<p>საქართველოს თავისუფალი სტილით მოჭიდავეთა ნაკრების ერთ-ერთი მწვრთნელი განვლილ შეჯიბრებას აფასებს <br> ვანაძორში (სომხეთი), მსოფლიოს ჩემპიონ სტეპან სარქისიანის სახელობის ტურნირზე, თავისუფალ ჭიდაობაში საქართველოს ნაკრებმა 2 ოქროს, 1 ვერცხლის და 5 ბრინჯაოს მედალი მოიპოვა.</p><p>ეს შეჯიბრება ტრადიციულია და ჩვენი ნაკრებიც ხშირად მონაწილეობს, მაგრამ ვინაიდან იგი წლეულს უწინდელთან შედარებით გაცილებით მაღალი დონის იყო, იქ ნაჩვენები შედეგები ჭიდაობის ქომაგთათვის გაცილებით საინტერესო გამოდგა.</p><p>ნაკრების ხელმძღვანელობას კი მსოფლიოს ჩემპიონატისთვის (16-22 სექტემბერი, ბუდაპეშტი) მზადების გზაზე გარკვეული დასკვნების გამოტანის საშუალება მისცა.</p><p>შეჯიბრების შეფასება ჩვენი ეროვნული ნაკრების ერთ-ერთ თავკაცს, დავით პოღოსიანს ვთხოვეთ.</p><p>- ადრე სარქისიანის ტურნირი მსოფლიოს ჩემპიონატის შემდეგ ტარდებოდა და წამყვანი საჭიდაო ქვეყნების ინტერესსაც ნაკლებად იწვევდა. წლეულს, ვინაიდან წინმსწრებად გაიმართა, არაერთი ქვეყნის გუნდმა სწორედ მსოფლიო ჩემპიონატისათვის სამზადისში ერთ-ერთ საფეხურად გამოიყენა.</p><p>საქართველოს ნაკრებთან ერთად ვანაძორის ხალიჩაზე უძლიერესი გუნდებით გავიდნენ აშშ, რუსეთი, უკრაინა, ირანი, ყაზახეთი და ცხადია, თვითონ სომხეთიც. აღსანიშნავია, რომ მასპინძლებმა სასტუმროს და კვების ყველა ფინანსური ხარჯი თავად გასწიეს, ჩვენ მხოლოდ მგზავრობისას გვქონდა მატერიალური დანახარჯი - გვითხრა თავდაპირველად დავით პოღოსიანმა.</p><p><strong>- ოქროს მედლები ქართველებმა ყველაზე მსუბუქ და მძიმე წონით (55, 120 კგ) კატეგორიებში მოიპოვეს...</p><p></strong>- დიახ, გიორგი ედიშერაშვილი (55) ძალიან კარგ ფორმაშია. სომხეთშიც დამსახურებულად გაიმარჯვა. ახლა მწვრთნელები ყველაფერს ვაკეთებთ, რომ ის არ გადაიღალოს და მსოფლიოს ჩემპიონატზე მაქსიმალური წარმატებით გამოვიდეს.</p><p>სასიხარულოა, რომ გიორგი საკანდელიძე (120), საქართველოს თასზე მეორე ადგილზე გასვლის მიუხედავად, არ მოდუნებულა, მონდომებით ვარჯიშობს, შეკრებებზე თავი არ დაუზოგავს სათანადო კონდიციებში შესასვლელად და აი, შედეგიც არის. გიორგიმ ორი შეხვედრა დამაჯერებლად მოიგო, ხოლო ფინალში უკრაინელი ალან ზასიევი არ გამოუცხადდა და კვარცხლბეკის უმაღლეს საფეხურზე ავიდა.</p><p><strong>- მარსაგიშვილის მეორე პოზიცია მართალია, არაა ურიგო, მაგრამ მისგან ასეთ შეჯიბრებებზე მაინც მივეჩვიეთ უდავო გამარჯვებას...</p><p></strong>- მარსაგიშვილი საზარდულის ტრავმის მკურნალობის გამო ევროპის ჩემპიონატის მერე მხოლოდ ბოლო ორ შეკრებაზე დაიტვირთა სათანადოდ, თუმცა დიდი შეჯიბრების მოსაგებად ეს საკმარისი არ აღმოჩნდა.</p><p>დათო ფინალში ამერიკელ კლეიტონ ფოსტერთან იგებდა. მართალია, მერე სამი ქულა დაკარგა და ჭიდაობა აერია, მაგრამ პრობლემა უფრო ის იყო, რომ ბოლოსკენ დაიღალა, რაც არ უნდა მომხდარიყო.</p><p>უახლოეს შეკრებაზე მწვრთნელები ვიმუშავებთ მის ფუნქციურ მომზადებაზე. სხვა მხრივ დათოს მზადების პროცესში ცვლილებების შეტანა არ არის საჭირო.</p><p><strong>- ლადო ხინჩეგაშვილმა (60) მსოფლიოს ოთხგზის ჩემპიონ ბესიკ კუდუხოვთან (რუსეთი) წააგო და მესამეზე დარჩა. მარცხის მიზეზებზე რას გვეტყვით?</p><p></strong>- სამწუხაროა, რომ ასეთი ტიტულების პატრონი, როგორიც კუდუხოვია, უკადრებელს კადრულობს გამარჯვებისათვის.