ვინ ვის ეზოშია მაგარი?

”ჩელსის” ვარსკვლავები ამას ნამდვილად არ ელოდნენ იმას, რაც კვირას „სანდერლენდთან“ შეხვედრაში ნახა, „ჩელსის“ თავკაცმა კარლო ანჩელოტიმ „სტემფორდ ბრიჯზე“ მისი მუშაობის პერიოდში ყველაზე ცუდი თამაში უწოდა. მოგეხსენებათ, პრემიერლიგის მე-13 ტურში ინგლისის ჩემპიონმა და მიმდინარე პირველობის ლიდერმა სტივ ბრუსის გუნდთან 3:0 წააგო. დასავლეთ ლონდონელთა კარში გოლები გაიტანეს ნედუმ ონუოჰამ, ასამოა გიანმა და დენი უილბეკმა. ამავე დღეს გაიმარჯვა „არსენალმა“ - ლივერპულში „ევერტონს“ 2:1 აჯობა, რის გამოც პირველ და მეორე ადგილებს შორის სხვაობა ორ ქულამდე შემცირდა. ერთი სიტყვით, ის შთამბეჭდავი უპირატესობა, რომელიც „ლურჯებს“ ცხრილში რამდენიმე ტურის წინ ჰქონდათ, ქარმა წაიღო და იტალიელი მწვრთნელი პრესკონფერეციაზე გაბრაზებული და შეფიქრიანებული დატოვა. ანჩელოტიმ თქვა:„ჩვენ ცუდად ვითამაშეთ. „სანდერლენდი“ პირიქით, ფანტასტიკური იყო, შემართებული და საბრძოლო სულისკვეთებით. მეტოქეს თამაშისადმი მენტალურად სწორი დამოკიდებულება ჰქონდა. თუკი გამარჯვებისადმი სწრაფვას არ ამჟღავნებ, რასაკვირველია წააგებ, ამაში გასაკვირი არაფერია. თქვენ მეკითხებით, რაც „ჩელსის“ მწვრთნელი ვარ გუნდმა დღეს ყველაზე ცუდად თუ ითამაშა? ვფიქრობ დიახ, დღეს ყველაზე ცუდად ვითამაშეთ. მართლაც საშინელება იყო, მაგრამ ფეხბურთში ასე ხდება. თუ არც ფორმაში ხარ და მონდომებასაც აკლებ, დამარცხდები“.მკითხველს მოეხსენება, რომ ამ თამაშამდე სამი დღით ადრე, ხუთშაბათს, „ჩელსიში“ უცნაური რამ მოხდა – რეზერვისტთა თამაშის შესვენებისას, მოულოდნელად სამსახურიდან ანჩელოტის ასისტენტი რეი უილკინსი გაუშვეს. გაჩნდა ეჭვი, რომ უილკინსის გაშვება და „სანდერლენდთან“ მარცხი კლუბში მიმდინარე ერთი ფარული პროცესის ორი გამოვლინებაა, მაგრამ იტალიელმა ეს უარყო. მან აგრეთვე თქვა, რომ „სანდერლენდთან“ შეხვედრაში ჯონ ტერის არყოფნაც უბრალო დამთხვევაა. „ჩელსის“ კაპიტანმა შაბათს ვარჯიშზე ორთავა კუნთი იტკინა და ოთხშაბათს ინგლისისა და საფრანგეთის ნაკრებთა ამხანაგურ შეხვედრაშიც ვერ მიიღებს მონაწილეობას.და თუკი „ჩელსის“ თავკაცისთვის კვირა მისი სამსახურში ყოფნის უარესი დღე იყო, გამარჯვებულთა მწვრთნელი სტივ ბრუსი სიხარულისგან ბრწყინავდა და ამბობდა, რომ რაც „სანდერლენდში“ მუშაობს ასე ამაყი არასდროს ყოფილა.„განა ხშირად უგებს ვინმე „ჩელსის“ მისავე ეზოში 3:0-ის? ასეთ რამეს კიდევ ვინ ან როდის მოახერხებს? დარწმუნებული ვარ ეს დიდი ხნის მერე თუ მოხდება. ძალიან ვამაყობ ბიჭებით. მათ საოცრად ითამაშეს. რამდენჯერ ვმჯდარვარ აქ, ამ საპრესკონფერენციო ოთახში მეტოქისგან „გატყეპილი“, დღეს კი, თქვენთან შესახვედრად რომ მოვემართებოდი ჩემს ასისტენტს ერიკ ბლექს ვუთხარი, რომ აშკარად რაღაც განსაკუთრებული გავაკეთეთ“.ძალიან გახარებული გახლდათ „არსენალის“ თავკაცი „არსენ ვენგერიც“, რომელმაც თქვა, რომ ისეთ ფეხბურთს, როგორიც მისმა ბიჭებმა „გუდისონ პარკზე“ ითამაშეს, მხოლოდ ჩემპიონები თუ თამაშობენ. გეხსომებათ, „მეთოფეებმა“ ამ თამაშამდე ერთი კვირით ადრე შინ წააგეს „ნიუკასლთან“ 1:0, მაგრამ ამას შემდეგ შვიდ დღეში ზედიზედ ორი მოგება მოაყოლეს, „ვულვერპჰემპტონთან“ და „ევერტონთან“. თან, „ევერტონს“ მანამდე ზედიზედ შვიდი თამაშიდან ერთიც არ წაეგო.მატჩის შემდეგ „არსენალის“ თავკაცმა არსენ ვენგერმა განაცხადა: „რა ხანია ვამბობ, რომ ყველა ის თვისება, რომელიც ჩვენ „გუდისონ პარკზე“ გამოვავლინეთ, გვაქვს. ესენია: გამარჯვების ჟინი, თავდადება, სათამაშო დისციპლინა, ერთსულოვნება და 90 წუთიანი კონცენტრაციის უნარი. ბოლო კვირის განმავლობაში სტუმრად გვქონდა ორი ძნელი თამაში და ორივე მოვიგეთ. არადა, ერთი კვირის წინ, „ნიუკასლთან“ რომ წავაგეთ, გულდაწყვეტილები ვიყავით. საბედნიეროდ, არ გავტყდით. ჩვენ საბრძოლო სულისკვეთება საკმარისზე მეტი აღმოგვაჩნდა, ხოლო ჩემპიონის ტიტულისთვის ბრძოლაში სწორედ ის თვისებებია გადამწყვეტი, რომლებიც ჩამოვთვალე“.„კვირას, „გუდისონ პარკზე“ „არსენალი“ მთელი 60 წუთის განმავლობაში ისე სჯობდა მეტოქეს, რომ ეჭვიც კი გაჩნდა, ამავე სტადიონზე გასულ სეზონში, 15 აგვისტოს მოგებული 6:1 არ გაიმეოროსო. თუმცა, ვენგერმა თავის გუნდს ხინჯიც უპოვნა: „როდესაც 2:0 გახდა, შევნიშნე, რომ ანგარიშის შენარჩუნება არასწორი ხერხით დავიწყეთ და სწორედ ამიტომ დავისაჯეთ - „ევერტონმა“ გოლი გაგვიტანა. ჩვენ მეკარემ გვიშველა, რამდენიმე ეპიზოდში ჩინებულად ითამაშა“.ბოლოს კი ჟურნალისტებმა მწვრთნელს ნიკლას ბენდტნერის ამბავი ჰკითხეს. დანიელი თავდამსხმელი, რომელიც „გუდისონ პარკზე“ სათადარიგოთა სკამზეც კი არ იყო, რამდენიმე დღის წინ დაიმუქრა, თუ აღარ მათამაშებენ, წავალო. ამაზე ვენგერმა უპასუხა:„ჩემთვის ეს ძალიან უსიამოვნო და რთული მდგომარეობაა. დღეს ბენდტნერი იმიტომ არ იყო, რომ საზარდული აწუხებს და მისი დასვენება გადავწვიტეთ. რაც შეეხება ზოგადად მის მომავალას, ამაზე ასე გიპასუხებდით: მას „არსენალთან“ კონტრაქტის თანახმად კიდევ სამი წელიწადი აკავშირებს და, შესაბამისად, პერსპექტივაც აქვს“.

“ჩემს ცოლს უთხრა, შენ ქმარს ძლიერი სპერმა აქვსო” - რუნიმ ვან გაალთან გატარებული პერიოდი გაიხსენა

ონანა კარიერას სავარაუდოდ, თურქეთში განაგრძობს

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

შენგელია: გასაკვირია ჯიკიჩი ევროლიგის გუნდს რომ არ წვრთნის

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!