<p>ქართველი გოლიათით ერთბაშად სამი გუნდია დაინტერესებული <br> "ჰაინეკენის თასის" გათამაშების პირველი ტური წარმატებული გამოდგა ქართველ მორაგბეთა გუნდების უმრავლესობისთვის.</p><p>რვა "ქართული გუნდიდან" გამარჯვებას ექვსმა მიაღწია. "ემლინ ჩელენჯ კაპზე" კი</p><p>ორიდან ერთმა მოიგო, ხოლო მეორემ სტუმრად გამართულ მატჩში ფრე გაახერხა.</p><p>A ჯგუფში მძიმე ბრძოლა გადახდა შინ <strong>ანტონ ფეიქრიშვილის</strong> "კასტრს". საფრანგეთის ჩემპიონმა ინგლისურ "ნოსრჰემპთონს" უმასპინძლა და 19:13 გაიმარჯვა.</p><p>გუნდს 14 ქულა სამხრეთაფრიკელმა დამრტყმელმა რორი კროკოთმა მოუტანა. ფეიქრიშვილი ძირითად შემადგენლობაში იყო და 51-ე წუთზე შეცვალეს.</p><p>ამავე ჯგუფში ფავორიტმა ირლანდიურმა "ლენსტერმა" სტუმრად მოუგო უელსურ "ოსფრიზს" - 19:9.</p><p>B ჯგუფში <strong>ლევან ჩილაჩავასა</strong> და <strong>კონსტანტინე მიქაუტაძის</strong> "ტულონმა" შინ შესანიშნავი სანახაობა გამართა შოტლანდიურ "გლაზგოსთან" დაპირისპირებაში, რომელიც "კელტთა ლიგის" ლიდერია.</p><p>ტულონელებმა პირველი ტაიმი მშრალი ანგარიშით, 34:0 მოიგეს. შესვენების შემდეგ კი თავს ოდნავ მოდუნების უფლება მისცეს. შედეგად, შოტლანდიურმა კლუბმა 63-ე წუთისთვის ანგარიშში სხვაობა 13 ქულამდე შეამცირა - 28:41.</p><p>დასკვნით 15 წუთში "ტულონმა" ისევ შეძლო მატჩის სადავეების ხელში აღება და მეტოქეს 51:28 მოუგო. ქართველ მორაგბეებს არ უთამაშიათ. ამავე ჯგუფში ინგლისურმა "ექსეტერმა" შინ დაამარცხა უელსური "კარდიფი" - 44:29.</p><p>C ჯგუფში მოასპარეზე <strong>ჯაბა ბრეგვაძისა</strong> და <strong>ვასილ კაკოვინის</strong> "ტულუზს", სხვებთან შედარებით, სუსტი მეტოქე ჰყავდა.</p><p>ევროპული რაგბის გრანდი იტალიურ "ზებრეს" შინ იოლად გაუსწორდა - 38:5. ბრეგვაძე და კაკოვინი ტრავმირებულნი არიან და არ უთამაშიათ. "ტულუზის" რეალურმა კონკურენტმა, ინგლისურმა "სარასენზმა" სტუმრად მოუგო ირლანდიურ "ქონოთს" - 23:17.</p><p>D ჯგუფში ერთმანეთს ქართველ მორაგბეთა გუნდები დაუპირისპირდნენ. პარიზში <strong>დავით ხინჩაგიშვილის</strong> "მეტრო რასინგმა" <strong>დავით ზირაქაშვილის</strong> "კლერმონს" უმასპინძლა და 13:9 მოუგო.</p><p>საქართველოს ნაკრების შერკინების ბურჯები ერთმანეთის პირისპირ იდგნენ. აღსანიშნავია, რომ პირველი ტაიმი "კლერმონმა" მოიგო - 9:3. მასპინძლები 53-ე წუთისთვის დაწინაურდნენ - 13:9 და მას შემდეგ ანგარიში აღარ შეცვლილა.</p><p>ზირაქაშვილი 51-ე წუთზე შეცვალეს, ხინჩაგიშვილი არბიტრმა 64-ე წუთზე გაასინბინა და ათი წუთის შემდეგ შეცვალეს. ამავე ჯგუფში უელსურმა "ჰლანეჰლიმ" სტუმრად მოუგო ინგლისურ "ჰარლიქვინზს" - 33:26.</p><p>E ჯგუფში სტუმრად დაგეგმილი გამარჯვება მოიპოვა <strong>მამუკა გორგოძისა</strong> და <strong>მიხეილ ნარიაშვილის</strong> "მონპელიემ". ჩვენებურთა გუნდმა ტრევიზოში ადგილობრივ "ბენეტონს" სძლია - 27:10. გორგოძემ, რომელიც 25-ე წუთზე გაასინბინეს, სრულად ითამაშა.</p><p>14 ოქტომბერს ყოველდღიურმა ფრანგულმა სარაგბო გაზეთმა "მიდი ოლიმპიკმა" ინფორმაცია გაავრცელა, რომლის მიხედვითაც, გორგოძემ შესაძლოა მალე "მონპელიე" დატოვოს.</p><p>მას უკვე ჰქონია შეხვედრა კატალონიური "პერპინიანის" მფლობელებთან. საქართველოს ნაკრების ლიდერის თავის რიგებში ხილვის სურვილი ისევ გამოუთქვამს "ტულონს".</p><p>მესამე გუნდი, რომელსაც "გულივერაზე" პრეტენზია აქვს, პარიზული "სტად ფრანსეა".</p><p>F ჯგუფში <strong>დიმიტრი ბასილაიას</strong> "ედინბურგმა" შინ დაამარცხა ირლანდიური "მანსტერი" - 29:23. ბასილაია ძირითად შემადგენლობაში იყო და 61-ე წუთზე შეცვალეს.</p><p>ამავე ჯგუფში მოასპარეზე გიორგი ჟღენტის "პერპინიანმა" სტუმრად წააგო ინგლისურ "გლოსტერთან" - 22:27. ჟღენტი თამაშში 41-ე წუთიდან ჩაერთო.</p><p><span style="color: #ff0000;"><strong>ჰაინეკენის თასი</p><p></strong></span><strong>A ჯგუფი</p><p></strong>კასტრი-ნორსჰემპთონი 19:13, ოსფრიზი-ლენსტერი 9:19</p><p><em>სატურნირო მდგომარეობა</p><p></em>1. ლენსტერი - 4 ქულა, 2. კასტრი - 4, 3. ნორსჰემპთონი - 1, 4. ოსფრიზი - 0.</p><p><span style="text-decoration: underline;">II ტური</p><p></span>ლენსტერი-კასტრი, ნორსჰემპთონი-ოსფრიზი</p><p><strong>B ჯგუფი</p><p></strong>ექსეტერი-კარდიფი 44:29, ტულონი-გლაზგო 51:28</p><p><em>სატურნირო მდგომარეობა</p><p></em>1. ტულონი - 5 ქულა, 2. ექსეტერი - 5, 3. კარდიფი - 1, 4. გლაზგო - 1.</p><p><span style="text-decoration: underline;">II ტური</p><p></span>კარდიფი-ტულონი, გლაზგო-ექსეტერი</p><p><strong>C ჯგუფი</p><p></strong>ქონოთი-სარასენზი 17:23, ტულუზი-ზებრე 38:5</p><p><em>სატურნირო მდგომარეობა</p><p></em>1. ტულუზი - 5 ქულა, 2. სარასენზი - 4, 3. კონოთი - 1, 4. ზებრე - 0.</p><p><span style="text-decoration: underline;">II ტური</p><p></span>სარასენზი-ტულუზი, ზებრე-ქონოთი</p><p><strong>D ჯგუფი</p><p></strong>ჰარლიქვინზი-ჰლანეჰლი 26:33, მეტრო რასინგი-კლერმონი 13:9</p><p><em>სატურნირო მდგომარეობა</p><p></em>1. ჰლანეჰლი - 4 ქულა, 2. მეტრო რასინგი - 4, 3. კლერმონი - 1, 4. ჰარლიქვინზი - 1.</p><p><span style="text-decoration: underline;">II ტური</p><p></span>ჰლანეჰლი-მეტრო რასინგი, კლერმონი-ჰარლიქვინზი</p><p><strong>E ჯგუფი</p><p></strong>ალსტერი-ლესტერი 22:16, ბენეტონი-მონპელიე 10:27</p><p><em>სატურნირო მდგომარეობა</p><p></em>1. მონპელიე - 4 ქულა, 2. ალსტერი - 4, 3. ლესტერი - 1, 4. ბენეტონი - 0.</p><p><span style="text-decoration: underline;">II ტური</p><p></span>ლესტერი-ბენეტონი, მონპელიე-ალსტერი</p><p><strong>F ჯგუფი</p><p></strong>ედინბურგი-მანსტერი 29:23, გლოსტერი-პერპინიანი 27:22</p><p><em>სატურნირო მდგომარეობა</p><p></em>1. ედინბურგი - 4 ქულა, 2. გლოსტერი - 4, 3. პერპინიანი - 1, 4. მანსტერი - 1.</p><p><span style="text-decoration: underline;">II ტური</p><p></span>მანსტერი-გლოსტერი, პერპინიანი-ედინბურგი</p><p>"ემლინ ჩელენჯ კაპის" გათამაშებაში წარმატებული სტარტი აიღო E ჯგუფში მოასპარეზე <strong>ზურაბ ჟვანიასა</strong> და <strong>დავით ქუბრიაშვილის</strong> "სტად ფრანსემ", რომელმაც შინ დაამარცხა პორტუგალიური "ლუზიტანოსი" - 61:3.</p><p>ჟვანია ძირითად შემადგენლობაში იყო და 56-ე წუთზე შეცვალეს, ქუბრიაშვილი მოედანზე ხუთი წუთით ადრე გამოჩნდა.</p><p>C ჯგუფში მოასპარეზე <strong>გოდერძი შველიძისა</strong> და <strong>კარლენ ასეიშვილის</strong> "ბრივმა" სტუმრად ფრედ ითამაშა იტალიურ "კალვიზანოსთან" - 20:20. ქართველ მორაგბეებს არ უთამაშიათ.</p><p><span style="color: #ff0000;"><strong>ემლინ ჩელენჯ კაპი</p><p></strong></span><strong>A ჯგუფი</p><p></strong>სეილ შარქსი - ბიარიცი 33:10, ოიონაქსი-ვორსტერი 9:9</p><p><em>სატურნირო მდგომარეობა</p><p></em>1. სეილ შარქსი - 4 ქულა, 2. ოიონაქსი - 2, 3. ვორსტერი - 2, 4. ბიარიცი - 0.</p><p><span style="text-decoration: underline;">II ტური</p><p></span>ბიარიცი-ოიონაქსი, ვორსტერი-სეილ შარქსი</p><p><strong>B ჯგუფი</p><p></strong>ნიუპორტი-მოლიანო 50:8, ბორდო-ბასი 6:15</p><p><em>სატურნირო მდგომარეობა</p><p></em>1. ნიუპორტი - 5 ქულა, 2. ბასი - 4, 3. ბორდო - 0, 4. მოლიანო - 0.</p><p><span style="text-decoration: underline;">II ტური</p><p></span>მოლიანო-ბორდო, ბასი-ნიუპორტი</p><p><strong>C ჯგუფი</p><p></strong>ბუქარესტი-ნიუკასლი 12:13, კალვიზანო-ბრივი 20:20</p><p><em>სატურნირო მდგომარეობა</p><p></em>1. ნიუკასლი - 4 ქულა, 2. ბრივი - 2, 3. კალვიზანო - 2, 4. ბუქარესტი - 1.</p><p><span style="text-decoration: underline;">II ტური</p><p></span>ბუქარესტი-კალვიზანო, ბრივი-ნიუკასლი</p><p><strong>D ჯგუფი</p><p></strong>ბაიონი-გრენობლი 37:6, ვიადანა-ვოსფსი 17:90</p><p><em>სატურნირო მდგომარეობა</p><p></em>1. ვოსფსი - 5 ქულა, 2. ბაიონი - 5, 3. გრენობლი - 0, 4. ვიადანა - 0.</p><p><span style="text-decoration: underline;">II ტური</p><p></span>ვოსფსი-ბაიონი, გრენობლი-ვიადანა</p><p><strong>E ჯგუფი</p><p></strong>სტად ფრანსე-ლუზიტანოსი 61:3, ლონდონ აირიში-პრატო 60:11</p><p><em>სატურნირო მდგომა</em><em>რეობა</p><p></em>1. სტად ფრანსე - 5 ქულა, 2. ლონდონ აირიში - 5, პრატო - 0, 4. ლუზიტანოსი - 0.</p><p><span style="text-decoration: underline;">II ტური</p><p></span>ლუზიტანოსი-ლონდონ აირიში, პრატო-სტად ფრანსე</p><p><strong>ყოველდღიური სპორტული გაზეთი "ლელო"</strong></p>
lasha
ჩვენი გუნდები რატო არ თამაშობენ ამ თასებზე?
გია ხარაიშვილს "ბარბაროსებში" უხმეს
დავით ბოლღაშვილის "მონაკომ" ფედერალ 1-ში დაბრუნება იზეიმა!
ნიკა ამაშუკელი საუკეთესო მსაჯთა ათეულში დაასახელეს
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
მამუკა გორგოძე: ვიძლევი გარანტიას, რომ არავინ დაიჩაგრება
ქართველი მორაგბეების ლელოები ჩემპიონთა თასზე
დავითაშვილის "სენტ-ეტიენი" 100%-იანი შედეგით მიიწევს წინ
"ამ ბიჭს პირადად არ ვიცნობ, მაგრამ..." - რას აცხადებს მამუკა გორგოძე ხვიჩა კვარაცხელიაზე?
გორგოძის ფაქტორი ფრანგულ ვიზიტში
წიტაიშვილმა შეუცვლელად ითამაშა - "მეცი" თასზე მეორელიგელთან განადგურდა
"შავმა ლომმა" "მონპელიე" მხოლოდ პირველ ტაიმში დაჯაბნა
"შავი ლომი" | ტოპ 14-ისა და ჩელენჯ თასის ორგზის ჩემპიონი თბილისში
"სენტ-ეტიენმა" გაიმარჯვა - დავითაშვილმა ტრავმა მიიღო
მამუკა გორგოძე - ქართველი ლეგენდა RugbyPass-ის დიდების დარბაზში
როცა ზელანდიასთან საუკეთესო გორგოძე გახდა - იტალიელების ფიქრი რევანშზე და საქართველოს ნაკრები სერიოზული მატჩებით
მამუკა გორგოძე დირექტორთა საბჭოში
მამუკა გორგოძემ ტოპ 14 ორი ლელოთი დაიწყო! [VIDEO]
მამუკა გორგოძემ TOP 14-ის პირველ ტურში ტრავმა მიიღო და 3 თვე გაუცდება
"შავი ლომი" ჩელენჯ თასს "მონპელიეთი" იწყებს
Blog-rct.com: 53 წუთში მამუკა გორგოძემ ტიტანური სამუშაო შეასრულა
ბექა გიგაშვილი ფრანგულ გრანდში, "ტულონში" გადავიდა
ლევან ჩილაჩავამ "გრენობლს" ლელო დაუდო [VIDEO]