ბენიტესი არაადეკვატურია

"ინტერს" ცუდი დროება უდგას - ოლო მატჩებში ქულები უხვად დაკარგა და თან, მილანური დერბიც წააგო "ინტერს" ცუდი დროება უდგას - ბოლო მატჩებში უხვად დაკარგა ქულები და ყველა სიკეთესთან ერთად, მილანური დერბიც წააგო. მოკლედ, რაფაელ ბენიტესს კრიტიკა არ აკლია და ისიც იძულებულია თავი იმართლოს. "მილანთან" განცდილი მარცხის შემდეგ, საპრესკონფერენციო დარბაზში მისვლა იოლი საქმე არ იყო, მაგრამ ესპანელმა გაბედა და შემდეგი განაცხადა:"არა მგონია, რომ ხასიათის სიმტკიცე ვერ გამომავლინეთ, უბრალოდ, "მილანმა" სწრაფი გოლი გაგვიტანა და შემდეგ, თამაში თავისი კარნახით წარმართა. საშუალო დონის გუნდებთანაც კი ძნელია ანგარიშის გათანაბრება, როდესაც მთელი გუნდით თავს იცავს მეტოქე და მით უმეტეს, "მილანთან", რომელსაც შესანიშნავი უკანახაზელები ჰყავს. მარკო მატერაციმ მხოლოდ ერთი შეცდომა დაუშვა და ისიც გაშვებულ გოლად დაგვიჯდა, დროის დარჩენილ ნაწილში უმაღლეს დონეზე იასპარეზა. ასე რომ, მასზე უარის თქმას ნამდვილად არ ვაპირებ. მარცხის მიზეზებზე უფრო დეტალურად საუბარი დღეს გამიჭირდება, თუმცა რამდენიმე პრობლემა მართლაც თვალშისაცემი გახლდათ. ძალიან ხშირად ვკარგავდით ბურთს მოედნის ცენტრში და ბოლო პასის გაკეთება გვიჭირდა. ამას ბევრი მიზეზი აქვს, პირველ რიგში კი ფეხბურთელთა არც თუ სახარბიელო სათამაშო კონდიცია უნდა აღვნიშნოთ. გასულ სეზონში, ვესლი სნეიდერი, დიეგო მილიტო და სამუელ ეტოო ფანტასტიკურ ფეხბურთს თამაშობდნენ, ამ სეზონში კი უჭირთ საუკეთესო თვისებების გამოვლენა".ბენიტესის ამ სიტყვებს იტალიაში დიდი გამოხმაურება მოჰყვა, რადგან ესპანელმა სამუელ ეტოოსაც დაუწუნა სათამაშო ფორმა. არადა, კამერუნელი მართლაც რომ ბრწყინვალე ფორმაშია და არ გადავაჭარბებთ თუ ვიტყვით, რომ წინა სეზონის ეტოოს არაფრით ჩამოუვარდება. მასიმო მორატი ბევრად უფრო ადეკვატური გახლდათ: "ძალიან ცუდად ვითამაშეთ და რა დასამალია, უკმაყოფილო ვარ. თუ ასე გავაგრძელეთ ასპარეზობა, არა მგონია, რომ ამ სეზონში რაიმე ღირებულს მივაღწიოთ. "მილანმა" ნორმალურად ითამაშა, მაგრამ არა იმდენად კარგად რომ მეტოქის კართან სახიფათო მომენტიც კი ვერ შეგვექმნა. ვფიქრობ, "ინტერი" არ იდგა მოწოდების სიმაღლეზე და სწორედ ამის გამო აიღო "როსონერიმ" ასე საჭირო სამი ქულა".ბენიტესის თემას უნდა დავუბრუნდეთ, რადგან ესპანელი სპეციალისტი ყოველმხრივ განხილვის საგანია. იტალიელი ჟურნალისტები იმაზე ამახვილებენ ყურადღებას, რომ "ინტერის" თავკაცი მთელი შეხვედრის განმავლობაში უჩვეულოდ ნერვიულობდა, ამასთან დაბნეული იყო. სხვას რას უნდა მივაწეროთ ის, რომ ორჯერ შეცვალა ბოლო წამს გადაწყვეტილება და მოედანზე გასაყვანი, დამოძღვრილი ფეხბურთელები კვლავ სათადარიგოთა სკამზე მიაბრუნა. ასე მოხდა მაშინ, როდესაც ობი დაშავდა და შესაცვლელი შეიქმნა - თავდაპირველად ესტებან კამბიასო გაამზადა მოედანზე შესაყვანად, თუმცა შემდეგ უკან მიაბრუნა არგენტინელი და კოუტინიო ჩართო თამაშში. ანალოგიური განმეორდა მარკო მატერაცის ტრავმის დროს - უკვე გამოცვლილი, დარიგებულ-დამოძღვრილი დავიდე სანტონი სკამზე დასვა და თამაშში ჯონათან ბიაბიანი ჩართო. რას უნდა ნიშნავდეს ეს ყველაფერი? - ასეთი გამოცდილების მქონე სპეციალისტი უჩვეულოდ დაბნეული და არაადეკვატურია, რაც "ინტერის" თამაშზეც შესაბამისად აისახება.ძალიან გახარებული გახლდათ მასიმილიანო ალეგრი, რაც მისი კომენტარიდან კარგად ჩანს: "სწრაფი გოლი გავიტანეთ, მეტოქე მდევრის როლში ჩავაყენეთ, რაც ასეთ მნიშვნელოვან პაექრობაში დიდი წნეხია. სანამ ათნი დავრჩებოდით მოედანზე, თამაშს ჩვენ ვაკონტროლებდით, შემდეგ კი დაცვაზე გადავეწყვეთ და ამ ამოცანასაც წარმატებით გავართვით თავი. ყველაზე მეტად დაცვის კარგმა თამაშმა გამახარა, რადგან ამ მხრივ სერიოზული პრობლემები გვქონდა. გამარჯვება დაშავებულ ფეხბურთელებს: ფილიპო ინძაგის და ალეშანდრე პატოს ეძღვნებათ. განსაკუთრებით პიპოს, რომელმაც სტადიონზე მოსვლაც კი ვერ შეძლო. მადლობა ყველას, ვინც ამ დიდ გამარჯვებაში წვლილი შეიტანა".

"ნაპოლი" მთავარი თავდამსხმელის გარეშე დარჩა

[VIDEO] კონტე წყობიდან გამოვიდა - "ნაპოლის" ამხანაგურ შეხვედრაში ასეთი რამ მოხდა...

კონტეს მადლობა ხვიჩას და შედარება "ახალ კვარად" წოდებულ ნოასთან

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა