის ჯონ ჰენრის გამოჩენამაც ითამაშა დადებითი როლი – ტორესს გული სხვაგან აღარ მიუწევს.„მთელი ამ ხნის განმავლობაში სულ ვლაპარაკობდით და ვიცი, რომ ფერნანდოს ძალიან უნდა „ლივერპული“ კარგად რომ ათამაშდეს. მას სურს დაინახოს, რომ ჩვენ სწორი მიმართულებით მივდივართ. მერედა, ჩვენ ყველანი დაბნეულები ვიყავით, მეპატრონე იცვლებოდა და არავინ ვიცოდით რა მოჰყვებოდა ამას. საბედნიეროდ ყველაფერი უკეთესობისკენ შეიცვალა.ახლა, მომავლის აღარ მეშინია და აღარც იმაში მეპარება ეჭვი, რომ ცხრილის წვერზე დავბრუნდებით. ცხრილის ზედა მონაკვეთი „ლივერპულისთვის“ ბუნებრივი ადგილია.დღეს ტორესმა ტაში დაიმსახურა. აშკარაა, რომ ის თანდათანობით საუკეთესო ფორმას იბრუნებს. „ჩელსისთან“ მან ერთხელაც დაგვანახა, რომ „ლივერპულისთვის“ ძალიან მნიშვნელოვანი ფეხბურთელია. ნებისმიერი სხვა გუნდის მოთამაშე რომ ყოფილიყო ასევე იქნებოდა. ახლა, იმედი მაქვს, რომ მართალია ჩემპიონატი ბრწყინვალედ ვერ დავიწყეთ, მაგრამ გაზაფხულზე ყველა იტყვის, რომ „ლივერპულსა“ და ტორესს საუცხოო სეზონი ჰქონდათ“.რასაკვირველია, ბოლო ტურის ცენტრალური შეხვედრის გამოხმაურება სრულყოფილი არ იქნებოდა დამარცხებულთა მწვრთნელის კარლო ანჩელოტის კომენტარსაც რომ არ გავცნობოდით. შორიდან შთაბეჭდილება ასეთი დარჩა: შესაძლოა „ლურჯები“ პრემიერლიგის ცხრილს ჯერ კიდევ ლიდერობენ, მაგრამ „ლივერპულთან“ მათ მოწინააღმდეგეზე სუსტად ითამაშეს. ერთი სიტყვით, „ჩელსის“ აჯობეს. შესაძლოა ეს იმანაც გამოიწვია, რომ ანჩელოტის განკარგულებაში არ იყვნენ ფრენკ ლემპარდი და მიკაელ ესიენი, დიდიე დროგბა კი სათადარიგოთა სკამზე იჯდა და თამაშში მოგვიანებით ჩაერთო.„მეტოქის გუნდში ყველა ფეხბურთელი მოწადინებული და კარგი იყო, ამიტომაც მათ დამსახურებულად გაიმარჯვეს. რაც შეგვეხება ჩვენ, ცუდად ვითამაშეთ. პირველ ტაიმში სისწრაფე გვაკლდა. თავიდან ცუდად რომ დავიწყეთ და ჩამოვრჩით, მერე, კალაპოტში დაბრუნებას დრო დასჭირდა, მოწინააღმდეგემ კი თავის ნახევარზე სივრცეები მჭიდროდ გადაგვიკეტა. მიუხედავად იმისა, რომ შესვენების შემდეგ უკეთ ვთამაშობდით ვიდრე შესვენებამდე, მატჩის ბედის შემოტრიალება არ მოხერხდა. ყველა ღონე ვიხმარეთ, მაგრამ არაფერი გამოგვივიდა“.უკვე რამდენჯერმე აღვნიშნეთ, რომ „ჩელსის“ შთამბეჭდავი ლიდერობა ორქულიან უპირატსობამდე დავიდა, თუმცა დასავლეთ ლონდონელთა თავკაცი პანიკას არ მისცემია. ის ამბობს, რომ ჯერ ერთი ძალიან კარგად იცოდა „ლივერპულთან“ იოლად რომ ვერ გაისეირნებდა და მეორეც, ლიდერობა ყოველთვის ძნელი საქმეა. ქვემოდან ყველა გქაჩავს, რათა მწვერვალიდან ჩამოგაგდოს.„ძალიან კარგად მოგვეხსენება, რომ ლიდერობის კიდე და კიდევ განმტკიცება უძნელესი, თითქმის შეუძლებელი საქმეა. ჩვენ ნერვიულობის უფლება არ გვაქვს, აი, ყურადღება კი უნდა მოვიკრიბოთ. მართალია წავაგეთ, მაგრამ მდგომარეობა ცუდი ნამვილად არ არის. ახლა ოთხშაბათს „ფულჰემს“ ვმასპინძლობთ და ამ შეხვედრისთვის უნდა მოვემზადოთ. შეადარეთ ჩვენი მდგომარეობა სხვა გუნდებისას. რასაკვირველია, ჩვენ უკეთეს მდგომარეობაში ვართ“.ყოველდღიური სპორტული გაზეთი"ლელო"

ონანა კარიერას სავარაუდოდ, თურქეთში განაგრძობს

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!