<p>ქართველმა ჭაბუკებმა წარმატებით მაიამიში მიმდინარე მსოფლიოს ჩემპიონატზე გამოსვლა დაიწყეს <br> ქართველმა ჭაბუკებმა წარმატებით დაიწყეს გამოსვლა მაიამიში მიმდინარე მსოფლიოს ჩემპიონატზე.</p><p><strong>ირაკლი ცირეკიძის</strong> შეგირდებმა პირველივე დღეს 3 მედალი მოიპოვეს.</p><p>ცირეკიძეს განსაკუთრებით საამაყოდ უმჩატეს წონაში (50 კგ) ჰქონდა საქმე, სადაც ორივე შეგირდი ნახევარფინალში გავიდა, თუმცა იქ მათი გზები გაიყო.</p><p><strong>რობიზონ ბეგლარიშვილი</strong> წლეულს ჩინებულ სეზონს ატარებს - ივნისში ტალინში ევროპის პირველობაზე ბრინჯაო მოიპოვა, ახლა კი ეს შედეგი გააუმჯობესა.</p><p>მოლოდინისამებრ, მაიამიში მან თავიდან უპრობლემოდ "დააიპონა" ბარბადოსელი ტრისტან ფორდე, ვისაც მალე, ასევე წმინდა მოგებით, ბრაზილიელი კაინან პირესიც ზედ მიაყოლა.</p><p>ამის შემდეგ, ბეგლარიშვილმა ორჯერ იმარჯვა ვაზარით - მონღოლ ამარტუვშინ ბაიარაასთან და ნახევარფინალში - იაპონელ ვატარუ უმეკიტასთან.</p><p>ფინალში ჩვენებურის მეტოქე აზერბაიჯანელი ნატიკ გურბანლი იყო, ვინც მის გვერდით იდგა წლევანდელი ევროპირველობის კვარცხლბეკზე.</p><p>მათ დავას უნდა გადაეწყვიტა, ვინ ჩაამთავრებდა სეზონს უკეთესი შედეგით. თუმცა ბეგლარიშვილს ჯავრიც ჰქონდა ამოსაყრელი - ნახევარფინალში აზერბაიჯანელმა <strong>თორნიკე ნაგლიაშვილი</strong> დაგვიმარცხა.</p><p>ნაგლიაშვილის კარიერას ხელის ტრავმამ ავბედითი დაღი დაასვა და ევროპის პირველობაც გამოატოვებინა.</p><p>მაიამიში ურიგოდ არც მას უჭიდავია, განსაკუთრებით ძლიერად კი პირველი შეხვედრა ჩაატარა არგენტინელ დანიელ ვიერასთან - მისი უპირატესობა ვაზარით და იპონით გამოისახა.</p><p>თურქ ოგუზან კარაჩასთან გაუჭირდა, თუმცა იუკოთი მაინც აჯობა, ყაზახ კანატ საილხანთან კი მორიგი იპონი მიითვალა. ამას მოჰყვა წმინდა წაგება ნახევარფინალში გურბანლისთან, ბრინჯაოსთვის შეხვედრაში.</p><p>ჭაბუკებში ევროპის შარშანდელი ჩემპიონი (ოღონდ, 50-ში) არხოზაშვილი წლეულს დუბლთან იყო ახლოს - ევროპის ახალგაზრდული ოლიმპიური ფესტივალის გამარჯვებული მეორე ოქროსაც მიუახლოვდა და ნახევარფინალში გავიდა, სადაც მისი წინსვლა ყაზახმა ბაიურზან ზაუინტაევმა იპონით შეაჩერა.</p><p>ისე კი, არხოზაშვილს მაიამიშიც ნაცნობ ფალავნებთან მოუწია პაექრობამ - მეორე შეხვედრაში გერმანელი მორიტც პლაფკი (ვისაც შარშანდელ ევროფინალში მოუგო) დააგდო ჯერ იუკოზე, მერე - ბეჭებზეც.</p><p>ბრინჯაოსთვის შეხვედრაში არხოზაშვილს ჰოლანდიის სახელით მოასპარეზე თორნიკე ჭკადუა ერგო, რომელსაც ივლისში ჰოლანდიაშივე ევროპის ახალგაზრდულ ოლიმპიურ ფესტივალზე აჯობა...</p><p>არხოზაშვილმა ტურნირი ძლიერად ჩაატარა - გერმანელის გარდა, პირველივე ორთაბრძოლაში ბოტსვანელ გავინ მოგოპაც სუფთად დააგდო, უზბეკ კემრან მირალიევს კი ვაზარით მოუგო, თუმცა ამას ორი იუკოც მიაყოლა, ანუ, მთლიანობაში, სამი ილეთი გაუკეთა.</p><p>სამწუხაროდ, ამავე წონაში მერვედფინალიდან გამოეთიშა ჩემპიონატს <strong>ბექა ნათათრალაშვილი</strong>.</p><p>მოლოდინისამებრ, ჭაბუკებში ევროპის შარშანდელმა ვიცე-ჩემპიონმა იოლად სძლია ბოტსვანელ ედვინ სელოს (იპონი), მაგრამ გაუჭირდა კოლუმბიელ ანდრეს ოლივეროსთან - მხოლოდ იუკოთი აჯობა. თუმცა ბრიტანელთა ევროპის ბრინჯაოს პრიზიორ პეტერ მილესთან ესეც სანატრელი გაგვიხდა - სამწუხაროდ, სამივე სინჯის გდება გაუშვა და სუფთად წააგო.</p><p>არადა, ივლისში არხოზაშვილმა კუნძულელს დამაჯერებლად მოუგო ოლიმპიური ფესტივალის ფინალში.</p><p>9 აგვისტოს ჩემპიონატის ყველაზე დაძაბული დღე გვაქვს - აქეთ ბიჭების ქომაგობა, იქით - გოგონების.</p><p>48 კილოგრამში ევროპის წლევანდელი ბრინჯაოს პრიზიორი <strong>მზია ბებოშვილი</strong> (48) თავდაპირველად ტაივანელ სინ-ლეი ცაის დაეჭიდება, <strong>სალომე მარგიანი</strong> - ალჟირელ სადია ამრანეს.</p><p>ჩვენი გუნდის ლიდერი, ევროპის პირველი ჩემპიონი ქართველ ქალთაგან <strong>მარიამ ჯანაშვილი</strong> (52) პირველ წრეში თავისუფალია, ისი მეტოქე კი პორტუგალიელ ჟოანა ფერნანდესისა და ნიგერიელი მოუნირატოუ ჯიბოს ბრძოლაში გაირკვევა. ამავე წონაში გურანდა შოთაძე პირველივე წრეში ფრანგ ასტრიდე გნეტოს შეხვდება.</p><p>ბიჭებში 60 კილოგრამში პირველივე წრეში იასპარეზებს ოლიმპიური ფესტივალის ჩემპიონი <strong>გიორგი კაციაშვილი</strong> - სამხრეთ აფრიკელ სერ-შელდინ კაჩელჰოფერს ხვდება.</p><p>ჩვენებური საკმაოდ ძლიერ ჯგუფშია - აქაა იაპონელ ტაკუმი ოშიმა და აზერბაიჯანელი ევროპის წლევანდელი გამარჯვებული, ოლიმპიური ფესტივალის მესამე პრიზიორი ჰიდაიატ ჰეიდაროვი. მას ფესტივალზე გამარჯვება სწორედ ჩვენებურმა არ დაანება და, იმედია, ტრადიცია არც ამჯერად დაირღვევა.</p><p>9 აგვისტოს ორი მონაწილე გვეყოლება 66-შიც - ოლიმპიური ფესტივალის მესამე პრიზიორი <strong>სიმონ მამარდაშვილი</strong> მასპინძელ ბრანდონ უორტენს ხვდება, ევროპის შარშანდელ ჩემპიონსა და წლევანდელ მედალოსან <strong>კობა მჭედლიშვილს</strong> კი გაბონელი ჰარნოლდ ოუველოუ კოუსოუ ერგო.</p><p><span style="color: #ff0000;"><strong>კვარცხლბეკი</p><p></strong></span><strong>ვაჟები</p><p></strong>50 კგ. 1. ნატიკ გურბანლი (აზერბაიჯანი); 2. რობინზონ ბეგლარიშვილი (საქართველო); 3. იორ ვერსტრაეტენი (ბელგია), ამარტუვშინ ბაიარაა (მონღოლეთი); 5. თორნიკე ნაგლიაშვილი (საქართველო).</p><p>55 კგ. 1. ბაიურზან ზაუინტაევი (ყაზახეთი); 2. ელიოს მანზი (იტალია): 3. თორნიკე ჭკადუა (ჰოლანდია), პეტერ მილესი (ბრიტანეთი); 5. ერეკლე არხოზაშვილი (საქართველო).</p><p><strong>გოგონები</p><p></strong>40 კგ. 1. ჰონოკა იამაუჩი (იაპონია); 2. ლეილა ალიევა (აზერბაიჯანი); 3. ცვეტელინა ცვეტანოვა (ბულგარეთი), ჟულიანა როდრიგესი (ბრაზილია).</p><p>44 კგ. 1. მარი სუძუკი (იაპონია); 2. კინშო მიჰალოვიჩი (უნგრეთი); 3. მარუსა სტანგარი (სლოვენია), ანასტასია ტურჩევა (რუსეთი).</p><p><strong>ყოველდღიური სპორტული გაზეთი "ლელო"</strong></p>
giorgi12345
არხოზაშვილი დააძინე და მესამესთვის აგარ მისცეს ჭიდაობის უფლება თემ მედალს აიღებდა
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ზურაბ ზვიადაური: დავით ქევხიშვილი უნდა გადადგეს
ირაკლი ცირეკიძის ინტერვიუ და ევროპის ჩემპიონატის შეფასება, სანამ ნაკრებიდან გაათავისუფლებდნენ
ბექა ღვინიაშვილი: ჩემი აზრით, ამისგან ტრაგედიის შექმნა არ შეიძლება
საქართველოს ნაკრებმა ანტალიის ტურნირზე 12 მედალი მოიპოვა
ოლიმპიური ჩემპიონი ირაკლი ცირეკიძე იაპონიაში დააკავეს?
ქართველი ძიუდოისტების ბედისწერა ოლიმპიადაზე და ოქროს "დაწესებული" რაოდენობა - ბექაური, რომელსაც სწამს!..
დავით ქევხიშვილმა ძიუდოს ნაკრების მწვრთნელობის ერთ-ერთი კანდიდატი დაასახელა
საქართველოს ჭაბუკი ძიუდოისტები მაიამიში არასრული გუნდებით იასპარეზებენ