<p>ფეხბურთელი, რომელსაც ერთ დროს "ქართული ფეხბურთის იმედად" მოიხსენიებდნენ, ფორმის აღდგენას ბოლნისის "სიონში" ცდილობს <br> <span style="font-size: x-small;"><span style="color: #888888;"><em><strong>ფოტოზე: ირაკლი სამხარაძე (მარჯვნივ)</strong></em></span></span></p><p>"სიონმა" ბოლო ტურში ქუთაისის "ტორპედოსთან" სტუმრად მნიშვნელოვანი ქულა მოიპოვა. მიუხედავად იმისა, რომ ბოლნისურ გუნდში ბევრი ცნობილი მოთამაშე ირიცხება, საკადრო პრობლემები ჯერჯერობით მოუგვარებელი რჩება.</p><p>ჰოლანდიის ახალგაზრდულ ნაკრებთან შეხვედრისას თბილისის "დინამოდან" იჯარით აყვანილი <strong>არჩილ ტვილდიანი</strong> დაშავდა და ამის გამო "ტორპედოსთან" არ უთამაშია.</p><p>კლუბის პრესატაშე <strong>ჯემალ ჭიპაშვილის</strong> თქმით, ტვილდიანი მინიმუმ ერთი თვე დაისვენებს. მას კოჭი დაუზიანდა და სერიოზული მკურნალობა სჭირდება. "სიონმა" ერთ-ერთ კლინიკასთან ხელშეკრულება გააფორმა და მკურნალობის ხარჯებს საკუთარ თავზე აიღებს. 20 წლის მარჯვენა მცველი ვარჯიშს პირველი ეტაპის დასრულებამდე განაახლებს.</p><p>უახლოეს პერიოდში გუნდს ვერც <strong>ლადო ახალაია</strong> დაეხმარება, რომელმაც მიმდინარე სეზონში ფორმა აღიდგინა. 31 წლის ფორვარდს მუხლიც სტკივა და მხარიც ამოვარდნილი აქვს.</p><p>სამაგიეროდ, "სიონის" მთავარ მწვრთნელ <strong>გიორგი კიკნაძეს</strong> გამოცდილი ფეხბურთელების ეიმედება. მათ ფორმა აღიდგინეს და "ტორპედოსთან" საკმაოდ კარგადაც ითამაშეს. ლაპარაკია <strong>თორნიკე აფციაურზე, დავით იმედაშვილსა</strong> და განსაკუთრებით, <strong>ირაკლი სამხარაძეზე</strong>.</p><p>სამხარაძე კიკნაძის ერთ-ერთი იმედია. მასზე ყურადღება იმიტომ გავამახვილეთ, რომ "ტორპედოსთან" თავი არა მხოლოდ ულამაზესი გოლით, არამედ მშვენიერი თამაშითაც გამოიჩინა.</p><p>30 წლის ცენტრალური ნახევარმცველი ფეხბურთს ერთწლიანი პაუზის შემდეგ ცხინვალის "სპარტაკში" დაუბრუნდა და ახლა "სიონში" ფორმის აღდგენას ცდილობს. "ტორპედოსთან" მატჩში სამხარაძე სტუმართა შორის ერთ-ერთი საუკეთესო იყო - მოედნის ცენტრში მისმა აზრიანმა მოქმედებებმა, გადაცემებმა, თამაშის მიმართულების დროულმა და აზრიანმა ცვლამ და ორთაბრძოლებში ეფექტურმა თამაშმაც განაპირობა ის, რომ "სიონმა" ერთ-ერთ ლიდერს ქულები დააკარგვინა.</p><p>არადა, დღეს სამხარაძეს საქართველოში კი არა, იქ უნდა ეთამაშა, სადაც დიდი ფეხბურთია. 15 წლის ასაკში მას ფრანგული "ნიცა" და "სენტ ეტიენი" ყოველგვარი სინჯების გარეშე იწვევდნენ და "ქართული ფეხბურთის იმედადაც" მოიხსენიებდნენ.</p><p>სამხარაძე საქართველოს ასაკობრივი ნაკრებების ლიდერიც იყო. ამას გარდა, 2001-02 წლებში გერმანული "კარლსრუეს" დუბლებში თამაშობდა, 2002-04 წლებში - თბილისის "დინამოში", იყო თბილისის "ლოკომოტივის" ლიდერი და 2008 წლის დასაწყისში კლუბთან 10-წლიანი კონტრაქტიც გააფორმა. ამით ის და <strong>ნიკა გუშარაშვილი</strong> ჩვენი ფეხბურთის ისტორიაში შევიდნენ - არც მანამდე და არც მას შემდეგ საქართველოში ასეთი ხანგრძლივი კონტრაქტი არავის გაუფორმებია.</p><p>დასანანი კი ის არის, რომ ნიჭი სრულად ვერ გამოავლინა...</p><p>სამხარაძეს კარიერაში დიდი პაუზები ჰქონდა: პირველად - 2004 წელს, როცა თბილისის "დინამო" დატოვა; მეორედ - 2009 წლის მაისში, თბილისის "ლოკომოტივი" პირველ ლიგაში რომ დაქვეითდა და გუნდი ლიდერებთან ერთად დატოვა. ფეხბურთს 2012 წლის თებერვალში ცხინვალის "სპარტაკში" დაბრუნდა.</p><p>თუმცა შარშან, მაისში, "სპარტაკი" უმაღლეს ლიგას დაემშვიდობა, სამხარაძე კი კვლავ უფეხბურთოდ დარჩა.</p><p><em></p><p>"ჩემზე მეტად გული არავის სწყდება, კარიერა რომ ვერ ავაწყვე. ახლა მსურს დავამტკიცო, რომ თამაში 30 წლის ასაკშიც შემიძლია. 2011 წლის მაისის მერე არ მითამაშია, მხოლოდ ჩემთვის ვვარჯიშობდი.</p><p>კარიერის დასაწყისშიც რომ ახლანდელივით მონდომებული ვყოფილიყავი, ბევრს მივაღწევდი. მაგრამ ხომ იცით, ჩვენთან როგორც ხდება - 30 წელს მიტანებულ ფეხბურთელს კლუბების უმრავლესობა არ სწყალობს. მხოლოდ გიორგი კიკნაძე მენდო და "სიონში" მიმიყვანა.</p><p>როცა კაცი გენდობა, არ უნდა უღალატო. მეც ვცდილობ, გუნდს გამოვადგე. თუმცა, ორი წელია მოსამზადებელ შეკრებაზე არ ვყოფილვარ და სასურველ ფორმაში ჯერ არ ვარ. გუნდში ვარჯიშიც მაშინ დავიწყე, როცა შეკრებიდან ჩამოვიდნენ. ფორმაში შესვლას ახლა ვცდილობ.</p><p>უკვე 4 შეხვედრა ჩავატარე და უკეთესობას ვგრძნობ. მიხარია, ქუთაისის "ტორპედოსთან" გუნდს გოლით რომ დავეხმარე. გაცილებით მეტიც შემიძლია. რაც მთავარია, მონდომებასთან ერთად, ახლა რეჟიმსაც მკაცრად ვიცავ.</p><p>სხვათა შორის, შემპირდნენ კიდეც - ფორმას თუ აღვიდგენ, უცხოეთში კლუბს მომიძებნიან.</p><p>ასეა თუ ისე, თამაშის ჟინი ჯერ კიდევ მაქვს",</em> - ამბობს სამხარაძე.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
VIDEO | ეროვნული ლიგა | "სპაერი" ფლეი აუტს ვერ ასცდება, ფაცაციას სასწაული გოლი...
VIDEO | ეროვნული ლიგა | დინამო (თბ) 1-1 ტორპედო. არაფრისმომტანი ფრე
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
[VIDEO] მოურინიომ რონალდოს შესახებ დასმულ კითხვაზე საუბარი არ ისურვა და პრესკონფერენცია დატოვა
ახალი კონტრაქტი ბრაჰიმ დიასს - მაროკოელი "რეალში" კიდევ დიდხანს დარჩება
[VIDEO] ზივზივაზემ გერმანიაში დაბრუნებისთანავე გაიტანა
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
ერთა ლიგის პლეი-ოფში საქართველოს ნაკრების მეტოქე ცნობილია
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"თუ ისინი გაიფიცებიან, ნახავთ როგორ გაათავისუფლებენ ინფანტინოს" - როტენმა მესის, რონალდოსა და მბაპეს მიმართა
"ჩელსიში" გადასვლას არ ვნანობ, მაგრამ..." - ფერნანდო ტორესმა "ლივერპულის" დატოვებაზე ისაუბრა
"MLS-ი არასერიოზული ლიგაა, აქ ფეხბურთელებს პროფესიონალიზმი აკლიათ" - მიულერმა ამერიკელები გაანაწყენა
"ჩემი ოცნება "არსენალში" გადასვლა იყო, მაგრამ აგენტი ჩემს ინტერესებს არასდროს იცავდა" - მუდრიკმა "შახტარიდან" "ჩელსიში" ტრანსფერი გაიხსენა
დუბაის დიდი ქამბექი ლიმასოლში | შენგელიას გუნდმა ბოლდუინის მაკაბი დაამარცხა
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
მიხეილ სააკაშვილი: ამ ფეხბურთელებმა ქრთამი აიღეს რუსეთის სატრაპისგან - ზუსტად ამ 30 მილიონის შემდეგ, სულ უფრო ცუდად წავიდა ნაკრების საქმე
"ბარსელონა" გერმანიის ნაკრების მცველის შეძენას შეეცდება
"ბორჯღალოსნები" | ექვსი ცვლილება ჩემპიონთა ჯახში
ანგისას "ნაპოლიდან" წასვლა უნდა
Football Insider: მიქაუტაძის სასწრაფოდ შეძენის სერიოზული სურვილი პრემიერლიგის ორ კლუბს აქვს
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"გაგრამ " "ტორპედო" მინიმალური ანგარიშით დაამარცხა [VIDEO]
ბოლნისის "სიონმა" "საბურთალო" დაამარცხა [VIDEO]
საქართველოს ორი ჩემპიონი ერთმანეთის პირისპირ - შესამჩნევი იაპონელი და განელებზე კარგი შთაბეჭდილებით
"შევარდენს" ახალი მთავარი მწვრთნელი ჰყავს
საქართველოს თასი. 1/4-ფინალის წინ: დღეს ისტორია იწერება!
გიორგი კიკნაძე თბილისის "შევარდენი 1906-ს" გაწვრთნის
რობერტო მანჩინი კონსტანტინე სარსანიაზე: ის დიდი პიროვნება იყო...
გიორგი კიკნაძე: ხერხემალს გამოცდილები ქმნიან
კვირის 1000 წვრილმანი: მთავარია სურვილი
ეროვნული ლიგა. XIV ტური. "სიონი" - "დილა" [LIVE]
ეროვნული ლიგა. XVII ტური. "ტორპედო" - "სიონი" [LIVE]
სიონი-ვიტ ჯორჯია 3:3 - კურდღელაშვილის ფაქტორი
ტორპედო-სიონი 1:1 - ქულა ხუთი მცველით [VIDEO]
ეროვნული ლიგა. IV ტური: "საბურთალომ" გორში "დილას" მოუგო
გიორგი კიკნაძე: ჩვენს ახალგაზრდულ ნაკრებს ბევრი შეუძლია!
ლოკომოტივი-ტორპედო 1:1 - დანავსული დღე [VIDEO]
ეროვნული ლიგა. XXX ტური. "სიონი" - "დინამო" თბ [LIVE]