<p>ოთხი ერის წლევანდელმა გათამაშებამ ეკვატორი გადალახა და 14 სექტემბერს მეოთხე ტურის 2 მატჩი გაიმართება <br> 4 ერის წლევანდელმა გათამაშებამ ეკვატორი გადალახა და 14 სექტემბერს მეოთხე ტურის 2 მატჩი გაიმართება.</p><p>მსოფლიოს საუკეთესო ნაკრები - ახალი ზელანდია ედენ პარკზე სატურნირო ცხრილის ლიდერს, სამხრეთ აფრიკის ნაკრებს უმასპინძლებს და შეეცდება პირველობა ჩამოართვას.</p><p><span style="color: #ff0000;"><strong>ახალი ზელანდია - სამხრეთ აფრიკა</strong></span></p><p>1994 წლის შემდეგ "ოლ ბლექსი" ამ სტადიონზე დაუმარცხებელია და თავდაუზოგავად იბრძოლებს, რათა ეს წარმატებული სერია გააგრძელოს, თუმცა "სპრინბოქსიც" შესანიშნავ სპორტულ ფორმაში იმყოფება - მათ გასულ ტურში ავსტრალიის ნაკრები ბრისბენში სარეკორდო - 26 ქულიანი სხვაობით დაამარცხეს და ბონუს ქულაც ირგუნეს.</p><p>არგენტინასთან მოგებული მატჩის მიუხედავად, მასპინძელთა მთავარმა მწვრთნელმა სტივ ჰანსენმა ძირითად შემადგენლობაში ერთბაშად 5 ცვლილება განახორციელა: შერკინების პირველ ხაზში ბურჯის პოზიციაზე ჩარლი ფაუმუინას ნაცვლად გამოცდილი ოუენ ფრენქსი იასპარეზებს, ხოლო კვაჭად დენ კოული ენდრიუ ჰორის ჩაანაცვლებს.</p><p>მძიმე ტრავმა მიიღო და წლის ბოლომდე ნაკრებს დააკლდება გუნდის კაპიტანი რიჩი მაქქოუ, მის ადგილს სემ კენი დაიკავებს, ხოლო მღლეტავის პოზიციაზე ლიამ მესამი სტივ ლუატუას ჩაანაცვლებს. შუამარბის პოზიციაზე ძირითად შემადგენლობაში ბრუნდება მაა ნონუ, რომელიც სავარაუდოდ რამოდენიმე დღეში გააფორმებს კონტრაქტს - ფრანგულ "კლერმონთან" ევროპულ რაგბიში გადმობარგდება.</p><p>ტრავმა სრულიად მოირჩინა და მწყობრში გახლავთ გუნდის ძირითადი მგეზავი დენ კარტერი, რომლის ფეხჩუბინობაზეც ძალიან ბევრი რამ იქნება დამოკიდებული დღევანდელ მატჩში.</p><p>საზეიმო განწყობაა "სპრინბოქსის" ბანაკში და გასაკვირი ნამდვილად არ გახლავთ ის ფაქტი, რომ გუნდის მთავარმა მწვრთნელმა ჰაინეკ მაიერმა "ვოლაბებთან" მოპოვებული ისტორიული გამარჯვების შემდეგ უცვლელი დატოვა სასტარტო შემადგენლობა.</p><p>სანაკრებო გასვლით მატჩებში თანაგუნდელებს კვლავ ვერ ეხმარება გამოცდილი, 31 წლის ჰავბეკი ფური დუ პრე, რომელსაც იაპონური კლუბი არ ანთავისუფლებს, თუმცა მისი შემცვლელი - უნივერსალი რუან პიენაარი მშვენივრად ართმევს თავს მასზე დაკისრებულ მოვალეობებს.</p><p><strong>ახალი ზელანდია:</strong> 15. იზრაელ დაგი 14. ბენ სმიტი 13. კონრად სმიტი, 12. მაა ნონუ, 11. ჟულიან სავეა 10. დენ კარტერი 9. აარონ სმიტი 8.კირონ რიდი 7.სემ კენი, 6.ლიამ მესამი 5. სემ ვაითლოქი 4.ბროდი რეტალიკი 3. ოუენ ფრენქსი 2.დენ კოული 1. ტონი ვუდკოკი</p><p>სათადარიგოთა სკამი: 16. კევინ მეალამუ 17. ვაით ქროქეთი 18. ჩარლი ფაუმუინა 19. სტივენ ლუატუა 20. მეტ ტოდი 21. ტავერა კერ ბარლოუ 22. ბოდენ ბარეტი 23. ჩარლი პიუტაუ</p><p><strong>სამხრეთ აფრიკა:</strong> 15. ზენ კირხნერი 14. ვილი ლე რუქსი 13. ჯ.ჯ ენგელბრეხტი 12. იან დე ვილიერსი(კ) 11. ბრაიან ჰაბანა 10. მორნე შტეინი 9. რუან პიენაარი 8. დუეინ ვერმიულენი 7. ვილემ ალბერტსი 6. ფრანცუა ლოუ 5. ფილიპ ვან დერ მერვე 4. ებენ ეტზებეთი 3. იან დუ პლესი 2. ბისმარკ დუ პლესი 1. თანდაი მთავარირა</p><p>სათადარიგოთა სკამი: 16. ადრიან შტრაუსი 17. გუტრო სტენკამპი 18. კოენი ოსტუიზენი 19. ჟუანდრე კრუგერი 20. სიია კოლისი 21. იანო ვერმაკი 22. პატ ლემბი 23. იან სერფონტეინი</p><p><span style="color: #ff0000;"><strong>ავსტრალია - არგენტინა</strong></span></p><p>ავსტრალიის ნაკრების რიგებში დიდი არეულობაა. გასულ ტურში ნაწვნევი სამარცხვინო წაგების შემდეგ, ჯოხი გუნდის ლიდერ - ჰავბეკ ვილი გენიაზე გადატყდა და მან სათადარიგოთა სკამზეც გადაინაცვლა, მის ნაცვლად კი 23 წლის ნიკ ვაითი იასპარეზებს.</p><p>საინტერესო იქნება "ვოლაბთა" ახალი კაპიტნის - მარბიელი ბენ მოვენისა და გამოცდილი ხუან მანუელ ლეგუიზამონის დუელი - ორივე მათგანს გააჩნია ლიდერის თვისებები და საკუთარი აქტიური თამაშის წყალობით შეუძლიათ გუნდი წარმატებამდე მიიყვანონ.</p><p>ევან მაკენზის შეგირდები საკუთარ კედლებში გაორმაგებული მოტივაციით დაუპირისპირდებიან მოწინააღმდეგეს და შეეცდებიან პირველი ქულები მოიპოვონ მიმდინარე გათამაშებაში.</p><p>2000 წლიდან მოყოლებული, ამ ნაკრებთა ურთიერთშეხვედრათა ისტორია "ვოლაბების სასარგებლოდ მეტყველებს - 6 შეხვედრიდან მწვანე კონტინენტის ყველა წარმომადგენელმა მოიგო, თუმცა "პუმები" თავის მხრივ აღმავლობის პერიოდს განიცდიან: გასულ უქმეებზე მათ მაღალი დონის რაგბი ითამაშეს ახალი ზელანდიის წინააღმდეგ, რაც მათ იმედებს უსახავს, რომ ნავსს გატეხავენ და პირველ, ისტორიულ გამარჯვებას მოიპოვებენ 4 ერის გათამაშებაში.</p><p><strong>ავსტრალია:</strong> 15. ისრაელ ფოლაუ 14. ჯეიმს ოკონორი 13. ადამ ეშლი კუპერი 12. კრისტიან ლილიაფანო 11. ნიკ კუმინსი 10. ქუადე კუპერი 9. ნიკ ვაითი 8. ბენ მოვენი 7. მაიკლ ჰუპერი 6. სკოტ ფარდი 5. კეინ დუგლასი 4. რობ სიმონსი 3. ბენ ალექსანდერი 2. სტეფან მური 1. ჯეიმს სლიპერი</p><p>სათადარიგოთა სკამი: 16. საია ფაინგა 17. სკოტ სიო 18. სეკოფე კეპუ 19. სიტალეკი ტიმანი 20. ბენ მაკალმანი 21. ვილი გენია 22. მეთ ტუმუა 23. ტევიტა კურიდრანი</p><p><strong>არგენტინა: </strong>15. ხუან მარტინ ჰერნანდესი 14. ჰორაციო აგულა 13. გონსალო ტიესი 12. ფელიპე კონტეპომი 11. ხუან იმჰოფი 10. ნიკოლას სანჩესი 9. ტომას კუბელი 8. ხუან მანუელ ლეგუიზამონი 7. პაბლო მეტარა 6. ხუან მარტინ ფერნანდეს ლობე 5. ხულია ფარიას კაბელო 4. მანუელ კარიზა 3. ხუან ფიგალო 2. აგუსტინ კრევი 1. მარკოს აიერზა</p><p>სათადარიგოთა სკამი: 16. ეუსებიო გუინასი 17. ნაუელ ლობო 18. ხუან პაბლო ორლანდი 19. მარიანო გალარზა 20. ბენჟამინ მაკომე 21. მარტინ ლანდახო 22. სანტიაგო ფერნანდესი 23. ლუკას გონსალეს ამოროსინო</p><p>გიორგი ბარბაქაძე</p><p><strong>ყოველდღიური სპორტული გაზეთი "ლელო"</strong></p>
ynwa
რატომ არ მიჰყავს რეპორტაჟები ზაალს? რა საცოდაობაა ასეთი თამაშების დროს ასეთი კომენტატორის მოსმენა! სად პოულობენ ასეთ ხალხს, არც დიქცია, არც ცოდნა, არც ტაქტიკის ახსნა. თან ისე დაბალი ხმით მოჰყავდა, რომ ძლივს ისმოდა. თითქოს თავისი ხმის ეშინოდა. ერთადერთი კომენტატორი დღესდღეობით ზაალია. მის ცოდნას თვით რაგბისტები აღიარებენ. სულ არ ვიცნობ ამ კაცს, მაგრამ ჩანს, რომ ნამდვილი პროფესიონალია ამ საკითხში და რამდენადაც ვიცი ზე-რაგბის დიდი გულშემატკივარია. ნუთუ არ შეიძლებოდა მისი მოწვევა? GMG-ის კომენტატორებს ხომ იწვევენ სხვა არხებზე ფეხბურთში. თუმცა მათი მოსმენაც, მენტორული ტონის და მაზავშიკური საუბარის ატანა აღარ შეიძლება. დარწმუნებული ვარ ფეხბურთის რეპორტაჟებსაც ამათზე უკეთესად წაიყვანდა ზაალი
"შავი ლომი" "ძებრესთან" დამარცხდა
"შავი ლომი" | 30-ივე მორაგბით სეზონის პირველ მატჩში
ილია ზედგინიძე ქართულ რაგბში დაბრუნდა
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
ბარეტების ერა იწყება - ბოდენ ბარეტი მსოფლიოს საუკეთესო მორაგბეა
მერაბ კვირიკაშვილი მოქმედ მორაგბეებში მსოფლიოს საუკეთესო მექულის წოდებისთვის იბრძვის
რეკორდი: მერაბ კვირიკაშვილი მსოფლიო ათეულს უახლოვდება
საგა დოპინგზე დენ კარტერისთვის გრძელდება
ზე რაგბი. I ტური: პლუს არგენტინა და იაპონია
რაგბის ცოცხალი ლეგენდა დაბრუნდა და სასაცილო ხელფასს დათანხმდა...