სლოვენია-საქართველო ვეტერანთა აზრით

არჩილ არველაძე: "სლოვენიაში გამარჯვება შინაგანი რწმენის განმტკიცებისთვის აუცილებელი იყო" ჩვენმა ნაკრებმა ბოლო მუნდიალის მონაწილე სლოვენია ექსპერიმენტული შემადგენლობით დაამარცხა. ეს უმნიშვნელო მატჩი და მოგება არ იყო. ამიტომ შესაფასებლად ვეტერან ფეხბურთელთა, ორი თაობის წარმომადგენლებს, რამაზ შენგელიასა და არჩილ არველაძეს დავუკავშირდით.რამაზ შენგელია:- ოქტომბერში ლატვიასთან თამაშის შემდეგ თემურ ქეცბაიამ თქვა, რომ სლოვენიასთან გადახალისებული შემადგენლობით ათამაშებდა გუნდს. ამხანაგურ მატჩებს ახალწვეულთა გამოსაცდელად იყენებენ და თემურის გადაწყვეტილებაც სწორი იყო. ყველას გვაინტერესებდა იმ ფეხბურთელების საქმეში ნახვა, რომელთაც ეროვნულ გუნდში თამაშის უნარი და ამბიცია აქვთ. ყველამ ვიცით, რომ ეროვნულის სტაჟიანი წევრები, კალაძე, ასათიანი, კობიაშვილი, ხიზანიშვილი, იაშვილი ხვალ-ზეგ დაასრულებენ კარიერას. ხშირად ისმოდა კითხვა, ისინი რომ წავლენ, ვინ შეცვლის მათ, რა გვეშველებაო. სლოვენიასთან მატჩმა ამ კითხვას პასუხი გასცა. გვყავს ფეხბურთელები, რომლებიც თავის დროზე მათ შეცვლიან.- თაობათა ცვლის პროცესი გარდაუვალია. ზოგი მწვრთნელი ამას ეტაპობრივად აკეთებს, ზოგიც - დაჩქარებული ტემპით. ჩვენთვის რა იქნება შედეგიანი?- გუნდი ცოცხალი ორგანიზმია და, ჩემი აზრით, პროცესების ხელოვნური დაჩქარება სასარგებლო არ იქნება. რადგან ქეცბაიამ ახალი ფეხბურთელები მიიწვია და გამოსცადა ნაკრებში, მას შემდგომი ნაბიჯიც მოფიქრებული და აწონილ-დაწონილი ექნება.ნაკრების მწვრთნელი ჩვენზე უკეთ ხედავს, რა დროს რაა საჭირო და რა დოზით. თემური მაღალი დონის მწვრთნელია და ეს მას არ შეეშლება. ფაქტი ერთია, სლოვენიასთან მატჩს დიდი მნიშვნელობა ჰქონდა. გამოჩნდნენ ფეხბურთელები, რომლებიც ეროვნულში ითამაშებენ. შეგნებულად არ მინდა მათი გვარების ჩამოთვლა. ფსიქოლოგიური თვალსაზრისით, შესაძლოა, გამართლებულიც არ იყოს. საკუთარ თავზე მათ კიდევ ბევრი უნდა იმუშაონ. ამ ბიჭებს დახვეწა და კლასის ამაღლება სჭირდებათ. ვირწმუნოთ, რომ გვაქვს მომავალი... ბოლო-ბოლო, ნუკრი რევიშვილის გარდა კიდევ ერთი მეკარე გამოჩნდა.ძალიან მნიშვნელოვანი იყო ის, რომ ამ ბიჭებმა შეიგრძნეს მოგების გემო, თანაც ეროვნული ნაკრების მაისურით. ეს მათ ფსიქოლოგიურადაც სჭირდებოდათ. უკვე რვა თამაშია, არ წაგვიგია. თუ არ ვცდები, შარშან ჩვენმა ნაკრებმა მოუგებლად ითამაშა. ამ მარცხთა შემდეგ გუნდს წაგებულის ფსიქოლოგია ჰქონდა ჩამოყალიბებული, რაც უკვე სასიკეთოდ შეიცვალა. ხალხსაც იმედი გაუჩნდა... ასე რომ, ეს ძალიან საჭირო მოგება იყო.არჩილ არველაძე:- კოპერში მოგებამ ძალიან გამახარა. თემურსა და ფეხბურთელებს ამ გამარჯვებას ვულოცავ. მართალია, მატჩი ამხანაგური იყო, მაგრამ მოგება, თუნდაც შინაგანი რწმენის განმტკიცებისთვის, აუცილებელი იყო.