<p>აშკარაა, რომ რაღაც ხდება - სადავო არაა, რომ გამოუცდელი მოთამაშეებით გუნდი უმაღლეს ლიგაში გადასასვლელად ვერ იბრძოლებს <br> 16 ივნისს "გაგრაში" მნიშვნელოვანი საკადრო ცვლილებები დაიწყო - ხელმძღვანელობა გამოცდილ მოთამაშეებს შეელია და აქცენტი დუბლშემადგენლობის მოთამაშეებზე გააკეთა.</p><p>კლუბმა თანამშრომლობა 12 ფეხბურთელთან შეწყვიტა - სოსო მალანიასთან, გიორგი მარგიანთან, თეიმურაზ ჯანაშიასთან, კოტე ზარნაძესთან, ვაჟა გაბესკირიასთან და დიმიტრი ლაშქარავასთან.</p><p>მათ გარდა, კონტრაქტი შეუწყდა ალექსანდრე ივანიშვილს, ხოლო ტრანსფერზე დააყენეს კლუბთან მოქმედი კონტრაქტების მქონე მეკარე გიორგი ბეგაშვილი, მცველი ლაშა კალანდაძე, ნახევარმცველები ნიკა ჭკუასელი და გიორგი ერისთავი.</p><p>სულ ბოლოს კონტრაქტი შეუწყდა თავდამსხმელ უმარ მაგაჯის. ეს 1-ელ ივლისს მოხდა. 21 წლის ნიგერიელმა თავდამსხმელმა გუნდთან სამწლიანი კონტრაქტი 2011 წლის აგვისტოში გააფორმა და თავი საკმაოდ კარგად წარმოაჩინა, მაგრამ ჯერ კიდევ გუნდის უმაღლეს ლიგაში გამოსვლისას ჯვარედინი იოგები გაუწყდა და ოპერაციისა და რეაბილიტაციის მიუხედავად, ფორმა ვერ აღიდგინა.</p><p>"გაგრას" მთავარი მწვრთნელის, ზვიად ჯელაძის თქმით, მაგაჯიმ ბევრი ის კარგი თვისება დაკარგა, რომელიც ტრავმამდე სხვებისგან გამოარჩევდა. ამიტომაც აფრიკელთან დაშორება ამჯობინეს...</p><p>გამოცდილი მოთამაშეების ნაცვლად, შემადგენლობაში "გაგრა-2"-ისა და "გაგრა-3"-ის ფეხბურთელები დააწინაურეს. მიზეზად ის დასახელდა, რომ უმაღლეს ლიგაში გუნდების 16 ან 18-მდე გაზრდა გამოირიცხა და "გაგრასა" და პირველი ლიგის კიდევ რამდენიმე მონაწილის იმედები არ გამართლდაო.</p><p>გუნდში რჩება ნიგერიელი თავდამსხმელი ჯონ ჯერემია, რომელიც გასულ სეზონში გუნდის საუკეთესო ფეხბურთელი და ბომბარდირი იყო (22 გოლი), მაგრამ მას უცხოეთისკენ უჭირავს თვალი. უნდა ვივარაუდოთ, რომ გუნდი მასაც გაყიდის.</p><p>აშკარაა, რომ გუნდში რაღაც ხდება. სადავო არ უნდა იყოს, რომ გამოუცდელი მოთამაშეებით გუნდი უმაღლეს ლიგაში გადასასვლელად ვერ იბრძოლებს. არადა, დაარსების დღიდან, "გაგრა" მუდამ უმაღლეს და პირველ ლიგებს შორის იყო გამოკიდებული, მაგრამ ბრძოლას არ წყვეტდა. ახლა კი ისე გამოჩნდა, რომ ამის სურვილიც დაკარგეს.</p><p>რა ხდება გუნდში? მართალია თუ არა გავრცელებული ხმები, თითქოს "გაგრა" პირველ ლიგაშიც აღარ იასპარეზებს?</p><p>ფედერაციის ყრილობის შემდეგ "გაგრას" პრეზიდენტთან, ბესიკ ჩიხრაძესთან ამის შესახებ გვსურდა ლაპარაკი, მაგრამ მისმა პასუხმა გული დაგვწყვიტა:</p><p>"შესაძლოა, ეს ჩემი ბოლო ყრილობა იყოს. ამიერიდან, ალბათ, ფეხბურთს სხვაგვარად მივხედავ", - გვითხრა ჩიხრაძემ.</p><p>მაგრამ ჩვენი მცდელობის მიუხედავად, მეტი აღარაფერი უთქვამს - სხვა დროს იყოსო.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
ლიდერი ისევ "დილაა"; "ტორპედომ" კი იბერიელებს აჯობა
"გაგრას" ლიუბენოვიჩი ჩაუდგა სათავეში
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა