<p><span style="line-height: 1.3em;">10 სექტემბ</span>ერს გასამართი შეხვედრების შემდეგ, შესაძლოა, მუნდიალის მონაწილე პირველი ევროპული გუნდების სახელები შევიტყოთ...<span style="line-height: 1.3em;" /> <br> </span>მსოფლიოს ჩემპიონატის ევროპის საკვალიფიკაციო ეტაპზე 10 სექტემბერს მორიგი სათამაშო დღეა. შესარჩევი ეტაპი დასასრულს უახლოვდება და თითოეულ ქულას მართლაც ოქროს ფასი აქვს.</p><p>ამ მატჩების შემდეგ, შესაძლოა, მუნდიალის მონაწილე პირველი ევროპული გუნდების სახელები შევიტყოთ...</p><p><strong><span style="color: #ff0000;">A ჯგუფი</span></strong></p><p><strong><span style="color: #ff0000;">ყველაზე უინტერესო</p><p></span></strong>ყველაზე უინტერესო ალბათ პირველი, A ჯგუფის შეხვედრებია, სადაც ერთმანეთს ბრიტანელები და ბალკანელები დაუპირისპირდებიან. ჯგუფის ლიდერები თავიანთ შეხვედრას ოქტომბერში გამართავენ, როდესაც ლიდერი ბელგია ხორვატიას ესტუმრება. 10 სექტემბერს კი მე-3-მე-6 ადგილებისთვის მებრძოლი გუნდები ითამაშებენ.</p><p>მაკედონია, რომელმაც რამდენიმე დღის წინ ბელგიაში მოთამაშე ტრიკოვსკის ("ვარეგემი") და ტრაიკოვკის ("მეხელენი") გოლების წყალობით უელსს სძლია, შოტლანდიას დაუხვდება და ზედიზედ მეორე გამარჯვების მოპოვებას ეცდება.</p><p>უელსი კი ეთამაშება სერბეთს, რომელმაც წინა ტურში ხორვატიასთან ფრედ ითამაშა და მუნდიალზე პირდაპირ, პირველი ადგილით მოხვედრის შანსები მიზერულამდე შეუმცირა.</p><p><strong>მაკედონია-შოტლანდია 22:30</p><p>უელსი-სერბეთი 22:45</strong></p><p><em>ა გ თ მ ფ წ ბ ქ</em></p><p>1. ბელგია 8 7 1 0 15-2 22</p><p>2. ხორვატია 8 5 2 1 11-5 17</p><p>3. სერბეთი 8 2 2 4 10-10 8</p><p>4. მაკედონია 7 2 1 4 5-8 7</p><p>5. უელსი 7 2 0 5 7-16 6</p><p>6. შოტლანდია 8 1 2 5 4-11 5</p><p><strong><span style="color: #ff0000;">B ჯგუფი</span></strong></p><p><strong><span style="color: #ff0000;">იტალიას მუნდიალზე გასვლა შეუძლია</span></strong></p><p>ამ ჯგუფში პირველ ადგილზე გასული გუნდის ვინაობა დიდი ხანია ცნობილია - იტალიას მუნდიალის საგზურის მოპოვება ახლავე შეუძლია. თუ "აძურამ" ჩეხეთს მოუგო, მას ვერავინ დაეწევა.</p><p>თავის მხრივ, მიხალ ბილეკის გუნდს ქულები ჰაერივით ესაჭიროება. ჩეხებმა წინა ტურში სომხეთთან წააგეს და მდგომარეობა უკიდურესად გაირთულეს.</p><p>მეორე ადგილისთვის მართლაც სამკვდრო-სასიცოცხლო ბრძოლაა გაჩაღებული. დანიასა და ჩეხეთში მოგებული მატჩების წყალობით, სომხეთმა ცხრა ქულა მოაგროვა და მეორე პოზიციის დაკავების შანსი გაიჩინა. ჩვენი მეზობლები დანიას უმასპინძლებენ, რომელსაც ივნისში გასვლაზე 4:0 მოუგეს.</p><p>კავკასიელებს შესაძლოა არ ჰყავდეთ არას ოზბილიზი, რომელმაც ჩეხეთთან შეხვედრის პირველ ტაიმში ტრავმა მიიღო.</p><p>ბულგარეთი მალტას ეწვევა და მიუხედავად იმისა, რომ ამ გუნდთან თამაში ისეთი იოლი აღარ არის, როგორც ადრე იყო, მიზნად მხოლოდ და მხოლოდ სამი ქულის აღებას დაისახავს.</p><p>ლუბოსლავ პენევის შეგირდები ჯგუფში მეორე ადგილზე არიან და სლავებს კონკურენტებთან შედარებით უკეთესი კალენდარიც აქვთ - მალტის შემდეგ ბულგარელები ჯერ სომხეთს ხვდებიან, ბოლო ტურში კი ჩეხეთს უმასპინძლებენ.</p><p><strong>სომხეთი-დანია 20:00</p><p>მალტა-ბულგარეთი 22:00</p><p>იტალია-ჩეხეთი 22:45</strong></p><p><em>ა გ თ მ ფ წ ბ ქ</em></p><p>1. იტალია 7 5 2 0 13-4 17</p><p>2. ბულგარეთი 7 2 4 1 11-5 10</p><p>3. ჩეხეთი 7 2 3 2 7-6 9</p><p>4. სომხეთი 7 3 0 4 8-9 9</p><p>5. დანია 7 2 3 2 8-10 9</p><p>6. მალტა 7 1 0 6 3-16 3</p><p><strong><span style="color: #ff0000;">C ჯგუფი</span></strong></p><p><strong><span style="color: #ff0000;">გადამწყვეტი ბრძოლა ვენაში</span></strong></p><p>ამ ჯგუფშიც დაახლოებით ანალოგიური მდგომარეობაა - გერმანიას პირველ პოზიციაში ვერავინ შეეცილება, ხოლო მეორე ადგილის დასაკავებლად სერიოზული ბრძოლაა მოსალოდნელი.</p><p>ირლანდიამ შვედეთთან უმნიშვნელოვანესი მატჩი წააგო. ჯოვანი ტრაპატონის გუნდი მეტოქეს სამი ქულით ჩამორჩა და თუ ახლაც დამარცხდა, მუნდიალზე ოცნებას უნდა შეეშვას, რადგან მომდევნო ტურში კუნძულელები გერმანიას სტუმრობენ, რომელთანაც ამ შესარჩევში 1:6 წააგეს.</p><p>ირლანდიელების მორიგი მეტოქე არის ავსტრია, რომელმაც ბოლოს სწორედ გერმანიასთან (0:3) წააგო. გამარჯვების შემთხვევაში, გადამწყვეტი მატჩი მარსელ კოლერის შეგირდებს 10 ოქტომბერს ექნებათ, როდესაც სტოკჰოლმს ესტუმრებიან.</p><p>თავის მხრივ, შვედები ყაზახეთში ჩადიან და იქიდან სამი ქულის წამოღებას ეცდებიან. თუ შვედებმა მიზანს ვერ მიაღწიეს, სიტუაცია უკიდურესად დაიძაბება და გარდა ამისა, გერმანია მუნდიალის საგზურს ორი ტურით ადრე გაინაღდებს.</p><p><strong>ყაზახეთი-შვედეთი 20:00</p><p>ფარერები-გერმანია 22:45</p><p>ავსტრია-ირლანდია 22:45</p><p></strong><em>ა გ თ მ ფ წ ბ ქ</em></p><p>1. გერმანია 7 6 1 0 25-7 19</p><p>2. შვედეთი 7 4 2 1 13-8 14</p><p>3. ავსტრია 7 3 2 2 15-8 11</p><p>4. ირლანდია 7 3 2 2 13-12 11</p><p>5. ყაზახეთი 7 1 1 5 4-16 4</p><p>6. ფარერები 7 0 0 7 3-22 0</p><p><strong><span style="color: #ff0000;">D ჯგუფი</span></strong></p><p><strong><span style="color: #ff0000;">თურქეთის უკანასკნელი შანსი</span></strong></p><p>სათამაშო დღის ერთ-ერთი ყველაზე საინტერესო მატჩი ბუქარესტში შედგება, სადაც რუმინეთს თურქეთი ეწვევა.</p><p>გამარჯვების შემთხვევაში, ვიქტორ პიცურკას შეგირდებს მეორე ადგილი, პრაქტიკულად, განაღდებული ექნებათ, რადგან ბოლო ორ ტურში ანდორას (სტუმრად) და ესტონეთს (შინ) ხვდებიან. თურქებმა უკანასკნელ სამი შეხვედრაში 7 ქულა მოაგროვეს, რამდენიმე დღის წინ კი ანდორა გაანადგურეს (5:0).</p><p>წინა ტურის მთავარი სენსაციის ავტორი ესტონეთის ნაკრები, რომელსაც ჰოლანდიის დასამარცხებლად წამები დააკლდა, ბუდეპეშტში იმგზავრებს და მორიგი მოულოდნელობის შემოთავაზებას ეცდება.</p><p>ანდორა-ჰოლანდიის მატჩზე კი სათქმელი ბევრი არაფერია. ლუის ვან გაალის შეგირდებს მუნდიალის ფინალური ეტაპის საგზურის მოპოვება შეუძლიათ. ამისთვის საჭიროა, რომ თავად იმარჯვონ, უნგრეთმა კი ესტონეთი ვერ დაამარცხოს.</p><p><strong>რუმინეთი-თურქეთი 22:00</p><p>უნგრეთი-ესტონეთი 22:30</p><p>ანდორა-ჰოლანდია 22:30</strong></p><p><em>ა გ თ მ ფ წ ბ ქ</em></p><p>1. ჰოლანდია 7 6 1 0 22-4 19</p><p>2. რუმინეთი 7 4 1 2 13-10 13</p><p>3. უნგრეთი 7 3 2 2 13-11 11</p><p>4. თურქეთი 7 3 1 3 12-7 10</p><p>5. ესტონეთი 7 2 1 4 5-11 7</p><p>6. ანდორა 7 0 0 7 0-22 0</p><p><span style="color: #ff0000;"><strong>E ჯგუფი</strong></span></p><p><strong><span style="color: #ff0000;">შვეიცარიის შანსი</span></strong></p><p>ყველაზე გაურკვეველი სიტუაცია სწორედ ამ ჯგუფშია. სლოვენიას, რომელიც მეხუთე ადგილზეა, შანსი აქვს, ტურნირის დამთავრებამდე ორი ტურით ადრე მეორე ადგილზე გადავიდეს, ხოლო ოტმარ ჰიტცფელდის შვეიცარიას პირველი ადგილის განაღდება შეუძლია.</p><p>ჯგუფის ცენტრალური მატჩი ოსლოში გაიმართება. ისლანდიასთან საოცარ შეხვედრაში (4:4) დაკარგული ქულების შემდეგ ჰიტცფელდის შეგირდებს დამარცხების უფლება აღარ აქვთ.</p><p>შვეიცარია მართლაც საინტერესო მდგომარეობაშია: თუ წააგო, არის შანსი, რომ ორი ტურით ადრე, მეოთხე ადგილზე მყოფ სლოვენიას მხოლოდ 3 ქულით უსწრებდეს (ისლანდია-ალბანეთი ფრედ არ უნდა დასრულდეს, ხოლო სლოვენიამ მოიგოს), ხოლო თუ მოიგო, მუნდიალის საგზურის მოპოვება 10 სექტემბერსვე შეუძლია (ისლანდია-ალბანეთი ფრედ უნდა დასრულდეს).</p><p>გამოღვიძებულ სლოვენიას (6 ქულა ბოლო ორ ტურში) კვიპროსში რთული მატჩი ელის. სრეჩკო კატანეცის შეგირდებს ქულების დაკარგვის უფლება აღარ აქვთ - ფრე ან მით უმეტეს წაგება მუნდიალზე ოცნებასთან გამოთხოვების ტოლფასი იქნება.</p><p><strong>ნორვეგია-შვეიცარია 20:00</p><p>კვიპროსი-სლოვენია 22:30</p><p>ისლანდია-ალბანეთი 23:30</strong></p><p><em>ა გ თ მ ფ წ ბ ქ</em></p><p>1. შვეიცარია 7 4 3 0 12-5 15</p><p>2. ნორვეგია 7 3 2 2 9-7 11</p><p>3. ალბანეთი 7 3 1 3 7-7 10</p><p>4. ისლანდია 7 3 1 3 12-13 10</p><p>5. სლოვენია 7 3 0 4 9-10 9</p><p>6. კვიპროსი 7 1 1 5 4-11 4</p><p><strong><span style="color: #ff0000;">F ჯგუფი</span></strong></p><p><strong><span style="color: #ff0000;">ფინალი სანკტ-პეტერბურგში</span></strong></p><p>F ჯგუფში გადამწყვეტი მატჩი უნდა გაიმართოს. დიახ, რუსეთის და ისრაელის დაპირისპირება, პრაქტიკულად, ფინალის ტოლფასია.</p><p>ისრაელმა აზერბაიჯანს ვერ მოუგო და თუ სანკტ-პეტერბურგში დამარცხდა, ელი გუტმანის შეგირდებისთვის, პრაქტიკულად, ყველაფერი დასრულდება. რუსეთს კი მსოფლიოს ჩემპიონატზე გასვლა 10 სექტემბერსვე შეუძლია.</p><p>არ გაგიკვირდეთ, მართალია, გამარჯვების შემთხვევაში ფაბიო კაპელოს შეგირდები პორტუგალიას მხოლოდ ერთი ქულით გაასწრებენ, მაგრამ საკმარისია, დარჩენილი ორი ტურის კალენდარს გადავხედოთ და მივხვდებით, რომ ეს მართლაც ფინალის ტოლფასი შეხვედრაა - მომდევნო ორ ტურში რუსეთი ლუქსემბურგს და აზერბაიჯანს ხვდება.</p><p>სლავები ორივე შეხვედრას სტუმრად კი ჩაატარებენ, მაგრამ გვეეჭვება, ამას გადამწყვეტი მნიშვნელობა ჰქონდეს.</p><p><strong>რუსეთი-ისრაელი 19:00</p><p>ლუქსემბურგი-ჩრდ. ირლანდია 22:15</strong></p><p><em>ა გ თ მ ფ წ ბ ქ</em></p><p>1. პორტუგალია 8 5 2 1 16-8 17</p><p>2. რუსეთი 7 5 0 2 12-3 15</p><p>3. ისრაელი 7 3 3 1 16-9 12</p><p>4. ჩრდ. ირლანდია 7 1 3 3 6-11 6</p><p>5. აზერბაიჯანი 8 0 5 3 4-10 5</p><p>6. ლუქსემბურგი 7 0 3 4 4-17 3</p><p><strong><span style="color: #ff0000;">G ჯგუფი</span></strong></p><p><strong><span style="color: #ff0000;">ბოსნია თუ საბერძნეთი?</span></strong></p><p>ბოსნიამ, ყველასთვის მოულოდნელად, სლოვაკეთთან წააგო და საბერძნეთს ქულებით გათანაბრების საშუალება მისცა.</p><p>მიუხედავად ამ მარცხისა, საფეტ სუშიჩის შეგირდები ჯერ ისევ "პოულ პოზიციაში" არიან და ლიდერობის შესანარჩუნებლად ბოსნიელებს ბრატისლავადან სამი ქულის წამოღება მართებთ.</p><p>სლოვაკეთის დედაქალაქში ბოსნიას ერთხელ უკვე მოგებული აქვს - 2010 წელს, ამხანაგურ შეხვედრაში სტუმრებმა 3:2 იმარჯვეს.</p><p>აღსანიშნავია, რომ იმ შეხვედრაში სლოვაკების მხრიდან ერთი გოლი თბილისის "დინამოს" ფეხბურთელმა პეტერ გრაიციარმა გაიტანა.</p><p>დარჩენილ ორ ტურში ბოსნიელებს შედარებით იოლი მატჩები აქვთ, ამიტომ გადამწყვეტი მათთვის 10 სექტემბრის შეხვედრა უნდა იყოს.</p><p>მეორე ადგილზე მყოფი საბერძნეთი ლატვიას უმასპინძლებს. სხვათა შორის, ლატვია, ბოსნიის გარდა, არის ერთადერთი გუნდი, რომელმაც ბერძნებს ამ შესარჩევში გოლი გაუტანა, თუმცა ის შეხვედრა ბალტიისპირელებმა მაინც წააგეს.</p><p><strong>ლიტვა-ლიხტენშტაინი 19:30</p><p>სლოვაკეთი-ბოსნია 22:15</p><p>საბერძნეთი-ლატვია 22:45</strong></p><p><em>ა გ თ მ ფ წ ბ ქ</em></p><p>1. ბოსნია 7 5 1 1 23-4 16</p><p>2. საბერძნეთი 7 5 1 1 8-4 16</p><p>3. სლოვაკეთი 7 3 3 1 8-5 12</p><p>4. ლატვია 7 2 1 4 8-15 7</p><p>5. ლიტვა 7 1 2 4 5-10 5</p><p>6. ლიხტენშტაინი 7 0 2 5 3-17 2</p><p><strong></strong><strong><span style="color: #ff0000;">H ჯგუფი</span></strong></p><p><span style="color: #ff0000;"><strong>ლამბერტის იმედად</strong></span></p><p>ამ ტურის ცენტრალური მატჩი კი კიევში გაიმართება. უკრაინა მასზე ერთი ქულით წინ მყოფ ინგლისს უმასპინძლებს და გამარჯვების შემთხვევაში ჯგუფში გალიდერდება.</p><p>ინგლისელებს სერიოზული პრობლემები აქვთ - დენი უელბეკმა მოლდოვასთან ყვითელი ბარათი მიიღო და ამ მატჩში მონაწილეობას ვერ მიიღებს. ტრავმების გამო კი ბრიტანელებს უეინ რუნი და დანიელ სტარიჯი აკლიათ.</p><p>თავდასხმაში როი ჰოჯსონს რიკი ლამბერტის იმედი უნდა ჰქონდეს, რომელმაც ნაკრებში საოცნებო დებიუტი მოიწყო. "საუთჰემპტონის" 31 წლის ფორვარდმა პირველივე შეხვედრაში (შოტლანდიასთან) გამარჯვების მომტანი გოლი გაიტანა, მოლდოვასთან კი ერთი გოლი თავად შეაგდო, ორჯერ კი უელბეკს გაატანინა.</p><p>ამ ჯგუფში სიტუაცია უკიდურესად დაძაბულია და ყველაფერი ბოლო ტურებში გაირკვევა. ამ მომენტისთვის პირველ ორ ადგილზე გასვლის შანსი ოთხ ნაკრებს აქვს და დიდი შანსია, ბოლო ტურამდეც ასე იყოს.</p><p><strong>უკრაინა-ინგლისი 22:45</p><p>სან მარინო-პოლონეთი 22:45</strong></p><p><em>ა გ თ მ ფ წ ბ ქ</em></p><p>1. ინგლისი 7 4 3 0 25-3 15</p><p>2. ჩერნოგორია 8 4 3 1 15-8 15</p><p>3. უკრაინა 7 4 2 1 19-4 14</p><p>4. პოლონეთი 7 2 4 1 13-8 10</p><p>5. მოლდოვა 8 1 2 5 4-15 5</p><p>6. სან მარინო 7 0 0 7 0-38 0</p><p><span style="color: #ff0000;"><strong>ტურნირის </strong></span><span style="color: #ff0000;"><strong>ბომბარდირები:</strong> </span></p><p>8 - ჯეკო (ბოსნია); 6 - ჰემედი (ისრაელი), იბიშევიჩი (ბოსნია), ვან პერსი (ჰოლანდია).</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/mundiali-2014/54554-mundiali-2014-evropa-sakvalifikacio-matchebi-sensaciebis-dghe-evropashi.html" target="_blank">მუნდიალი 2014. ევროპა. საკვალიფიკაციო მატჩები: სენსაციების დღე ევროპაში</a></p>
ბრაზილიაში სურთ, მუნდიალზე გერმანიასთან 1:7 წაგება კალენდარში "შავი ასოებით" აისახოს
ლიონელ მესი: მსოფლიო ჩემპიონატის ფინალს ყოველთვის ვინანებ
ფიფამ კლუბებს ფეხბურთელების მუნდიალზე გაშვების სანაცვლოდ ფული გადაუხადა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
შაქირის რეკორდი - შოტლანდიამ და შვეიცარიამ ქულები გაიყვეს [VIDEO]
საგიჟეთი. გატუზომ ფეხბურთელს შეაგინა - იტალიელთა ორი ავტოგოლი და გამარჯვება
ევრო 2020. საკვალიფიკაციო: გერმანია, ჰოლანდია, ხორვატია და ავსტრია ევროპირველობაზე გავიდნენ [VIDEO]
"საუკეთესო ფორმაში არ ვართ, მეტოქემ ჩვენი შეცდომებით ისარგებლა" - დეშამი იტალიის ნაკრებთან მარცხის შემდეგ
ᓩᓔᕖᓐᓠᓔ ᓞᓠᓐᓜᕓᕔᓚᓘ: ᕕᓘᓪᕘᓗ, ᓠᕝᕒᓝᕠ ᓒᓐᓕᕘᕓᕔᓗ ᓛᕣᓜᕓᕘᓐᓚᓘᕡ ᓤᓘᓜᕐᓚᓨᓘ!
ჰოლანდიის ნაკრების განაცხადი ევროშესარჩევისთვის ცნობილია
ᓒᓔᓠᓛᓐᓜᓘᓘᓡ ᓜᓐᕙᕠᓔᓑᕘ: ᓚᓘᓝᓕᕘᓡ ᓞᕠᓝᓑᓚᓔᕛᓣᕠᓘ ᓢᓠᓘᓝ
ვან პერსი: მატჩის დასრულების შემდეგ ვან გაალმა დამარტყა...
კაცნაკლულმა ესპანეთმა შვეიცარია დაამარცხა - დანიამ სერბეთს სძლია [VIDEO]
ᓤᓔᓚᓘᓥᓡ ᓛᓐᓒᕐᓗᕡ ᓘᓝᓐᓮᓘᓛ ᓚᓘᓝᓕᓘ ᓨᓔᓛᓝᕔᓚᕐᓜᓫᕦᕐ
ბრაზილიაში სურთ, მუნდიალზე გერმანიასთან 1:7 წაგება კალენდარში "შავი ასოებით" აისახოს
საფრანგეთმა ბელგიას, იტალიამ კი ისრაელს მოუგო [VIDEO]
იულიან ნაგელსმანი: წარმოუდგენელია - საქართველოს ნაკრები სულ უფრო და უფრო უკეთესი ხდება
ესპანეთმა გერმანიას დამატებით დროში მოუგო და 1/2-ფინალში გავიდა [VIDEO]
შვეიცარიამ იტალია დაჯაბნა და მეოთხედფინალში გავიდა
შეჩერებული მატჩი, არჩათვლილი გოლი და პენალტი - გერმანიამ დანიას სძლია [VIDEO]
სპალეტის იტალიამ ბელგიას სძლია და 17 ნოემბერს საფრანგეთს უმასპინძლებს
წვალებით - ინგლისმა შვეიცარიას მოუგო [VIDEO]
პიკფორდმა პენალტების სერიაში "შპარგალკა" წარმატებით გამოიყენა
გერმანია შვეიცარიასთან წაგებას გადაურჩა - უნგრეთმა 90+10-ე წუთზე გატანილი გოლით შოტლანდიას მოუგო [VIDEO]
გატუზო თავის სტიქიაშია - ზოგს წაუთაქა, ზოგს სილა გააწნა
ესპანეთთან მატჩის გადათამაშებას 300 000-ზე მეტი გერმანელი ფანი ითხოვს
არეულობა ჰოლანდიაში - თურქი ფანები ადგილობრივებს დაერივნენ [VIDEO]
ანხელ დი მარია - "ეშმაკებში" გაქცეული ანხელი
სპალეტი: ძლიერი ზეწოლის ქვეშ მოვექეცი და ძილი დავკარგე
მანუელ ნოიერმა სანაკრებო კარიერა დაასრულა
ᓥᓐᓚᓔᓑᓛᓐ ᓓᓐᕒᓦᓣᓞᓔᓡ ᓨᓔᓜ, ᓥᓐᓚᓔᓑᓛᓐ! - ᓐᓘ, ᓠᕐᓢᓝᓛ ᓐᓠ ᓛᓘᓰᓧᓐᓕᓡ ᓚᕘᓝᓕᓡ ᓙᓠᓣᕖᕔ
მთავრობამ გადაწყვიტა - დასახელება ჰოლანდია აღარ იარსებებს
რიუდიგერმა შეიძლება პლეი-ოფში ვერ ითამაშოს
რონალდ კუმანი: "ბარსელონა"? - მხოლოდ ევროპირველობის შემდეგ