</p><p>იგი ტანზე მთლად საცხწასმული გამოვიდა და შეხვედრის მიმდინარეობისას უკბინა კიდეც ჩვენს სპორტსმენს. ლადოს სისხლი სდიოდა ნაკბენიდან, აჩვენა კიდეც მსაჯს იარა, მაგრამ ამ ყოველივეს სათანადო რეაგირება არ მოჰყოლია.</p><p>ვფიქრობ, სომხეთში კუდუხოვის ერთადერთი მიზანი ლადოსთვის ნებისმიერ ფასად მოგება იყო და მან ეს შეძლო. თუმცა არა უშავს, მთავარია, ხინჩეგაშვილი მსოფლიოს ჩემპიონატზე გამოვიდეს საუკეთესოდ.</p><p><strong>- ხუთი ბრინჯაოს პრიზიორიდან უმეტესობამ დიდებს შორის უცხოეთში პირველი მედლები მოიპოვა</strong><strong>...</p><p></strong>- ლევან ქელეხსაშვილისთვის (66) მართლაც ეს პირველი მედალი იყო საზღვარგარეთ მოპოვებული. მან ფინალში გადასასვლელი წააგო ამერიკელ ბრენტ მეტკალფთან, რომელიც შემდეგ ჩემპიონიც გახდა, თუმცა დასანანია, რომ ანგარიშით 3:3-ზე, პაექრობის დასრულებამდე 6 წამით ადრე დაკარგა ჩვენმა სპორტსმენმა წამგებიანი ქულა.</p><p>საქართველოს თასზე ბრძოლისუნარიანობით დაგვამახსოვრა თავი ზვიად ახობაძემ (96) და სომხეთშიც ამიტომ წავიყვანეთ საშეჯიბრო პრაქტიკის შესავსებად. მან იქაც ძალიან კარგი შთაბეჭდილება დატოვა, მხოლოდ გამოუცდელობის გამო წააგო ნახევარფინალური დაპირისპირება.</p><p>არადა, 4:2-ს იგებდა სომეხ ედგარ ენუქიანთან, მაგრამ მოინდომა, ეფექტური გდებით ბარემ ხელი მოეთავებინა, თუმცა საპირისპირო გამოუვიდა და დამარცხდა. მესამე ადგილზე გავიდა აგრეთვე გიორგი სანოძეც (74). ის კარგი ახალგაზრდაა, თუმცა დახვეწა სჭირდება.</p><p>74 კგ-ში დავით ხუციშვილის არყოფნაში ძალიან გვიჭირს, ამ ეტაპზე კი აღნიშნულ წონაში ლიდერი იაკობ მაქარაშვილია.</p><p><strong>- სამწუხაროდ, ოლიმპიურმა პრიზიორმა დავით მოძმანაშვილმა (120 კგ) კვლავ ვერ უწია კვარცხლბეკს...</p><p></strong>- მე ისევ ვრჩები იმ პოზიციაზე, რაც ადრე "ლელოსთან" ინტერვიუშიც განვაცხადე. მოძმანაშვილი არ იყენებს იმ უზარმაზარ პოტენციალს - რაც გააჩნია, თორემ მისი გამჩერებელი ძნელად თუ მოიძებნება სადმე. ვანაძორში დავითმა საკანდელიძესთან წააგო.</p><p>ეს უკანასკნელი უფრო მონდომებული იყო, მეტს ცდილობდა, ეძებდა ქულების ასაღებად გზებს. მოძმანაშვილს კი უნდა, შეხვედრის მანძილზე ერთი შეტევით გადაწყვიტოს საუკეთესოს ბედი, რასაც თავადაც ხედავს, რომ საკმარისი არ არის.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ქართველმა თავისუფალი სტილით მოჭიდავეებმა მსოფლიო ჩემპიონატი მარცხით დაიწყეს
"ბევრჯერ მითხრეს, ევროპის ორგზის ჩემპიონს, მეტი საქმე არ გაქვს, ამ ბავშვებს რომ დასდევო..."
მინსკი 2019: ვლადიმერ ხინჩეგაშვილმა ჩეჩენ ფალავანს სძლია და ფინალში გავიდა [VIDEO]
ევროპის ჩემპიონატი ჭაბუკებში: მარიამ კარელიძის ისტორიული მედალი
ოლიმპიადამდე შეცდომებზე ვიმუშავებთ - ინტერვიუ დავით პოღოსიანთან
მინსკი 2019: ვლადიმერ ხინჩეგაშვილი ალიევთან დამარცხდა და ვერცხლის მედალს დასჯერდა [VIDEO]
საქართველოს თავისუფალი სტილით მოჭიდავეთა ნაკრების შემადგენლობა მსოფლიოსთვის ცნობილია
მადრიდის ტურნირი: სანდრო ამინაშვილმა ყველა კითხვის ნიშანი მოხსნა [VIDEO]
მინსკი 2019: ქართველი სპორტსმენების 27 ივნისის განრიგი
ბეგი დარჩია დააბრუნეს, რევაზ მინდორაშვილი დატოვეს?
"ყველაზე უადგილო მომენტი და ყველაფერი დასრულებულია..." - სამწუხაროდ, ოლიმპიადას მოქმედი ჩემპიონი გამოტოვებს...
"მასთან შეხვედრის შემდეგ მივხვდი..."