- ჩვენი გუნდის თამაშში რას გამოარჩევდით?- ბურთს ვიჭერდით და ცენტრამდე კარგად ამოგვქონდა. არ იყო გაუაზრებელი გადაცემები და ბურთის უმისამართოდ მოგერიება. აშკარად ჩანდა, რომ ფეხბურთელები უბურთოდ მოძრაობდნენ, პასს ითხოვდნენ და იღებდნენ კიდეც. ამ შემადგენლობამ ერთად პირველად ითამაშა, მაგრამ გუნდი ფსიქოლოგიურად კარგად იყო მომზადებული, ფეხბურთელებს შიში არ ჰქონდათ. თვალშისაცემი იყო მეკარე გიორგი ლორიას კარგი თამაში. ამით მასსა და რევიშვილს შორის კონკურენცია გაიზრდება, რაც გუნდისთვის და ორივე მათგანისთვის სასარგებლოა. ლორია საიმედოდ იდგა კარში და ეს გუნდსაც დაეტყო, ფეხბურთელები წნეხის გარეშე თამაშობდნენ. სლოვენია გამორჩეულია "სტანდარტულების" კარგი შემსრულებლებით, მაგრამ ჩვენები ამაშიც გაუმკლავდნენ მეტოქეს. ერთსაც დავამატებ, არბიტრმა ჩვენს კარში არასწორად დანიშნა პენალტი.- ფეხბურთელების გარჯას როგორ შეაფასებდით?- ანანიძე, ჩვეულებისამებრ, მოსვენებას არ აძლევდა ბევრად უფროს მეტოქეებს. ხუბუტიამ თავით მოიგო ორთაბრძოლები და დებიუტის კვალობაზე კარგი შთაბეჭდილება დატოვა. მას კიდევ შეუძლია მოუმატოს. შეცვლაზე შესული ფეხბურთელისთვის იოლი არ არის თამაშში სათანადოდ ჩართვა. მით უმეტეს, სტუმრად, თანაც ასეთ გუნდთან. თუმცა ვაწაძე, კაკუბავა და გურული კარგად შევიდნენ და თამაშის გარდატეხაში თავიანთი წვლილი შეიტანეს.არ დაგიმალავთ და, ხოჯავას, კაშიასა და მოდებაძეს მეტი შეუძლიათ... გამიხარდა, დიდი პაუზის შემდეგ კანკავა ნაკრებს რომ დაუბრუნდა.ამ კონტინგენტიდან ოთხ-ხუთ ფეხბურთელს კარგი შანსი აქვს, ნაკრებში ადგილი დაიმკვიდროს. სხვებიც არ არიან უშანსოდ, მაგრამ საკუთარ თავზე ყველამ უნდა იმუშაოს. დაცვაში და შუა ხაზში გუნდი კარგად გამოიყურება, მაგრამ წინ, ცენტრფორვარდის პოზიციაზე გვიჭირს. ამჟამად ნაკრებში სხვებზე უკეთესი გამტანი სირაძეა. სწრაფი ფორვარდი გვინდა. მჭედლიძე თუ გამოჯანმრთელდება და სტაბილურად ითამაშებს, მას შეუძლია იმედის გამართლება.ყოველდღიური სპორტული გაზეთი"ლელო"

mentalitet

არველაძე გამო****ს რას ურეკავთ? 3 იანზე ჩაგაბარათ ინტერვიუ, რასაც ყველა იმეორებს ის გაიმეორა. ხოჯავა გადაღლილი და გამოფიტული იყო რატომ ავიწყდება ყველას?!! ფეხზე ძლივს იდგა ლამის , სულ აქცევდნენ!

GEO TEAM: ხიზანიშვილმა სანიოლის თანაშემწის პოსტი დატოვა

თურქების მეტოქეები გაირკვა - რა გზა ექნებოდა საქართველოს ნაკრებს მუნდიალამდე, ჯგუფში მეორე ადგილი, რომ დაეკავებინა

ავა ვინმე სანიოლის ნაცვლად ეშაფოტზე? - გულშემატკივარი სფფ-სგან მეტ პატივისცემას იმსახურებს

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება